العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
احترامي .. للحرامي ..😎✋🏻
قبل يومين ..
وبعد ان خفت ضجيج سيل رسائل البنك النصية - ايداع - خصم - سحب - سداد - تحويل …. وفي هدأة الدجى .. (طنّ ) صوت رسالة نصية : " شراء انترنت بطاقة:******;مدى من:*1416 لدى:PAYPAL *……………….. مبلغ:SAR 1438.17 في:21-07-27 17:11 - المبلغ خلّى عيوني تطاير زي أفلام كرتون كنت واثقة اني مانفذت عملية شراء الراتب توه نزل ومابدت طراوي الشراء - كإجراء أولي اتصلت بالبنك وقال - بعد ماأثبت ان العملية فعلاً من حسابي وشكك في ذاكرتي اني ممكن اكون ناسية وقف البطاقة كإجراء امني اولي علشان ماتتم سحوبات اخرى وقال ارفعي شكوى بعد 7 ايام للبنك <<< ماعرف اش الحكمة من هذي المدة وبعدها ارتفع عندي هرمون ال قضيت ليلتي تلك اتثقف - وانا اللي كنت احسب ان عندي علم عالي بالتقنية واستخداماتها - اول ماصدمني ان اسم الموقع اللي تمت منه العملية الشرائية متجر بحريني متخصص بالألعاب الالكترونية ( المتجر بحريني لكن الحرامي سعودي ) 😏 - صح اني احب اللعب واعشششقه بس مايوصل الامر ان الحرامي يشاركني حتى اهتمااماتي 🤪 - العملية بـ pay pal وخطأي اني ماكنت مفعلة التحقق بخطوتين - فيه خاصية في تطبيقات البنوك - المفروض ننتبه لها - نقفل خيار نفتحه بس وقت مابنحاسب اون لاين فقط - فتحت بعدها ايميلي لأتفاجأ - بذكاء الحررامي - الساعة 11:11 د تمت عملية الشراء والساعة 11:17 د تم قفل حسابي في الـ paypal مو معطيني حتى مجال اعترض والا اشتكي قفل حسابي في باي بال 😂😂😂 ومن رحمة ربي ان جاني على البريد ايصال سداد وشفت تفاصيل العملية - فالح الراي - مشتري نظارة ألعاب وسماعة ألعاب واير لس - البنك مانفعني مرة - دعم الباي بال ماقدرت اوصل له لان الحساب مغلق - ماكان عندي الا خدمة عملاء الموقع تواصلت معهم وكان عندي رقم الطلب - طبعا - من الايصال ولحقت الطلب قبل ماينشحن قال مانقدر نسوي شي الا انا نلغي الطلب لك فقط اما سالفة بيانات البطاقة ومن استخدمها ماهو اختصاصنا فألغيت الطلب وحتى هذه اللحظة الحرامي لازال ينتظر وصول شحنته والمبلغ لايزال محجوز - في الرصيد الغير متاح - ويحلّها ربي …/ غريب الماضي معجب بهذا.
|
#2
|
||||
|
||||
رد: احترامي .. للحرامي ..😎✋🏻
سبب ( احترامي ) للحرامي
من معلومات الشحن اللي وصلتني على الايميل ان منطقة الحرامي - القصيم - 😂😂😂😂 وحاط اسم الشارع بعد فاحتراماً لنسبة هذا المكان قررت ابدي - احترامي للحرامي - غريب الماضي معجب بهذا.
|
#3
|
||||
|
||||
رد: احترامي .. للحرامي ..😎✋🏻
ههههههههههههه
ياحلوهم القصمان وصلو paypal اكتساح قصيمي شامل هههههه بيزعلون منّا القصمان ذكرتيني ياودق بقصيدة ل عبدالرحمن بن مساعد ( الحرامي ) : إحترامي .. للحرامي !! صاحب المجد العصامي .. صبر مع حنكة وحيطة .. وابتدا بسرقة بسيطة .. وبعدها سرقة بسيطة .. وبعدها تَعدى محيطه .. وصار في الصف الأمامي .. ! الحمدلله المبلغ لا يوصل للجلطات والمستشفيات قلاس عصير وتروقين الله يعوضك وللحرامي شكله مدمن الحياة الواقعيه ههههههه خليه يستانس قبل المدارس
|
#4
|
||||
|
||||
رد: احترامي .. للحرامي ..😎✋🏻
الله يا قو قلبه !!
انا ريال ولا ريالين مقدر اخليهم في ذمتي شلون عاد اشتري ببطاقة مو لي بس شلون قدر يسحب منك ؟😳 شلون رسالة التحقق شلون شلون شلون
|
#5
|
||||
|
||||
رد: احترامي .. للحرامي ..😎✋🏻
أنا اللي أستغرب منه إلا هذه الدرجة
وصل في كثير من الناس التساهل بالسرقة وارتكاب الحرام وعدم الخوف من الله ، يعني اعصي ربي على شان نظارة ومبلغ 1400 ريال أنا لو جاكم خبر بيوم أني مطلوب للانتربول الدولي فتأكدوا أنه على شاني لاطش لي 100 مليون دولار ولو عاتبتوني بقول أنفتنت ولعبي براسي الشيطان وساعتها بتقتنعون لكن 1400 ماتسوى أكره الشراء عبر الاون لاين اللي يطلون تسجيل بيانات البطاقة حتى أسم أمك يطلبونه أحس انهم حرامية وترى حالتك مكررة بشكل يومي لهذا البنك غير مهتم ولاهو متفاجئ ابداً لو اعطيتني 5000 سلف مو أحسن لك يالله راحت فلوسك قدام عينك وانتي ماتقدرين تردين رسالة السحب ولا الشراء والله يعوضك وليت تمسحين بياناتك البنكية من المواقع اللي شريتي منها ومحتفظين في بياناتك ماحذفوها
|
#6
|
||||
|
||||
رد: احترامي .. للحرامي ..😎✋🏻
طبعا .. قصايد ايام المتوسط والمراهقة هي اللي متعلقة في الذاكرة ونستشهد فيها 👍🏻 الله يذكر حامد زيد وعبدالرحمن بن مساعد بالخير
|
#7
|
|||||||||||||||||||||||||
|
|||||||||||||||||||||||||
رد: احترامي .. للحرامي ..😎✋🏻
اكيد وصل لبيانات البطاقة .. كيف ؟ مدري لكن رسالة التحقق في حساب الباي بال انا ماكنت مفعلتها .. حسابي جديد ماقد شريت عن طريقة الا مرة وحدة باقي العمليات عن طريق مدى اعترف : كانت ثغرة في ثقافتي التقنية ✋🏻 * للعلم طريق الدفع باي بال من أكثر الطرق أمان للاستزادة : اسمعي اش يقول فهد البقمي : https://twitter.com/fahdalbogami/sta...568675842?s=21
|
#8
|
|||||||||||||||||||||||||
|
|||||||||||||||||||||||||
رد: احترامي .. للحرامي ..😎✋🏻
ما زلنا مراهقين ياشيخه الله المستعان جوالي الظاهر حتى السواق يعرف رمزه والبطايق خلف كڤر الجوال تخيري بس Paypal اربع بطايق اذا صعبت عليه ياخذها من خلف الجوال والرسايل النصيه مقفله اشعاراتها كل الي اسويه استودع الله دريهماتي صباح ومساء والحافظ الله
|
#9
|
|||||||||||||||||||||||||
|
|||||||||||||||||||||||||
رد: احترامي .. للحرامي ..😎✋🏻
الشراء اون لابن صايرة جزء من حياتنا ومفرووض علينا نتقبله ونستوعبه وكل دقة بتعليمة بالنسبة لبيانات البطاقة اصلاً البنك اصدر لي جديدة فطبيعي راح تلغي اللي قبل لكن : طريقة عدم تمكين مدفوعات الانترنت الا وقت ماتشتري وبعدها نقفل الخاصية يخلي يستحييل ان تتم عملية شرائية من حسابك الا بعد مايتفعل الخيار والحافظ الله ياخيي ../
|
#10
|
|||||||||||||||||||||||||
|
|||||||||||||||||||||||||
رد: احترامي .. للحرامي ..😎✋🏻
أنا معك ياطويلة العمر والبقا والسلامة لكن فيه مواقع تشترين منهم وطريقة الدفع فوري ومرة وحدة يسحب الرصيد قبل ترمشين وأنتهينا والبعض لا تبقى بياناتك مسجله بالموقع بحسابك حتى لو جيتي تشترين مرة ثانية مايحتاج تسجلين البيانات مرة ثانية وهذه اللي انا اتكلم عنه على كل حال فالك طيب ابشري بالعوض
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |