العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
ياهل الخير ساعدوني!!
السلام عليكم ورحمة الله وبركاته ...
احبتي اردت ان استشيركم في امري قد تقولون استشيري احدى المشائح او العلماء ,,,,لكنني احترت ومليت من كثر مااشرح قضيتي لهم ومالقيت نتيجه.. انا الان عند اختي ليس لي دخل مادي ماني موظفه وابي ابدا حياتي من جديدلاني مدري وش اللي بيجد في حياتي اللي فهمته من عيالي ان ابوهم احتمال كبير يطلقني.... لقيت مشغل صاحبته تبي شريكه بدون راس مال فقط اداره للمشغل والربح النص بالنص عجبني عرضها سالت اختي اللي انا مقيمه عندها مانصحتني لان يمكن زوجي لو عرف يبهذلني او ادخل في مشاكل اكبر لان زوجي قال لبنتي بلغي امك ماتتحرك اي مكان عند خالتك وانا موراضي لو راحت اي مكان بدون علمي والاسواق لاتروح لها اطلاقاً يعني حكم علي بسجن في بيت اختي بصراحه انا استحيت وانا جالسه عند اختي ابي اشغل فراغي واستفيد واطلع لي راس مال استفيد منه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ برايكم هل يجوز اني امسك المشغل واديره دون علمه او مايجوز اخاف اكسب اثم وانا طالعه برى البيت دون علمه علماً انه لوعرف بيرفض هذا الشي تكفون اللي عنده جواب يردلي خبر ..شاكره لكل من ساندني برده لي .........محبـتــكم شمـــوع الامــــل |
#2
|
||||
|
||||
دع ما يريبك إلى ما لا يريبك
ما انتي ملزومه تشتغلين وهو محذرك ويتهدد ويدور اي شي علشان يطلقك فامسكي البيت ولا تطلعين ولازم تحطين الف احتمال انه راح يعرف انك تشتغلين افرضي جا لبيت اختك ولا لقاك او افرضي احد همس باذنه انك تشتغلين او او او لا تهدمين حظوظك بسبب عمل واصبري وانتظري
|
#3
|
|||
|
|||
لعنبوه رجل يهايط على حرمة
رجل بداله الف رجل لكن فرصة العمل وبشكل هذي ماراح تتعوض وبعدين كيف تبغين تكملين مع انسان يدور عليك الزلة توكلي على الله وشوفي رزقك
|
#4
|
|||
|
|||
هلا اختي الغاليه
اسال الله العظيم ان يفرج همك وان يصلح لك زوجك وان يسعدك اختي الغاليه انصحك بعدم الخروج بدون اذن زوجك لاتدمرين حياتك حاولي انك اولا تحلين مشكلتك بان ترجعين لزوجك وانا انصحك بما ان عندك اطفال لاتفرطين بحياتك حاولي ترجعين اذا كان ممكن علشان عيالك عيشي لهم ربيهم هم بكره ينفعونك لاتستعجلين الطلاق بالنسبه للوظيفه اتركيها الان دام وضعك كذا وربي بيعوضك خير منها واكثري من الدعاء والاستغفار قال الله تعالى: (ومن يتق الله يجعل له مخرجاً، ويرزقه من حيث لا يحتسب) اسال الله العظيم ان يفرج همك وان يكتب لك الخير حيث كان
|
#5
|
||||
|
||||
وعليكم السلام ورحمة الله وبركاته
اختي العزيزه ماشرحتي قضيتك لنا على الوجه المطلوب اولا قلتي لناليش انتي قاعده عند اختك طالمانك في ذمة رجل ثانيا هل هو ينفق عليك وعلى اولادك وهل هو طاردك من البيت ام انتي طامح منه عند اهلك ارجو توضيح هذا من شان نقولك اللي عندنا لكن اذا انتي على ذمته وينفق عليك لايحق لك تعصين امره ويجب ان تقنعينه وتفهمينه انه مشغل نسائي لايدخله الرجال ومكسب حلال ان رضى نعم هي ون لم يرضى رايه مقدم على رايك اذا هو ينفق عليك ويسكنك ومتكفل فيك اما انك تقولين احتمال يطلقني هذا غيب والانسان مايحكم على الغيب لكن انصحك بالتودد لزوجك وماهمايكون هذا ابو عيالك وبعد ماجبتي العيال وراح العمر صعب ان تبدين من جديد لكن خليك عاقله ونا اعتب على من قال لك رجل بداله رجل وقول لامثاله انت تتكلم عن جهاله من يقول رجل بداله رجل اذا المراه نفضت مافي بطنها وتقدم سنها من هذا العريس اللي يبي يتقدم لها مامتقدم لها اللي مفتحه عنيه لكن ياختي امسكي رجلك ومسكي بيتك وولادك وذكرك بقصة صحابي وصحابيه تزوجة رجل رث الثياب كريه الخلقه لكنه تقي وهي حسنة المضهر والعشر قالت له يافلان انا وياك من اهل الجنه قال لها كيف عرفتي قالت سمعت رسول الله صلى الله عليه وسلم يقول الشاكر والصابر كاهاتين بالجنه وشارة بالوسطى والسبابه ونا ابتلاني الله بك وصبرت ونت انعم الله عليك بي فاشكرت والشاكر والصابر بالجنه قال لها صدقتي ونتي ياختي كوني صابره تنالين رضى ربك وتحفضين بعلك وولادك وبيتك تحياتي لك |
#7
|
|||
|
|||
الله يكون بعونك ..
مانقدر نفتيك بـ يجوز أو محرم وووإلخ > هذا خاص باأهل العلم .. اللي نقدر نقوله حطي حد لحياتك .. بتبتلين كذا ..! اما عيشي مع زوجك والا تطلقي منه وابعدي عنه حتى ماتقحمين نفسك بعصاية أوامره وانتي موب عنده .. انتي حددي مصيرك من الآن ....
|
#8
|
||||
|
||||
ياااختي لاتحلين مشكلتك بمشكله اخرى
حاولي تحلين وتصلحين مابينك وبين زوجك ولاتجلسين في بيت اختك كذا ساكته لازم تخلين احد عاقل وفاهم يتدخل بينك وبين زوجك او خوذي موعد في المحكمه ويستدعون زوجك\قولي انا ماابي الطلاق لكن اعاني من زوجي والي ملاحظ ليه انه فيه مرض نفسي هم بدورهم المحكمه يحلون مشكلتك اذا ماكان عندك ولي امر متفهم نصيحه اتجلسين في بيتك اختك مكتفه يديك وتدورين على شغل\دوري علىحل لرجوعك لبيت زوجك معززه مكرمه والله يوفقك ويفرج همك
|
#9
|
||||
|
||||
ما اقدر احلل
لاكن انهي مشكلتك لو توصلينها للمحكمه واذا طلقك افعلي الاسباب والرزق على الله |
#10
|
||||
|
||||
بالنسبه للحل يائست وعجزت عنه انه يتعالج
عيالي يوم قالهم ضربهم وقال انا مافيني شي امكم توهمكم علشان ماتدرون عنها.. وبالنسبه للمحاكم ماني متصوره نفسي وانا رايحه اشتكي .. عيالي بيكرهوني اكثر لوشكيت على ابوهم لانهم يحبونه ... وماعندي سند استند عليه يشاركني في انه يتولى الامرهو للمحاكم بالسر... انا قلت اشتغل واصرف على نفسي واستني لين يحكم الله لي وهو احكم الحاكمين وهو اللي يتخذ القرار بنفسه علشان مايلومني الكل واولهم اخوي.. شاكره لكل من ادلى برائيه |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |