العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
بلآوي رمـضـآن .. آلله يعفو عنآ بس .. :p ~ سوآليف ~
مادري وش الي جآب طآري رمضآن برآسي الزبده اني تذكرت سآلفتين وجيت اقولهن (1) ((( موقف الى الان مانسيته مو مجاهره استغفر الله لكن من الذكريات ))) وحتى انا صغيييييير لكن جدي من امي نروحله قبل الله يرحمه وغصب تصومون والله اول كنت اسمع بالصيام يعني مافيه امل اصوم وان كاني صمت اصوم لين الظهر ثم اخربها لاني انسان سريع العطش وكان دايم ابليس لعنة الله عليه يقول لي انت مثال للأنسان العاصي وماعليك خوف وحتى اني بخليك ماراح اوسوس لك ابد لانك بتكمل المهمه على اكمل وجه كنا بسدير<< خوالي وكان فيه غرفه جنب المسجد طبعا الغرفه لعامل عندنا بالمزرعه وكان مسافر ومافيها احد يعني فاضيه بس كان معي مفتاح للباب كان ثاني او ثالث يوم برمضان الساعه 10 الصباح توني صاحي واطلع اهجول شوي لقيت ولد خآلي كان اكبر مني بكم سنه قلت له انا جوعان ياخي كان الجو حار قال : وش اسوي لك اذا صرت جوعان قلت وش رايك نسوي غدا انت تعرف تطبخ قال : مهبول انت وين تبينا نسوي غدى فيه قلت له الغرفه حقت العامل ورحنا لم الغرفه كان فيه غاز (( دافور )) والخبز انا رحت لم بيتنا كانوا الكل نايمين واخذت خبز ومدري وش وقسم الا يومك هذا مدري وش ناوين نطبخ يعني من جد مطآريس ولد خآل يجاب بطاطس وبيض وهات ياشغل وتقطيع بالغرفه ونجلس نقطع البطاطس ونسوي الشاهي لين اذن الظهر (( طبعا مثل ماقلت الغرفه لاصقه بالمسجد )) ولو كنا ندري ان البطاطس بيجيب فينا العيد كان ماطبخناه المهم جلسنا نقلي بالبطاطس ومافيه الاقوة قلي لين طلعت الريحه برا حتى ان ريحة البطاطس دخلت بالمسجد ويطلع جدي الله يرحمه ومعه ابوي بيشوفون هالبطاطس وين طالع منه مادرينا الا الباب ينطق بكل قوه ويطلون من تحت الباب وتجيهم الريحه صح قلت ياولد جبنا العيد وحنا كنا ساكتين مره ولانفس طالع حتى غطينا البطاطس بس ماش الريحه طالعه وقف الطق خمس دقايق قلت الحمدالله راحوا الا والله مادرينا الاهم جايبين العتله بيخرعون الباب قلت لولد عمي العطه يابطه والله ان كشفونا بنروح فيها ونطمر مع الدريشه الخلفيه انا انحشت للبيت بين النخل و ولد عمي مدري وين طس وافتحوا الباب وشافوا كل ادوات الجريمه يحرام البطاطس محد كله < مشتهيه الى يومكم واجيك مدرعم مسوي نفسي توني قايم من النوم واتوضا واشوف جدي معصب وجالس يلعن اللي بالغرفه قال ابوي اكيد احد هالدشير او العمال عرفته ولا والله بالفلكه ماعندهم تفاهم بس ترى كنآ صغآآآر لحد يشره (2) .. طلعت مع واحد من الشباب نتفرج على اللي يلعبون كوره في صباح رمضان <<< الى الحين ما يدري هم يصومون وإلالا .. المهم .. قلت لصاحبنا وقف عند البقالة ناخذ جريدة الريآضيه <<< مثقف .. ووقت مادخلنا البقاله ..ونحصل اثنين من الشباب متقضين ( لوزين وحمضيآت ) !! عاد اخوك مايحب اللقافه ابد ..وقال : وين يا شباب لا يكون ما بعد اذن عندكم .. < صرنآ نصوم عاد هاك الوقت قالوا .. استر ما واجهت .. عاد اخوك ما علم احد ابد .. ما غير عشرين و بس جزاء الله وردعاً لامثالهم .. الموضوع اهدآء لـ : ولد بريده < لعلك تصير تصوم وتتقي الله فتكم بع ـآفيه
|
#2
|
||||
|
||||
خخخخخخخخخخخخخخخخخخخخخخ مواقف لا تحيد عليها اول طش
|
#3
|
||||
|
||||
ههههههههههههههههههههههههه الله من السنع طبخ ونفخ وحوسة وبالاخير طار تعبكم عالفاضي تصدق حتى انا اشتهيته <<<بجو الفلة مااستغني عنه وهاللي يلعبون كورة قابلني اذا هم وجيه صيام سؤال يعني وش سالفة العيال يفطرون برمضان لاتقول مو كلنا .. ادري بس كثار يفطرون .. حتى اخوي كان يشره على خويه ولد الجيران ياناس هالولد اتوقع ماعمره صام استغفر الله المشكلة تدرون وش يفطر .. ليز وببسي ولا اي خرابيط المهم يفطر .. ويرجع ينام للمغرب لييييييييه يعني ملعنة .. دامك بتخمد ورا ماتصوم وشبه البريداوي .. لايكون مثلهم جهز الفلكة خلنا نجلده عوافي خيووو ..
|
#5
|
||||
|
||||
اعرف واحد يعرف واحد توقعوا برمضان الماضي كم صام من يوم؟؟
10 ايام بس و20 توقعوا ليش فطر؟؟؟ كان يفطر على خمر ويقطع صيامه وقسم بالله اني صادق
|
#6
|
||||
|
||||
ههههههههههههآآآآآآآآآآآآآآي
مواقف بجد تضحك بس بصراحه كان وقتها حررررررر وعطش وزياده على كذا يصومونا بدري ونزودها باللعب بس انا الحمدلله مااذكر اني افطرت ذكرت علي سالفه كنت مره ب2متوسط وبالمدرسه اخذت طريقة حلى التوفي اللي فيها سكر يذوب ثم يحط عليه قشطه والله وارجع للبيت ماحد قدي ابصلح حلى ههههههه حتى ماساعدت خواتي على الفطور قلت لهم انا علي الحلى قالوا طيب المهم واذوب السكر لين صاااااار بني غامق واجيب القشطه المفروض احط قشطة التاج وانا مير اجيب قشطه طازجه حقت التمر وتخيلوا عاااد السكر بني غامق وانا قاعده اغرف القشطه ههه عيت تطلع هو يبي سرعه وانا اغرف على مهلي والله ويقلب السكر اسود من الحرق والمشكله ان الملعقه طاحت بالقدر ومن الذكاء الخارق اللي فيني واطلعها باصابعي آآآآآآآآآآآآآآآآآآآآآه واصرخ ذيك الصرخه اللي لجت بالبيت عاد قبل الاذان ومن الالم وادخل اصبعي بفمي ههههههههههه نسيت اني صايمه والله ويبقى اثره باصابعي ..........لاعاااااااااادت من حلى طولت عليكم بس ذكر علي هالموقف وحبيت اقوله
|
#7
|
||||
|
||||
إيه ده !
حفيدي من وراي ؟ ههههههههههه أما إنكم وجيه ابن فهره برمضان ورايقين تقلون بطاطس _ والله في واحد أشوفه لاجلسنا ع السفرة بنفطر وجهه مو وجه واحدن ذابحه الجوع وشاكتن بأمره.. عوافي حفيدي وأشوى إنك عقلت هالحين هاه لايكون للحين ماعقلت ترى به جلده.. الله يسعدك فيرزاتشي
|
#8
|
||||
|
||||
والله حآلتك صعبهـ يآفرزآتشي !! يعني يوم ربي قدرك تغدى مآلقيت الى بطآطس ولآ تبي تطبخون وتنفخون وتقلون بزيت بعد ؟؟
يآآخي على الأقل مشيتوهآ نوآشف . وبصرآحهـ يآأخ فرزآتشي ان الشعب السعودي المصون اغلبهم من هم على شآكلتك . واولهم انآ بس خلهآآ مستورهـ حتى مرهـ طلعت من الدوآم الضهر <<-- لأني بالاجآزهـ اشتغل المهم هذآ الكلآم برمضآن الي رآح وانآ طآلع كآن معي وآحد من اهل جدهـ ولزم علي اني اجي عندهـ بالاسترآحه عشآن نفلهآ بلوت الى اذآن المغرب . وليست هذي المشكلهـ بل الطآمهـ الكبرى اني يوم دخلت استرآحتهم والقى الكآتم يطلع صوووت تشششششششش (( وانت ابخص بهذآ الصوت اللعين )) <<-- وانآ اكتب اقوطر سعآبيل . يعني الدعوهـ فلــــــــهـ والدين حآطينهـ بالاستبنهـ . . بس والله جلدتهم بآلهرج وعطيتهم ذيك النصآيح مآيقولهآ ولآ الطنطآوي الي يجي مع اذآن المغرب برمضآن . يعني الوآحد لمآيكبر يعرف الخطأ من الصح و مآيغدي طوفهـ عبيطهـ طووول عمرهـ . ...................... اقول فرزآتشي ابو عبدهـ كرموهـ بعمرهـ الفني بآليوبيل الذهبي قبل يومين . . يعني عمر فن وحيآت خآلد عبد الرحمـن كلهـ واكبر . . قرزآتشي
|
#9
|
||||
|
||||
هههههههههههههههههههههههههههه
ياخسارة البطاطس ولد بريده>=؟؟؟؟؟ شكله مثلك ماكان يصوم يعطيك العافيه فيرزاتشي
|
#10
|
|||||||||||||||||||||||||
|
|||||||||||||||||||||||||
يآبو الشبآب احس خويك مولود في بآآآر .!! على العموم الله يصلحهـ ويثبتهـ على الحق ..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |