العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
ليش الغـــــــــــــــلا بين الخليلين منهـــــــــــــــــان؟
مرررحبا
ابي اسأل ليش بعض الازواج والزوجات يتكتم على مشاعره هو هو مرض نفسي أم تكبر أم تغافل؟ او عدم تقدير ؟ مالفائده من المحبه اذا لم يتم الافصاح عنها ؟ مثلا بعض الزوجات اذا جاب لها زوجها شي ولا وداها مشوار ليش ماتشكره وتثني عليه بس متى ترجعن وتقش الشنطه ودوووب بالباب او اذا جاب اغراض للبيت عادي واحيانا بعد تخرب مادخلتها للثلاجه ولاشكرا ولاشي بعض الازواج ليش اذا شاف زوجته لابسه لبس حلو ليش مايمدح ؟ اذا متشقق ومسوي فيها فطين وذابحته الذهانه يقول وش ذا وش ذا واحيانا هي والجدار اللي وراها واحد وبعض الحريم تشكي تقول يجي والبيت بخور وروائح حلوه ولاتعليق عادي يتمدد ع السرير ويفكك شراباته وتفوح الرائحه الجميله الرجل بيقول هذا واجبها والمرأه بتقول هذا واجبه طيب ليش مايعبرون لبعض عن التقدير والمحبه وش فائدة الحب والموده اذا ظل حبيس الصدور ؟ وماهي وسائل تشجيع الزوجين على التعبير عن مشاعرهم هل البيئه الصحراويه اللي تربوا فيها هي السبب
|
#2
|
|||
|
|||
هلا وغلا ب غلانااا فيه أشيااء مو محتاجه شكررر وحتى م تكون الحيااة رسمية وانتظاار عبارات الشكر هذا مرررض قاتل للحياة >>>>عاد كل شي الا الأغراض مع وين يجي الشكر معهن ! دايم تجي عنده الصجة واللجه هههههههه اما ناقصاات والا مو الي انا قايله طيب ليش مايعبرون لبعض عن التقدير والمحبه وش فائدة الحب والموده اذا ظل حبيس الصدور ؟ إذا ظلت حبيسه ف هناا معناه يوجد مشكلة .. أو فيه شيء يبي إعادة نظر من الطرفين.,
|
#3
|
||||
|
||||
اهلا قانون وعودا حميدا تصدقين كنت احسب انك اعتزلتي اللعب
موضوعك قيم وجميل ربما السطر الاخير من كلامك هو مربط الفرس البيئة الصحراوية القاحلة والتي لا يعيش فيها سوى الزواحف والاشجار الشوكيه طيب اسأل فيه احد مره سمع ابوه ينادي امه ياعمري تعالي او ياحبيبتي وش بدك من السوق لو بالغلط وهل فيه احد سمع امه تقول لابوه يانور عينيا ممكن تجيب لنا جحه معك وانتا راجع ياروحي مافيه الا اوامر ونواهي صريحة غير قابله للتأويل والتأخير طبعا هذه الاجواء الرومنسيه صرنا نتوارثها جيلا بعد جيل وياويل اللي يخترق هذا البرتوكول خصوصا من قبل الرجل خلاص يصير رخمه وحرمته لاعبتن عليه المسكين وماغير يدربي دمجته وراها ويصبح مضرب مثل للرخامه هاه تصير مثل فلان وفهمنا معنى الرجوله غلط خلك قوي ترى الحرمه ما تنعطى وجه والزوجه نفس الشي انتبهي تعطينه اكثر من حقه وترى العود من اول ركزه وقائمة طويله بالنصائح والامثال والحكم من الجميع الين يهج منها ولا غيرها خسران عندما تملأ البيت بهذه الكلمات حبيبتي عمري روحي وامام اولادك وتجعلها عادة وتغرسها ايضا في اولادك وتستعملها معهم حينها ستعرف انك اضعت سنين طويله وانت على بالك تربيهم التربية الصحيحه وانك مسيطر على الوضع والصدق انك من جنبها وايضا انتي . هذا باختصار
|
#4
|
|||
|
|||
قبل وجود الاطفال هات ياغزل وتبويس وحضن ومديح في العطر واللبس ووووو
أما بعد وجود الاطفال لابد من الفرملة شوي على بعض المشاعر لكن اذا لقوا فرصة يعبرون عن مشاعرهم ويمدحون واللي مايعبر يقتل نفسه ويقتل غيره معه
|
#5
|
||||
|
||||
هلا والله بقوينييييينه يالشينه وين هالغيبه
ألف الحمد لله على السلامه أخبارش وأخبار حمود تصدقون من زود ماقمت أقرى مشاكل أني تعقدت ..لعنبو بليسكم كل هذي مشاكل أنواع وأشكال ودي أعرف متى تخلص هالمشاكل المشكله بعضها بسييييطه وتافهه وتبط الكبد يارب يارب يارب يارب >>والباقي بقلبي مانيب قايلته لكم بس أنتم قولو اميييين بوجهه نظري لازم اهتمام وتعبير من الطرفين أقل شي عشان ماتموت المشاعر وتندفن
|
#6
|
||||
|
||||
صح عليك ماشاء الله كلكم لازم تصفقون للغامض عشان كلامه صدق ودوك خذ لك حلاوو مصاص
|
#7
|
|||||||||||||||||||||||||
|
|||||||||||||||||||||||||
هههههههههههه مابي حلاو مصاص ابي اللي جنبه ممكن وبعدين وش قصدك اني بزر مثلا
|
#8
|
||||
|
||||
السنيوره الغامض طلوبه الكنق منوورين الموضوع
طلوبه انا تمام الله يسلمك بس مشاغل الدنيا شوي خذوا هاالطرفه بخصوص الموضوع هذي سالفه حقيقيه' أم علي' جتها جلطة يوم قال لها أبو علي ياعيوني بعد 40 سنه من الحياة الزوجية ماكانت تسمع فيها الا ياهيش و يامره .. و ويوم سألوا أبو علي عن سبب التغيير المفاجئ قالبلاها والله بقرة ولا هل يعقل أني بعد 40 سنه أبي أقولها ياعيوني ؟؟ !! بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني أنهبلت و بديت أقول لها يا عيوني خخخ وهذي ثانيه حقيقيه بعد تقول انه زوجها كان يقولها أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح خخ الله يلعن ابليس منورين لي عوده للردود
|
#9
|
||||
|
||||
يامرحبا وسهلا بقوينينه الرشيقه الحين
كيف حمووودي ؟ والله شوفي الانسان الهين الين اللي لسانه رطب مع الكل بتلقينه انسان عشري وناجح اجتماعيا ومن لايشكر الناس لايشكره الله لذا حلوووالعطاء مع اللي حولي بالكلمه بالابتسامه بالثناء حتى لو هو امر يسير بس يكفي انه قدمه عشانك لاتستهونون بالعطاء بكل صوره لانه مفتاح للسعاده والحب مع المحيطين فما بالك اذا كان زوجك ؟؟ انا استغرب من كثير ردود اشوف فيها قسوه وغلظه سواء من ازواج او زوجات واجلس اتصور شلوون حياتهم مع بعض ؟ حياه نعرف جميعا بانها قايمه على الحب والموده والعشره والاحترام مو حياة ليوم او سنه ؟ الف شكر قوينينه خليتيني افجر طاقتي الكامنه
|
#10
|
||||
|
||||
طرح راااائع بكل ما للكلمة من معنى
ابدعتي يالغالية بانتقائك المتميز؛؛؛ لك جزيل الشكر ياقلبي تحيتي وودي لروحك..* وتحكي الواقع اللي عايشينه والله يحفظكِـ ويسعدكِـ
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |