العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#31
|
||||
|
||||
تفضلـــــو ~ °¨*~¤¦ الفصل الثالـــث ¦¤*~¨° ••• لمحه سريعه عن اللي صار آخر مره ... خالد راح عقب ماوراهم بدلات السفر يتسبح وينام .. غلا راحت دارها ترتب كل شي عشان سفرتها مابقى عنها شي ، خلصت كل شي قامت ترتب دارها .. قعدت ترتب تشيل وتحط شالت ورقه من على المكتب لقت تحتها رسمه ، تدرون أي رسمه؟؟ تذكرون لما دخلت دار عمر؟ مع عمها سعد وخالد؟ وشافت رسمه على مكتب عمر!!!! كان حاطها عمر لها لا وموقع بعد ، غلا (فرحان على عملتك بعد) راحت غلا وهي معصبه مب وايد شوي بس .. طقت باب دار عمر لقت محد يرد عليها خالد طلع من داره يبي يجيب له شغله وشاف غلا .. خالد : ايوووووى يامدموزيل غلا ، تبين شي؟ غلا ارتبكت : لا بس ادور عمر خالد يغمز لها ويسوي روحه مايدري خالد : أي عمر عمر ، اوه آه أي عمر صح صح عمر محد تحت تلاقينه غلا : تحت هالحزه؟ خالد : أي خفاش اخوي ، عادي عادي غلا : هههههههههههههههههههههههههههههههههههههه خالد : شفييج هاي شي حقيقي ومن الطبيعه عمر اخوي خفااااش بات بات غلا : ههههههههههههههههههههه نط لهم عمر بنص ظحكهم .. عمر : من الخفاششششششش؟ خالد : واحد والله ، اسمه عمر بن سعود تعرفه؟ عمر : اممم ، جنه انا ؟ خالد يطالع غلا وهو ظابط الدور عدددل خالد : هو غلا؟ لالا مب هو صح! لاماظن غلا : أي أي صح خالد : ههههههههههههههههههههههههههههههه غلا: ههههههههههههههههههههههههه خالد: ااااخ والله ابي اقعد وياكم بس ادري محد يبي لي الله هههه لا اصلآ انا باروح بناام لاني من قرن مانمممممممممت (يتمغـط) آآآآآآآآآخ ، عمور تجي تسوي لي مساج؟ عمر : روح زين خالد : افا يابوسّعود عمر : شتبي خالد (يغمز له) خالد : أي أي عشانها عمر بعصبيه : خااااااااااااالــــــــــد ..! خالد : انزييييييييييييين يه بروح كاني رحت انام (يلتفت له) ، جني اخوك العود؟ عمر تصرقع : أي والله على عيني وراسي والله .. خالد : أي احسن لك ، يلا تصبحون على خير غلا : وانت من اهله خالد : شوف اللباقه شوف الذرابه والصوت الحسسن مب انت (يدق حنج عمر) غلا : ههههههه (بعد ماراح خالد وشوي هدى المكان) عمر : آمري غلا : عمر مب عدله حركتك عمر : شسويت؟ غلا : احنا صج نحب بعض بس ماقبل انك تهديني اشيا احتفظ فيها يعني حد يمكن يشوفها ويسألني من من عمر : كاج تاخذين اشرطه! غلا : الاشرطه عادي ممكن استغني عنها عمر : غلا تكفيييين غلا : اسفه عمر ماقدر الله يخليك عمر : الي تبينه .. (بحزن) غلا : ........................... عمر : طبعآ باجر مب محصلينج حتى بالتفق ! غلا : بروح بيت ابوي العود الصبح وعلى المغرب طيارتنا عمر : اهاا غلا : يالله تامرني بشي ؟ بروح انام ..! عمر : سلامتج غلا : الله يسلمك عمر : ديري بالج على روحج .. غلا : وانت بعد لفو وكل منهم ماعطي ظهره الثاني يمشي لفت غلا وبصوتها الجذاب .. غلا : عمــــــــــر عمر يغمض عينه ويمسك قلبه عمر : سمـي غلا : باجر الصبح بتقوم ولا نايم؟ عمر : اافا عليج من فجر الله قايم غلا بابتسامه عذبه : هههه خلاص عيل ، تصبح على خير .. عمر : الله وياج .. وراحت غلا وكالعاده عين عمر وصلتها للدار ورجعت له وغمض جفته وغلا بعيونه عشان يصحى ويلقاها جدام عيونه .. .................................................. .................... ثاني يوم الصبح الخدم كانو ينزلون الشناط وغلا كانت تلبس عشان تطلع .. لبست بنطلون اسود قصته روعه وبدي وردي شيفون بناتي وايد كان عادي ومافيه حركه كلش غير ربطه على الرقبه قعدت تفكر شتحط وياه حطت بروش كبير قالت يظايق للسفر وتحت العباه وحاله فتحت صندوق السلاسل وطلعت سلسله لولو ولبستها تنلف مره وينزل منها بعد صف لولو مطوق طلع شكلها حلو وناعـــــم وايد .. خطت كحلتها وحطت روج وردي (مات) .. وشوية بلاشر ومشطت شعرها ولمته كله دورت عباتها استحت تنزل جدامهم جي طلت على حد من الخدامات فالممر محد اتصلت بالانتركوم محد يرد طلت لقت عباتها تحت محطوطه وشافت محد بعد بالصاله غير لطيفه لفت شيلتها المسكينه احتياط حد يمر ولاشي نزلت على الدرج الا خالد يقرم تفاح وواقف بمكان ماشافته غلا من فوق خالد اول مره يشوف غلا بهالبس شوي ظيج مخصر جسمها الفنان خالد استحى من الموقف ونزل عينه فالارض مثل ماغلا شبت النار فضلوعها من الفشله لبست غلا عبايتها بسرعه وقعدت ، خالد من الفشله راح داره كان اول مره يستحي جي حتى امه انتبهت له .. عمر راح داره لقى عمر يتعطر من عطوراته عمر : بل شفيه ويهك محمر خالد : هههههههه اسكت صرت نمله ، غلا بنت عمي نازله ويعني مب كامل لبسها ( مب عارف يعبر = ههههههه = ) عمر : اوله وانت شسويت خالد : اسكت تمنيت الارض تنشق وتزحرني عمر : ههههههههههههههههههههههههههه خالد : والله مالي ويه الحين بيقولون جليل حيا ورافع عينه عمر : لايخسون من يقول يلا خويلد فشله بتسافرر خالد : أي يبا شعليك عمر : ههههههههههههههه يلا ناطرك خالد : برب ببدل هالمهزله اللي لابسها ،، حد غير سعد بيجي؟ عمر : يمكن عمتي تغريد مب أكيد ! خالد : اماااااااااااااا والله تغريد ماعرفها بس انشالله يجيبون علاوي شكثر سولفت عنه غلا عمر : هههههههه يلا عجل ناطرك خالد : برب عمر : ههههههههههههههه نزل عمر وهو لابس ثوب ابيض ومعدل شوي شعره بالجل مرتبه يعني والقفل شحلاته وعيونه كانت جنها مكحله من غلظ رموشه .. نروح شوي لسيد الكشيخين خويلد ،، ياويلي عليه هالصبي ، الكشخه وماأدراك مالكشخه ؟ << شهالتعبير بس ههههههههه .. لبس خالد ثوب سعودي عجيييب شكله وسوى حمدانيه طلع شكلها كووول عليه مع شعره الطولان شوي وحواجبه المقرونه طلع شيخهم تعطر وولع زقارته ونزل غلا اللي انحرجت منهم ومن خالد انه نزل بعد .. تعرفون لما تكونون قاعدين والناس كلها مهتمه فيكم وانتوا انتوا وبس .. غلا استحت وايد .. دخل عمها سعد بس بدون تغريد بروحه بس كان جايب علي و خالد ولد تغريد الصغّير كان عمره سنه وسعد متلعوز فيه دخل وسلم سعد خالد : هلا والله هلا وغلا بالعم (يسلمون خشم) شحالك عمي ؟ (ينزل يبوس علي) من هالشيخ ؟ علي : انا علي بن راشد خالد : ونعم والله .. انا خالد ولد عمك تعرفني علي : ايي انت اعرفك بس ماشفتك خالد : هههههههههه (يشيله) وها كاك شفتني علي : أي بس انت وايد طويل ليش ؟ سعد : ههههههههه علي بس خالد : اويلي من هالمزيون ؟ سعد : هههههههه سميك ولي عهد راشد الجديد هذا خالد : آآآآآآآآه ياعمري شهالملاك (يشيله كانه شايل شي زجاجي خايف يكسره ، خالد كان يمووووت على شي اسمه يهال يموت عليهم ).. سلم على عمر وقعدوا خالد اللي قعد فآخر كرسي وخالد فحظنه وعمر عند ريله يلاعبهم الجو على كيف كيفه .. غلا راحت تغسل يدها فالحمام وطلعت شافت خالد يلاعبهم وكانه يبي يقول لها شي طار قلبها لايكون يعتذر ولاشي ترا والله العظيم اصيح خالد : غلا الله يخليج تعالي صورينا.. ( كان يبيها تصوره مع علي وخالد بالموبايل) غلا : أي انشالله .. خذت الموبايل وصورتهم خالد بعفويه : راويني خل اشوف يشوف الصور خالد : لالا بعد بعد ، قوم علوي بس انا وسميي فج شوي تصوره غلا ومافي شي واظح غير حفرة خالد اللي بخده (هههههه) يعني غمازته غلا واي يحلوكم .. خالد : مااااااقصرتي ياغلا .. سعد : يلا يبا يلا غلا مشينا ؟ غلا اللي عيون عمر كانت تاكلها .. غلا : انشالله . لزقت فعمها وودعتهم كلهم وعمر يحس ان روحه انشلعت من مكانها .. ركبوا السياره وغلا من تحت غشوتها وخالد بحظنها كانت تشوف الدنيا غييييييير حلوه بحبها لعمر وحبه لها بس تمنت انه لو سافر وياهم . يالله ماعليه .. غلا : عمي عندك جارج ؟ موبايلي خلص سعد : أي كاهو ( يطلعه من البوكس ) : آخ تفتقت يدي مسكي حياتي غلا عقب ماحطت الجارج وشغل سعد الـf.m غلا : الا اقول عمـــــــــــــي سعد : آمريني غلا : مانويت تعرس؟ سعد : ههههههههههههه انشالله بتشوفين عروستي بعد غلا وهي تعدل خالد بحضنها : صج والله ؟ من عمي سعد : هههههههه لاوصلنا الكويت تشوفينها غلا : لا عاد قوللي الحين سعد وهو يعدل ثوبه : لا عمري مافي غلا تفكر : زين من ؟ هيفا ؟ نور ؟ مريم ؟ ساره ؟ ........................................... سعد : ههههههه لا وينها حبيبتي ماجبتي اسمها غلا : من عمي لعوزتني سعد : عـ.......... غلا : عـ ، من ؟ سعد : تذكري غلا تفكر وعقبها تشهق : هيييييييييييييييي عليااااااااااااااا؟ سعد : ههههههههههههههههههههههههههههههه أي عليا غلا : احلللللللللف عممممممممممممممممي ؟ بتاخذ عليا سعد : هههههههه أي عليا ليش؟ غلا : الله وناسة الوناسه عيل (اوه انا مب عايشه فالبيت عود صح!) سعد : شفيج؟ غلا : لا بس نسيت على بالي اذا رديت بتم فالبيت العود .. سعد : ............... غلا تبي تغير الجو : والله زين ماخترت عمي ، عليا حبوووووووووبه وايد وحلوووووه بعد سعد : ههههههه عاد احنا جسنا النبض وشكله كل شي اوكي غلا : هي تحبك ؟ سعد : بتموت فيااا غلا : ههههههههه لا جد عمي سعد : مره يوم كنا صغاااااار من زمان ايام الدراسه قعدنا عندهم الصيف كله وكنت كله اتحرش فيها وهي كانت غير عنهم كلهم ، آخ ياغلوي كانت حلووووووووه والله مانسيت ولاشي منها غلا : الله الله طلعت تحب ياعمي سعد : ههههههههههه شفتي شلون غلا : وهي شلون كانت وياك؟ سعد :عادي بس ماكانت ترضى تقعد وياي بروحنا غلا عورها قلبها تدري ان اللي تسويه غلط مع عمر بس خالتها تدري! غلا : اهااا سعد : عاد تصدقين ، هههههههههههه كنت احب شعرهااا غلا : ههههههههههههههههههههههههههههههههههههههههههههه ههههه هه سعد : والله من صجي غلا : هههههههههههههههههههه الله يهداك ياعمي وصلوا البيت .. سعد : نزلي بس نزلي نزلت غلا وسلمت على عمتها ويدتها وقعدت ريحت شوي وقطت عباتها وقعدت تهذر مع عاليه فالتليفون . راحت غلا الدار اللي كانت لها وعورها قلبها وايد على المكان كان فاضي بس ذكرى من بقايها اللي نستهم براويز صور اشيا بسيطه دمعت عيونها وصاحت شوي انسدحت على السرير اللي تحبه وايد قامت بدلت وعلقت لبستها الوحيده هذي فالكبت ولبست جلابيه بيت خفيفه غسلت ويهها عن المكياج كله وطلعت رولا جايبتهم وياها ولفت شعرها من الزين وقعدت تمنكر اظافرها بالوردي .. خلصت ولمت كل شي ورتبت كل شي عشان تقوم بس تلبس وتنزل .. غفت لها ساعتين وقامت على صوت منبه موبايلها شافت ان في وقت وايد بعد نامت لها ربع ساعه بعد وقامت نزلت كلت لها شي وخذت وياها نسكافيه لدارها علي يزخ رولاتها ، علي : الله شنو هاي؟ كوره؟ غلا : ههههههه لا حبيبي هاي حق الشعر علي : أي انزين ، تلعبين معاي ؟ نلعب ؟ غلا : حبيبي انا بروح البس اذا خلصت بسرعه بنزل العب وياك ، اوكيه! علي : انشالله ، انا بروح حق امي عشان اروح الالعاب تجين ؟ غلا : ههه لا ياعمري بروح البس عشان بنسافر علي : أي بسافر وياكم زين غلا : انشالله روح جهز اغراضك بس علي : انزين غلا ( وينها فاطمه مالها أثر ) الاخت فاطمه الله خير فغرفتها تسمع اغاني وتترقص .. راحت غلا وطلعت لبستها قالت للخدامه تسوي لها فحم عشان شعرها وشوي تتبخر قبل لاتروح .. شغلت كعادتها شريط كاظم الساهر .. شغلته .. إلك وحشه إلك وحشه يابوظحكةٍ الحلوه تعودنا عليك اليوم شلون بلوى! مانستغني عنك يوم واحد لاراحه لنا بعدك وقوه إلك وحشه وغيابك ويل ياويل يافراق العزيز يطول الليل حنانك بحر واحنا نريد تدليل دللنا قضينا العمر قسوه غلا وقفت على جنب وحطت راسها على منظرة الكبت اللي كانت تتعدل جدامه وهي ماسكه كحلتها تفكر طبعآ بحبيب قلبها عمر (( أول مره ادري بان الفراق جي؟ هاي واحنا جي اسبوعين بس لا انا اقدر بس احس شي كبير مني مو موجود ، احبك عمر والله احبك جبيبي )) عمر بالصوب الثاني كان منسدح على سوفا مجلس رفيجه ويفكر (( شسوي الحين؟ رجعي روحي قبل لاتروحين تكفييييين ، وراس اللي جابتني احببببج لاتعذبيني غلا تكفيين )) عدل عمر قعدته بعد ماهزه رفيجه وقعدوا يسولفون وغلا انتبهت على الوقت وقعدت تتعدل حطت شدو وردي شوي فاتح على جفونها وخطت الكحله حطت مسكره وصلت رموشها الطويله لين السقف حطت نفس روج الصبح وبعد شوي بلاشر ورجعت كحلت عيونها صارو سووووووود من الزين لبست ملابسها وفجت الرولات وطلع شعرها اللي يشوفه على طول يقول (واو) كان طولاااااااااااااان وطالع فظيع الرولات تنقز عجيييبه بشعرها رشت شوي عليه سبراي عشان مايفش تحت شيلتها بالطياره خلصت كل شي ولمت اللي خلته غيرت شنطتها خذت وحده ورديه فيها سكارف اسود ووردي وحاطه عليه علاقه سورافسكي اسود مختلط مع الوردي وحاطه بروش على جنب فيه حركه ورده ونازل منها حركات كانت الشنطه ناعمه وايد حطت عطرها وموبايلها وبوكها وحطت قلوس عشان لاوصلوا تحط منه وكحل بعد (هههه سوالف بنات) ..حطت لها كم شي وسكرتها لبست لها جوتي اسود كلاسيك مريح وشكله فنااان وايد للسفر تعطرت بالعطر على شوية دهن عود والبخور بعد ونزلت لعمها سعد هالمره بدون شيله ( ههه ) تغريد : الله الله شهالحلاه شهالزين غلا بحمرة خدودها : ...... ( ) تبتسم سعد وهو يبوس راس امه وغلا من بعده : يلا يما احنا ماشين وسلمو على الباقي وعلى توصيات من امه ووداعهم لها ركبوا السياره وللمطار للطياره وبعد ساعات حطت الطياره على أرض الكويت .. نزلت غلا على درج الطياره شوي شوي وهي تحاسب على خطواتها وهي ماسكه فيد عمها سعد .. غلا كانت مستحيه لان في واحد من شله شباب كانو وياهم بالطياره منتبهين لها .. نزلت وركبت فالسياره اللي تنقلهم لداخل المطار راحو وخلصوا دز عمها سعد الجاري وهي يمه وهو ينكت له وهي وجهها ينور من تحت غشوتها وتلالي عينها .. سعد يدور من جايهم وغلا بعد انسطلت بواحد نسخه من عمر وحذاه واحد بعد اسمر مزيون .. ثنيناتهم بثوب بس بدون غتر .. سعد : اوب هاي عيال أحمد غلا : عيااااال خالي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سعد : أي يالله مشينا وراحو سلموا على سعد وغلا اللي منحرجه ترد بصوت واطي .. خذوهم للسياره وطول السكه وهم يتسألون الشباب اللي جابوهم كانوا 2 من عيال خال غلا (أحمد) الـ10 = ههههههه = ماشالله عليهم كانو 7 اولاد وو 3 بنات لكن كل بنت من بناته الـ3 كانو آيه فالجمال . وعياله الشبيبه بعد .. كانوا : (( جاسم (23) ، محمد(21) ، عبدالله(19) ، سطام (شبيه عمر)(18) ، ثواب(15) ، عبدالرحمن ومتعب ( 3 سنين ) .::. أما البنات الثلاث كانوا : آمنه (سمية أم غلا ) وعمرها (20) ، وصايف (18) >توأم سطام< ، روعه 11 سنه. نزلت غلا وعمها البيت وعلى تهلي وترحب العايله اللي كلها موجوده وملتمه بكل حب وروح الثاني على الثاني ، حست غلا بدفاهم وحبهم لها لأنها بنت أختهم الطيبه المرحومه آمنه .. حزنوا لما شافوها كانت ماخذه من زين أمها الباهر وأبوها ماخذه طوله وخشمه وشعره المسبب ]: عيال خالها وخالاتها انعجبوا حيـــــــــــل فجمال غلا .. وشافت غلا عليا وكانت قمر بذاك اليوم لابسه فستان ناعم أبيض وشريطه لافه من را الخصر لين الصدر ورديه والفستان فرنسي شكله وطالعه جنان .. بعد ماراحو الشباب كلهم قطت غلا عباتها وقعدت شوي وراحت مع بنات خالاتها وقعدت واستانست وايد من بعدها راحت عشان تنام وياعمها بس بنت خالتها (( مها )) أصرت على انها تنام وياهم لان البنات كلهم بينامون عشانها فالبيت العود وراحت خذت لها اللي تبيه ونامت وياهم .. حطت الطياره على أرض الدوحه بسلام وفيها غلا وعمها وسعد واصلين من الكويت ,, غلا كانت فبالها أروووووع الذكريات لهالأيام بنات خالاتها وخالاتها وخوالها والكل راحت بيت يدتها اول شي وقعدت وياهم وعلى العشا طلعو لبيت العم سعود .. فالحوش والجو كاان ولاأحلى من جي هوا عليل وحاله .. الجمييييييل خالد ولطيفه وعمر كانو قاعدين فالحديقه والعم سعود كان بشغله .. خالد كان لابس جلابية بيت بيج فااتحه مايله للأبيض وكاروهات بالكحلي المسود وعمر كان لابس مثله بعد مطقمين .. خالد يغني : بشتااااااااء لك لابإدر شوفك(يغمض عينه ويفتحها بيده) ولابإدر احكيك (يغمز لعمر) بنده لك خلف الطرئاات وخلف الشبابيك (يطلع له من ورا كرسيه ) .. عمر : هههههههههههههههههههههههه خااالد تكفى لطيفه كانت لاهيه عنهم مع الزراع تقوله عن شي فالزرع خالد : خلاص فظهااا قالو لك جايه ترا مو لايق تسوي روحك تحب عمر : ههههههههه صج عاد خالد : صج عمر يلف عنه وهو يمسح على راسه بتوتر .. (( شلون بشوفها ؟ شبقول ؟ اول مره!! بعد اسبوعين كاملين هيي بعيده عني اوف والله وهقه من قلب )) نزلت غلا من السياره مع عمها سعد وعمها يقولها عن كشخته .. سعد : ها غلاي جي عدل! غلا : ماشالله ماشالله شهالعم الحلوو سعد : ههههههههههههههههههههه غلا : الله يحفظك من العيـــن سعد وهو يتغشمر : أي والله غلا : ههههههههههههههههههه خالد من بعيد : ياهلاااااااااااااااااااااااااااا والله بعمييييييييييييييي ( بصوت عالي شوي ) نور نور بيتنا وقامو كلهم ولما قربوا ،، هلا هلا بغلاااااااا نورتي بيتنا .. غلا استحت منه ومن عيون عمر وسلمو على بعض وخالد مارحمهم وهو ينكت ويستعبط .. .............................................
|
#32
|
||||
|
||||
مشكورة ياقلبي على هذا الجزء اللي عودة اقر تكمله
|
#33
|
||||
|
||||
شكــــــــــــــرا / \ / \ على مشاركتك ومتابعتك لك كل الإحترام
|
#34
|
||||
|
||||
.* مر على هالكلام أسبوعيـن *. غلا كانت داخله البيت مع لطيفه كانو رايحين يشترون ملابس واغراض للسفره بيروحون فينا .. خالد كان منسدح على سوفا بالصاله وطربان حد الطرب عايش فيه .. ويغني (( ياربي وشهالجنون اللي سكن دمـــــي ؟؟ خلااص مافي طاري غير طاريها ؟؟؟ هالآدميه أظيع ان شفتها يمي واتوه في كلماتي وافقد معانيها )) لطيفه وهي تقعد على الكرسي : اذكر ربك اذكر ربك خالد : هلا والله هلا بأم خالـــــــد (يحب راس امه ) مامي اشتئت إلك ، هلا غلا شلونج ؟ غلا : تماام .. خالد : ها يمه طبعآ ولا شي حق خلود امه تحذف عليه chocola شاريته من ماركس ذهبي .. يموت عليه خالد خالد وجنه محصل كنز : الللللللللله يمه احبج لطيفه : هههههههههههههه خالد فتح وياكل ياكل يطلع وحده ، هاج يما لطيفه : لا يمه مابي خالد : خذيها غلا غلا : لا والله ماشتهي خالد : خووووووووذيها آخرها اطيبها غلا : هههههههههههههههههههههه خالد : يلا غلا عشان خاطر اخوج الاعور لطيفه : بسم الله عليك ليش اعور ! خالد : يمه ادلع نفسي عادي عادي غلا : ههههههههههههههههههه (تاخذها) خالد : بس عاد على بالج بعطيج (يتغشمر ) كلهممممم لي ( جنه رجع ياهل بو 5 سنين ) غلا : هههههههههههههههههههههههههههه عمر نازل من على الدري يبوس راس امه وقعد على الكرسي عمر : الله شنو هاي خلود خالد : ها عاااااد اشوفكم استحليتوها ترا مب زين الاسراف عمر : اوله وانا شقلت الحين خالد : كيفي والله ! عمر يلف ويهه وماله مزاج كلش .. لطيفه : عمر يمه ماشريت لك شي للسفر عمر : يمممه ماصارت سفره خلاص أي شي بلبسه ، يطلع بره البيت فالحوش لطيفه عيزت منه وراحت الدار وخالد بعد غلا قعدت تشوف اذا في حد ولا وطلعت له بره الحوش ... قعدت على كراسي الحديقه وعمر على الثاني .. غلا : شفيك عمر .. عمر : مافينـي شـي غلا : ماتبي تقولي يعني ! عمر : مافيني شي عشان اقوله غلا : براحتك (تقوم عنه ،، وتلف له مره ثانيه) بس اذا فيك شي اعرف اني مستعده اسمعك .. عمر(والله احبج) : مافيني شي قلت لج غلا (شهالنفس الخايسه) : اوكــــي وتدخل الفلا وهي شوي متنرفزه من حركته البايخه (( على باله بقعد اراشيه يقولي شفيه فستين داهيه ،، مااااااشي )) وصلت سيارة بيت العم سعود للمطار ونزلو منها غلا كانت مفتشله حدها قاعده حذا خالد وهي ساحبه روحها عنه كثر ماتقدر تخاف يده تدقره ولاشي وهو مثلها نصه على عمر اخوه وعمر مطنقر ليش ماقعد فالنص سمعوا شقال خالد لابوه يوم هم فالسياره – ههههههههههه – عبيط هالولد .. خالد : يبااااااا جني ياهل فالنص سعود ": زين يبا خايفين عليك خالد : يبااا جنه قوطي تونه الله يسلمك عيوني يبا شوفهم (محلات عيونك والله) نقزو غلا افتشلت لايكون ظيقت عليه ( أي ادري شمتني صايره اكيد ظيقت عليه ) نزلو وغلا تسولف مع لطيفه وبسرعه للطياره لانهم شوي تأخروو .. فالطياره .. كانو ماخذين سيت فالنص والسيت الثاني لـ2 عند الدريشه .. فالنص كانت غلا عمها على يسارها وخالتها على يمينها .. والسيت الثاني خالد عند الدريشه وعمر على الطرف.. خالد بثوبه وعمر لابس جينز اسود وقميص رجالي طالع روعه عليه خالد مسوي تفله خفيفه وحالق بس محدد عشان يطلع شكل القفل مايصير فضاء فويهه عمر كان مسوي قفل بس ومحدده عدل طالع روووووعه مع الزلف وشوية جل فشعره .. الرحله طولت شوي لفينا . خالد نام على طول لووول وقام لعمر فنص الرحله خالد : قوووم عمور عمر : افف اسكت خالد خالد : يلا مدرسه ياصبي قم عمر : ياخالد لاتستعبط بنام خالد : اووف قوم محد وياي (الطياره مظلمه شوي كانت ) اخاف بروحي هيهيهيهي زلام هاهاها عمر قام وهو متنرفز : شتبـي خالد ؟ خالد : ماعندي حد يالخايس شسوي؟ اغازل المظيفه عشان يقطوني بره طيارتههم عمر يظحك وهو متنرفز : هـهـهـه خالد : مالت على الظحكه اقول عمر : يييييييه توك تقول قوم اقعد وياي والحين مالت خالد : خلاص زين اسفين عمر : زين شبتسوي خالد : امممممممممممممممممممممم مادري؟ عمر : ولا انا خالد : نشوف فلم؟ عمر : انزين خالد طق للمظيفه وجاته وطلبو الفلم وحطوه لهم وخالد اللي نام بنص الفلم لووووول وعمر قعد يتحلطم عليه .................................................. ...................... عمر قعد ياكل M&ms سحبه من جيب خالد هههههه عمر شاف غلا تتحرك كانها توها قايمه حذف عليها وحده غلا لفت له وهي معصبه غلا بصوت واطي وهي تأشر : شتبي انت شتبي ؟ عمر صخ ماقال شي ورجع راسه على الكرسي غلا ( شفيه ذي؟ حده متغير علي؟ شسويت انا؟) وبعد كم ساعه حطت الطياره على الارض وهي نفس كل الطيارات تهتز لما تنزل خالد قام وخض عمر خالد : ها ها شصار فجرونا؟ زلزال؟ اغتالوك؟ عمر وبنات فالسيت اللي وراهم : ههههههههههههههههههههههههههههههههههههههههههه خالد (شلكم خص انتو)؟ غلا كانت تنزل شوي شوي على دري الطياره وخالد جدامها وعمها سعود حذاها كانت بتتخرطف ماتدري فشنو مسكت ؟ مسكت فخالد من جتفه وخالد على باله امه الغبي وامه حذاه على طول لف لها ومسك يدها بس غلا شالت يدها بسرررررررررررررررررررررررررررعه وانخفست فذيج اللحظه قالت لو طحت ابرك لي شحلوه يجنن يجنن اف عمر ( ياربي يعني كل شي يصير وياخلود وانا لا مالت عليه من حظ والله لكن ماعليه والله بس نرجع الدوحه خاطبج خاطبج ياانا ياانتي ) نزلو وركبوا فالسياير المخصصه للفيرست كلاس وودتهم لين المطار ونزلو مع المرافق لين المطار وخلص شغلهم واجر لهم سياره وسواق ووداهم لين الفندق .. خذوا سويت فيه اربع غرف بحماماتها وصاله وغيره .. غلا خذت دار بروحها وسعود ولطيفه بدار وعمر بدار وخالد بدار .. خالد : مالت عليك ماتبي وياي يعني عمر : ههههههههههههه لا والله بس شنسوي ظرووووف خالد : ههههههه احسن توفر مكان عمر : ههههههههه ،، مااااااااااشي ياسيدي خالد : ابي اكل واتسبح وطببببببببببببببببببب رويسي على السرير خالد طلب وجابو له اكل وتسبح وفعلآ طب رويسي على سريره هههههههه °¨*~¤¦ الفصل الخامــس ¦¤*~¨° قامت غلا على طقة لطيفه للباب تقومهم قامت غلا وتسبحت بالماي الدافي لان البرد كان لاعب فيهم (هههه) بالفندق قصدي .. نزلت غلا ببدله عاديه وسادله الشيله عادي وقاعده تتريق عمر قام لابس بجاما سودا والتحليقه لين الحين مانبت شي منها هههه قعد وهو معفس حواجبه غلا تطالعه بطرف عينها اونها زعلانه .. عمر : صباح الخير .. غلا : صباح النور .. لطيفه تطق الباب : يلا ياااااااا خاااااااالد قوم يمممه بسك خالد فتح الباب وازرة البجامه مفتوحه شوي وهو متخدر خالد : ها يمممممه ها لطيفه تسكر ازرته : بسك يمه قوم البس واكل عشان ننزل خالد : حاظر ( يبعد يد امه عن صدره ) وراح تسبح ولبس وطلع يتريق .. خالد : صبااح الخير .. (يخزه عمر ) جميعآ .. غلا وعمر وسعود ولطيفه : ههههههه صباح النور .... خالد : آآآآخ برررررررررررررد شنو هاي تكيييفهم عمر : أي والله امس زين مادخلت فالسرير هههههه خالد : اسكت انا لبست بجامتين ههههههههه غلا+ لطيفه : ههههههههههههههههههههههههههههههه ( بعد ماسكتو ولهوا فأكلهم ) سعود : وين تبون تروحون اليوم ؟ خالد : امممممممممم والله ماندري داد كيفك سعود : نشوف السواق وهو يودينا .. خالد ، غلا ، عمر : انشالله .. لطيفه : يلا عيل خلصوا ولبسو .. غلا اول وحده قامت وراحت دارها ، فتحت الشنطه وطلعت لها بنطلون عليه رسمات ولبست قميص شوي طويل لين الركبه تكحلت وحطت قلوسها ولبست جوتيها ( وانتو بكرامه ) وخذت شنطه تناسب رفعت شعرها ولبست شيلتها .. تعطرت بكوكو شانيل وطلعت .. الريحه هفت على خالد اللي كان صاد ويكلم امه انسطل ولف من الريحه شاف غلا مدنعه تعدل شي وقعد يشمممممم ريحتها انتبه لنفسه و سد خشمه ( هههههه ) طالعته غلا .. غلا : شفيك ؟ خالد : لا ولاشي ريحة عمور فاحت عمر وهو معصب: خااااااااااااااااااااااااااااااااااااااالدددد ددددد ددددد خالد : هههههههههههههههههه خلاص خلاص اسحبهاا والله عمر: اوكيييييي ياخويلد .. خالد : انجب زين يلا برب بلبس غلا : هههههههههه راح خالد وطلع له جينز ديرتي مع فانيله كحليه حط شوية جل بس يصفف شعره الطويل وتعطر بعطر (بعد هي عطرها يدوخ عطري انا بعد) ههههههههه لبس ساعه صنقل وحط بوكه فمخباته ولبس نظاره عاكسسس وطلع خالد يحاجي عمر: احس ناسي شي عمر يدنع : لا بس جوتيك خالد : ههههههههههههههههههه وانا اقول عمر : هههه صباح الخير خالد خالد : هه تملق؟ عمر تصرقع مارد راح خالد لبس شووووز ورد شكله كان فظيييييع راحو تمشوا شوي ونزلو لكافيه فى زقاق ضيق صغير يتفرع من وسط السوق التجارى العريق فى الحى خالد استانس وايد على المكان وبعدها قاموا يتمشون ويكلمون المشوار .. راحت لطيفه وغلا لمول وقعدوا يتسوقون وخالد وعمر معاهم وسعود بس كل منهم بروحه دخلوا لمحل كبييييير غلا راحت صوب الملابس جان يجيها خالد يتحرش . خالد يدندن : تزعل وانا اللي منك زعلاان تقسى وتجرح قلب مغليك غالي معي لو كان الي كاان(يسوي صوته نفسه) غلا: ماشالله عليك كله تغني خالد خالد : نعم نعم مواهب ياغلا حراااااااااام ادفنها ! غلا : هههههه صح خالد : جيبي بشيل الملابس عنج غلا: لالا والله عادي انا بشيلهم خالد : لا والله حلفت هاتي غلا ، مب اختي عمر اللي كان يدور مع امه وشايل اغراضها عمر :يممممه حبيبتي مب لازم نتم ساعه فكل مكان لطيفه : اووووش عمر تم مع امه وتشرى معاها خالد : شوفي هاي غلا حلو لج غلا تطالع كان بنطلون جينز عليه من الاطراف دانتيل اسود محدد شوي منه بالـGliter غلا: ههههههههه لا ياخالد هاي يبي له وحده رشيقه خالد : يييييه وين فيه مثل جسم اختي اصلآ ، تقط العارضات على صوب (يمثل بيده حد طايح على صوب) غلا اسسسستحت (يحلوك لا وشايل اغراضي وتعابلني ) خالد : اخذيهاا مافي جي فقطر هههههه غلا : ههههههههههههههه أي والله خذتها غلا خالد : يلا مشينا؟ غلا : ههههه مليت باقي لي خالد : يالله عليكم ، شبقى بعد والله ربحتيهم غلا: هههههههه من صجك لازم اخذ بدله كامله البدي والاكسسوارات والشنطه والـ......(يقاطعها) خالد : لالا خلاص اللي تبينه خذي لها بعد ريل اذا لقيتي غلا: ههههههههههههههههههههههههههههههههههههه راحت غلا وكملت اللبسه اللي كانت على ذوق خالد كلها .. تلاقوا عند الكاشير لطيفه تصاصر سعود انهم يردون الفندق لانها تعبت من هالمول وقال لها اوكي لما ردوا ودخلو لا غلا ولا لطيفه ولا العم سعود شايلين شي بس خالد وعمر دخلو عطو البوي الاكياس ووداهم الغرفه .. ركبوا وراحو .. .* بعد ربـع ساعـه *. سعود : شرايكم تتعشون هني ولا تبون بره ؟ خالد : يبا صراحه اليوم تكسررررررررنا عدل من هالمجمع نتعشا هني سعود : شقلتي لطيفه ؟ لطيفه : اللي تشوفونه عمر : يممممه حبيبتي وين الساعه اللي خذتها ؟ لطيفه : مادري يمه شوفها بالجيس الكبير راح عمر ولبس بنطلون جينز وتيشيرت ابيض عليه واحد يطل وكشخ بالساعه وخالد لبس بنطلون جينز بعد والقميص الاصفر سعود : شهالعبط؟ خالد : ههههههههههههههه داد (يصاصره) الحياه is co0ol ليش نعقدها ؟ غلا و لطيفه : هههههههههههههههههههههههههههههههههه قعد خالد مع سعود وعمر شوي لطيفه وغلا نزلو لبست غلا بنطلون اسود وبلوزه عنابيه حطت معاها سلسله طويله شوي فيها عنابي ودرجات منه وكان متمنكره حق السفره بعد بالعنابي ومع يدها البيضه طالع كووووووووووووووول حده ولبست ساعة شانيل السوده وطلعت روعه على يدها وحالطه علاقة ساعه كلها حجر عنابي لفت شيلتها وخذت الشنطه وتعطرت ونزلت ركبوا اللفت ومعاهم وحده اماراتيه .. وقف اللفت وركبوا 3 صبيان غلا ولطيفه ولا حد منهم توقع بيركبون بس ركبوا وقف اللفت وطلعوا الشباب اول شي وبعدين المره وغلا ولطيفه والشباب تموا ورا غلا ولطيفه جان يلمحهم خالد .. وجا ،، وقف حذا غلا اللي وقفت لما شافت خالد عشان يدشون المطعم مع بعض طالعهم عمر بنظرة احتقار خالد : خير في شي انشالله ؟ الصبـي : لا مشبهين بس خالد : افتح عينك عدل ها لا افتحها لك الشله راحت خالد : يمممه شلون جي لطيفه : شسوي حبيبي انا بعد يهال خالد هز راسه .. غلا: شدعوى ياخوي تتظايق من ناس ماتستاهل خالد وهو معصب ابتسم : تسلمين لي والله ياغلا .. ماتأخر هالهيس غلا : ههههههههههههههههههههه شدعوى خالد : كاهو ابوي جا وينه ذي جو كلهم ودخلو المطعم وقعدوا وخالد ذاق من كل صحن ههههه عمر كان يقز غلا وهي تصد عنه لان عمهم موجود ( اف شفيه ذي مايخيل صاير ! )
|
#35
|
||||
|
||||
أشكركِ أختي دلوعة زوجها على طرح الفصل الثالث والفصل الرابع
لي عودة لقراءتهما تقبلي احترامي وتقديري
|
#36
|
||||
|
||||
يعطيك العااااااااافيه اخوي على المرور الرائع
لا عدمنااااااااااا هالطله ..... تحياتي لك
|
#37
|
||||
|
||||
مشكووورة القصة واااايد حلوة....تحياتي
|
#38
|
||||
|
||||
مشكووووووووووورة ياقلبي على هذا الجزء
|
#39
|
||||
|
||||
شرفني مروركم وازهى
على متصحفي الجمال والسرور
|
#40
|
||||
|
||||
خلصو وكلو السويت .. خالد : يباااا تصدق الجو محليك حيـل سعود : ههه لا والله ! خالد عجبه الجو كلهم قاعدين وابوهم مزاجه كول .. خالد : أي والله سعود يطالع لطيفه : خلاص عيل دور لي وحده اخذها لطيفه تبقق عينها خالد : افا علييييك موجوده ( توه بيحط يده على جتف غلا وانتبه سوى روحه يحك راسه ) ، غلا خذها مزيونه وشحلاتها اليوم كلش مادوختنا فالمجمع غلا استحت منه وايد طالعت الارض وابتسمت .. سعود : أي والله خلاص نويت انا خالد : خلاص مبروكين لطيفه : خلود يوز عنه اللي احسن لك خالد : ماااااااااااااااام واتس رونـg ؟ لطيفه اونها زعلت على خويلد خالد : لااااااا يممممممممه كله ولازعلج لطيفه : هه والله انك هبل يايمه خلصوا عشا وطلعو من المطعم .. خالد : غلا ممكن شوي؟ غلا طاح قلبها فمكانه عمر انتبه لهم وجدم (اوريك ياخلود ) غلا(شبيقول الحين ابيه لايفشلني عن مساعه لالا والله العظين قسمآ بالله اصيح) غلا: هلا؟ خالد : غلا تعالي شوي باخذ شي احس مصختها مع امي مساعه صح! غلا ( وااااااااي يحلوك) : مادري يمكن؟ خالد : يلا تعالي شوفي هناك جنهم يبيعون شي مشوا لقوا محل يبيع عطورات خذو لها عطر استليودر وغلفه خالد بذوق غلا خالد : يااااااربي يسلمج والله ياغلا .. ماتقصرين يابنت عمي .. غلا : شدعوووووى ياخالد ماسويت شي خالد : لائـه عملتي غلا : ههههههه افا علييك خالد : هاهاهاها ، غلا فخاطري اشتري حلاوه غلا : ههههههههههههه خالد هالحزه وين نروح ؟ خالد : ماعليج بره شوي بس دقايق الله يخليج غلا(ليش تترجاني؟) : الله يخليك نرجع الغرفه خالد : تكفين انتي معاي شوي والله من الصبح وانا اشوفه هههههه طاح بخاطري غلا : حاضر اوكيه يلا راح خالد وشرى كل انواع الحلويات اللي يبيعونها فتح الحلاو فاللفت وكلاها طلع وحده وعطااها غلا ومسكتها غلا ودخلو للغرفه سعود : خالد يبا وينكم ؟ ليش تأخرتوا (لطيفه كانت واقفه ورا العم سعود .. ) خالد يطلع العطر من الكيس .. خالد : عشان هاي هدية ام خالد نبض قلبي والله (يبوس راسها) تااااااج راسي انتي لاتزعلين يمه غلا قلبها عورها وراحت الغرفه بدون ماتمسي على أي حد منهم ولا حتى عمر اللي كان واقف حذاها قطت شيلتها وشنطتها وصاحت (( ياربي ابي ام يااااربي افف ليش جي والله انا اموت من هالحركات والله لو عندي ام ولاازعلها حتى)) خالد راح نام وسعود ولطيفه وعمر .. شكرآ عالمتابعة ...................................... °¨*~¤¦ الفصل الســادس ¦¤*~¨° ثانـي يوم الصبح صحى خالد بروحه وقام تسبح وحلق وطلع لبس بنطلون جينز وتيشيرت سبور ابيض نص كم كشخ وعدل شعره تعطر وحط نظارته بجيب البنطلون ولبس الساعه وطلع لقى ابوه وامه بس قاعدين سلم على ابوه وامه وقعد ،، خالد : داد وير از عمر؟ سعود : ماصحى روح وقظه عشان نطلع خالد : وين بنروح اليوم ؟ سعود : اليوم قال اندرو بيودينا ساحة اسمها ساحة ستيفنز خالد: اوكي عيل اروح اقعده هو وغلا لطيفه : تسوي خير طق على عمر لين قام وراح طق طقتين على غلا وماردت (غلا استحت لما سمعته يقعدها اول مره دشت الحمام وسكرت الباب بصوت شوي عالي عشان يسمع بس الاخ كعادته طربان وماسمعها) طلعت من الحمام ( وانتوا بكرامه) .. طلعت لها لبسه حلوه بنطلون جينز فيه شريطه على الخصر بس شالتها ولبست من فوق قميص طويل لين الكربه يعني بس القصه جايه مايله الوانه السماوي والفوشي وشويه من الاصفر الهاادي خفيف مو مبين حيل طلعت لها شيله زرقا متدرجه فيها على الطرف نفس الرسمه بالوردي بلمعه عاديه ، كملت لبسها وخذت نظاره فوشيه غااامجه وتعطرت وطلعت عمر كان لابس بنطلون زيتي وتيشيرت احمر ونظارته عاكسه على الوان ناريه البرتقالي والاحمر والاصفر مولعه يعني (ههههههههه) عكس خالد الهادي الوان خالد كانت فرش وكول مع جسمه .. طلعوا من الغرفه ونزلو تريقوا وسعود ولطيفه راحو يتمشون يشوفون المحلات اللي فالفندق وغلا مختبصه قعدت معاهم وكلت شوي وكانت ميته يووووووووووووع خلصوا وركبوا الفان الصغيره تكفيهم كانت ،، ركبت غلا حذا لطيفه وخالد وعمر ورا ومحد مسوي جو غيرهم الطريق شوي طول وقفهم عند كافيه وخذا لهم اشيا يشربونها غلا خذت عصير ايس- كريم فانيلا مع التوت طعمه يمـي موت .. وخالد خذا غير العصير اللي شافه عند غلا بلاك كوفي وماي بعد هههههه .. عمر خذا من عندهم عصير يسوونه مخصص للمطعم بطعم المانجو لطيفه خذت افوكادو وسعود خذا برتقال مع العسل (كح كح وشو ذي؟ ) من الملل خالد قعد يقص لهم قصه وتملل قال خلاص مابي اكمل هههههه بعدها قعد يغني كعادته وهو يطل من القزاز يشوف الشارع والاماكن خالد : يااارايح اللبنان ود لحبيبي سلااام قولو من السااهر لعيونك احلى كلاااام عمر : ههههههههههههههه مالت عليك خالد : ياااارااايح الفييييينا ود لحبيبييي سلااااام قولو من الخااالد لعيونك احلى كلااااام غلا ولطيفه : ههههههههههههههههههه خالد : يااااااراااااايح للستيفنز ود لغلااانا سلااااام قولو من الخاالد لعيونها احلى كلام عمر يفقص خالد عمر : وانا بعددددد مني احلى كلام خالد وهو منفقص فيده : هههههههههه انت شتبي سعود : خالد يبا خالد : سم بوخالد سعود : جبت الكيمره يبا؟ خالد : يس داد نزلو وعمر وقف حذا غلا وتمشوا خذوا ايس كريم بعد وقعدوا يتمشون وياكلون الجو كان ملهلب غلا وهي تنزل مع عمر من نزله نفس التل الصغير عمر : ههههه بعد عاجبج غلا: أي عاجبني (وهي تبتسم له ) خالد وهو يلف كام الفيديو عليهم كانت مجكنمه صغيره ومب مبينه فيد خالد الكبيره هههههههه خالد : هاي اللزقه عمر اخوي ههههههههه شريط تعارف ويصور كان في نفس المهرجين والعارضين يمشون يصورهم خالد وبعدها بشوي دشوا مطعم وكلوا لانهم ماتو يوع خلصوا من المطعم ووداهم اللي معاهم لمجمع بعد وراحو طبعآ تسوقوا كالعاده بس هالمره خالد وعمر وسعود بروحهم ولطيفه وغلا بروحهم غلا ولطيفه بنفس السكشن بس كل وحده بروحها لطيفه كانت متنرفزه فهاليوم وغلا ماتبي تسمع كلمه منها لان قالت لها بروح شوي هناك قالت لها بنفور زين زين وغلا تحس وايد من أي كلمه وراحت بروحها وهي الصيحه فعيونها هههه خذت لها تنوره لين تحت الركبه شوي كله عليها رسم ورد بالفيروزي والاحمر خذت بدي فيروزي ظيج كت وخذت معاه سلسال حجر احمر وفيروزي صغار وكملت شرت ساعه لعمها ولها وعطورات وميك-اب خلصوا كلهم وطلعوا كملوا التسوق وبدى مثل المهرجان قعدوا لين نصه لانه كان لين الفجر وخالد بآخر الليل تحلف فيهم هههههه قال لهم انه قفل والنومه بعيونه وعمر وغلا مثله ردوا الفندق بعد ماتعشو فالمجمع ،،
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |