العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
السفر لأندونيسيا
السلام عليكم ورحمة الله وبركاته نوينا السفر مع الوالد الله يحفظه لاندونيسيا بس ماعندنا معلومات كافيه عن المناطق السياحيه فيها وهل هي امنه لسفر العائله وكيف تروون قضاء الليل في الجبل الاخضر في الفيلل الموجوده فيه وهل الحضارم الموجودين في اندونيسيا اهل للثقه ام لا ,اللي زارها لايحرمنا من المشوره وابداء الرأي واذا ممكن يدلنا على الفنادق الثقه والاماكن المميزه عشان مايضيع علينا الوقت في البحث ومشكورررررررين
|
#2
|
||||
|
||||
هى دوله جميله وهادئه
جاكرتا عاصمتها عاديه فيها حديقه (حياة فانتزى) ومجمع (اتيريوم) ومجمع(منجادوا)شعبى وحلو مكون من عدة طوابق فيه فى جاكرتا فندق(علياء شكينى)يعتبر اسلامى اكثر من غيرة ,,,,,,,,,,,,,,,,,,,,,,,,,,,,,,,,,,,,,,,,,, الجبل الاخضر (بيقور)يبعد ساعه ونص تاخذين جيب اجرة افضل من العاصمه والجو احلى فيه فلل لكن اخذنا فندق اضمن لان الفلل تاخذين المفتاح وتسكنين انت والعايله وربما يكون فيه خطر للعائله الصغير ة فيه حديقه حيوان جميله الحيوانات طليقه والسائح يكون فى السيارة! وفيه حديقه الزهور رائعه جدا وفيها متاهه من الزهور ومكونه لزهور كل دوله وكبيرة لم استطيع التجول فى انحائها ,,,,,,,,,,,,,,,,,,,,,,,,,,,,,,,,,,, هى دوله جميله لكن الاكل كان مشكله حتى كنتاكى هناك يضعون السكر مع الرز! ,,,,,,,,,,,,,,,,,,,,,,,,,,,,,,,,,, وفيه الجزر القربيه منها لكنى اخاف من البحر
|
#3
|
||||
|
||||
مشكووووره اختي ماقصرتي
|
#4
|
|||
|
|||
السلام عليكم ورحمة الله وبركاته
بصراحة انا مانيب عضو معكم هنا .. بس دخلت اليوم شفت هالموضوع .. قلت نسوي حسنه بحياتنا بالنسبة لـ اندونيسيا .. احسنتم الاختيار .. دولة جميلة وهادئة واللي يبي الرخص رخيصة سافرت لها عدة مرات .. واللي يسافر لها مره .. يدمن عليها لا محالة .. بالنسبة لـ استفساراتك .. ماعندنا معلومات كافيه عن المناطق السياحيه فيها بالنسبة لاندونيسيا ما تحتاج معلومات سهله جدا .. ولكن الافضل الواحد يرتب وضعه قبل يسافر بامكانك زيارة منتديات سفاري بتلاقين كل شي بالصور ولو حابه اسماء اماكن وصورهامافيه اشكالية وخاصة اللي تنفع للعائلات بالنسبة للعاصمة ـ حديقة الفواكة شاطئ انشول او انجول .. في رحلات بحرية ولا تنسون زيارة جزيرة ( آير ) فقط لا تزورون غيرها لانها هي الافضل ، وبرضة فيه مدينة ملاهي روعة .. فيه العديد من الخيارات بصراحة كثيرة .. لا تضيعون وقت بالعاصمة لانها رطوبة وحر .. والفنادق بالعاصمة كثيرة وخياراتها وعلى حسب درجاتها ولكن ملاحظة مهمة جدا جدا .. لا تحجزون الفندق من نفس الفندق .. احجزوه من مكاتب خارجية وخاصة ( مكتب كاها ) يعطيكم خصم خيالي للفندق مثلا : الفندق سعرة 600 ريال سعودي .. تحجزونه من المكتب بـ 220 ريال فقط من افضل الفنادق اللي سكنتها بصراحة ( بروبيدور ) واذا تبون ارخص ( فندق هاريس ) نضيفه وهادية انطلقوا لـ بونجاك ( الجبل ) بالنسبة للسكن مافيه فنادق .. فيه لكن مو زينه خلوكم بالفلل وابعدوا عن المجمعات افضل لكم فيه فلل افضل كل ما تطلعون فوق اكثر لكن بيبرد الجو ابعدوا عن منطقة البقالة السعودية ومكتب سلطان لانها منطقة عزاب خذوا لكم فيلا خاصة .. واشترطوا الحراسة الدائمة .. مع انها ان شاء الله ما تحتاجونها الاماكن بالجبل .. سفاري ( حديقة حيوانات مفتوحة وكبيرة ) تحتاج لها اكثر من يوم لكن الافضل تطلعون لها من بدري عشان تدخلون العروض .. طبعا اندونيسيا ما تبي التمبله والنوم تبي الواحد يصحى من بدري لان بعد المغرب كل شي مقفل غير الحديقة .. فيه اشياء كثيرة تحتاج لها جلسة بصراحة مطوله الاماكن اللي ما انصح فيها للعائلات ( جزيرة بالي ) لان يغلب فيها الاستراليين .. وغير كذا مافيها مسلمين وهل هي امنه لسفر العائله نعم .. وبشده وكيف تروون قضاء الليل في الجبل الاخضر سهره عائلية .. شوي ووناسة لكن قضوا اغراضكم من بدري عشان ما تحتاجون تطلعون بالليل لان يسكرون بدري هل الحضارم الموجودين في اندونيسيا اهل للثقه ام لا بصراحة بالنسبة لي ما اثق فيهم نهائي .. وبرضة لو احتجتوا معلومات اكثر او صور او اماكن سياحية .. بامكاني مساعدتكم .. اعتذر لو تاخرت بالرد لاني ما ادخل هنا باستمرار مجرد جيتها زيارة هنا ولقيت هالموضوع .. يعطيك العافية
|
#5
|
||||
|
||||
تسلللللللللم اخوي مااقصرت وفيت وكفيييت بس اذا فيه جزر واماكن ثانيه تنصحنا نرووح لها قولها اذا ماعلييك كلاافه
|
#6
|
|||
|
|||
مرحبا اختي ..
الجزر بصراحة رحت لها انا .. ولكن اختصارا للوقت .. ما انصحك الا بجزيرة آير .. تقدرون تروحون لها عن طريق شاطئ انجول وشاطئ انجول يوفر لكم اكثر من وجهه ايضا .. فيه شاليهات حلوه .. فيه عروض حيوانات .. بالنسبة لـ الاماكن .. بالعاصمة الاسواق كثيرة .. منها الشعبي وغيره وتختلف حسب متطلباتكم .. الاسواق الراقية عندهم غالية شوي لكن فخة الملاهي اسمها ( دنيا فنتازي ) بس مو ملاهي اي كلام .. هي ملاهي ملاهي <= على باله شرحها .. تحتاج تقريبا يوم كامل اذا ماكان فيها صيانه طبعا .. والعابها جدا حلوه وهي كبيرة بس تحتاج الواحد يروح من بدري والله يعينكم على الحر .. حديقة الفواكه .. وتحتاجون لما تدخلونها تختارون العربة اللي تنقلكم .. والوجهه تحددونها من اربع انواع .. لا تصيرون مثلنا ما ندري وش الطبخة ركبنا مع اول وحده فيه برضة تامان ميني ( اندونيسيا المصغرة ) حلوه وانصح بزيارتها حديقة الزهور .. وحديقة الطيور .. وحديقة الفراشات نطلع من العاصمة .. واجوائها المزعجة ونذهب الى الجبل الاخضر .. بونجاك .. حيث الخضرة .. والفلة وسعة الصدر السكن الافضل فلل .. ويحتاج لها اختيار بعناية .. حيث المكان والجودة .. الاماكن السياحية فيها .. سفاري <= حديقة حيوانات روعة ومثل ما قلت تحتاج ذهاب من بدري عشان العروض <= العروض كلها مجانية طبعا العروض موضح اوقاتها بالكرت اللي تاخذونه عند المدخل .. ولا تنسون زيارة الشلال بالاعلى لانه يستحق التعب عشانه بصراحة هذا جدول العروض http://www.sfari.com/photo/data/12/medium/100_7911.jpg مزارع الشاي .. تزورونها وتدخلون للمصنع .. وتقدرون تشترون شاي من المصنع .. البراشوت .. الشلالات السبعة ( شي لمبير ) <= تحتاج تعب ولا انصح النساء الذهاب اليها لانها متعبه بكل ما تعنية الكلمة وايضا اكبر شلال موجود بالجبل وهو ( شي بو داس ) هاه كافي ولا تبون اكثر ؟ برضة باندونق حلوه .. ولا تنسون زيارة البركان اذا رحتوا لها .. بس المشكلة باندونق رحت لها مره على سريع ولا اعرف عنها كثير .. اشياء مهمة بالتنقلات .. خذوا سيارة باليومية .. شريحة الجوال الافضل lx الصرف لا تقربون اللي بفندق الاتريوم نصابين نوعا ما الافضل هو الفقيه بالجبل العملة الافضل بالترتيب حسب مقارنات سابقة : الريال الدولار اليورو حاولو كل يوم تصحون بدري تفطرون بحديقة الفيلا .. وتبدئون يومكم من بدري .. لان بالمساء كل شي مغلق حاولو يتوفر بالفيلا اللي تاخذونها كل مقومات الراحة .. حراسة .. خادمة .. حديقة جميلة .. سكن جميل حاولو تدبرون لكم راعي دباب تاخذون رقمه ويصير يوصل لكم الطلبات كل ما بغيتوها .. حاجة مهمه .. باندونق اذا بتروحون لها .. لا يغركم المسافة وهي 180 كيلو تقريبا .. لان الطريق راح ياخذ معكم مابين اربع ساعات ونص الى خمس ساعات لان الطرق تختلف عننا وهم .. عشان كذا خلو لها عالاقل يومين .. منطقة ماانصح نهائي البته بزيارتها .. ( بالي ) فنادق العاصمة .. انصح بـ بروبيدور .. جميل جدا ولكن خلو الحجز عن طريق مكتب كاها وليس من الفندق مباشرة لان فرق سعر كبير جدا اذا تحتاجون اي معلومات اضافية .. حنا بالخدمة اسالي عن اي شي وابشري انصح بزيارة منتدى سفاري .. قسم اندونيسيا .. بتلاقين كل شي بالصور
|
#7
|
||||
|
||||
مشكوووووووو اخوي يعطيك العافيه
|
#8
|
|||
|
|||
الله يعافيك ..
رحلة سعيده .. وترى المعلومات اللي عطيتكم تحتاج اكثر لازم تدخلين منتديات متخصصه بهالمجال افضل لك خذي معلومات كافية وارقام وعناوين .. وتفاصيل انصحك بدخول تقارير مسافرين بحيث تكسبين معلومات وافية وكافية من جميع النواحي بالتوفيق مع السلامة
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |