العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
قنــآة farfashah تقــدم المسـلسـل < الجـزء آلثـآنـي and آلجـزء آلثـآلـث
قنــآة farfashah تقـــدم آلجــزء آلثــآنـي وآلثـــآلــث
..الجــزء الثانـــي .. :/ طارق كان مستغرب من الكلام إللي قالوه أمه وأبوه: أنا بروح والصباح بسأل أحمد يمكن يعرف شي!! الصباح الكل إلتهى بشغله طارق راح الجامعه دوامه يخلص ع الساعه 3 أبو أحمد وأحمد داوموا في الشركه أم أحمد جالسه في الصاله ساره ملتهيه ويا العيال وطيف تذاكر عشان الإمتحانات قربت أما في صحار أم نور جالسه في غرفتها تفكر كيف تخبر نور بالسالفه إللي مخبينها عنها أبو نور مداوم في الشركه أما نور قررت تلهي نفسها بالمذاكره هذا باختصار شو يصير كل يوم الصبح يعني مافي شي جديد الظهر بعد الغدا في مسقط طارق ينادي أحمد : أحمد..أحمد تعال شويه أبي أكلمك في موضوع أحمد وهو يجلس قبال طارق: خير بغيت شي؟؟ طارق بتردد وتوتر: أبي أسألك شي بس أول شي أباك توعدني انك ماتعصب.. أحمد بملل: مابعصب وبعدين؟؟ طارق: ووثانيا أباك توعدني انك تقول الصدق أحمد: أففف بقول الصدق يالله عاد قول خلصني طارق بتردد: نور أحمد: خير شفيها نور؟؟ طارق: الله يخليك قولي شو سالفتها؟؟ انت وعدتني انك تقول الصدق أنا أمس سمعت أمي وأبوي بدون قصد بس مافهمت السالفه زين الله يخليك قول شو فيها نور؟؟ أحمد شوي استغرب من سؤال أخوه: أأأي سالفه تقصد؟؟ طارق بترجي: بليييييييييز أحمد أنا أخوك قولي الصدق شو سالفة نور؟؟ أحمد استسلم لترجيات أخوه:انزين بقولك بس أبيك توعدني ان هالسالفه سر بينا أوكي؟؟ طارق وشوي فرح: أوكي أحمد: هذا ياسيدي كان عمري تقريبا 12 سنه كنت انت صغيريمكن 3سنوات عشان كذا ماتذكر بس أنا أتذكر انا في ذاك الصيف كنا رايحين نبات بيت عمي خالد وفي يوم دخل علينا عمي وهو شايل طفله صغيره تقريبا عمرها شهور ويوم دخل كلهم تفاجأوا وقالولي أروح ألعب بس بحكم فضولي رحت بعيد عنهم بس أسمعهم شو يقولوا قاللهم عمي خالد ان هذي بنت وحده فقيره وهالحرمه ماقادره تربيها هي وأختها التوأم فقررت انها تعطي عمي هالبنت لأنها تعرفه غني وطيب في البدايه أبوي وأمي كانوا معارضين لكن طول ذاك الكلام ماسمعت حس عمتي نوره أبدا بس فجأة سمعتها تقول بنشلها وبنربيها على الأقل بنكسب أجر فيها وهي بتعوضني عن العيال اللي انحرمت منهم طول هالسنين أبوي اقتنع وأقنع أمي وبس انتهت السالفه بأنهم ربوا نور وسجلوها باسم عمي كان طارق يسمع وما مصدق إللي يسمعه معقوله هذي هي قصة نور؟؟ طارق باستغراب: انزين شكل أمي إلين تو ماراضيه أحمد: أصلا ولا شكلها بترضا... بس هاااااااه حسك عينك أسمع الخبر مني مناك طارق: ولاااااااا يهمك سرك في بير ماله قاع .. .. في هذي الأثناء في ولاية صحار وبالتحديد في بيت قديييم يبين ان أهله فقراء كانت في حرمه عجوز طايحه على فراش المرض أم نوف: أمي نوف تعالي بقولش شي مهم!!!!! نوف: يمه لا تعبي نفسج تراج تعبانه وااايد... تقربت من أمها هلا يمه خير بغيتي شي؟؟ أم نوف تتكلم بتعب:أبي أقولج شي قبل لا أمووت شي مهم وايد نوف ودموعها خذت مجراها: يمه لا تقولي كذا ان شاءالله بطيبي أم نوف: يابنتي أباج تسامحيني على إللي بقوله وأباج تعرفي اني ماسويت كذا إلا عشان مصلحتكم نوف بصدمه : على مصلحتنا؟؟؟!!! يمه أكيد انتي مريضه وايد خليني أتصل بالإسعاف. أم نوف بتعب ودموعها ع خدها: يابنتي أنا حاسه ان اليوم هو آخر يوم لي خليني أكمل أبي أوصيج نوف: ان شاءالله يمه آمري!!!! أم نوف وهي ترمي القنبلة إللي بتغير حياة نوف للأبد: يمه نوف انتي لج أخت توأم بس أنا عطيتها حج واحد غني عشان يربيها لأني ماكنت قادره اني أصرف عليكم انتوا الثنتين(نوف فتحت عيونها ع الآخر وهي تسمع صدمت عمرها) يمه أبيج تروحي هناك عند ذاك الرجال وعطيه هالرساله (وهي تناولها الرساله خذتها نوف وخلتها في مخباها) مكتوب فيها عنوانه أرجوج يانوف هذي وصيتي ياااااليتج تنفذيها نوف وهي مصدومه: أنا لي أخت!!!! وانتي رميتيها!!! ليش؟؟ ليش يايمه؟؟حرمتيني من أختي ليش؟؟ وصاحت على حال أمها وحالها وحال أختها اللي ماتعرف عنها شي أم نوف وخلاص العبره خانقتها: يمه نوف أرجوج وصلي هالرساله وصليها وبعده نطقت بالشهاده وارتفعت روحها إلى بارئها هني نوف انتبهت ان أمها ماتتكلم ولا تتحرك نادتها ونادتها بس لاحياة لمن تنادي آخر شي راحت اتصلت بالإسعاف وبعد 5دقائق وصلت سيارة الإسعاف خذت أم نوف ونوف لقوها في حالة صدمه لذلك شلوها وعطوها مهدئ وهي مافي على لسانها إلا أمي أختي اليوم الثاني صحت نوف وهي تحس بعوار في راسها ضغطت زر عند السرير وبعد وقت جات الممرضه نوف: أبي ماااي وجابت الممرضه الماي بعد ما شربت نوف الماي سألت عن أمها ... ارتبكت الممرضه شوي وبعدين قالتلها: لحظه بنادي الدكتور وهو بيخبرج... راحت الممرضه ونادت الدكتور عشان تخبره عن حال نوف وهو بدوره بيخبرها بطريقته عن أمها الدكتور: السلام عليكم ازيك؟؟ لأ لأ انتي النهدره زي الفل نوف: الحمدلله............... نوف: لوسمحت بسألك أمي وينها؟؟ الدكتور: يا أختي انتي انسانه مؤمنه بقضاءالله وقدره ونحن كلنا حنموت في يوم من الأيام.... نوف وهي مستغربه من اللي يقوله الدكتور: شو قصدك؟؟ أمي مااااااااتت؟!!!!!...... نوف: ليش يا يمه ليش؟؟ ودرتيني وخليتيني مع حمل ثقيل أنا ماني بقده (وجلست تصيح ويات الممرضه تعطيها مهدئ) في هذي الأثناء كأن نور حست باللي تمر بيه اختها كانت جالسه في الصاله مع أمها وفجأة حست بلوعة وحزن ماتدري ليش ونزلت دمعه بدون استأذان انتبهت أمها عليها... أم نور: أميه نور شفيج أشوفش حزيينه نور: ما أدري يمه أحس إني حزينه ..!! يمكن هذا من تأثير المراجع بروح أرقد شوي.. أم نور: حبيبتي اذا تبي شي خبريني وأنا بجيبه حلج.. نور: أن شاء الله .. .. .. .. .. .. .. .. .. .. .. .. .. .. .. .. .. .. نرجع المستشــــفى.. نوف كانت تصيح ع حالها وع فراق أمها والحظن الداافي وفي نفس الوقت على المصيبه إللي حلة عليها كيف تتصرف وهي ما تعرف حد غير جيرانهم؟؟ حتى أعمامها ما تعرفهم حتى لوكانوا موجودين لأن أبوها توفى وهي صغيره وأمها ما طرت أعمامها أبدا بس عندها خالها حمد عمرره 22 يسكن فمسقط يدرس بجامعة السلطان هندسه كمبيوتر وهو فسكن للطلاب.. نوف: مالي حل غير أتصل بخالي حمد وأخبره لااازم يعرف باللي صاير أنا ماعندي حد غيره.. نوف عندها موبايل قديييم مرره أمها جمعت فلوسه وشرته حقها..!! نوف تتصل ع خالها يرن بس محد يرد .. تتصل مره ثانيه وأخييرا رد: آلــووو.. نووف..!! شخبارج؟ ويين هالغيبه كلها ما تقولين عندي خال بسأل عنه؟؟ نوف ما قدرت تمسك نفسها صاحت وهنا حمد شك: نووووف!! تصيحين شوو فيج شو صاير ؟؟ أمج فيها شي؟؟ انتي فيج شي؟؟ نوف وهي تهدي شوي (معروفه نوف بقوتها بس صياحها خلى حمد يرتبك): خــااالي الحق علي أمي أمي.... وترد صيح مرره ثانيه.. حمد: شــــوو فيها أمج تكلمي تراج حرقتي أعصاابي!! نوف: أمي مـــــــــــاااتت ياخالي الحق علي ياسندي..!! هنا كأن قنبله انفجرت على راس حمد: أختـــي مــــــاتت........؟؟؟طاحت الموبايل من يده من هول الصدمه.. بعد ما تمالك نفسه واستوعب إللي صاير بسرررعه شال التلفوون وتذكر إن نوف بعدها ع الخط بس الخط إنقطع الرصيد خلص...!! اتصلبها : نوف أنا بستأذن وبخذ إجازه وجاينج تقدري تخلي حد يتم عندج؟؟ نوف: بشوف بنات جيرانا .. حمد: تمام عيل باكر بالكثير بكون قدام بابج لا تخافي وراج ريال .. نوف: خالي لا تتأخر أخاف أجلس بروووحي..!! حمد: ولااااا يهمج.. أهم شي روحي غسلي ويهج وشوفي بنات جيرانج إذا برقدوا عندج.. نوف: إن شاء الله.. .. .. .. .. .. .. .. .. .. .. .. ... ... ... ... ... ... ... ... نروح حق بيت خالد الـ.... فالغرفه الرئيسيه (غرفة أبو وأم نور) أبو نور جالس يفكر بكلام أم نور وأحلام نور المتكرره أم نور أحين خلصت من الصلاه وصدت ع أبو نور : خالد ..؟؟ بــشوو تفكر يالغالي؟؟ عسى خير؟؟ أبو نور: امممم والله كنت أفكر بكلامج وأحلام نور إللي تقولي عنهن.. أم نور: آهاا؟؟ وبعدين شو قررت؟؟ أبو نور: قررت إني أخبرها بس ما ألحين .. بعد الإمتحانات عشان تقدر تركزتمام؟؟ أم نور شوي اطمنت: زين.. بس تصدق ياخوفي تنصدم أوشي يصيرلها .. أبو نور: الأيام كفيله إنها اطلع المخبااي. يالله نروح نشوفها شو معفسه فالكتب أنا قلتلها بجيبلج مدرسين لكن هي قالت أنا شاطره بدوون مدرسين الله يستر..!! راحوا يشوفوا نور.. إلا يحصلوها غايصه بين الكتب والمذكرات والإمتحانات والملخصات كان شكلها يفطس من الضحك وباين عليها إنها ما فاهمه شي من إللي تقراه أبو نور ماسك ضحكته: السلام عليكم.. هود هود .. نور وينج ما أشوفج بين هالكركبه..!! نور تطلع من كومة الأوراق: هلا بالطش والرش وماي الورد فالغرش .. ماخبرتوني انكم بتزوروني ولا بخرت الغرفه ورتبتها خخخ.. أم نور: هههه والله إذا من هالكركبه بتجيبي نسبه كثري منها هههه أبو نور: صدقها أمج عسى بعد هالتعب اطلعي بنتيجه حلوووه وأنا أبووج.. نور: لااااا تحاااتي يا أبو نور بنتك جدهاا ههه أم نور: يـــارب وفــــق بنـــتي وعســـاها تجيب ذيكـ النسبـــه الحلووه .. يالله حبيبتي تصبحي ع خير.. نور : وانتوا من اهل الخيير ياأغلا نااس فالدنيااا.. وكل واحد راح يرقد عشان بكرا يوم جديد.. .. .. .. نرجع لنوف:: نوف: مشكوووره يارقيه والله ما أدري شو كنت بسوي لو ما جيتي تنامي عندي.. إيمان: العفــــــوو حياتي وأصلا هذا واجبي ان أساندج في محنتج.. نوف:والله أنا خايفه من المستقبل ما أدري شو بسوي والأدهى من هذا كله ان الإمتحانات قررربت وما أدري شسوي خالي بجي بكرا وبنشوف شو انسوي.. إيمان: الله يعينج حبيبتي.. يالله الحين نامي والصباح يصير خير انتي اليوم واايد تعبتي..!! >> إيمان بنت جيرانهم وهي ربيعتها عمرها 20 << نوف: صح تصبحي ع خير.. وناموااا .. الصبح س9 الباب يدق يدق بقوووه !!!! نوف نشت مفزوعه: بسم الله الرحمن الرحيم خير اللهم اجعله خير!!.. قربت من الباب شوي شوي .. ممن ؟؟ من ع الباب؟؟ حمد: فتحي نوفه هذا أنا خالج حمد.. نوف ارتاحت وفررحت: خالي!!!!!! حياك حياك أخيييييييرا وصلت؟؟وينك ليش تأخرت؟؟ حمد: هلا والله بشيخة البنات نوفه ... أخيرا وصلت لا تخافي.. شوي ظرووف.. شو بتخليني واقف ع الباب؟؟ دخليني البيت!!هههه نوف: أوووووه سوري خالي من الفرحه نسيت انا عالباب!! >> طبعا كل واحد يحاول يبين انه فرحان عشان ما ينكد ع الثاني بسبب وفاة أغلى إنسانه!!<< نوف: صبر خالي روح فالمجلس ترا بنت جيرانا بعدها نايمه..!!عن نزعجها حمد: أووكي .. شكلي قطعت عليج نومتج سوري.. نوف: تصدج خالي ما نمت إلا الساعه 3!!! حمد-يلطف الجو-: أكيييـــد كنتوا تسولفوا معرووفات يالبنات كله سوالف!! نوف وبدى الحزن يظهر على قسمات وجهها الندي: والله بنت جيراننا نامت تحسبني نمت بس أنا ماقدرت أنام ... وبدى صوتها يتهجد .. اشتقت أمي اشتقت حظنها الدافي .. طاحة حبات اللولو من أجمل عيون .. صدت على خالها .. خالي ؟؟ ليش كل إللي نحبهم يروحوا عنا؟؟ وكأن نوف رجعت 10 سنين لورا وصارت طفله صغيره فاقده أغلى وأدفى حظن حمد ضمها له وهو متأثر معاها: بس خلاص يانوف هدي نفسج انتي بهالطريقه بتعذبيها بقبرها..!!!!!!.. وبعدين أنا معاج لا تخافي.. نوف وبدت تهدأ: خالي أبي أروح معاك ما أبي أتم هنا..!! دعــــــــآيـــة ثـــم يبــــدأ عـــرض آلجـــزء آلثـــآلــــث
|
#2
|
||||
|
||||
<< عــــــدنـــــآ <<
الجزء الثالث.. نوف: خالـــي أبا أروح معاك..ما أبا أتم بروحي هنا حمد: ولا يهمج يانوفه بشلج معاي أنا رتبت أموري وبشلج وياي حتى ربيعي فزعلي وألحين يدورلي شقه أستأجرها عشان نسكن فيها والوظيفه بشتغل عندهم نوف: بس أخاف أعبل عليك ياخالي..!!! حمد: أفا عليج ما في أي عباله.. .. .. .. .. .. .. .. .. ... نروح شوي مسقط طيف: أففففففف وينه هذا..؟؟من ساعه وأنا أترياه أباه يساعدني بالمذاكره..!! أم أحمد : وش فيج تتأفي؟؟!!!! من هذا إللي تترييه؟؟ طيف: هذا طرووق مخلني من ساعه أنتظرره ولا بين واعدني يساعدني بالرياضيات!! فنفس اللحظه يوصل طارق: السلام عليكم أم أحمد و طيف: وعليكم السلام والرحمه طيف : طــــــــــــارق!! وين كنت وأنا أترياك؟؟ طارق باين عليه التعب: سوري ترا ربيعي طلب الفزعه ومابغيت أرده أم أحمد: خير ياولدي شو فيه ربيعك؟؟ طاررق: هذا الله يسلمج أخته توفت وماعندها غير بنت ما أدري كبر وش بس إللي أعرفه إنه مالهم غير بعض..فقالي أدورله شقه يأجرها.. أم أحمد: بس ياولدي من وين بيأجر ما هو يدرس عندك بالجامعه.؟؟ طارق: لا تخافي كلمت أحمد أخوي وحصلتله وظيفه عدنا وإن شاءالله أموره ok أم أحمد: الله يعينه .. أمي أباك تساعده فهالمحنه.. طارق: أفا عليج أماه لا توصي حريص.. طيف: يالله عاد ربيعك وساعدته ..باقي تساعدني أنا أختك الوحيده. طارق: طيفوه تبا مساعدات؟؟!!!!... وليش ما خذيتي مدرسين .. أحسن مني لاه..!!! طيف تبرر: أولا أنا اسمي طيف ما طيفوه وإذا بغيت ادلعني قول طيوفه.. وثانيا ترا أنا وبنت عمي المصون مسوين تحدي من بتجيب نسبه أكبر بدون مدرسين!! طارق: ههههه،، والله انكم سوالف يالبنات ... بس تمام بساعدش من عيوني الثنتين.. طيف: مشكووووووووووور ... تعال فالغرفه أحسن.. طارق:أوكى صبري بروح أشرب ماي.. بعد 5دقايق راح حل (حق) طيف: حشى هالكثر أوراق ؟؟ والله ما أحيدني جبت هالكثرأوراق يوم كنت كبرش.. طيف: تراك انت ولد ماتحب تولف ع نفسك.. المهم ودر البربره الزايده وتعال ساعدني طارق حب يتنيذل فيها: خلاص باي بروح عند ربعي.. إنتي تبي خدمه وماتحترميني؟!!!! طيف تتمسكن : أفا عليك طارق حبيبي تعال ما أقصد شي.. طارق : برضى بس بشرط اطلبيلنا اليوم بيتزا هت ع حساااابش << استغلال فرص خخخخ طيف: انزين بس تعال انت ساعدني طارق: تمتم ... يالله وش ما فاهمه؟؟ طيف قامت تراويه اللي ما فاهمتنه وهو يداليها ـــــــــــــــــــــــــــ نجي حل نوف وخالها حمد.. حمد عرف بسالفة توأم نوف هي خبرته السالفه وتفااجأ لأنه ما يتذكرها أصلا!! حمد: انزين ألحين وش بنسوي؟؟ نوف: خالي أنا ماراح ارتاح إلا لما أحصل أختي بس بنفس الوقت خايفه ع امتحاناتي حمد: بالنسبه لإمتحاناتش أنا بنقل أوراقش لمسقط عشان تمتحني هناك وبعد الإمتحانات بندور أختش.. نوف: إن شاءالله خالي حمد: يالله جهزي أغراضج بتجي وياي مسقط وهالبيت بنأجره.. نوف : انزين ... أوووووووووه نسيت بنت جيرانا بروحلها.. حمد ضحك عليها: ههههه روحي لبنت الناس!!!! نوف ركضت تشووف إيمان كانت إيمان ذيك الساعه طالعه من الحمام –أكرمكم الله- : انتي وين رحتي وخليتيني؟؟!!! نوف: سووووووووري حبوبه بس خالي وصل ورحت أدخله ونسييتج سوري مره ثانيه.. إيمان : عيل أنا بروح البيت دام خالج وصل .. مع السلامه حبوبه نوف: أفااا كيه ما تريقتي؟؟!!!! ما يصير تروحي البيت وما متريقه!!! إيمان: أي ريوق هالساعه الله يهديج قولي غدا ما ريوق!!! نوف : كيه كم الساعه الحين؟؟ إيمان: الساعه 1 الظهر!!! نوف: صح والله انزين صبري بروح أطلب من المطعم غدا وبجي فهاللحظه يندق باب البيت وراح حمد يفتحه كانت أخت إيمان الصغيره دانه جايبه غدا وتزقر إيمان بالمره بس إستحت من حمد دانه: وين نوف وإيمان؟؟ حمد: لحظه.... حمد: نوووف تعالي بنيه صغيره عند الباب..!! نوف : لحظه ألحين بروح أشوفها نوف تكلك دانه: هلا هلا دانه حبيبتي تبي إيمان؟؟ صبري بتتغدا عدنا!! إيمان تقاطعها: لا فديتج أمي مطرشه دانوه عشاني أكييد إشتاقتلي فديتها.. لأ لأ بعد مطرشه غدا حلكم.. يالله حياج وبينا ألووو تمتم؟؟ نوف: تمتم ... وخذت الغدا وراحت داخل نوف: خااااااااااااااالي تعال إلحق ما تلحق ع الغدا تراني جوعانه وبكله كله عنك حمد جا طيراان <<خخخ خوووش تعبير>>: لا لا ما بتاكلي عني أهوون عليج.؟؟؟ نوف: هههه ماسمعت المثل (( عند البطون تعمى العيون))؟؟ هذي أنا إذا شفت أكل ما أعرف حد هع هع حمد: فيه العافيه بس عاد سمحيلي إذا خلصته عنج.. من زمان ما ماكل أكل بيت نوف: يالله بسمo الله .. وكلوا بعد الغدا نوف شلت أقشارها وركبت السياره وخالها قفل البيت!! وطاحت دمعه تودع بيها هالبيت ع الرغم من صغره إلا تحسه هو الأمان هو البيت إللي تربت فيه وعاشت فيه أحلى أيامها.. نوف وبعد ما مسحت دمعتها :خالي أبا أروح أودع جارتنا.. ممكن؟؟ حمد يطالعها بحنان: ممكن ياكل دنيتي.. نزلت نوف وراحت بيت جيرانهم دقة الجرس وطلعلها علي ولدهم الصغير وقالتله يزقر إيمان جات إيمان بسرررررررعه: هلا نوفه حياج حياج نوف: إيمان أنا جايه أودعج بروح أسكن فمسقط مع خاالي إيمان كن حد صب عليها ماي بارد: وش؟؟!!!!! ليش ترووحي؟؟ نوف: يا إيمان محد عندي هنا وش تبيني أسوي؟؟ إيمان : إللي يريحج سويه والله بشتاقلج واايد عاد لاتنسيج مسقط صحار وأهلها نوف: أفا عليج والله ما بنساها وإن شاءالله بتصلبج كل ما صارت عندي فرصه وسلمي ع أمج OK ؟؟ إيمان : ولا يهمج. وقولي حل خالج شوي شوي فالطريق تراج غاليه علينا.. نوف: هههه إن شاءالله ولا يهمج وللمره الأخيره حضنوا بعض وراحت نوف تركب السياره وفي بالها 3 أشياء دراستها أختها وتبدأ حياة جديده.. ____________ نووور شو تسوي؟؟ الله يسلمكم داخله المطبخ ومعفسه الدنيا أونه مسويه سربرايز حل أمها مسوتلها كيكه لكن لو تشوفوا شكلها كأنها بمعركه وجهها وملابسها ويدينها كلهن طحين ولا البيض قشره مني وقشره مناك و الحليب وغيره وغيره >> مايخلصني أكمل خخخ<< والشغاله جالسه بررع وتتحرطم هههه أمها جات شافت الشغاله مفووووووووله وسألتها: ميري وش صاير ليش تسوي جنجال؟؟ ميري: مدام شوفي نور أوين يريد سوي كيك يطلع أنا وألحين مطبخ كله وصخ !!! أم نور ضحكة ع خبال بنتها: هههه نوووور!!!! نور سمعت صوت أمها قدام المطبخ – ع فكره المطبخ قسم منفصل عن البيت - : أمااه لا دخلي مسوتلج سربرايز!! أم نور: وش هذي بعد سربيز؟؟ نور: هههههه أمااه ما سربيز سربرايز... يعني مفاجأه عاد لاتخربي عليي أم نور: انزين يا بوش لو قلتي حال ميري تسويها حلج أكيه تتحرطم أوين موصخه المطبخ!! نور: وه وش شغلتها تنظف.. بس ماعليه اليوم أنا كريمه وبنظف المطببخ بس إنتوا روحوا جلسوا ع الكراسي إللي فالحديقه الجو حلو أم نور: الله يستر من مفاجآتش.. تكلم ميري.. تعالي جلسي وياي فالحديقه اليوم نور معطتنش أجازه ميري : زين مدام وراحوا الحديقه .... الله يسلمكم ميري عندهم من 12سنه وحافظه نور وتعرف كيف تتعامل معها.... تمت نور بالمطبخ تعابل هالكيكه وبعد سوت شاي أخضر بالنعناع<<هذا نوعي المفضل ويوم خلصت سارت الحديقه لقت أمها والشغاله جالسين وحطت الأكل نور: وهذااااا أحلى كيك وشاي من يدي لأغلى إنسانه أم نور: حبيبتي انتي والله ... عطت ميري كيكه وستكانت شاي وراحت جلست نور قبال أمها: أماه ياخي مليت من المذاكر حشى..!!!! أم نور: حبيبتي لازم تذاكري عشان تجيبي نسبه ولا ماتبي تجيبي نسبه؟؟ نور: إن شاءالله بجيبلكم ذيك النسبه الحلوه إللي ترفع راسكم فوووق فهاللحظه يوصل أبو نور: ماشاءالله الغالين متجمعين فالحديقه ولا بعد ياكلوا كيك وشاي نور: حياك حياك أباه.. أصلا أنا ما قادره أكل لأنك ما موجود.. أبو نور: باين!!.. لدرجة إنش مخلصه نص الصحن هههههههههه أم نور: ههههههههه تعال تعال كل هذي نور مسويه الفواله نور: صح صح تعال باباتي وخبرني وش رايك بالكيك والشاي؟؟ أبو نور: إللي يسمع يحسب وليمه ما كأنها كيك وشاي!!! أم نور:تفضل أبو نور .... وتناوله كيك وشاي أبو نور: يم يم .. حلو والله وطلعتي تعرفي حل الكيك!! نور: أفا عليك أنا قدها ونص.. يالله عن إذنكم بروح أذاكر باكر أول إمتحان الله يعين.. أم نور: روحي يا بنتي والله يوفقش في إمتحاناتش قول آمين أبو نور: آمييييييييييين وراحت نور تذاكر ............ في سيارة حمد نوف ما تحب الطريق الطويل فكلت حبتين بندول ونامت وبعد ساعه ونص وصلوا مسقط بالتحديد منطقة الخوض وعاها حمد: نوف نوف نوفه قومي وصلنا البيت هو أول مر عند طارق جاب مفاتيح البيت نوف وعت من نومها: هلا خالي هااه وصلنا؟؟ تراني تعبت حمد ضحك ع شكلها: هههههه اذا انتي تعبتي أنا شو أقول عيل؟؟ طول الطريق وانتي نااااايمه!!! نوف : والله ما أحب الطريق الطويل حمد: ههه انزين عاد يله نزلي وأنا بنزل الأغراض وهاج مفاتيح البيت.. نوف: راحت داخل وكانت الساعه 9 بالليل.. @@@@@@@@@@@@@@@@ طيف: أفففففففف والله مليت عاد باكر بيبدوا بالكيمياء خووووووووش بدايه!!! بسألج إنتي خلصتي؟؟ نور: أنا مخلصه من زمان بس أعيد عليه.. يالله شدي حيلج... إن شاءالله بجيب نسبه أكثر منج هع هع هع طيف: روووحي في شغلج أنا بجيب أكثر – يالله باي بروح أذاكر وبتصل فيج باكر الظهر أوك؟؟ نور: أوك— يالله سي يا .. طيف جلست تذاكر بعد ما قفلت عن نور.. كانت الساعه 1 بالليل إلا وتسمع دق خفيف ع الدريشه!!! طيف من النوع إللي بمرره يخاف: ممن ؟؟؟ والدق متواصل آخر شي عقت الكتاب وتلحفت باللحاف من الخوف ياحليلها..خخخ كان طارق راجع من الرمسه وحب يسوي فيها مقلب يعرفها خوااافه!!! آخرشي راح داخل ودق عليها الباب..: طيف فتحي أنا طارق طيف ارتاحت وبطلت الباب: طرووق بخبرك توني سمعت دق ع الدريشه !!! أنا واايد خيفانه.. هنا طارق ما قدر يمسك نفسه من الضحك: ههههههههههههههههههه – يالخبله هذاك أنا سووري ع المقلب ما كنت أحسبج جبانه لهدرجه!! بسألج شو بعدج تسوي لهالوقت ما باكر عليج امتحان؟؟ طيف: ترا بعدني ماخلصت الكتاب باقي موضوع واحد وأخلص.. طارق: نصيحه روحي نامي وباكر قومي من وقت وكملي اللي باقي.. طيف:إن شاءالله ... وراحت تنام __ الله يسلمكم سمعوا كلامه أنا مجربه السهر ليلة الإمتحان واللي استفدته إني نمت بنص الإمتحان خخخخ __ يــــــ الإمتحـــــــــــــــــــان ـــــــوم ... الكل كان مستعد حتى نووووف ع كثر الظروف إللي عدها نجي حق نور.. نور دشت قاعة الإمتحان ودعت ربها إنه يسهل عليها >> داشه معركه ما إمتحان!! وبعد الإمتحان ياتها ربيعتها بثينه تسألها عنه نور: بثوووووونه شيمه لا تتكلمي عن الإمتحان أصلا نحن ما إمتحنا..!!! بثينه : ههههه كنت عااااااارفه انج كذا بتقولي وأصلا أنا جايه بس أطفربج خخخخ نور: صدق انج بايخه أوين أنا معصبه من الإمتحان وهي اطفربي!!! طااالعي جات أسووم وشكلها معصبه تعالي تعالي بنروح نطلعها ن العصبيه بثينه: أووونه ما كأنج توج تقوليلي إني بايخه ألحين إنتي بروحج تسوي كذا نور: ههههه فديتج أنا غير وانتي غير ... أسسسسس سكتي جات أسماء: هلا هلا بالآنسات أشوفكن طالعات من وقت !!! عاد حليتن؟؟ نور: حليت والحمدلله لكن الله يعين ع النتيجه .. بثينه: بالله عليج خلوكم تغشوا؟؟ نور: عيل شوو؟؟ الأبله جابتلنا الكتاب وقالت غشوا ولا البنات يسألوا ع المكشوف خخخ أسماء فتحت عيونها ع الأخر: هااااااااااااااااااااااه!!!! نور: هههههههههههههههههههههههه امزح أمزح والله انهن ماطاعن يساعدنا بس مماعليه أنه سويت إللي علي وطلعت أسماء :يالله خير إن شاءالله بثينه: يااااااارب نجيب نسبه حلوووووه ونروح الجامعه وندخل نفس التخصص وبعد نفس الكلاس هع هع نور: خييييييييييبه بتلحقيني لين هناك؟؟ بثينه: إللي يسمعج يقول واثقه بتجيب نسبه نور نفخت عمرها: فديتج بجييييييب وانشاءالله أحسن عنج – وطلعت لساانها تغايضها— أسماء: هههههه يالله منج يا نور أحين ليش ما تبينا معاج ؟؟ بنقول بثينوه دمها ثجيل بس أنا حليل شوفيني حلاتني شطوررررره وعاقله بثينه فتحت عيونها ع الآخر: شو شو شو ؟؟؟ ألحين أنا دمي ثجيل؟؟ ما عليه مقبوله منج حليلج ما تفهمي فالمزح نور: أقوووووول مع السلامه برووح أبوي جا يشلني بثينه : لحظه حبووووه ما بتجي بالباص؟؟ نور: لأ أبوي بيوديني البيت أسماء: أوكي حياتي روحي الله معاج وراحت نور لأن أبوها جا وانتهى أخيرا الجزء الثالث عشان خاطر وتس أب الحلووووه هالجزء يمكن كان شوي بااارد!!! توقعااااااااااااااااااااتكم .. نلتقي بالجزء الرابع وآلخآمس تحيآتي آلكآتبه : شموخ آلحنين
|
#3
|
||||
|
||||
أخيرا رأى النور الجزئين الثالث والرابع يابنتي
ياحياتي يانور رحمتها عن جد حزنت عليها توقعااااتي ماادري والله يمكن طارق يخبر نور السالفه سالفتها يعني ويمكن نور تلاقي أختها التوام بالصدفه توقعاتي كذا
|
#4
|
||||
|
||||
واااااو شموخ حركتيشن
اتوقع طيف تلاقيها بالصدفة بمكان عام لانها راحت لمسقط وبتظن انها نور بانتظار الرابع والخامس شكرا شموخ
|
#5
|
|||
|
|||
صراحه بداء المسلسل يسخن وصار له احداث ساخنه خاصه عقب ماطلعت لنا نوف وعرفت ان لها اخت توائم ... واعجبني صرااحه دور طاارق في القصه لانه هو محور الاحداث كلها واتوقع انه هو بطل القصه واتوقع ان طارق يدور لخال نوف شقه ويعزمه خال نوف في بيتهم وبعدها طارق يشوف نوف طبعا وينذهل عقب مايشوف نوف لان نوف شبيهه نور بالتمام والكمال واكيد طارق عرف الشبه وهو الوحيد اللي يعرف ان نور لها اخت طبعا اتوقع بتصير احداث دراماتيكيه في القصه منها نوف بتحب طارق واعجبت فيه لاول مره تشوفه وبعدها بيصير مسكين طارق معلق بين اهله وبين رفضهم انه يكون قريب من بنت عمه سابقا نور وكذلك اختها نوف واعتقد بتصير القصه محزنه جدااااااا بالتوفيق ياشموخ ونلتقي فيك في الجزء الاخير |
#6
|
||||
|
||||
نشوووف آن شآء آلله مين توقعه صح يآويلي مآ آصدق آنآ كتبت هذآ مآشآء آلله علي .. وشكراا عذووبهـ
|
#7
|
|||||||||||||||||||||||||
|
|||||||||||||||||||||||||
مآ آقولك دنوو صرت كآتبه نشووووف توقعتكم آن شآء آلله .. آن شآء آلله .. آلعفوو دندونتي
|
#8
|
|||||||||||||||||||||||||
|
|||||||||||||||||||||||||
آشكرك سكري زيآده آنت وعذووبه ودآنه ل متآبتعتكم لمسلسلي .. وآن شآء آلله يكوون توقعك صحيح ونتقآبل آن شآء آلله آخوووي ..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |