العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
قصائد المدح في ... ( قبائل شبه الجزيره العربيه )
الموضوع عباره عن القصائد التي مدحت فيها (قبائل الجزيرة العربية ) لكي يتوفر لنا مادةٌ ثرية عن أهم الصفات التي افتخرت بها القبائل العربية قبيلة عتيبه القصيدة : للشاعر ( كديميس بن صالح العصيمي العتيبي) في مدح قبيلته عتيبه وهي قصيدة رائعةٌ جداً وفيها معاني بديعة ، قال فيها: سر يالقلم ننقـض كـلام المحاميـن لصـارت الدعـوه حمايـا حمـانـا نقض الحجج لابد لـه مـن براهيـن ومعنـا شـهـادة وفــا لادعـانـا ومن مدنا بالصاع نجـزاه صاعيـن واللـي يعادينـا علـيـه اعتـدانـا كان الحميـدي وازمـلاه متصافيـن على الحكي فيمـا مـا تقـدم حكانـا تلحقـوا غـارات نـاسٍ قديمـيـن واخطوا وحنا مـن خطاهـم خطانـا ودام الشريعه تاخـذ العيـن بالعيـن حنا مـا تقضـي الشريعـه قضانـا حنـا بميـزان المعـانـي ثقيلـيـن وعلـى مماشينـا بعـيـدٍ مـدانـا هيهات لو حولت عكـس الموازيـن قضا القضا فيمـا مضـى وانتهانـا انتم رجـال(ن) بالمعـارك غثيثيـن لكـن مـا تلحـق اخطاكـم اخطانـا حنـا عتيبـه ملحقـيـن المخلـيـن بعنـا بسـوق الطايـلات وشـرانـا قوم(ن) على صولات الايام ضاريـن لو عضنا نـاب الدهـر مـا قوانـا يهابنـا الطمـاع لـو قلبـه اذهيـن نبطـش محـلات الطمـع لاغزانـا لنـا سلـوم(ن) غاليـات المثاميـن سلومنـا محـدن حملـهـا سـوانـا في سلم لوماء الوجه عـام وشهريـن وابخيلنـا مامـون داخـل حمـانـا ثلاثمايـة يـوم تــزداد ستـيـن تنحـا المنايـا عنـه هيبـة لحانـا ومن حده الموت الحمَـر والدياييـن تخير الحصـن الحصيـن ونصانـا وبالحين نملـى فارغـات الموازيـن جيب الصحون ومكرمـات الصيانـا للضيـف والجيـران والمستحقـيـن إليـا مـن وهـاب العطايـا عطانـا ابيوتنـا للضيـف مثـل البساتـيـن يفرح بـه الملهـوف ليلـة ضوانـا نجـود بالماجـود بالعسـر والليـن وضحك الحجاج وما حلا مـن نبانـا حنا على حفظ المواجيـب حرصيـن مانعطـي الطرقـي قراطيـع مانـا والجار لـه واجـب وحنـا وفييـن ندعيـه للكرامـه ولـو مـا دعانـا جيرانـا دايـم حشـام وعزيزييـن وندرا شرفهـم عـن كـلام اسفهانـا حنا بوجـه الجـار دايـم جديديـن يزيـد مـع زايـد اسنينـه وفـانـا وان جاء نهار المعمعه واللغا الشيـن نبيـع غـلا الـروح دون اقصرانـا وان راح ما نشـدق قفـاه بسكاكيـن نحمي مجالـه عقـب عنـه انتحانـا وخوينا لو هو مـن اللـي معاديـن يأمـن بنـا فـي كـل درب مشانـا ولصرنا مع الخوي بدرب(ن) متخاوين نرعى الحقـوق ولانخـون خويانـا وحنا منازلنـا ورا حضـن ويميـن هاذيـك ديرتـنـا فيـهـا نشـانـا وجينا نبا المربـاع عنـد القحاطيـن يـوم الزمـان بحـد سيفـه حدانـا وقالوا لنا ما تاسـع الـدار شيخيـن ونجد العذيـه تحـت فيـت عصانـا وتشاوروا طلقين الآريـا الحكيميـن احد(ن) ومر بالحرب واحد(ن) نهانـا واحتار من يختـار بيـن الأمرّيـن امـا الدهـر ولا سيـوف اقبـلانـا وتقـرر المحـدار بالخـط والقيـن نمـرن فأولهـا يـرفـرف لـوانـا وندري مـا قدامنـا مزرعـة تيـن لكن علـى روس الافاعـي وطانـا زحنا قبايل نجد عـن نجـد قسميـن وجينـا بمثنـات الـبـلاد وبنـانـا عاداتنـا نخلـي سـروج المسنيـن وأول مـوردت السهـوم أومـرانـا حمّـايـة السـاقـات فالمقـلـيـن باموالهـم يرفـون فـقـر فقـرانـا وليا جاء الامر بين القبيلـة حليليـن حلـوا مشاكلنـا وحـازوا رضانـا وعبدالعزيز اللي رفع رايـة الديـن اللـي ليـا خـم النشيـط يتـوانـا اللي تخاضع لـه رقـاب الفراعيـن مـن هيبتـه كـلٍ يريـد الأمـانـا بالسيف صارعنـاه وسـط المياديـن وانتـم تخامرتـوا سـوات السمانـا ماعمرنـا نذعـن لحكـم السلاطيـن إلا بيـوم(ن) ينتصـر بـه حـدانـا اخبارنا قد هـزت الهنـد والصيـن ولا همنا الهيس العـور لـو هجانـا ولو كان فالاعلام ضمـن المذيعيـن البـاع قاصـر والطويـل اللسـانـا وقـولٍ نقولـه ثابـتٍ بالـدواويـن وتاريـخ نجـد المعتمـد مانسـانـا ايـام عرجـا قـد عطتنـا نياشيـن وفي ايام معتـق يشهـدون اعتقانـا العفـو عنـد المقـدره للكريمـيـن وحنـا ليـا منـا قـدرنـا عفيـنـا هـذا كـلام يفّـحـم المستحقـيـن وعاداتنـا نقطـع لـسـان طّلبـانـا
|
#2
|
||||
|
||||
بني رشيد القصيدة الشهيرة ( حنا سلايل عبس ) للشاعر ( مساعد الرشيدي) : أدخل على الله وأسلم الأمر تسليـم أستغفـره وأستذكـره وأستميحـه وضح النوايا والمسـاري مجاهيـم والحلم غالـي والليالـي شحيحـه سـادت مفاهيـم وبـادت مفاهيـم ويح الزمن يابنت الأجـواد ويحـه خلي علـوم ممسسيـن المرازيـم واخذي علوم مصمصمين القريحه حنا سلايل عبـس يامذيـر الريـم حنـا مقابيـس الوغـى يامليحـه حنا سلايل قاسـم الخيـل ودليـم وزعاتنـا يـوم المكايـد رجيحـه بدو حفايا مـا انصفتنـا المقاسيـم وبصدورنا عـزٍ تطـارخ فحيحـه نرعى رفيف البرق في ساقة الغيم ومن يستبيح حدودنـا مـا نبيحـه وليا ترع في هرجته دفش وبهيـم خطو الهبود الي تكابـر فطيحـه عن ساقط الهرجه نطق الملاطيـم ومن طاح فيها مارحمنـا مطيحـه نكبر عن الطفسه ونجزع من الضيم ونموت ما ناطا شليـل الفضيحـه نزوم زومات الرجـال المحاشيـم ونهد هـدات النمـور الجريحـه ربـع علـى در المنايـا مفاطيـم من هازنا زاغت عجوزه تصيحـه أليـا تغشلينـا عسيـر الشغاميـم لومك على الي ما يبرهن مديحـه وان لولشـن محشمـات الملاثيـم والموت حثرب بالحناجر ضبيحـه جينا من اقصانا سحـاب مراديـم كل يذكي حروتـه عـن نطيحـه يازيـن دح قفوشنـا لـه ترانيـم والعج واقف والفعايـل صريحـه كان المنايا سوقهـا مابعـد سيـم والخوف برك بالقلـوب الكسيحـه حنـا زباينهـا علـي المـلازيـم علـم يقريـه النصيـح لنصيحـه واللي بنـا بيتـه نبيـه ابراهيـم إنا طريـق المستميـت لضريحـه بني رشيد إن عتـم الجـو تعتيـم ما للـردى فينـا ملامـح وليحـه اجسر من الرعاد واكرم من الديـم سمر الجباه اهـل الوجيـه الفليـح خوينـا نقريـه عـزه وتحشـيـم دخيلنا دونه عن المـوت صيحـه يابنـت ماحنـا فقـارى معاديـم لو ما سكنـا بالقصـور الفسيحـه تجار لو ما حاشت يدينـا ملاليـم ومن الغنـاه نفوسنـا مستريحـه مانستضيق اليـا لفونـا معازيـم للضيف لو نذبـح حدينـا ذبيحـه دايـم يدينـا للعطايـا موالـيـم لاخانت الفزعـه وجيـه كليحـه طال القريض ومقبـل الودومقيـم والبـال عييـا طارقـه لايريحـه أقولها وأبصم على القول تبصيـم والعلم بين زايفـه مـن صحيحـه ماهو قصور بالحرار الصماصيـم كل بدرب العز قـد هـب ريحـه مدحي لربعـي مايـذم الأكاريـم ولايستشـك الا خبيـث الشريحـه والحق واضح للرجـال المفاهيـم والحقد يخرث بالنفـوس القبيحـه والشر من جيت معزي وهـو نيـم واليوم وحده والشريعـه سميحـه
|
#3
|
||||
|
||||
قبيلة حرب قصيدة: ابن خربوش الشمري .. في قبيلة حرب ... في عام 1365هأ حصل بعض المساجلات الشعرية بين الشاعر محمد الحداري السليمي الحربي والشاعر عبدالرحمن بن معيتق العنزي رحمه الله وكان من عادة الشعراء في السابق اذا ارسل مندوباً الى شخص آخر عليه ان يذكر في قصيدته المنازل التى يمر بها مندوبه ويصف كرم اهلها ، لكن الشاعر عبدالرحمن بن معيتق العنزي وجه قصيدة الي محمد الحداري الحربي ولم يذكر بلدة الشاعر فرج بن خربوش الشمري رحمه الله في جبل سلمى مما اغضبه وجعله يقول قصيدة يعاتب فيها ابن معيتق على تجاهله لبلدة سلمى بلدة ابن خربوش وجماعته من شمر ويمدح قبيلة حرب ويعدد بعض شيوخها ورجالها المشهورين وتروي بعض آبيات هذه القصيدة بروايات مختلفة وفي اعتقادي المتواضع ان هذه الرواية هي اصح الروايات حيث وجدت مكتوبة من قبل حسن بن صالح بن ناقي نقلاً عن الشاعر ابن خربوش عام 1371هـ . يقول الشاعرالكبير/ فرج بن خربوش الشمري رحمه الله يا راكبًُ(ن) من فـوق زيـن المشاديـد متحـدر(ن) مـن روس عالـي جبـالـه ممشاه مـن سلمـى عطاهـا الرواعيـد الاجنبـي وان جـاه يعـطـي جمـالـه من جاه في سلم العـرب بالشـرف زيـد ومن جاه فـي حـرب(ن) تعـزز لحالـه من راس ابـن خربـوش ماهيـب تقليـد مـن دار ذربيـن اللـغـى والجـزالـه والنضو ركابـه علـي كيـف مـا اريـد لابـن معيـتـق زاعجـيـن الرسـالـه يهلـي بـراع النضـو قبـل التناشـيـد ريـف الركـاب اللـي توامـي حبـالـه ويقلـط العـانـي بـزيـن المقاعـيـد ويسيـح عنـد منـفـد الـبـن بـالـه قل وش علم جيشك مر سلمـى مسانيـد هـل اللحيسـه مكرمـة مـن عنـا لـه ورك(ن) بوجه الهجن لا جـن مصاعيـد قدامهـن الوافيـن فـي كــل حـالـه الضيف يعطونه علـي كيـف مـا يريـد ويقعـدونـه بــي مـكـان الشكـالـه علي النعـي مثـل المحـوص المواريـد يحيون باللـي فـاض مـع راس جالـه حب اللقيمـي ميرهـم مـع نمـى الغيـد وفنجـال بـن مونسـه مــع كمـالـه بـدو(ن) تنفـد غالـي الـبـن تنفـيـد بـدلال وارفـاف(ن) طـويـل ظـلالـه ذولا مـحـاديـر(ن) وذولا مسـانـيـد يهـلـون بالرجـلـي وراع الزمـالـه شرقي جبـل سلمـى قرايـا المساعيـد ملافـظ الشـريـان تـرهـم شمـالـه جيـشـك تعـدانـا ويـاخـذ تصـاديـد دليـل جيشـك فـوتـه مــن هبـالـه ومثلـك يشيـم عـن كثيـر الهرابـيـد والا نـعـرف الطـيـبـه والفـسـالـه معزبكـم المذكـور يـا عـل مـا يفيـد يـا حيـف ليتـك بـارز(ن) بـه لحالـه على خـلاك مسـوي(ن) قـد مـا تريـد والا سكـت ودامـح(ن) لــه خمـالـه كـل العـرب فيهـا خـتـوش ملابـيـد شخوص العرب مـا تندمـر مـن حثالـه حرب(ن) من القبلة الـى ادنـى تخاديـد يامـا بحـرب(ن) مـن رجـال الشكالـه ويامـا بحـرب(ن) مـن كـرام صناديـد ويامـا بهـم مـن مدركيـن الجمـالـه ويامـا بهـم مـن مشبعيـن المـراديـد شيـوخ(ن) تنفـد مالـهـا دون حـالـه معنـا صداقتـهـم سنـيـن سرامـيـد وراع الثنـا مـا ينـجـزى بالفسـالـه ابـن نحيـت ينـفـد المـلـح تنفـيـد مـن كـون بقعـا عندنـا لـه جمـالـه مع شمر(ن) ورد علـى المـوت توريـد أرخـى علـى حـوض المنايـا حبـالـه ويـوم المليـدا شـدد الحـرب تشـديـد مرقب غضي(ن) نشـده وش جـرى لـه ربعه بنـى سالـم مشـوا والجمـل قيـد يوم ابو ضيـف الله بـراي(ن) عبـا لـه وضيف الله شوق اللـي نهـوده مقاعيـد رخيـص مـا باليـد ثقيـل(ن) بحـالـه أليـن مـن الماهـود مـا بـه عواقيـد حـلال قــالات(ن) تلـولـس حبـالـه واخـوان حسنـا للمـجـوخ صيايـيـد بالسيـف ردوا عـنـد تـالـي ثقـالـه فـي درب ابـو جـلال تلقـى المفاريـد تشدى دروايش(ن) عـن الـدرب عالـه جـلال شـوق اللـي طماحـه تصاديـد مربوعـة حـشـو المنـقـش جمـالـه ورد لجـام السيـف بالـراس تـوريـد بيـوم بـه الخفـرات تـرمـي شيـالـه بني علي ربعه علـى كيـف مـا يريـد ترعى بهم شقح(ن) على الحمـض مالـه واخوان نـورة تكـرم الضيـف وتزيـد تـورثـوا بــاس المـهـادي وبـالـه يرعن بهم الزرفـات فيـض(ن) وتسنيـد مع حجرف(ن) سيف(ن) وراي(ن) برى له وناهس صليب الشـور عقـب صناديـد عقب شيوخ(ن) تفـرح اللـي عنـى لـه وغالب ابـن مقحـم ذرى كـل رعديـد زبـن الحصـان اللـي توطـا حثـالـه إلــي تعـلـوا طايـعـات المقـاويـد كـم مـن طمـوح(ن) قلدوهـا حبـالـه اللـي قنـص بالحـر صيـاد وايفـيـد واللـي قنـص بالتبـع عـزى لحـالـه وفيحـان يثنـي دون شـقـح موالـيـد وان ضيعـت عقـب الضبابـة عيـالـه وكـم سنـدت خيـل المضاييـن تسنيـد ومن ذل فنجال الشـرف مـا مشـى لـه يا مال طوبى ماجـد(ن) عندهـن صيـد وجحيـش والعبـد المطـرف بـرى لـه كــل نخـبـره بالثـنـا والتمـاجـيـد ابـن صميعـر فرحـة اللـى عنـا لـه مـن دون ضيفـه ورد النفـس توريـد فكـه مـن الحكـام وارخـص حـلالـه عقيـد عيـرات(ن) تـبـوج البـراريـد دار الـعـدو لازم يـــدوج بـجـالـه نـزه الشـوارب عـن جميـع العواقيـد الله يحـل الشايـب اللـي غــدا لــه وخلف ابـن ناحـل مضيفـه تقـل عيـد اللـي عطـى الزمـال مـن حـر مالـه ونافـل ابـن غميـض يشريـه ويزيـد راعـي الخـروف يربحـه لا عنـى لـه والنعـم بالناقـي الـى جـا جويـريـد تلقـى الشبـب ببيوتـهـم والشكـالـه نفوسهـم للضـيـف مـابـه عواقـيـد أهـل المليحـا يــوم جــود عقـالـه وزيدان ابن مطلـق الـى جـن عراجيـد ذيـب السميـن اللـي تـعـرم حيـالـه هدات حر(ن) طالـع فـي جـلا الصيـد صيده مـن الجـزلات مـا هـي هزالـه ليا ما لقـى ضـان(ن) كـرم بالمعاويـد مخيمـر ابـن مطلـق صبـي الجزالـه راع الكـرم والجـود بالفعـل وايـزيـد جعـلـه لجـنـات النعـايـم نـوالــه ورباح ومحمـد علـى كيـف مـا اريـد والمرجلـة مـسـوا مثـانـي حبـالـه والماكـر الطـيـب لربـعـه مقاصـيـد ومن جـث مـن خـو(ن) تبيـن قبالـه شيـوخ حـرب والـكـرام الصنـاديـد ذبيـت عنهـم يـوم صـارت شكـالـه الطيـب ان جيـتـه يــزودك تـزويـد والحنظـلـي مــا يقبلـونـه عيـالـه
|
#4
|
||||
|
||||
قبيلة مطير قصيدة جميلة في مدح قبيلة مطير للشاعر حنيف بن سعيدان وهو من الشعراء البارزين الذين خلدت اشعارهم لما لها من الصدى الطيب وجزالة المعنى وإليك القصيده : الا قيل وين مطير واخفن الأرمـاس الـراس بيـن محقـبـه واللهابــه كزوا لهم من عقب الأمطار عسـاس وتباشـروا بالصلـب كثـرة شرابـه وتقودوا فرسانهم قحـص الأفـراس وحطوا جنيـح شـدة مـن حرابـه يتلون ابن سلطان قطّـاع الأرمـاس دين علـى ولـد الدويـش ووفابـه يقدا جمـوع كنهـا نـاب الأطعـاس وصم الحوافـر مـا عرفنـا حسابـه اسم على جسم وجـد علـى سـاس وفعل قديم مـن عصـور الصحابـه ياشيخنا مالـك حلـيّ مـن النـاس كونك صباح وكـون غيـرك نهابـه كونك كبير ومنـه الأجنـاب تقتـاس اليا واجه الطرقي الأخر حكـى بـه مثـل نهـار يـوم الأريـاق يبّـاس من ذاق ضرب ايمانهم ما سعـى بـه خلي على صيانهـم حمـر الأكيـاس والبن الأشقر ما اهتنوا فـي شرابـه ولا يزاعم الدوشان كود انقر الـراس الله يمّن خـوف مـن لا سعـى بـه امهارهم في غبـة الكـون غطّـاس وايمانهـم ترمـي العشـى للذيابـه لبّاسة الماهـود والـدرع والطـاس ومصقّلـن تدنـي المنايـا ذبـابـه يجلي عن الكبد الصدا سلـة المـاس يـوم تقطّـع بالرضيمـه ضبـابـه من ضرب علوى خيلهم تمرس امراس امـراس صيـد مقتفيـتـه ذيـابـه ما عفّتوهن عنـد زينـات الأجنـاس وعند البكـار اللـي لهـن انحطابـه عدونا يصبر علـى كسـرة البـاس وصديقنـا يفـتـق زرار الحـرابـه والذود جعله فدوتن لك عـن البـاس ياشوق من كـن الزهـر فـي لبابـه
|
#5
|
||||
|
||||
قبائل قحطان قصيده في جميع قبائل قحطان هذه القصيدة شاملة لجميع قبائل قحطان سواء كانت في الجنوب أو نجد مثل (ال حمّير وال عبيان وال داوود وبني هاجر والشرمان وال حمراء يرجعون من شريف) و (أل سعد يرجعون في الحباب والحباب يرجعون في سنحان) و (المسارده والفهر يرجعون في عبيده) و(الخنافر وال عاطف يرجعون في سنحان) و( الحماله يرجعون في بني بشر). وقد حصلت على هذه المعلومات من الشيخ:عوض بن محمد بن صالح ال عبيان القحطاني من سكان مدينه الحرجه بلاد قحطان. وهذه القصيده للشاعر خداش من ال عابس من قبيله عبيده قحطان احد شعراء قحاطين الجنوب. إن سلتني يا لجنبي مـن التجاريـب فحاشد هل البنـدق ويـام الحلامـي وسنحان مثل الصقر رؤس المراقيب من خوفهم نهيب على السطح بـادي وشريف يوم الضيق تروي المضاريب إلى حامه الهيجـى ولهدلـق الذيـب وعبيده اللي مثـل طـور الغمامـي كمن صبي قـد فتقنـا بـه الريـق وبني بشـر اللـي فرطهـم تمامـي عند الغضب ماتصلـح الا بتنصيـب ورفيده اللي مثـل غالـي الوسامـي تشيل الحمول في جنوبهـا مشاذيـب وشهران تطمر لي قد الزرق حامـي ما ترجـع إلا بالدمـي المخاضيـب وعسير من قحطان بحـر الظلامـي أهل الكرم والجود وأهل التراحيـب لـرد بـه عنـد البنـادر خيـامـي فعرب تسؤم أدميها فـي المجاليـب فن سلتني يا لجنبـي مـن كلامـي ماجاك مني فـي نشيـدي تجاريـب تسعه شهـور فـي بـلاد التهامـي وتسعه شهور في بـلاد المناصيـب باقي العرب من غرب تيـه وشامـي مثل الغنم لدرعـه فـي المضاريـب شهرين لـو انـه دانيهـا الهيامـي شي عشى صقر وشي عشـى ذيـب شف ذا سلامي عد ركـع الأمامـي واعداد ما خط القلم فـي المكاتيـب
|
#6
|
||||
|
||||
قبيلة الظفير هذي قصيدة في قبيلة الظفير العزيزة للشاعر / حواس الصميدي الظفيري يالقرم شب النار واحمس من البـن واحمس لنا من بن صنعا عجايـب ثم دقها في قلـب نجـرن ليـا دن حسه جمع غياب وابليـس غايـب وخلها تفوح بهيلها عقب ماطحـن وخلط معه مسمار والكيف طايـب واليا اركدت سقها على شايب امسن وقهوه الرجال بدورهم عقب شايب فنجال اشقر يقعد الراس وان حـن قلب عليه مـن الليالـي غلايـب في مجلس مافيـه نفـس تواطـن قول النميمـه والنميمـه ذهايـب واذكر لنـا منهـو فعولـه يعـدن سوا لنا بالمجـد علـم وسبايـب يوم انه بسيف ورمح ( ن ) مسنن شبرم قوي الباس عطب الضرايب لاثار عج الخيل والخيـل صفـن صفت رموش المترفات الحبايـب يسوق روحه دون ربعـه ولكـن سوق الريـاح العاتيـه للهبايـب صاح المصيح اكثر الخيل غـارن يقودهن شبرم حصـان الطلايـب زيزوم حرب وبالحرايب تقل جـن والمـا بـدم الييعاديـه رايــب عيبه اليا عيبن انفوسـن وعيبـن سمن يصب فوق حيـل صبايـب عيبه اليا عيبن انفوسـن وعيبـن سيفه على العدوان جر المصايـب وعقبه خلاوي من المراجل تمكـن ليث ولـد ليـث يفـك النشايـب لا كثرة القالات ما يخلف الضـن يشـدي لنـار تسطليبـه لهايـب وردن عطاشى وصدرن حين روين حدب السيوف الي بها السم ذايـب من قابلـه يلعـن نهـاره ويلعـن حضن رمابه بين خيـل وركايـب ومحمد ضـون نجومـه وشعّـن نجمة تعلى فوق بيـض السحايـب ريف الضعيف الي لياليـه خلـن حاله نحيل ودمع عينـه سكايـب يعطي ولا يتبـع عطايـاه بالمـن يعطي ولا يرجي سوى الله ثايـب من عقبهم منوه علومـه شهرهـن علمه شهر لعـداه قبـل القرايـب اخوان هو والمجد مجـده تكـون اما وصلـه طيـب ول غصايـب نوخ ركاب الطيب عنـده وناخـن ركاب العقل يومه صغيرن وشايب وحيلن يقلطهـن ينـدي شحمهـن ليث شجـاع حـر ماقيـل هايـب اكرم من غيوم يصبـن مطرهـن واشجع من الضرغام وقت الحرايب هذاك بنـدر والعـذاري يعجـزن مثله يجيبـن ماشطـات الذوايـب والطيب له خيل ونايـف عسفهـن بيدين نايف كل اوبهـن قضايـب شيـخ مواكيـر الشكالـه رقاهـن ما للردي يمـه طريـق وسبايـب كم من سجين اطلعه عقب مااسجن وادعى هله ضحاك عقب النحايـب هو عزوة نفوسن من الوقت قاسـن مثل الجبل يرسي بوجه النوايـب نايف وله عـادات مثلـه ينوفـن حر ينـوف بنايفـات الهضايـب من الكـرم تلقـى يدينـه ينـدن ابـو شناتـي والفعايـل رهايـب يشدي غوم(ن) رودمن ثم صبـن خير على خير عزيـز الخبايـب (واخوان صبحه)والركايب يحنـن اهل المغازي والعلـوم العذايـب اهل الكرم والطيب ربعي وانا من (اخوان صبحه)لابتي والقرايب ** الي لهم بالحـرب علـم معنـوون اهل السيوف الي تقص الصلايـب (طماح )ربعي بالملاقى لهـم فـن (لالولشن)البيض حمر العصايـب شالو سيوف وحدرهم خيل شالـن اكرام انفوس اطياب وارثةاطيـاب من قاصر (الطماح)لخيـر عيـن ومن ضدهم تكثر بـداره خريـب بفعالهم شبعـن جـوارح وشبعـن ذيابـه بالليـل جـرت قنـايـب وصلاة ربي عد ماالمـزن هلـن واعـداد ماعيـن تهلـه سكايـب على الذي للحـق وضـح وبيـن على النبي الي بكـوه الصحايـب * اخوان صبحى ... لقب لقبيلة الجواسم من الظفير .
|
#7
|
||||
|
||||
قبائل بني تميم هذه القصيدة كتبها الشاعر ناصر المجماج سلام الله سلام الله على ربعي هـل الطـولات تميم المجد أب وجـد مـن آدم إلـى الساعـه هل العزة؛هل الشيمة؛هل الفزعة؛هل النخـوات هل السيف الذي له روس كل القـوم خضاعـه هل الهقوات بالهـدات؛ والصمـلات باللقـوات بيومٍ به تشيـب الـروس والشجعـان مرتاعـه هل الطيبة ؛ هل الهيبة ؛هل الكرمات؛ والجزلات وعلم الطيب عنهم منتشـر مـن بيـن سِمِّاعـه كرام الناس وقت الشرك للإسـلام خيـر دعـاة شف سيرهم بكتـب الديـن والتاريـخ لماعـه وهم ذروة سنام المجد ؛ بحاضرنا ؛ ووقتٍ فـات وهم شمسٍ على الدنيا تنير وياضـي إشعاعـه وأخص إِبْها أهل حوطة تميم ؛ أخصهم بالـذات وراني ما أفتخر وأفخر بنـاسٍ هـذي أطباعـه أبا أمدحهم ؛ وأنا بمدحي : معي قاطع دليل إثبات على إن نفوسهم للطيـب والطـولات طماعـه وعلى إن الدين منهجهم وهم للدين خيـر هـداة لغيـر الديـن والإسـلام مايمشـون بالطاعـه ألا يالله تعز الحي وتعطـر ثـرى مـن مـات وتجعل جنة الفردوس عقـب المـوت جماعـه وسلام الله على ربعي تميمٍ هم هـل الطـولات يفاخر فيهـم التاريـخ مـن آدم إلـى الساعـه
|
#8
|
||||
|
||||
هذا قصيدة جمعت اغلب قبائل الجزيرة العربية يالله ياخالـق اراضـيـن وابـحـار
الواحـد المعـبـود رازق عبـيـده الخالـق الغفـار عـلام الاســرار وفرق شعوب الارض في كـل يـده وابدي واسولف من عذيبات الاشعـار ابيـات شعـر والمعانـي وكـيـده اشري وابيع واعرف كيـف بختـار واختار من جـزل البيـوت الفريـده وذ كرتراث وعز وامجـاد وافخـار قبائـل تـومـن بـديـن وعقـيـده وحنا حماة الـدار مـن كـل غـدار وما همنـا بطشـه وخبثـه وكيـده قبـائـل مالحقـنـاهـم اوعـــار وعشنا بهذي الـدار عيشـه رغيـده والحمـد لله نحمـده سـر واجهـار شعـب تكاتـف مـن سنيـن مديـده ودون الوطن جيش على كـل معبـار لارفـرف البيـرق ونـادى عقيـده بشرق البلاد وغربهـا دوم حضـار وارض الشمال اللـي نفـوده مديـده وارض الجنوب اللي تخيضر بالاشجار جزيـرة فيهـا القبـايـل عـديـده ارض بها قحطـان وافيـن الاشبـار وياعـز منهـم بالشـدايـد بسـيـده واذكر عتيبه يـوم للطيـب مغـوار لا ثـارت الهيجـا وقـرب ضديـده وشمر هل الطولات والجـود مقـدار اهل الكرم واهـل الفعـول الحميـده وقوم اعنزه مروين الاخصام الامرار اولاد وايـل مـن عصـور عهيـده ومطير قوم تكـرم الضيـف لا زرار وياويل خصم فـي حراهـم وعيـده واذكر قبيلة حـرب يانعـم الاخيـار وتاريخهـم يحكـي سطـور مجيـده وسبيع نعم القـوم ووجيـه الاسفـار زبن الدخيل ليا زبـن مـن طريـده واذكر قبيلـة يـام والطيـب ينـدار اهـل العلـوم الوافيـه والرشـيـده ثم الدواسر تجعـل الخصـم منهـار عيـال زايـد عـز منهـم سنـيـده ثم السهول اللي لهـا الطيـب مـدرار وعن منهج العـادات ماهـي محيـده ثم اذكـر العجمـان حمايـة الجـار والمرجلـه والجـاه فيهـم عتـيـده واذكر بني مـره طويليـن الاعمـار مـا ينقـد المـري ولا لـه نقـيـده ثـم الهواجـر لابـة تقـدح الـنـار اهل الركـاب اللـي خطاهـا بعيـده واذكـر بنـي خالـد قبيلـة وامـار قوم لهم في المجـد قـول ورصيـده وبني تميم اللي لها الطيـب مصـدار بنـي تميـم وكـل فـعـل تجـيـده ثم الزعوب اللي بها الخصـم يحتـار شجعـان ماترضـى سـوا ماتريـده العازمي وافي وفـي الطيـب بيطـار روحه على كل المصاعـب صميـده ثم الظفيري فـي المصاعيـب جبـار والطيب والامـداح باصلـه وطيـده ثم اذكر الاشـراف بجـلال واكبـار اهل الحجـاز اللـي تفـك الزهيـده ثـم الهذيلـي لـه مواقـف ومنـدار راعي الفخر راعي العلـوم السديـده ثم البقوم اللي لهـم جيـش وامهـار ريف الضيـوف ليـا لفاهـم وليـده واذكر ثقيف اللي لهـم مجـد وآثـار ومهمـا حسبنـا مـن كـلام نعيـده وبلحارث اهل العز بشهـود واقـرار الحارثـي ياطيـب فعلـه وجـيـده والمالكي معروف لا صار ما صـار في موقف اهل الطيب يبـذل جهيـده واثني تحياتي عـدد وبـل الامطـار علـى سليـم وكـل خصـم تكيـده واذكر جهينه هـل مواقيـف وادوار تلقى الجهينـي راسـم الطيـب بيـده واذكر بلي والمجدله فعـل واظهـار وتاريخهـم يحكـي فعـول فـريـده وبني عطيه في المواجيـب حضـار قـوم بوقـت الجـد قـوم عنـيـده ثم الحويطي والكرامـه لـه اشعـار ثـم الشـراري لـه فعـول مفـيـده ثم الرشيدي فـي الصعيبـات صبـار علـى علـوم الطيـب فعلـه يزيـده وباقي جنوب الـدار والقـاف مـادار باقـي علـى قلبـي كـلام واشيـده زهران نعم القوم في وقت الاضـرار والخصم عينـه مـن لقاهـا سهيـده والغامدي معروف له عزم واصـرار راعـي المراجـل والعلـوم المفيـده وشمران قوم والجمايل لهـا اطـوار وبلقـرن سـم للقـلـوب النكـيـده والاكلبـي والمحلفـي مابعـد بــار والحارثـي طيبـه وفعلـه يشـيـده وبني شهر وبني عمـر سيـف بتـار قـوم علـى الاخصـام نـار وقيـده والاسمري والاحمري صيتهـم سـار بيـن القبايـل والمواقـف شهـيـده واذكر عسير الهول ذربيـن الاذكـار وابهـا احتموهـا فالسنيـن الشديـده وادهم والصيعر على حـد الاقطـار يحمون حد الدار مـن اللـي يريـده وامشي مع الساحل مع جملـه افكـار رسمتهـا والطـيـر زان اتغـريـده وانزل على جيـزان تاريـخ واديـار ورجـال فيفـا والقبـايـل عـديـده وارجوا العذر واهل المواجيب عـذار الي نسيتـه مانذكـر فـي القصيـده الواهبـي عـدد ابيوتـه بــالادوار مـن شاعـر ماشـل قلبـه حقيـده شهران ربعي هم هل المـدح والكـار واهل الكند واهل السيـوف الجديـده يـوم البلـد مايامـن الزنـد لاثـار زيزومنا ابـن مشيـط نعـم الوليـده فالجهل شجعان وفـي السلـم تجـار مـن بطـن بيشـه للتهـم لارفيـده حبيـت ابيـن موقفـي بيـن شعـار وارجوا سموحتكم علـى ذا النشيـده ماحب انافـق واتعنصـر تعنصـار ولا ني باطيع اهـل العقـول البليـده ما كل من طب البحـر قيـل بحـار وما كل من شل الفشق جـاب صيـده فالشعـر بستـان بـه ورد وازهـار واللـي تعـداهـا بيـوتـه فقـيـده واقولها في الشعـر تكـرار وامـرار ضرف بـلا عنـوان يلغـى بريـده وبعض السوالف له مواقف ومحضار وشعـر بـلا معنـى لـزوم نبيـده وصلوا على المرسول شفاع الابـرار محمـد الهـادي وقــدوة عبـيـده
|
#9
|
||||
|
||||
القصيده الشامله لكل القبااااااااااائل لفيصل الرياحي البقمي قبأيـلٍ تسكـن بشـبـه الجـزيـره جزيـرةٍ تبهـر عريضـه كبـيـره والكـل منهـم لـه منـازل وديـره من ساحل الأحمر ليا ساحـل عمـان منهم"عتيبـه"نـعـم والله عتـيـبـه قبيلـةٍ بـيـن القبـايـل عريـبـه أمجادهـم تعـرف ولاهـي غريبـه ليا حل طار المجد يطـرون عتبـان ومنهم بني الحارث هل المذهب الزين كسابة القالـه علـى العسـر والليـن تاريخهـم معـروف ماهـم غبييـن وا لنعم يإبن الحارث طيور حـوران ومنهـم "سبيع"ونعـم بسبيـع دايـم تاريخهم يشهد لتهـم فـي القـدا يـم نقـول حـق ولا نحـب ا لظلايـم يستاهلـون المـدح والنعـم سبعـان و"غامد" ونعم بغامـد اهـل الشكالـه قيـف شجيـع كامـلات خصـالـه الطيـب فيهـم والكـرم والبسـالـه إلا وفي وقت المحاضيـر شجعـان و"قحطان" ساس الأصل نعم القبيلـه أفعالهـم مـن غيرهـم مستحيـلـه بالطيب عدو كـل عيطـاء طويلـه وا لنعـم والله ياصناديـد قحـطـان والنعم "با الاشراف" نسل الصحابـه ا لديـن فيهـم وا لسخـاء واللبابـه والعرف والمعروف شـدوا ركابـه والنصح والارشاد عن كل عصيـان وأولاد وائـل نـعـم والله قبيـلـه أهـل الفعايـل والعمـوق الاصيلـه منهـم ملـوك يكسبـون ا لنفيـلـه اسم(عنزه) في قمـة المجـد عنـوان و"شمر ليـا عـدت فعـول النحايـا وا لنعـم والله يارجـال ا لطنـايـا حمأيـة القالـه سـهـوم المنـايـا نقولهـا فـي حقهـم سـر وإعـلان والنعم "للعجمـان" مافيـه معـروف قول وفعل ما تنفع نقـاط وحـروف مجدٍ تعـلا كنـه سهيـل مشيـوف دليلنـا فـي مدحهـم فعـل راكـان و"مطير" حمران النواظر هل الجـود تاريخهم من قبل واضـح و معـدود مجـدٍ مثبتـة براهـيـن وشـهـود ماينجحـد مجـد وأهاليـه مطـران ونعمٍ "بحرب" ليا طرا طاري الأمداح أهل ا لموا قف كل ماصاح صيـاح حرابهـم بالنـوم ماهـوب يرتـاح من ضيمهم مايمرح الليـل سهـران و "سليم" أهل مجد مسجل بالاسطـار ذربين أهل قالـه وبالعـرف شعـار وأظن هرج ا لصدق مايقبل إ نكـار أخذ الأدب والعرف من روس سِلمان وجمع "الدواسر" ما بهم قـول قايـل دوسر جمـل يشتـال كـل الثقايـل باسمـه تسمـوا والفعايـل دلايــل غـدران مـوت ماتحلـى بغـدران و"بني تميم" اللـي فخرهـم مقيمـي ود ليلنا قول ابـن صقيـه ا لتميمـي يدري بهم مـن كـان قلبـه فهيمـي أ خبارهم شاعـت لحضـر وبـدوان وأيضا "بني خالد" عـذاب العنيـدي جو من سلالة "خالد ابـن الوليـدي" قـول محقـق مانقـول ا لسريـدي نقرأ ونبحث لين نـدري بمـا كـان و"زهران" جن الحرب يوم الحرايـب اللي طعنهـم يـودع ا لـدم رايـب هبت لهم مـن كـل طيـب هبايـب وا لنعـم والله يارجاجيـل زهـران و"عسير" عسرين على كـل طمـاع سباعٍ تعشي سباع الأقـذال بسبـاع السيـف بيديهـم مخلـد ومـطـواع ورماه ليـا رد النظـر لام نيشـان و"شهران" مشهورين والجـد شاهـر الكـل منهـم فـا لمهمـات ماهـر طيب ليا عدوا هـل الطيـب ظاهـر معـروف مايطويـه بعـد ونسيـان و"بالقرن" قرن الموت شرابـة الـدم حرابهـم يسقونـه الصبـر والسـم في رؤسهم شيمـه وعـادات ولـزم ما ينحصي تعريفهـم عبـر قيفـان وأيضا "بني مالك" ذكرنـا فخرهـم الطيب طوع يـد ينهـم ماعسرهـم ليا ماجت أمواج البحر مـن بحرهـم بحر يكز الموج مـن غيـر جيـلان والنعم "بالأحمر" علـى كـل حالـي في كل صعبـات اللـوازم رجالـي شوامـخ ماهـم بجـرف هيـالـي كسبان ياحايز على المـدح كسبـان و"شمران" ليا شمر عن الساعد الثوب حرابهم يقفـي مـذ لـل ومرعـوب كم كدروا يوم الكدر كـل مشـروب ياهل الوفاء محد جحد فعـل شمـران والنعم"بالأسمر" ليـا حـل طـاري شمعة فخرهـم ماذرتهـا ا لـذواري يروون صفحات القنـا و الشبـاري ويوردون ا لسيف لاصار عطشـان وصبيان"يام" أهل العمـوق العريقـة ستر ا لظعن يـوم الايـادي طليقـة ما تختفي عن عيـن عاقـل حقيقـة يام ا لحرايب يوم سوقـات الاظعـان والنعم والله في رجـال"ا لشـرارت" ا لطيب له فيهم مـواري وأمـارات أهل ا لمراجل يوم الأيـام عسـرات ا لكل منهم يجلـب ا لـروح قربـان أيضا" بني هاجر" كفوف الأسـودي يثبت لهم في كـل عليـاء وجـودي قول عليه الفعل الأبيـض شهـودي وا لصدق قايـد للمعانـي وقبطـان ونذكر " بلي" بلواء على كل عاصـي ليا جاء نهار فيه شيـب ا لنواصـي رجالهم ينطح خشـوم ا لرصاصـي ليا طار ستر ا لوجه عن دعج الأعيان وأيضا "جهينه" عزوة باسهـم بـاس نطاحة ا لغاره على قـب الأفـراس أمجادهم من يوم خلقوا علـى سـاس بيت جويد مـا نخلـع فيـه بيبـان وأيضا"السهول" لهم مواقف وتشجيـع يطوعـون ا لضـد لازام تطـويـع ويقال عنهـم ا نهـم حلـف لسبيـع ذولا وذولا نعـم وافيـن الأفـنـان وأيضا الظفير"أهل الظفـر والمدايـح يوم الثميـدي مثـل وبـل الروايـح ارجـال مافيهـم غمـوز وقـدايـح منهم زبون أهل لمقاصيـر "نومـان" وسفيان من قبل النبـوه لهـم بيـت صحيح لاأ ز ل بكلامي ولاأخطيـت قريت في كتب التواريـخ وأوحيـت سفيان سلسلة العريـب ابـن سفيـان و"طويرق " أهل الشيمـه المستديمـه وأهل الوفاء وأهل اليديـن الكريمـه للجـار عـز وللمعـادي هزيـمـه أقولهـا مانـي بـراعـي تـلـوان و"هذيل" أهل غيره ومذهب وجيـره وميزاتهم مـن غيـر هـذا كثيـره وليا قـدح للحـرب قـادح ذخيـره تلقـى مقاديـم الرياجيـل هــذلان و"قريش" مجد قريـش كـل درابـه قوم الرسول وقوم بعـض الصحابـه ومجـد تعـدى الهاشمـي وشنبابـه اللي من قلـوب البشـر زال الأدران و"ثقيف" ما يحتـاج نذكـر فخرهـم ما دام "ابن يوسف" على طول منهـم يكفيهـم "الحجـاج" مجـد شهرهـم بالكتب والتاريـخ فـي كـل ديـوان و "بني رشيد" مـن القبائـل يعـدون ليا جت مجـالات المواقـف يبـدون يبنـون بنيـان الفخـر مايـهـدون واللي نقدهم مامعـه علـم بخصـان ونذكر "بني مـره " ونعـم آل مـره للجـار عـز واللمعـادي مـضـره واليـوم فـي نعمـه وسـره وقـره بين الثلاث اللي خذتهـم بالأحصـان و"أكلب" هل الطالات وأهل النواميس إمسيسـن بدوحـة المجـد تسـيـس كلامنـا مابـه مجامـل وتلبـيـس والقول لاسلم الغـوى والخطـاء زان والمعـذره يـا واسعيـن المعرفـه إن غاب عن تفكيري أحـد ماعرفـه للشعـر تصريـف وللهرج صرفـه ولاينتجـازى الناسـي إلا بغفـران م لقلوبكم التحية عناد الجروح
|
#10
|
||||
|
||||
أخطاء فادحة....!!! الخنافر و آل عاطف و آل سعد من الجحادر أهل نجد المشهورين: يقول شليويح العطاوي -الله يرحمه-: يا لايمي عسى الفهر يذبحونه...ولا الجحادر مبعدين المراميس و مع احترامي للراوي لم يذكر الجحادر ولو في حرف من القصيده،، يقول محمد بن سالم بن جروان آل عليان الجحادر من اهل الحصاة الجنوبية في نجد: القصيدة طويلة و مشهورة ولكن اذكر المهم: من سب أهل نجد وصلناه عجلين...أهل الكرم و الطيب وش تمنى و في اآخر القصيدة يعرف بربعه: و يا ناشد عنا ترى حن قحاطين...و من الجحادر نخبر الي جهلنا نطاحة الكايد على العسر و اللين...ونرسي لا من البلاوي بلنا ((و لا يحتاج اعرف بربعي اهل نجد الجحادر معروفين))
|
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |