العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
4 حبات مانجو ب 30 ريال !!!
أنا مالي علم في السوق..لله الحمد والمنه دايما يكون خروجي مع ناس مطانيخ يحلف علي اني ماراح أدفع..طبعا هذي حالة كل اللي يعملون في مناطق نائيه وتشمل بعد الصمل..اي اللي تأخر ماتزوج ويتعزب بيوت أخوانه وجماعتهم..
المهم..امس اضطريت اروح لحالي واشتريت اثنين كيلو مانجو..الحساب 30 ريال وهن ماغير 4 حبات هل السعر هذا في جميع انحاء المملكه...هل سعره معقول او مبالغ فيه؟ طبعا انا كتبت الموضوع اولا لأنه الوحيد اللي مسموح لي اني اتكلم فيه..وثانيا لأن زميلنا مستغرب عنده بسطة خضره بعنيزه وحبيت انه يفيدني وياليت يعطيني السعر العادل للشمام كم وزارة التجاره انا اكتشفت ان ماعندهم سالفه..زميل لنا غير قزاز سيارته في رفحاء ب 180 ريال..ولما راح للخفجي اضطر يغيرها..ب320 ريال!!! كلمني وعطيته رقم وزارة التجاره..8001241616 يقول في البدايه اوكي..وعطوني رقم لأتصالي ولمعاملتي..وبعدها زاد سعر القزاز وصل 350 ..وفي رفحا مازال 180 ونفس المواصفات والماركه... أنا عندي خبر ان رفحا غير عن المدن الثانيه ..لكن حرام حتى اهل الخفجي تراهم سعوديين حتى لو أنهم تأثروا بالكوايته باللبس.. القزاز عند البدو يقابله الزجاج عند الحضر..للعلم فقط.. شرايكم دام وزير التجاره نايم هالحين نسوي شركة مانجو وقزاز |
#2
|
||||
|
||||
معروف عن المانقو انه غالي..
انا اذكر شرينا وحده مانقو بـ5ريال يعني اذا منقاتك كبيره يصير هذا السعر معقول لها المقصد من شراء وحده مجرد ذواقه أما سالفة القزاز تتكرر في اغلب المنتجات تصير بمنطقه غاليه وبمنطقه أخرى رخيصه مع العلم انها نفس الشيء( طبق الاصل) وإذا فتحت شركه أبغى وظيفة عندكم سكرتيره تراني محتاجه ..<<بس لاتعلّم .
|
#3
|
||||
|
||||
إختلاف الأسعار بين منطقة ومنطقة شي نقدر نقول معقول
لكن يكون الإختلاف مع أن البضاعة والصناعة والسوق واحد بس اللهم اختلف المحل , هذا جاي في أول السوق وهذاك في آخره ..! وإختلاف لا يمكن تمشيه أو تقول ما يسوى أننا نسوي مشاكل علشانه فرق السعر وصل لـ 300 ريال ..! للأسف الغش التجاري في كل مكان وعلى كل بضاعة , والرقم الموزع وهمي ما فيه أحد تعامل معاه وطلع بنتيجة أبدًا .. طبعًا لو جينا للمفروض فالذمة والضمير لو هو حي بصحيح ما احتجنا لأرقام ولا اشتكينا بس المفروض شي ..والواقع للأسف شيء آخر ... تحياتي لك ..
|
#4
|
||||
|
||||
حتى المواد الغذائية كل سوبر ماركت له تسعيرة غير وتفاوت مو بسيط
بالنسبة للمنقا .. مانقطعه لان بنتي الدبا .. تموت فيه بس ماتخيلته غالي كذا .. بلاها المنقا اصلا تزيد الوزن
|
#5
|
||||
|
||||
اية كل شارب وله مقص
الرفحاويون احليلين ومنطقتهم مب كبيره بالحيل واغلبهم يعرف بعض..ولاتنساء ان رفحاء تابعه للاردن لاكن الخفجاويون هم تابعين لمحافظة ..ام الهيمان الكويتيه..وهنا الفرق بالاسعار اقوول لوباعه 3000 ريال مو300 صدقني مايجيه شي من الحكومه ان سلم من العجراء من صاحب السيارة ولاغيرها يبشربسلامه عندك هنا حونشيه عينك عينك اجل ماتمشي الامع ناس مطانيخ عشان يباشرون عليك بس كويس خليك تحس شفت كيف دفعت لك30 ريااال ومغصك بطنك .. كان دق ع الدفاع المدني بدال وزارة التجاره صدقني يمشكلته ان تنحل ..لان الي شغالين فيه كلهم مطانيخ وفزاعه
|
#6
|
||||
|
||||
موش مصدقه حمود ينتقد
ووزارة التجارة حته وحده شكل يوزرك مسروق ما علينا بالنسبه للسعر الحال من بعضه أنا عشت هالشهر بلحالي بكل شئ اراجع واسدد واشترى ولا قدرت أكل فاكهة ولا خضروات وهفت نفسي على فطيرة سبانخ بالجبنه قلت بس اذهب لبنده واتبضع وبعد ما تبضعت اكتشفت كل الي اشتريه موجود الا الخضروات والفواكه وتكرر هالوضع معايه اكتشفت انه اذا ما حطوا السعر من راعي الخضروات اذا رحت تحاسب وهي بدون سعر يرمونها وانت يا غافلين لكم الله الشاهد كم عدد المواطنين الي يعرفون اسم وزير التجارة هذا والله أعلم
|
#7
|
||||
|
||||
ماتصلحين سكرتيره..انتي فيك عصبيه جاهليه..بتسوين تخفيضات 90 % لحرب وتخسر شركتنا |
#8
|
|||||||||||||||||||||||
|
|||||||||||||||||||||||
هو ماهو وهمي..وانا سبق وتناقشت مع وكيل وزارة التجاره في هالموضوع بالذات عام 2006 وان ماخاب ظني كان اسمه حسان فضل او ماشابه..كان يقول انا توني جاي من وزارة التخطيط..عطني شهرين بس ويتغير الحال!!
اعتقد ان الادارات العليا مافيها مشكله..لكن المشكله من الموظفين السعوديين الشباب..كسالى وضميرهم نايم بحسن نيه..مع ان عندهم صلاحيات واسعه توصل لتسكير المحل وغرامه 10000.. |
#9
|
|||||||||||||||||||||||
|
|||||||||||||||||||||||
|
#10
|
|||||||||||||||||||||||
|
|||||||||||||||||||||||
والله انك صادق..
ونعم بالدفاع المدني..بس لو يخففون من الكبسات شوي.. بس وش سالفة المقص والشارب؟؟ الحاشي اللي بالصوره للبيع؟؟ |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |