العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
لكل انثــى اطبخيهــــــا على نار هاديــــــــــه
بتكلم اليوم عن موضوع مهم لكل انثى 0000
افتحوا عيونكم وطقطقوا اذانكم وركزوا معي % بعض الحريم شاقين بحياتهم ومتبهذلين مع رجااااااالهم وهذا مو سبب الاهمال لا لما الرجال يطالع برا مو معناه انو حرمته فيها عيب 00 لا والله 00 بس احيانا يكون بسبب برااااءه المراءه وسذاجتها وطيبتها وسوء تصرفهاااا وتحكم العااااااااااااااطفه فيها وهذي حطوا تحتها طعش مليــــــــــــــو,,,ن خط وماشاء الله على بعض الحريم عندهم ذكااااااااااااااء ودهااااااااء خارق وعندهم قدره تحمل وحنكه وتخطيط 00 وهذا اللي نبيه ماراح تفهمون الا اذا ذكرت لكم قصص 00 وباقولكم اول قصه بس اماااانه لاتنسوني من دعائكم وحده من صديقاتي اعرفها من قبل لاتتزوج واعرف وضعها واعرف كل صغيره وكبيره بحياتها ويوم تزوجت هذي البنت ماا ا شاء الله عليها عرفت تتعامل مع زوجها كانت تلزمه بمصروفها كل شهر 00 ما عندها فيه 27 من كل شهر تاخذ المصروف عنده ماعنده معه ما معه يقدر ما يقدر ما عليها منه تقول انت رجال وانت تجيب فلوس انا متعوده من يوم انا في بيت ابوي وانا اخذ مصروفي من ابوي حتى وانا عندي مكافأه من الجامعه اخذ مصروفي غير مكافأتي وهكذا وانا والله اعرفها واعرف اهلها 00مايعطونها ولا قرش حتى مكافأتها ياخذونها منها ولا يعطونها ولا ريااااااال 00 وكانت مبينه لزوجها انها المدلعه عند ابوها واخوانها وانهم ما يرضون عليها الله واكبر نسينا التشويت والضرب حتى ان اخوانها يصحونها الفجر وبنص الليل تغسل ثيابهم وتكويها 00 الله يالدنيا مسويه بنت عز وفعلا والله ما شاء الله عليها زوجها ملتزم بالمصروف معها ما ينقص عليها شي وفي يوم من الايام نزلها عند اهلها ونسى يعطيها فلوس ولما رجع ياخذها بالليل ما رضت تروح معه وقالت 00 انا فلانه تنزلني بدون ماتعطيني فلوس 00افرض اني احتجت شي افرض اني بغيت حاجه من وين اجيب فلوس ؟؟ اقول لبوي يعطيني فلوس ؟؟ وانا متزوجه والمفروض زوجي يصرف علي 00 قالها الزوج المسكين والله اني نسيت اعطيك فلوس سامحيني طيب انتي ليش ماطلبتي مني فلوس قبل تنزلين 00 قالت الزوجه بكل ثقه المفروض انك ماتنسى وبالموت راحت معه للبيت واللحين مستحيل ينزلها عند احد بدون ما يعطيها فلوس 00 هذا غير المصروف الشهري والله ما شاء الله عليها محملته مسؤليتها 00وما قعدت تشتكي من اهلها وتقول ما يعطوني ما يسوون لي 00 لابالعكس بينت له ان اهلها ما يرضون عليها وانهم ما يقصرون عليها بشي عشان كذا زوجهاااا خايف ومحترمها 00ولو انها قعدت تشكي وتفضح سرها كان والله ماطق لها خبر 000000 شفتوا ذكاء الحريم القصه الثانيه وحده ثانيه كانت متزوجه وعايشه مستوره كانت هذي البنت تعباااااااانه من زوجها 00 مكالمات ومعاكسات وخرااااااابيط وهي وساكته وصابره والغيره تاكل قلبها ومحد يلومها لكنها ما تمادت وانفعلت وقامت تصايح وتصارخ 00لان هذا الاسلوب ينفر الزوج منها بالعكس صبرت وقالت بكره يعقل بكره يعقل ومافيه منه فايده 00 الين جاااااء في يوم وهي كانت حامل وتعبااااااااااانه وفاااااااض بها خلاص ووصلت حدها لما شافت زوجها تاركها وقاعد يلبس ويتكشخ قالت له وين على الله ؟؟ قال معزوم 00 وهو طبعا يكذب رايح يقابل وحده لانها شافت المسج وهو يتحمم المهم قالت طيب اجل ودني لهلي على دربك لاني تعبانه واذا خلصت من عزيمتك تعال خذني المهم وتطلع البنت بعبايتها وماخذت من اغراضها شي وفعلا دخلت بيت اهلها وودعت زوجها بأبتسامه عريضه وهي ناويته له نيه المهم راح الزوج وقابل خويته ولما رجع ياخذ زوجته 00000 كانت المفاااااااااااااااجأه دخل الزوج كالعاده بيت اهل الزوجه عشان ياخذ زوجته ويروح بيته لكن هذي المره حصل اللي ماكان على البال ولا عالخاطر رفضت الزوجه انها ترجع مع زوجها 00 حاول الزوج بكل الطرق لكن مافيه فايده طبعا الزوجه مافضحت زوجها وخبت الموضوع لكنها رفضت ترجع معاه ورفضت تكلمه ولا تشوفه وقفلت جوالها وطنشته 00 والزوج المسكين كل يوم يجي يبي ياخذ زوجته لكن بدون فايده لا تطلع له ولا تكلمه وترد عليه ولا اي شي الرجال مسكين بغى ينجن يقول شفيها بين يوم وليله انقلبت وماعاد تبيني واستمر الحال 5 شهور وهي لاترد ولا تتصل ولا تقابله وحتي يوم ولدت 00 ما علمته بولادتها 00لكنه عرف من الناس 00 ولما جاء يسلم عليها طنشته وماطلعت له وارسلت له بنته يسلم عليها من الباب وعلى ذا الحال لين خضع الزوج وطاح عند رجولها يبكي ويترجاها تقوله السبب او حتى ترد عليه وبعد سنه من محاولات الزوج 00قالت له الزوجه انت كنت تحسبني غبيه وتستذكي علي انا كنت اعرف انك تكلم وتغازل لكني مطنشه بكيفي واقول بكره يعقل هذي مجرد نزوه لكنك تماديت بالخيانه 00 وهذا جزاك انا نظيفه وما ابيك توصخني بذنوبك روح للوصخين اللي مثلك 0000000 تفاجاء الزوج من فطنهزوجته وذكائها وحلف لها انه يتوب وما تتكرر وفعلا الزوج الان مشهود له بحسن الخلق شوفوا ما شاء الله عليها هذي الزوجه بذكائها وحكمتها عرفت تخلي زوجها يرضخ لكن لو انها قامت تصارخ وتزعق وتهاوش وتسب وتشتم وراحت فضحت امر زوجها عن اهلها واهله كان والله ما جاها ولا اهتم بزعلها 00 القصه الثالثه 00 وحده من قريباتي معوده زوجها من يوم تزوجته كل شهر مفرشين للسرير وكل عيد جوال جديد وطقم ذهب غير اللبس وغير العيديه خلاص سوتها مره واستمرت عليها ولاعندها فيه تقدر ولا ماتقدر عندك ولا ماعندك تجيب يعني تجيب شوفوا يابنات ترا الرجال اذا ما شال مسؤليه الزوجه يصير يدور له وحده ثانيه يصرف عليها او يجمع فلوسه ويتزوج عليها فيه وحده كلمت الشيخ تبكي ياحرام كسرت خاطري تقول يا شيخ زوجي تزوج علي مع اني ماكلفت عليه بشي 00 اللبس ما اشتري الا من لسنه لسنه والعطور ما اشتري عشان اوفر له ومفرش غرفتي ماغيرته من السنه الفلانيه ولا اخذ منه فلوس ولا اكلف عليه بشي عشان اوفر له وهذاا هو اللحين تزوج علي 00قالها الشيخ من قالك انك لازم تسوين كذا عشان تحافظين على زوجك بالعكس انتي كذا ضيعتيه من يدينك قصه اخرى فيها من الذكااااااااء والفطنه مالايوصف ماشاء الله تبارك الله تقول صاحبه القصه كنت متزوجه ومبسوطه مع زوجي ولكن غيره خواته مني خلتهم يسوون الهوايل وفعلا هذي الحرمه ماشاء الله جميله ونظيفه وطباخه وزوجها يموت فيها كانت كل شهر بقصه جديده واللوان احلى واحلى والجسم ماشاء الله ماكنها جايبه خمسه عيال والنظافه 0000امممم من تدخلين البيت تشمين الروائح وتشوفين صورتك في البلاط من كثر ماهو نظيف 00 البيت له ريحه والملابس لها ريحه وعبايتها لها ريحه وجسمها له ريحه ماشاء الله كانت بس من تفتح باب شقتها نشم الريحه ونعرف الباب مفتوح كانت ترسل مع زوجهااااا الفطور انواع واشكال صوااااااااني الفول بالسمن وثلاجات الشاي والنعناع والكركديه والقهوه ياسلام سلم تقعد الراس والحلا اااااااااخ كلنا كنا نجيب من برا الا هي تحرجنا بصراحه الحلا انواع واشكال يعني الحرمه سبحان الله 00 جميله بكل شي وبعد ملتزمه واخلااااااااااق 00 وكانت تحب زوجها وتهتم فيه 00 لكن خوات زوجها واللي هم اصلا بنات عمها كانوا يغارون منهااااااا وكانوا يحنون ويزنون على اخوهم اللي هو زوجها انه يتزوج وكثر الدق يفك اللحاااااااااااام كانوا يقنعونه بكل الطرق انه يتزوج بس عشان يقهرونهااااااا ويحاولون فيه ان جاء يمين يجونه يسار وان جاء يسار يجونه يمين لين رضخ الزوج واقتنع بالزواج وراحوا خوات الزوج من كثر حقدهم وغيرتهم من زوجه اخوهم اللي هي بنت عمهم اصلا راحوا وخطبوا لخوهم صديقه زوجته 00صديقتهااااااا الروح بالروح تخيلوا الغبنه صديقتها وزوجهاااااااااا حسبي الله عليهم المهم تقول البنت هذي 00 تقول كنت ادري بكل اللي قاعد يصير ومطنشه وجااااااااااء اليوم الموعود 00 وقالها زوجها ترا اليوم عرسي 000000000 تقول كتمت الضيقه بصدري وحبست دموعي في عيوني والسكاكين تجرح وتقطع بقلبي وقلت له بكل هدووووء 00 مبروك 00 الله يوفقك 00 تقول يابنات رحت اجهز له شنطته وانا الناااااااااااار تاكل بصدري والدموع تحرق عيوني لكني مسكت نفسي ولا بينت له شي 0مع اني ماكان بيني وبين الانهيااااااار الا شعره تقول يابنات محد يتصور وش كان في قلبي 00وانا اشوف زوجي حبيبي مع صديقه عمري ولكن مابينت له شي وودعته بابتسامه عريضه تخفي وراااااااااااااها انواع العذاب وتقول لما عرفوا اهلي واخواني تحلفوا فيه وحلفوا يقاطعونه ويسوون ويفعلون فيه لكني قلت لا لحد يقوله شي ولا احد يسوي له شي خلوه وحاولوا فيها اهلها واخوانها تترك البيت وتجي عندهم قالت ابد ما اطلع من بيتي خلوني تقول البنت محد حاااااااااس باللي فيني ولو اوصف واقول مابقدر اقولكم عن الغصه اللي بقلبي تقول اذا جااااااااااء زوجي من حرمته الثانيه اللي هي صديقتي 00تقول اكشخ واتزين واللبس عيالي واكشخهم واجهز القهوه والشاهي والحلا والدنياااااااا ومالذ وطاب واستقبله احلى استقباااااااااااااااااال 00 ياهلا ويامرحبا هلا بك يابو فلان تو مانور البيت اسفرت وانورت تقول ولا ابين له شي 00 ولا اقول ليش تزوجت علي ؟؟ وانا وش قصرت فيه ؟؟ ولاوش ناقصني !!!!!! تقول ابد ولا حرف 00ولا كنه حصل شي تقول احطه فوق راسي واسولف واضحك وامبسط وانكت واسوي كل انواع الترفيه في بيتي ولا طلع 000000000 بانت حقيقتي رجعت لحزني وهمومي ودفنت راسي وقعدت ابكي وابكي لكن ما ابين عند زوجي شي لاني لو بكيت وتباكيت وزعلت وغضبت وهاوشت وصرخت ماراح يغير في الموضوع شي بالعكس راح ينفر مني ويبتعد عني ويقول انا كيف كنت متحملها اثاريها نكديه تقول شلت بقلبي وسكت وقلت حسبي الله على من ظلمني ومرت الايام والشهور وهو على ذا الحاااااااااااااال ان جاء لقى الترحيب والسنع وان طلع ماسألت عنه لين انجــــــــن الزوج 000 وصحى من غفلته وقال كيف انا تزوجت عليها ؟؟ كيف سويت فيها كذا ؟؟ ورجع لها وبااااااااااااس رجولها وقالها ساااااااامحيني هذي نزوه 00 وفعلن رجعت المااااااء لمجاريهااااا وصديقتها الخااااااااااينه تطلقت ورجعت بيت اهلهااااااااااااا ورجع الزوج يعيش مع زوجته وعياله مثل اول وقبل قصه ثانيه تموت من القهر 00 عمتي حرمه جميله جميله جميله جدا بكل ماتحمل الكلمه من معنى ونظيفه ومرتبه يعني بالعربي مثااااااليه وكان زوجهاااااااا يموت فيهااااااا يبوس التراب اللي تمشي عليه غير كذا هم مره مره مره اغنيااااااااااااااء كانت تشتري القمصان بس على 800 واكثر ملابس البيت بالالف والالماااااااااااس يضوي ضوي والبيت اللي هم فيه قصر قصر كانوا عاااااااااايشين احلى عيشه ومرت الايام وجاء واحد من بلد عربي يشتغل عندهم بالشركه وطبعا جاب اخته وامه وقعد يلمح لزوج عمتي انه يتزوج اخته ومع كثر المحاولات والاغراءات رضخ زوج عمتي تقول عمتي نغزني قلبي وحسيت بشي وشفت زوجي متغير علي تقول واروح وامسك السواق طبعا سواقهم كان صغير في العمر وكان يدل بيت العروس العربيه اللي بيتزوجها زوج عمتي المهم تقول عمتي سكت ولابينت لزوجي شي واروح وامسك السواق وامسح فيه البلاط واضربه واكفخ فيه تقول قلت له اللحين تعلمني وش السالفه زوجي كل يوم وين يروح يسهر انت اللي توديه وتجيبه 00 علمني اللحين والا اسفرك بلدك تقول مسكين قعد يبكي وخاف وعلمني بكل السالفه وقال انو زوجها بيتزوج اخت المهندس اللي يشتغل عندهم تقول بغيت امووووت من الغبنه والقهر اعنبوا بليسك وش قصرت معك فيه معيشتك بعز ابوي وااااااااخرتها تخوني طيب انا اوريك تقول مسكت عبرتي وكتمت غضبي ولما رجع زوجي قلت له شرايك نعزم فلان عندنا هو اهله شكلهم طيين خلهم يزورونااااااااا وفعلا قالهم زوج عمتي تعالوا تعشوا عندنا وقالهم ان عمتي اللي هي زوجته تصير اخته لانهم لو شافوهاااااااا وشافوا جمااااااااالها ماراح يوافقون يتزوج بنتهم وقالهم ان الحبشيه اللي تشتغل عند عمتي هي زوجته وفعلا دخلو الضيوف تقول عمتي واتكشخ واكشخ عيالي ويوم وصلوا وجلسوا هزئتهم ومسحت بكرامتهم الارض وقلت لهم انا اسوي فيكم الخير وانتو تبون تخطفون زوجي ولفت على زوجها ومسحت بكرامته الارض وقالت هذي اللي تبي تفضلها علي المهم يابنات غسلت شراعهم قامت ام العروس تبكي وتبوس راس عمتي وتقول لها اسفه سامحينا والله ماعرفنا انك زوجته هو قالنا انك اخته وان خدامتك هي زوجته تقول قعدت تبكي وتترجاااااااااني اسامحهااااااااااااا وانا رفضت وعلى طول سفرتهم وزوجها تقول تمنى الارض تنشق وتبلعه وقام يترجاها ويترضاااااااها ويبوس رجولهااااااا وبالموت رضت عليه هذا وهو يحبهااااااااا ويموت فيها جاته نزوه وفكر يتزوج عليها اجل وش نقول احنااااااا الله يرحمنا برحمته بس يابنات صدقوني الموضوع يبي له بس شويه ذكااااااااااااء على شويه دهااااااااء على حبتين فطنه على ملعقه لكااااااااااااعه وملعقه حكمه وتفكير بعقل وابتعااااد عن العاطفه وتطلع معك احلى خطه طبقيها وبالهناااااااااء والعافيه فكري بعقل وانتقمي بسكوت وخذي حقك بهدووووووووء وابتعدي كل البعد عن الصرااااااااااخ والهواااااااااااااااش والانهياااااااااااار واطبخيهااااااااا على نااااااااااااار هاديه وبالنسبه للمصروف لاتصيرون مثلي ماعندي مصروف ولا شي واذا طلبت شي قعد يطالع بنص عين اطلبي منه مصروف بكلمتين حلوين وان ماعطاك لاتبكين وتولولين ارجعي اطلبي منه وان رفض ارجعي اطلبي مره ثانيه لا تستسلمون اطلبي منه بهدوء وروقان بدون بكاء وصارخ اطلبي لين يعطيك ترا كثر الدق يفك اللحاااااااااام ترا الرجال كويسين بس احنا نخربهم نصيحه لا تقصرين على نفسك بشي وخصوصا غرفه النوم غيري المفرش حطي فواحات اشتري مخدات تراها مملكتك دلعي نفسك وزوجك مدامك تملكينه كله قبل تملكين نصه ترا ما يطير الرجاااااااااال الا الملل وسوء التصرف وهمجيه التعامل و غياب الفطنه والذكاء وسذاجه المرأه تنفر الزوج ولكن لا تدلعينه مره ولا تهمشينه مره 00خير الامور الوسط وان رحتي معه لسوق او مطعم وشفتي احد ييطالع فيه او هو يطالع في احد لا تنفعلين وتنافخين عليه لا امسكي نفسك وقولي تعاااااااااال شوف او امسكي يدينه او وشوشي بأذنه المهم حاااااااااولي تشغلينه والله العظيم بنات هذي الايام يخوفون حسبي الله عليهم ايستحون الوحده تطالع في الرجال بكل قوايه عين حسبي الله عليهم انتبهوا على رجااااااااااااالكم والله يستر علينا وعلى رجااااااااالنا الوقت هذا صار يخوف الوحده ماتثق حتى بخواتهااااااااااااا الله يوفقكم ويسعدكم منقــووووووووووووول
|
#2
|
||||
|
||||
وباقولكم اول قصه بس اماااانه لاتنسوني من دعائكم
الله يصلح و يهديك لعين ترجيك!!!!!!!!!!!!!! موضوع انصاص الليالي الفراغ قاتل
|
#3
|
|||
|
|||
يوووووووووه ياقانون
ليه كل دا ماادري بس انا فكرة المصروف مو داخله مزاجي لان زوجي كان يعطيني واصرفها احسها ماتكفي بس لما سرت مااخد مصروف يعطيني فلوس بالهبل وهو مايحس واي شي اطلبو مايرفض انا مو عارفه قصدك يعني يعطيها مصروف وتجمعو ماتصرف منه ولا يعطيها وهي تشتري من المصروف الي تبغى واكيد المفروض الوحده ماتطلع اسرار اهلها لزوجها وتزرع محبتهم في قلبه انا نفسي اعرف الزوجه لما خانها زوجها كيف قدرت تسكت ماشاءالله عليها صح هو تاب بس كل ماتتذكر الزوجه اكيد بتتنكد وكمان وهي حامل الله لايبلانا ويبعد عنا وعنكم بنات الحرام موضوعك في غير وقته ههههههه بعد العيد والرجال مفلسين من المصاريف بس ابشرك مايجي يوم 25 الا وانا مغيره المفرش هههههههههه كنت ابشتري ع العيد بس رحمت المسكين الي عندي ماادري ليه الرجال ادا الحرمه كانت طيبه معاه وشايله همه وتحاسب وتراعي ظروفه مايعبرها وفي الاخر تلاقيه يتزوج او له علاقه بغيرها واد الزوجه كانت موريته نجوم الليل في عز الظهر ماشي تمام معاها ومدلعها زوجي قبل سنتين دخل مع شباب استراحه وصار كل يوم يروح واغلب وقته فيها في البدايه كنت ازعل منه بس بعدين قمت اطنش ومااساله واعملي انا بعد جو في البيت اخد فتره ومل ودحين بس يروح يشرب شيشتو ويرجع كلها ساعه وراجع يعني اشوف انه الرجال مايمشي الا بالتطنيش ياخد المساله في البدايه عناد او تغلي وبعدين يرجع تسلمي عسوله ع الموضوع الحلو
|
#4
|
|||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||
ههههه موب انا اللي كاتبه القصه اسالي اللي كتبتها انا بعد نفسك فكرة المصروف ماتمشي معي وقسم مره ابسوي يعنني يعنني رحت ازن ابي مصروف على اساس ابجمع يوم 15 من الشهر متفسفسف مدري وين فسفسته هديه لفلانه وحلا لعلانه وفاتورة جوال الشهر اللي بعده يوم عطان ورحت رجعته له يعنني كرم حاتم والعكس هو الصحيح لاني بصراحه ماتمشي معي فكرة التجميع بنوب واكتشفت اني اصرف اكثر من اللي يعطيني هو بس في حريم رجالهم مايصرفون عليهم عشان كذا نقلت الموضوع ولا يصيرن ماسكات هذولي يمشي معهم فكرة التجميع
فعلا والله ملاحظه نفس السؤال يسدح نفسه عندي مدري ليش ممكن لان بعض الرجال يفهم ان الطيبه والتوفير يقلل من قيمتها ويستحقرها كذا او لان بعضهم مايمشي الا بالعين البرتقاليه ,,
ههه مايمشون وقسم الا بالطناااش طنشيه وشوفي الركض اما ملاحق ومحاصر وتلفونات ماتجيب نتيجه الا بالعكس ينفر اكثر اما اذا طنشتيه ورحتي وجيتي وطلعتي واستانستي يصير بس يتصل كائنات عجيبه بصراحه خخخخ وتسلمين قلبوا ع المرور منــوره هنوفا
|
#5
|
||||
|
||||
يسلمو ع الموضووع
انا نفس الحكايه ماابي مصروف اخذ على راحتي ولا شي معين كل شهر سويتها كذا شهر ومرتحت لاني ارجع اطلب اخذ على راحتي احسن اما اللي خذا صديقتها صرااحه قويه انا لو مكاانه على طول بيت اهلي مستحيل استحمل يعطيك العافيه ياارب
|
#6
|
|||||||||||||||||||||||||
|
|||||||||||||||||||||||||
بروح اشوف موضوعك اللي مثل وجهك
|
#7
|
|||
|
|||
السلام عليكم ورحمة الله وبركاته
الله يسلمك اكثر النسوان مشفوحات يحبن الدراهم والسبب من الزوج الرخمه مايمشيها على الطريق الصح ومضه اغلب الرجاجيل رووسهم مكسوره من نسوانهن ياربي يوفقك
|
#8
|
||||
|
||||
& & ههههههههههههههههههههههههههههههههههههههههههههه اهم شي الومضه ركزو
|
#9
|
||||
|
||||
الله الله ياقانون
صح نسيت كل عام وانتي وحمودي بخير الصبر حلو والتعقل بحل الامور افضل ..بس عندي تحفظ على حكاية المصروف ..طيب ممكن مايكون عنده ..فلنفرض .. كيف دبر نفسك ؟!..ممكن يدبر نفسه،، لكن انتي شوفي شكاوي الاعضاء من هذا الموضوع وتفهمين انه ممكن يدبر الفلوس لكنه انه بقرارة نفسه شايف ان زوجته انسانه انانيه ماتقدر ظرووفه..الوسطيه زينه والله يعين الحريم ..احس الحياة مع بعض الرجال اكبر مناوره حربيه في حياة الانثى
|
#10
|
|||||||||||||||||||||
|
|||||||||||||||||||||
تقريبا اغلب الحريم بيسوون سواتك بس ماشاء الله عليها عرفت شلون تصرف شفتي الذكاء والحكمه بالاخير هي الربحانه مشكوره دنيا منورهـ
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |