العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
قصة يا سهيف الذرعان منيب مرجوج.. بين بندر بن سرور وبن جلوي وبن ربيعان
الشاعر المعروف بندر بن سرور العتيبي رحمه الله شاعر فحل وتحفظه كتب التاريخ للابد كان بندر في حياته مشاغبا ومزعجا للسلطات في المملكة اثناء حكم الملك فيصل حيث كان يهرب البضائع من الكويت ليكسب من خلال ارباحها لاختلاف السعر في ذلك الوقت .. وكان أمير المنطقة الشرقية سعود بن جلوي غاضبا من بندر حيث قبض عليه اكثر من مره ويخرجه أمير عتيبة تركي بن ربيعان امير الفوج التاسع بالحرس الوطني وهو من شيوخ قبيلة عتيبة اللي لهم كلمة عند الملك والحكومة وكان ياخذون تعهد على بندر بعدم التهريب الا انه مطنشهم ولا يسمع الكلام .. المهم وصل للامير بن جلوي ان بندر هرب بضاعه ولا قدروا يمسكونه فحلف بن جلوي ان يقتل بندر اذا قبض عليه ومعروف عن بن جلوي قسوته وشدته وجبروته اثناء حكمه للمنطقة الشرقية .. ووصل لبندر كلام الأمير وتهديده بس ما ارتدع .. وفي يوم وبعد المغرب بشوي كان بندر نازل مع النفود بسيارته الونيت وتفاجأ ان حرس الحدود مخيمين اسفل النفود وأيقن انه مقبوض عليه لا محاله فهو لا يستطيع العودة لأن النفود عالي وإذا نزل معناها مسكوه فأوقف السيارة وترجل منها ورجع على أقدامه وصادف سيارة وركب معاه وطلب منه يوصله لبيت الشيخ تركي بن ربيعان ووصل له حوالي الساعة وحده بالليل وقام يطق الباب بقوه والليل هادىء وصحى كل اللي بالبيت وكان الشيخ بن ربيعان بالدور العلوي وراحت بنته تفتح الباب وبندر يطق الباب بقوه وفتحت الباب وهي ما تعرفه ولا قد شافت بندر وقال لها ابوها من اللي عند الباب يا بنت قالت رجال كنه مرجوج يبغاك ( وسمعها بندر وهي تصفه بالمرجوج ) قال خليه يدخل للمجلس وغير الشيخ ملابسه وقامت البنت تسوي القهوه ولما دخل المير تركي بن ربيعان وخلفه بنته معها القهوه التفت عليها بندر وقال يا سهيّف الذرعان ماني بمرجـوج =رجّتنـي الأيـام جتني بحيـلـه يا بنت لولا اللي على تاسع الفـوج =تركت نجـد وعزوةٍ بالقبيـلـه لاشك حاديني علـى نجـد هـيدوج =مسقي الفيافي ليـن يـدرج مسيلـه تركي ليامن البلاوي غـدن عـوج =حمل عتيبـة كلهـا مـا تشيلـه يرسي كما مينا البواخر على الموج =ومنين مـا صـك البحـر يرتكيلـه مادام تركـي حـيٍ مـا ودي أدوج =وإن غاب غبت من الرجوم الطويلـه القصيدة بصوت بندر بن سرور عرف الشيخ بن ربيعان من الأبيات ان بندر في مشكلة ويبي الفزعة وأبتسم الشيخ وقال أبشر يا بندر وش طلبك وأخبره بالسالفه وأنه خايف ينمسك ويبيه يشفع له عند ابن جلوي قال له أبشر يا بندر وركب بندر مع الشيخ بن ربيعان بسيارة الشيخ وراحوا للدمام ووصلوا لقصر الأمير بعد صلاة الفجر بدقايق وكان الامير سعود بن جلوي متعود كل يوم بعد الفجر يجلس بالمجلس يتقهوى ويسمع صفحتين من كتاب الحديث فأوقف بن ربيعان سيارته مقابل المجلس بس بعيد وكان الوقت لا زال ظلام ونزل لوحده وسلم على الامير وجلس بجانبه ولما صب المقهوي الفنجال للشيخ بن ربيعان انزل على الأرض ووالتفت عليه بن جلوي وقال وش فيك نزلت الفنجال قال بن ربيعان لي طلب قال اشرب فنجالك واللي تطلبه جاك فشرب بن ربيعان الفنجال وقال طلبه وزعل بن جلوي وقال والله لو اني داري انك جايه علشان بن سرور كان ما عطيتك طلبك وأنت تدري اني غاضب منه لكن دامك شربت الفنجال فطلبك جاك وهذه قصة القصيدة تراها مو منقول انا سمعتها من شايب عتيبي قبل البارح وقلت لازم اكتبها
|
#2
|
||||
|
||||
الــلــه الـلــه
وش رايك ياخوي تجيب هالشايب عندنا في المنتدى والا تنقل لنا كل يوم قصه منه هههههههههه تسلم يا ابو حمود انت وشايب على هالقصه تسلم يديك ياخوي على هالمشاركه الرائعه وشرفتنا ونورتنا في هالحضور المميز يعطيك العافيه يارب واحنا في انتظار جديدك القادم
|
#3
|
||||
|
||||
|
#4
|
||||
|
||||
ابشري يا بنت نجد والشايب مليان قصص ابشفطه شفط لين اخذ كل قصصه
|
#5
|
||||
|
||||
يعطيك العافيه انت وشايبك ان شاءالله
((ابشفطه شفط لين اخذ كل قصصه)) <<< مت من الضحك عليها ولاهنت اخوي ..
|
#6
|
||||
|
||||
تركـي ليامـن الـبـلاوي غــدن عــوج .......حـمـل عتـيـبـة كـلـهـا مـــا تشـيـلـه
والنعم والله ... تروى بعد بدل البلاوي = الليالي .. مدري صح ولا خطأ هالبيت دايم أقوله كل ماوقفني عسكري عتيبي واحط بدل تركي اسم العسكري علشان مايعطين مخالفة ، لكن مرة يوم قلت هالبيت لواحد رد علي وقال : طيب وبعدين ؟ .. قلت : هات المخالفة يالردي خخخخخ قصة جميلة سمعتها من زمان .. لذلك ذكرتني فيها وأبشرك الحين حفظت الأبيات كاملة ... يامال العافية أبوحمود
|
#7
|
|||
|
|||
شكرا لكاتب الموضوع
اخى الصواعق انا معك انها اليالي وكذالك هناك كلمات اخرى اعتقد انها مبدله
|
#8
|
||||
|
||||
|
#9
|
|||||||||||||||||||||||||
|
|||||||||||||||||||||||||
الله يسلمك يا الصافيه وشايبنا يسلم عليك ويقول ابشري بالخير ابو حمود يبي يشفط كل قصصي
|
#10
|
|||||||||||||||||||||||||
|
|||||||||||||||||||||||||
هلا بالرقم الصعب في قصيمي نت العتبان معروفين بالفزعه واللي قال لك طيب وبعدين شكله عتيبي تايواني مو اصلي والبلاوي صح وليست الليالي وليتك سمعت القصيده بصوت بندر وتقتنع من الصح هو او الرواة يعطيك العوافي
|
مواقع النشر (المفضلة) |
الكلمات الدلالية (Tags) |
قصة وقصيدة من الماضي, قصة وقصيدة من البدو, قصة وقصيدة مكتوبة, قصة وقصيدة قديمه, قصص شعبية نجدية |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |