|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
21-04-04, 06:23 AM
|
||||
|
||||
مذكرات غنوده في امريكا الحلقه الاولى
السلام عليكم
بعد غياب جيت لكم وكلي شووووووق وحبيت اكتب مذكراتي من اول يوم لي بامريكا<<<<<< امحق من زين هالذكريات المهم الله يسلمك قبل لا ابدا مستغرب ياويلك ان دخلت<<<<<<< تراني زعلانه عليك ودي  اول ماسافرت الرياض غرقت من دموعي ودموع خواتي سوينا مناحه يوم سفري  والاهل كلهم مجتمعين عماتي واعمامي وحريمهم وخوالي وزوجاتهم حشا كاني بروح وماني جايه وعاد تعرفون هالمواقف الدموع بس تسيل الله لايعيد البكا لما خلاص طارت الطياره لوني جالسه جنب الشباك وعيوني مبحلقه بالرياض اللي يشوفني يقول بتنفى ومهي براجعه واودع الرياض حتى نقابي لو اعصره صب دموع وعاد انا توني عروسماصار لي الا اسبوعين وينقال لكم استحي ماودي اوري ابو الشباب اني ابكي بس ماش فضحتني عيوني وهو حاس فيني بس يسكتني ويغريني بامريكا تراها حلو وناسه ومدري ايش ...... وانا بس اخر شي قلتها بوجهه ابغي امي افا وهذا وانتي معي وتقولين تبغين امك اجل وين .... عاد المهم وصلنا نيويوركNewyork اول مانزلنا من الطياره الناس تمشي بسرعه ويتراكضون وانا مدري وش السالفه وامشي على حبه ونص <<<توني عروس على بالي اثاريهم بيمسكون سرا على الجوازات والتختيم اثاري زوجي ماشي بسرعه وسبقني شوي لما وصلت عند السلم المتحرك عند اخر درجه التفت عباتي فيه ويسحبني وانا شوي واصيح وانادي زوجي بس ماسمعني والامريكان مايدرون وش فيني الا مضيف سعودي الله يجزاه خير انقذني وشق عباتي <<<<< هذا بدايه امريكا شؤم  وانا متحسفه على عباتي توني مفصلتها 1500 ريال بس كيفها اهم شي سلامتي  الا اني متوهقه مامعي غيرها وش اسوي المهم جاني زوجي وقالي ولا يهمك في واشنطن ديسي محلات عربيه اشريلك بدالها وخلاص ختمنا الجواز وقالي اجلسي جنب عايله سعوديه وهو بيروح يبصم عاد امريكا حاقده على السعوديين وانا اللي اجلس وابكي وابكي واتذكر امي وخواتي واخواني كل اهلي اللي هناك من صديقات وجيران حتى الخدامات اتذكرهن وابكيوتلتفت علي السعوديه اللي جنبي وتسكتني انا شفتها تسكتني قمت ازيد <<<<< وحده مسيكينه وخربت على كل البنات السعوديات اللي جنبي قلبت عليهن المواجع قامن يبكن مثلي الا ابونا جاي وياخذني قال نبي نروح للصاله الثانيه عشان طيارتنا لواشنطن مابقى لها الا نص ساعه ويسكتني وانا مير ازيد عاد اللي خوفني زياده لما رحنا للصاله الثانيه فيه امريكي عمره تقريبا 39 سنه يشتغل بالمطار باين من لبسه جالس يغمز لي وانا اللي اموت من الخوف وماعلمت زوجي خفت يسوي معاه مشكله <<<< عاد اقول بقلبي عمى حتى في امريكا مهبل  تارك هالحمر الشقر ويناضرني اكمل لكم بعدين بالحلقه الثانيه انتظرونا تراها مسلسل مكسيكي مايخلص نصيحه لا يفوتكم قصتي بواشنطن الحبشيه اللي لزقت فيني والطياره اللي خربت ومواقف ثانيه الحين تعبت
|
|
#2
21-04-04, 06:53 AM
|
||||
|
||||
مدري أسوي كذا >>>
وإلا كذا >>>  بس من جد حسيت بمعاناتك... لكن موقفك وإنتي مع العائله السعوديه... حزيـــــــــن!!! ويضحك بنفس الوقت  قلبتوها نياحه في المطار ههههه... لا وأتخيل المسيكينات شالوها شيله معاك الله يعين المغتربين ويرجعهم بالسلامه يارب وأكيــــــــد بنكون في إنتظار الجزء الثاني والله يعطيك ألف عافيه عزيزتي
|
|
#3
21-04-04, 07:50 AM
|
||||
|
||||
|
(kk)ياحياة الشقا والغرابيل
<<<تصيح قبل ماتطلع للمعهد  كملي اذا رجعت من معهدي اشوف وش صار عليتس
|
|
#4
21-04-04, 01:12 PM
|
||||
|
||||
|
يالبيه ياغنوده
قمت ابتسي معتس ياوخيتي وبعدين وراتس فشلتينا فيذاك ماتعرفين تركبين سلم كهربائي اخاف هالامريكان الحين يقولون ذولا حدكم اصنصير (لفت) ويخب بعد  مير الحمدالله جت على خير واهم شي سلامتس بس تعالي ماجاء امريكاء فيضان من كثر ماتصيحين ياحبيلتس وبس والله يردتس لهلتس قريب ان شالله وتراني استناتس تكملين سالفتس ايه هذي المواضيع السنعه والا فلاااااااااااااا 
|
|
#6
21-04-04, 08:29 PM
|
||||
|
||||
|
اهلين همس الشفايف وش اخبارك
وينك ادور عليك ما حصلتك . وش جايبك هنا يا حول يا مستغرب كل الناس ضدك ما ادري متى الله يبي يفرجها . يقولون اذا مسكت اذن الديك كسر راسه . بعدين نيويورك تكتب كذا New York مفصوله ماهي مشبوكه ومعناتها New : جديد York : مكيف سبلت او مكيف شباك ...مستغرب ذات مرتن حمقان
|
|
#10
22-04-04, 12:30 AM
|
||||
|
||||
|
ادفع سبعين يورو لمدة سبعة اشهر كل شهر عشره وبعد السبع شهور ادفع لك الف روبيه هنديه وعند العرض ميتين مارك وبعد العرض خمسين ريال قطري واهم شيء انك راح تكوني بطلة المسلسل بمشاركة من تختارين من الاعضاء ليقاسمك البطوله اوكي ؟؟؟؟؟؟؟؟
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | تقييم هذا الموضوع |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يوميات غنوده في امريكا الحلقه الثانيه | غنوده | منتدى السواليف وتوسعة الصدر | 14 | 06-07-05 03:30 AM |
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
