العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
أيهما يربح حب الزوج أو الظروف والأهل
السلام عليكم أتمنى من الجميع المشاركه ومن لديه بالذااااات تجربه وخبره من خلال مشكله حصلت او موقف المطلوب الإراء بكل صدق بعيداً جداً عن القسوة قريب جداً من العاطفه يعني تكفون لاتزيدون النار حطب انا خلقتي محتارة بالشي اللي يحصل لي كذا مره يعني رجااااء خاص من لم يعجبه كلامي ولا إستفساري لايعلق ولايرد ويتعبني اكثر مشكلتي بإختصار يمكن واضحه من العنوان انا قبل خمس سنوات تزوجت شخص حبيته حنون كريم وحبني مثل ماحبيته وكان هو متزوج وعنده اطفال وانا كان عندي ولد عمره في ذيك السنه 7 سنوات وكان عايش معي ولقى ماينقصه في حياته مع زوجته عندي وانا لقيت ماكنت فاقدته بطليقي ابو ولدي ....وشرط علي يكون بالسر علشان ماتزعل زوجته وأهله لان زوجته من اقاربه وله اولاد منها وكانت شخصيته ضعيفه عندها فطبعا انا وافقت اهم شي اعيش معه لاني حبيته وحبني وحسينا اانا مكملين بعضنا وعشنا على هالحال بس شهرين تقريبا...وفجأة انقطع عني لايرد بالجوال ولاصار يجي وانشغل بالي عليه وصرت ادق باستمرار وارسل رسايل وبعد اسبوع جى عندي وهو مهموم وضايق صدره مره سألته ايش فيك عسى ماشر ليش ماترد علي كان طمنتي لو برساله..قال انا في مشكله كبيره...زوجتي واهلي عرفو بالزواج ووامي وابوي زعلانين واشغلوني بالأسئله وقلتلهم اني خاطب بس .. هم الحين زعلانين وزوجتي مقيمه الدنيا وتقول لازم تفسخ الخطبه ولازم ولازم ولازم....مشكلته انه ضعيف الشخصيه جداً جداً عندها وعند اهله ...وتركني وانا بحسرة وحيره وانقطع عني شهر ارسل له ادق عليه مايرد وانا تعبت وطبعا معي قولون وفجاءة بعد التعب اللي زاد علي اكتشف اني حامل هذه الطامه الكبرى وشولن وهذا حالي معه..وبعد مازهقت انه مايرد علي ارسلت له رساله اشكي حالي له واني حامل وانجن جنونه وجى طيران وقال انا تعبان نفسيا ابدور حل وزجتي مكبره المشكله ومضيقه علي عيشيتي واهلي ....وشولن تحملين قلت مو بكيفي غصب عني ماتوقعت اصلا ىخر دوره قبل اتزوجك...وكذا...وكان والدي تعبان واهلي لاحظو ان نفسيتي تعبانه وصار يسالون ليش مايجي يشوف الوالد وانا اخلق الأعذار حتى تعبت مره مسافر مره معزوم مره مسافر بوالدته....وكذا واتوفى الوالد وهذه اللي فضحتني طلبت انه يجي للعزى بس مجامله ولاجى يقول اخاف احد يشوفني هناك ((طبعا التواصل بيني انا وياه بس رسايل وهو يجاوبني برسايل) وبدى بطني يكبر وفي وقت العزى للوالد تعبت عليهم وأخذوني للمستشفى واكتشفو اني حامل ليش ماعلمتينا ليش خبيتي عنا موضوع الحمل ليش ليش ؟؟؟وش اقول... اقولهم انه طلب انه ينزل الجنين وانه جى وعطاني دواء عشبي انزل الجنين بس ربي ماكتب ان الجنين ينزل..وسحان الله وفجاءة اسمع من الناس انه مطلقني وصرت ادق مايرد ارسل مايرد ورحت اتأكد من المحكمه برجولي واذا بورقة الطلاق عند الشيخ ويسلمني اياها واذا بي يغمي علي عنده من الصدمه ليش؟؟؟وش ذنبي؟؟؟ليش اصير ضحية ظروف زوجة واهله؟؟؟ الى هالدرجة ضعيفه شخصيته واتطلق وانا حامل بالشهر الثالث تقريبا...فلما عرف اخوي بالموضوع راح لعنده بالعمل ومسكه على جنب.. قال ليش طلقتها ايش قصرت معك فيه قال اختك اي رجل يتمناها ويشهد الله انها مقصرت بحقي ابد بس النصيب ماجمع بيننا .. واللي بطنها متكفل فيه وفي اختك بعد حتى تولد ..بس هذا ماقدر يقول لاخوي..!! وصرت ارسل له رسايل ولامجيب..واتصلت والدته تبي تتعرف علي بعد ماعرفت انه موضوع زواج مو خطبه وصارت تسأل اسئله غريبه وتلومني على كل شي وتقول انت اخطيتي واتحملي ماجاك ...ليش ترضين بالسر...بكل ثقه قلت لها اني حبيته ووافقت على كل شي يريحه ويرضيه بعد ماشرح لي وضعه مع زوجته...قالت غلطانه والللي صار لك كله منك انتي انتي خربتي العلاقه بينهم وانيت وانتي ...ومع تعب النفسيه المستمر ولدت بالشهر السابع قيصيريه وتفاجاءت ان والدته قدامي بعد ماصحيت من البنج تقول مبروك جبتي بنت ولاتشوفينها نبي ناخذها نربيها..بعد ماتطلع من الحضانه....انا وافقت لاني ماشفتها واقنعتني بكلامها وانا تعبانه قالت علشان تتزوجين وانيت صغيره وحرام تتركين الزواج علشانها ولد من اب وبنت من أب ...بس سبحان من أوجد الحنان بقلب الأم اول ماجابو البنت اشوفها وارضعتها حنيت لها وصرت ابكي وابكي ورفضت انها تلمس شعره منها هذه بنتي....هذه شافت الموت ببطني ..من كذا علاج اخذته كان يعطيني اياها يبي يسقطها..ومن خلال اني طحت كم مره وانا حامل فيها...سبحان اللي كاتب انها تشوف الدنيا ليش القسوه الى هالدرجه...؟؟؟؟ليش الأنانيه...؟؟ وبعد النفاس صار ياخذون البنت يشوفونها كزياره اما هو مجرد ماعرفت زوجته اني ولدت على طول سافرو برى المملكه تخاف انه يشوف البنت ويحن لي ....حسبي الله عليها وصارت البنت ياخذونها حتى عمر سنه يشوفونها وينادونه يشوفها عندهم بدون علم زوجته ولصعوبة الحال المادي والنفسي تقدم لي رجل صالح واستئذنت بالزواج هو نفسه أب البنت ووافق وبعد 5 شهور واذا اتفاجاء انه يتصل علي يقول اباخذ البنت يالزوج يالبنت انا مابي بنتي تعيش مع غير ابوها وصار يهددني وكثرت اتصالاته وطبعا طلبت الطلاق...وتطلقت...وصار يتصل كثير ويسأل عن البنت كثير وانا حنيبت له لاني احبه ولاحظت يطلب اننا ترجع لعلاقتنا بالأتصالات واللقاءات وانه يحبني ومانساني بس الظروف اقوى منه...وانا فرحت اني اشوف بنتي في حضنه يبوسها ويضمها لاني محرومه من الحنان انا وبنتي قلت له خلينا نتزوج بالسر مثل قبل ونعيش بعيد بدون مايدري احد خلاص اهلك وزجتك عارفين اننا تطلقنا قال صعب نعيش بالظلام يانعيش بالنور او لا...بس خلينا كذا احسن بدون مايعرف احد...انا رفضت وغيرت رقم جوالي وطلعت عن البيت اللي كنت ساكنه فيه وعارفه...وكل مايتقدم لي احد يعرف ويجيب رقمي يهددني بالبنت وانا ارفض ....تصدقون حتى انه يضمها بدفتر العائله رافض علشان زوجته طبعا....ودخلت محامي بالموضوع لضمها بس تراجعت خفت انه يحقد علي ويجمع بقلبه واذا كملت 7 سنوات ياخذها مني.... البنت كملت خمس سنوات واحتاجت مصاريف للروضه وطلبت منه وصار يرسل لها وهو كريم مايقصر ويرسل لها مع المصروف...طلب اني اضيفه بلأيميل واضفته وصرنا نتكلم بالمسنجر ونتذكر الذكريات وحنيننا لها . ...قلت ابطلب منك طلب قال اذا الزواج لاتتكلمين فيه ارجوك انتي عارفه الوضع هو يبيني وانا ابيه ونحب بعضنا بس الظروف واقفه بيننا ليش؟؟ اكتفينا بالمكالمات والمسنجر والرسايل...طلب انه يشوفوني ورفضت قلت خلنا كذا احسن انا ضعيفه وانت ضعيف خلنا بعيدين قريبين...قريبين بالقلوب بعيدين بالإجساد يكفي انك تشوف بنتك عند امك...وانا خلني بصوتي بس... وهذا حالي معاه الان... ابي منكم رايكم هل معقوله اننا ننحرم من بعضنا علشان الظروف والأهل؟؟؟!!!! هل معقوله ان الشخص ينحرم من ابسط حقوقه وهو ممارسة الحب بكل اطمنئان بسبب الأهل؟؟ ليش الظلم ؟؟ ليش اكون ضحيه بين حب محروم وبين ظروف اهل واستقرار طيب حاولت انساه....حاولت احقد عليه بعد معاملته لي بهجره لي وانا عروس وحتى طلقني وانا حامل ...بس عجزت احبه...ولو انا مو متأكده انه يحبني كان مافكرت فيه..بس انا وياه ضحيه الأهل عندي صورته وهو حاضن البنت وعمرها سنه وقصيده بصوته عني ...حافظتها بمجلد خاص باللاب توب هدية الزواج والهدايا الباقيه مازلت عندي محتفظه فيها....ذكرياته كلها عندي ارجوكم دلوني وريحوني وش اسوي ؟؟ خاصه انه متقدم لي شخص وخايفه اوافق ابي اوافق لصعوبة المعيشه والحياه بالدنيا وابي من يساعدني على ظروف الحياه ابوي متوفي واخواني مشغولين عني ولايعرفوني الا بالمناسبات وكذلك ان صحتي على قدي وابي من ياخذ بيدي ...وبين ان قلبي معه واذا درى اني متزوجه راح يجن جنونه ولا له طريقه الا يهددني ببنتي لكبريائه بدون مايصرح بحبه لي... تكفون ريحوني برد بس مو اي رد..ابي رد يريح الخاطر بدون قسوه علي اساسا انا تعبانه ومابي من يتعبني اكثر يعني ردو علي بقلب حنون
|
#2
|
||||
|
||||
الله يكون بعونك بس الحب مايوكل عيش ومو كل من حب عاش معه انسيه وشوفي طريقك اذا مايبيك كازوجة اتركيه اصلا لو يحبك كان سوا المستحيل عشانك مو يخاف انا مستغربة وشلون الوحدة تحب خواف وش فايدة الحب اذا صار مافي ضمان بالاستمرار والاستقرار خليه ذكرى حلوة وعيشي حياتك مع رجل شاريك ويرزك عند الناس مو يخفيك كنك غلط بحياته والله يوفقك بزوج يحبك وينسيك هموم الدنيا واكثري من الاستغفار والدعاء ربي مايرد عباده
|
#3
|
||||
|
||||
شكرا حبيبيتي على مرورك
ويارب اقدر انساه واعيش بسلام
|
#4
|
|||
|
|||
مقبرة الزوجة ضعف شخصية الزوج
ولكن .. لاتسوين خطأ تندمين عليه هذا شبيه الرجل ماأخذك عشان يحبك أخذك عشان شهوته . أختي أرجو ماتكون الغمامة اللي على عيونك حب وبس خليك واقعية عمر الكلام مايسوي شيء اللي يحب لو هو ماتزوجت قاوم أهله وزوجته والناس علشان يظفر بمحبوبته ولوكان ماله شخصية موب بس ضعيفة شخصيته . هذا الإنسان تخلى عنك وأنت بذمته وحامل من صلبه أي حب وأي شخصية ..... خليك واقعية ولاتبذلين حبك وشعورك إلا للي يستاهل . وإذا جاك بكرى يقول نرجع بالستر أوغيره يبي يتزوجك بالستر إرفضييييي ممكن تتنازلين عن سكن عن نفقة لكن إعلان الزواج مستحيل الله يوفقك لاتهدمين حياتك بأوهام والتجئي الى الله فهو نعم الوكيل
|
#5
|
|||
|
|||
نسيت أقول لك تزوجي من اللي تقدم لك وجيبي ذرية ولاتوقفين حياتك على هالبنت حتى لو أخذها
والأكيد أنه ماراح يحطها عند زوجته وإنما عند أمه وحضانة أمك و ولوجدتك عايشة قبل أمه شرعا . يعني لاتخافين على بنتك تزوجي وكوني لزوجك الجديد أحسن من الأول وتذكري عيوب الأول لو كانت صغيرة بنظرك وحطيها ببالك هذا يبي غزل ولعب خلاص قسم بالله نظرته دونية . وبنتك إذا كان تبين تعطينه إياه وتضمنين تربيته التربية الصالحة وإلا خلي أمك ترفع حضانة البنت بالمحكمة وعلى طول يسلمه الشيخ البنت . أخيرا أختي لاتظلمين نفسك ومستقبلك وتظلمين المسكين اللي خاطبك
|
#6
|
||||
|
||||
والله غريبه لهدرجه جبان هالرجال اذا يبيك يتزوجك قدام الناس هذا حقك
أي حب الي يتكلم عنه وش تبي بالشخص هذا من جد تافه أحقريه ولا تعطيه وجه ولا تراسلينه مالت عليه وعلى حبه ماهو بكفو انسيه وعيشي حياتك مع رجال يعزك ويقدرك ويحفظ كرامتك مو واحد يذلك ويعيشك بأوهام
|
#7
|
|||||||||||||||||||||||||
|
|||||||||||||||||||||||||
شااااااااكرة مرورك اخي المرقب
ورأيك على عيني وراسي وعين العقل بس يارب اقدر انساه انا حاولت انساه خمس سنوات ماقدرت البنت تذكرني فيه غصب وبكل لحظة ألم سببها لي ولكن محتاره اللي خاطبني رقم 20 هذا وانا ارفض بسبب خوفي منه وخوفي من ابعاد بنتي عني ولكن اللي متقدم لافتره هذه شارط عدم الإعلان حاله حال غيره اللي اتقدمو لي قبل ومحتاره بين شرطه انه جاي علي ظروفي حيث اني انا مابي الإعلان زيه خايفه من ابو البنت وبين انه رجل دين وامام مسجد وداعيه معروف في منطقة القصيم والكل يشهد بإخلاقه الطيبه واخوي متشجع له ولدينه ولكن تبقى الحيره موجودة وهو خاطبني من اسبوعين ولم ارد عليه محتاره ارجو تاخذ بيدي وتعطيني رايك ودمت بحفظ الرحمن
|
#8
|
|||||||||||||||||||||||||
|
|||||||||||||||||||||||||
ربي يحفظ يالغاليه دلوعه
ومرورك على موضوعي اسعدني وياليت اقدر وابحاول اني انساه وغصب عني ارسله علشان بنته البنت هي اللي معلقتني فيه مو بيدي ومن ناحية رجل يعزني ويقدرني ياااارب اتوفق مع واحد من هالنوع مع اني اتوقع بعيد علي استقر واعيش براحه انا وعيالي مع واحد يحبني لنفسي ويحترمني شااااااكره لك وربي يحفظك ولاتنسيني من دعاءك حبيبيتي
|
#9
|
|||
|
|||
إسمعي الله يوفقك
أنت عندك مشكلتين ماهب واحدة ولابد تكونين حازمة ومركزة في قراراتك 1/أبوالبنت :لازم تقطعين الوصل من جذوره يعني إنك تغيرين جوالك ولالك علاقة فيه أبد وإذا طلب البنت عن طريق أخوك او أمك ويفهمونه واصبري وكما قلت لك تذكري الأشياء الي تكرهك فيه , والماضي الجميل اللي تقولين إنسيه لأنه صار سرااااب . (والخيرة خفية) 2/ البنت: أنت لابد تنظرين للمستقبل لك ولبنتك لايكون مستقبلك مربوط ببنتك تأكدي إنه تبي تعيش عندك بس يطيح اللي برأس أبوها إذا جفيتيه ويجدعه عليك أو تأخذينها بطلب حضانة أمك لها ولاتظلمين ذريتك من بعد هالبنت قدامك المستقبل والعيال والبنات والزوج اللي يكون سند لك ولمستقبلك ويعينك على هالدنيا . أما وش رأيي بزواج بالسر أنا ماأراه أبدا وإعلان النكاح من شروط الزواج أما إن الرجل ذو أخلاق ودين وتخافين تخسرينه خلي احد يسأله وش السبب يبي الزواج سري . لاتكونين بنظرة الرجال مجرد (شهوة )
|
#10
|
||||
|
||||
والله يااختى انتي بها الوضع قسيتي على نفسك كثير
لاتدعين على زوجته وتحسبين عليها هذي حياتها ودام هي عارفه لزوجها انتي ماللك ذنب يوم تزوجتيه الذنب عليه هو لو مو رجال وقد زواج الثاني انثبر عند مرته وبعد ما حملتي لو هو مونذل ما تنازل عنك بس مقاصده واضحه لاتقولين حب اي حب الي بيضيعني وبيضيع عيالي معي فكري بها نقطه الزواج للك استقرار ولهم امان ان كان واحد خايف ربه علاقتك معه اكبر غلط انتي ما نسيتيه عشان متأمله عليه ادعي ربك ينسيك اياه وتوكلي على الله وتزوجي بعد استخاره حي مستقبللك وابنائك قدام عيونك لو كان باقي للك حب عنده البي حضانه البنت وهو يزورها ان ما وافق خليها عند امه و انتي زوريها او يرسلونها للك بس لاتضيعين وتضيعين عياللك الله يزول همك ويرزقك الصالح من خلقه ويصلح عياللك تحياتي للك
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |