العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
مبروك في بيتكم نفاس
هل أنت عزوبي او عزوبيه تعيش في وسط عائلتك ؟
2- هل أنت موظف(هـ) أو طالب(هـ) ؟ 3-هل لديك أخوات متزوجات ؟ 4- هل أخواتك مكاين تفريخ ؟ 5- هل حصل في يوم من الأيام وعدت من الدوام تعبان وتافلـن العافيه وراسك يرقل من قلّ بركه لـ تتفاجئ بأصوات ضجيج صادره من بيتكم تصل إلى مسامعك قبل أن توطوط عتبة الباب ؟ 6- هل حصل ودرعمت لبيتكم لـ تستقبلك رائحة الحلبه المنتشره في كل دعاسيق البيت في الداخل ؟ 7 -هل استيقظت مذعوراً من نومك الهادئ ذات ليلة على زعاق بزر توهـ لحمه حمرا مابعد تعلم وشلون يصيح بإحترام ؟ 8 - هل زد رأيت تجمهراً أمام باب حمام بيتكم - الله يعزكم - ويوم قربت شوي كودك تشوف وش السالفه وبالطق والطقاق دخلت راسك من بين حشود المتجمهرين ولاها أمك واخت ماسكين نفس قطعة اللحمة الآنفة الذكر وجالسين يسبحونها ؟ 9- هل سبق أن رج عتـ ي من الدوام لتجدين بيتكم مزدحم بالزوار تسنه السيفوي ليلة رمضان ومن لمحت أمتس طرف خشتس مدت لتس الدله بدون تفاهم وقالت قهوي العالم ؟ إن كانت أغلب اجوبتك عزيز تـ ي القارئـ/هـ بـ نعم .. فـ مبروك في بيتكم نفاس : : ! يعني الواحد يقول اللهم لا إعتراض بس ولو للصبر قالوا حدود يا مصبر الموعود كل يوم اقول بيجي رجلها ويقشعها هي وذرّها من عندنا بس ماش ماحولك أحد .. الله العالم الولد بيصير عمره سنه وهي توها نفاس ما قضت ! يا جماعة الخير لا تفهموني غلط .. انا احب اختي واقدّرها والود ودي ما تفارقني .. بس احبها لحالها بدون الفوائد الي طلعت فيها من زواجها ذا القرود الي معها منيب اواطنهم ! عيال اختي ايه ما قلنا شي ! بس فيهم بثاره تيزي بلد .. ! لا واذا تحملناهم وقلنا معليش توهم صغار والحشمه لأمهم مهيب لهم .. ونبلع هالغثا الي يصير على شرف ذا النتفه الجديده الي جدعتها .. تحسبونه يثمر والا يبين فيهم ؟ من يصير طول هالنتفه شبرين اول كلمه ينطقها ويقولها لك " كل تبن " ! ت>> خلوّا خلوّا ذا على جنب مهب موضوعنا .. الي غابنيصدزهالـ 40 يوم الي اشوفهم .. سبحان الله عمر الحريم ما احترموا مواعيد والا وقت الا بـذي ! يتحروون الدقه بالحسبه .. 40 يوم بالضبط مستحيل تنقص بس ممكن تزيد 40 يوموانحنما عندنا غير فاتحين باب وراديّنباب.. مستقبلين زوار ومودعين زوار .. مدخلين فلانه وبناتها ومطلعين فلانه وحريم عيالها .. لا وكله كوم واذا جت وحده الله يجزاها خير بزعمها راعية واجب وتكت من عقب المغرب إلى 9 عندكم وانتي يا حيل اللهمالتسالا تدورين بهالقهوه والشواهي .. واذا خلاص تكرمت و لبست عباتها وطلعت .. ترجع بسرعه وترفع نقابها وتزف لتس الخبر العذب " معليش ترا بناتي ماقدروا يجون اليوم بلاهم منشغلين شوي بس باتسر بحيل الله بيجون كلهم " <-- ماودكم تشوفون تعابير خشتي ساعتها مير اللهيجزاتسخير راعية واجب ! الحين بناتتس عندهم التزامات ومشاغل وبيسون الواجب حسب فضوتهم .. ! بس اصحاب الب يت عطّاليه ما وراهم شغل والتزامات ابد .. على حسابكم هم ؟ قايلين لكم رقاصه انا ما تبدا ورديتي الا 1 بالليل و ورا ! نعبنو ابليسكم يالملحجه ترا فينا الطالب وفينا الموظف مايرجع الا على حروة المغرب وفينا المتزوج وعنده بيت يصاليه .. ! والأم مهيب بكل الأحوال بصحتها وفيها حيل تهابد وتراكض لكم انتم وزياراتكم ! ياخي خلوا جيتكم وحده وموعدها واحد .. مهب كل القبيله تجي تزور وكل يوم وحده داخله لحالها .. ! ماروانا الا انتم ؟ <---- حولكم شي تخافون عليه ابعدوه عنها ترا شاشت هالعبده ماخليت شي عن امي .. يمه حددي يومين بالاسبوع يجون العالم فيه ! يمه مالها سنع تاركين الدعوه سايبه تقل والله الي عندنا عنز والده في حوش مفتوح وكل شوي جاي شايب والا بزر يويق عليها ! يمه ارحميني ارجع من الدوام ما اشوف مالي خلق اغير ملابسي وش عاد اقابل هالأمم ! بس ابــــد ! كان ذا الجدارن الي وراكم تنطق فـ هي ترد علي .. مير اول كانت تقول " يا كبرها عند ربي ! تبيني اقول للعالم لا تجونا .. انهبلتي انتي " الحين انا قلت قولي لهم لا تجون ؟ قلت حددي لهم يومين وفكينا من هالقلق ! " لا يا خزياه .. قولة لا تجون الا هاليومين زي قولة لا تجون ابد .. افرضي هاليومين ما ناسبوا العالم ! " اجل مناسبناانحنالاس بوع كامل يمه ؟! طاعوشانا ماعرف من الاسبوع الا الجمعه ولا هوب يصفى لي ؟! هالكلام اول .. الحين ابشركم مهيب ترد علي خير شر .. مقتطفات من أحاديث تدور في مجلس نفاس : : [ 1] " عسى ما تعبتي بس يا فلانه ؟ " " لا الحمدلله تيسرت " " الحمدلله .. بس لا تعلمين احد لـ انسألتي بسم اللهعليتس ! ترا عيون الناس مهيب ترحم واناخالتتس ! " تعقيب / اول شي يـ الخاله ا لملقوفه ترا هالسؤال مهب كلـن يسأله يومتس توصينها ع الإجابه ! يعني ولاده وشظنتس؟ اكيد بتتعب بوقتها وعقب خلاص .. المشكله ما يسأل الا ناس مجربينها ! ثاني شي .. ترا حتى القطاوه تحمل وتالد ! مهب حلى كل شي تلزقون فيه سالفة العين والنظله .. ياررربيه بس : :: : : :: : [ 3 ] " ما شاء الله وش سميتّوا الصغيره ؟ " " دانه " الحرمه الي تسأل وخشتها مايله والحتسي ما عجبها " اييه .. مدريتسن الأسممهنا زود ! يا بنيتي مدري وش ذا الاسماء الجديده الي طايحين بها العالم ! " تعقيب / ترا اصغر بنات الحرمه الي سألت .. اسمها [ غزل ] !! : :: : [ 4 ] " الا يا فلانه ما قلتي لي وين ولدتي بأي مستشفى ؟" " المستشفى الفلاني " " اييه زي اختي حصه ! عند اي دكتوره ؟ دكتوره هبه ؟ " " لا والله .. عند الدكتور خالد"الحرمه الي تسألتنغزالي جنبها بكوعهاوتعضعلىبراطمها وتتحلطم " يا خزيييياه .. كابتّنعفشهاعند رجاليختيخلاص هالحريم ماعاد فيهمحيا ! وراها ما ولدت عند حرمه .. وش حيث الرجال تولدعنده ؟ " تعقيب / يقولون والعهده ع الراوي .. ان خويتنا الي ماعجبها موضوع الولاده عند دكتور .. جايها الطلق وهي بسيارة ابو جيرانهم حيث ان رجلها كان كاشت في البر .. ومالقت الا جارتها تستفزع بها .. وما كان بين الولد والنور الا شوي لولا ان ربكم ستر والشوارع كانت فاضيه والا ان تسان صار مكان الميلاد في شهادة الولد .. " سيارة ابو جيرانا " الله يحرمّايدياتامي نوره على النار .. لو هي سامعه السالفه ان تسان تكش بيدينهاوهي تقول ( غربلهم الله .. شبكه تعاير منخل ! ) : : طيب الحين فيه سؤال يراودني عن نفسي ومضطره اسدحه بس رجاءاً صيروا متحضرين شوي وماله داعي ترجموني بنعالكم <--- يا حياة الشقا متعوده وجه إهانات الحين الوحده اذا ولدت وش تجيب ؟ لا اشوف احد مستظرف وقايل تجيب آدمي ! ادري اننا محناب نجيب قطاوه .. بس قصدي هالآدمي الي هي تجيبه من هو حقه ؟ حق ابوه صح والا لا ؟ طاايب .. اسم الولد يلحق مين ؟ يلحق اسم ابوه صح والا لا ؟ طااايب .. دام الدعوه كذا .. ودام النفاس اصلا بسبب هالولد .. ممكن احد يفهمني وش دخل مندوب اهل البنتيبحلونبها ؟ ورا مهب اهل رجلها هم الييصالونها؟! ياخي الولد ولدكمانحنوش دخلنا ؟ والله ما خرب بناتنا الا امهاتهم ! تجي الام مطفيه النور وطايره مليون بالحماس من تدري ان بنتها حامل .. ماتخلي عطّار ما تزوره ما تخليشنقوداعوس ما تدعسق به .. كل شي ينشرب والا يوكل والايلهم تجيبه .. وتفضي للبنت غرفهوتبلشنا نزلوا سرير ورقوا طاوله وجيبوا مفرش ورجعوا ستاره .. تقل اول مره يولد عندها احد ؟ واذا هي اول مره وشو له هالحمااس .. تراه نتفة بزر ونتق من بطنها الله يصلحكم هذا انتم قبلنا حملتوا وجبتونا وش حيثكم ما سوا فيكم اهلكم كذا ولا ضركم ؟ بالعكس الوحده من اول لا اله الا الله صحتها فُل وهي والده في البيت .. ما ولدت بمستشفى وخذت لها سويت كامل اسبوع وماغيرتبطحوبلع بهالحلى والقهوه حتى ولدها مهيب ترضعه ومن عجائب قدرة الله في خلقه ان الحرمة ما تحلى بعين رجلها الا لاصارت في بيت اهلها يالهيسوهي عندك في بيتك ماانتب تناظر خشتها .. ويوم صارت نفاس عندنا .. 24 تبن ناشب لنا ! ما عندنا شغله غيرك انت وحرمتك وعيالك ! ياخي تحبهم وفاقدهم ضفهم ورح بيتك الله لايهينك ... وابشر بلي يجي يشقر عليكم كل يوم .. بس اعتقونا لوجه الله ولا يرفع ضغطي الا لا صار جالس مع حرمته يسولفون في غرفتها وانا بالصاله الي جنبهم اهجّد فروخ ابليس الي يفترض انهم اطفال و الارجح انهم عيال اختي .. يقوم واحد منهم يدخل على ابوه وامه ويزعجهم .. ويجي ابوه الله يطول في عمره يكرشه بكل حنان ويقول له " رح رح يا بابا لخاله ندى شفها تناديك" اول شي يا سبع البرومبا تراك ماكل في عيالك مقلب كبر راسك ! اجل تبيهم ينادوني خاله ؟ عساهم ينادوني بإسمي مهب بشيـن ثانيويسد ! ثاني شي وش قالوا لك انا ؟ خماّمة الضايع ؟! كل ما طق عود بعصى جدعتوا بزارينكم علي ؟ انتم تدشرون وانا اتحمل نتايج دشرتكم ؟ نفسيتي تعورني .. ! كل ما ذكرت ياخي هالأجانب طقتنيغلقهوش زودهم عنا يا جماعة الخير يوم ان الوحده فيهم تولد من هنا وتصك الجينز من هنا .. ما توفي لها يومين الا وهي تقامز وتسوي رياضه ورا هالفقمات الي عندنا مهبتسذا وراهم 40 يوم ما عندهم غير فرم بهالمرقوق والجريش ! قال ايش .. ترمم جسمها قال ، مهب ترميم ذا ردم الله يحييكم ! الوحده منهن ما تطلع لبيت رجلها عقب الاربعين الا على شيول لا والكمخه اختي اقول لها ذاك اليومناهبس شوفي ترا ذا الصور عقب ولادتها باسبوعين - أأشر لها على صور لزوجة توم كروز - قالت .. واذا ؟ لا تقارنين حبيبتي عيالهم هذولي عيال حرام ! <-------- يالهدره يالكمخه يالفاهيه .. الحين نفاس ولد الحرام يفرق عن نفاس ولد الحلال ! ياربيه بس ! اسعفوني .. أريد حلاً ؟ عموما انا بقوم الحين اصلي المغرب وانزل استقبل الوفد الجديد بس اتوقع اني ارجع اكمل تفلت والله يابي مّر مهب صاحي .. مهب رايح لين افرك البياله بجبهة وحده من هالزايرات ! يع اشم ريحة حلبه>ههههههه منقول من بريدي
|
#2
|
||||
|
||||
هع هع هع هع هع ههههههههههههههههههههه الله يرزقك مثله
اوطشوش
|
#3
|
||||
|
||||
تاني تش
هههههههههههههه يقطع إبليسس تحياتي
|
#4
|
|||
|
|||
ثالث طش هههههههههههههه موكل هذا الكلام يصير فيه زود وبهارات
تقبلى مرورى
|
#5
|
|||
|
|||
تسلمي و الله موتيني من الضحك
|
#6
|
||||
|
||||
نفس اللي عندنا تجيك هي والوفد الشيطاني حقينها بس والله ماخليهم يتهنون هالشياطين موريتهم العين الحمراء ولا اخر الليل يجيك رجالها ودك تاخذينه هو وشياطينه وتشوتينهم من الباب ولا البزارين لاشافوا أبوهم بابا شوف خالة هاوشتني ولا طقتني بعد صابرين عليهم ويشكون وجع
ولا الأخت الكريمة لاطفشت قالت أخذي ولدي البارح والضحى مارقدت يبكي طول الوقت وش قالولها خلفنا ونسينا ورعك وتحمليه الله يصبـــــــــــرنا
|
#7
|
||||
|
||||
هههههههههههههههههههههههههههههههههههههههههه
|
#8
|
||||
|
||||
هههههههههههههههههههه
كلامتس كله كوووووم ذالجمله كوووووم 4- هل أخواتك مكاين تفريخ ؟ 8888888 8888 88 8 أحسنك توصفين خوااااااااااااتي هع هع ماشالله عليهن مو لأنهن يجين ذا ورا ذاه لا لأنهن ماااااااشالله واجد الله الا يحرمنا منهم بس مدري وش يحسونبه كلهن يحملن بنفس الوقت مايجي بينهم فرق تطلع وحده من الأربعين وتولد الثانيه لدرجة أنه مرتآ من المراير طنبت بصيايااااااااااح أقولهم خلااااااااااص أفلحن لاعد يحمل منكن احد وماشالله عليهن يسمعآ الكلام لدرجة أن ألحين 3منهن حمل ولله الحمد ووحده بتدخل المستشفى بكره الله يقومها بسلامه وانا الي براافق معها هع هع هع باركولي بسير خاله للمره ـــــــــــــ والله مدري كم ماشالله الله يحفضهم شكلي بنضلهم هع هع هع وأدري كثرت عليكم حستي وتقبلي مروووووري
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |