العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#561
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
الرشيدي ينجرح قلب.. لكن ترتفـع هامـه = والله اني لاموت ولاانحني راسـي لو رماني زمانـي وسط..دوامـه = العواصف شديده .. والجبل راسي أنقل الحزن وامشي منتصب قامـه = قاسي الوقت .. لكني بعـد قاسـي واسمع الحلم يصرخ لحظه اعدامه = رابط الجاش ... ماهز الخبر باسي عزتي غاليه ..والنـاس سوامـه = قلت ماابيع حتى تقطـع انفاسـي زانت ايام عمري .. شانت ايامـه = مارجيت العزى من رحمة الناسـي من عجز لايدوس الهـم باقدامـه = لازم انـه مـع الايـام ينداسـي يندمل جرح قلبٍ ..ماتت احلامـه = بس ما اظن يبرى جرح الاحساسي يوم صارت مابين القلب والهامـه = وش ابي بالحياة الياانحنى راسـي
|
#562
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
الشريف بن منصور لفتة الغزلان وبطـون السلـق حملن القلـب حملـن مايطيـق قولة أهلاً ثـم سهـلاً بالرمـق ياضيا عيني وخلـي والصديـق نبل عينه والمحاجـر والحـدق جل نورٍفى صفا خـده عميـق وإن طلبت الوصل من عنده رمق كيف يرمق ذا الغضي دايم رقيق أسفرت للصبح وانجاب الغسـق وبـرزت درّ المظلّـم بالعقيـق بين قرطـه والزّميّـم والحلـق لمع نور ٍفى خديـدٍ لـه بريـق خاله العنبر وفـى خـدّه زهـق ناجبٍ بالفن من غصـنٍ رقيـق يابديع الحسن من وصفٍ صدق له شفايا حمر فى لون العقيـق
|
#563
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
مقتطفات
كتبت الشعر من قلبي وخطّيته على صفحات تنزف حبرها الدامي كتبته والشعر من يوم ناديته لفاني وحطّ معنى القاف قدّامي وانا من خيرته طبت وتنقّيته وميٍّزت الحروف بلحن وانغامي وجاذبته وخفّضته وعلّيته ورتّبته وخطّيته بالاقلامي ولي ما يستوي بالشعر سوّيته وفي شعري تحقق كل الاحلامي عطاني الله زمامه ثم تلّيته وطاوعني ولا يرفض لي أحكامي ألا يامن على العربان بدّيته وعن غيره تميّز ريم الاريام فلا شفت الذي مثله ولا ريته كمَل والكامل الله رب الآنامي ألا يامن فوادي الميّت أحييته بطيب القلب مع أخلاق الاحشامي وكل الحسن عن غيرك تولّيته حرام اترك لهم لا اتصيبك آثامي كتبت الخط لك صافي وعنّيته جداكم يا سليل الناس الاكرامي كتبته ومن دعاني الشوق لبّيته وانا من لي سواكم يسعف آلآمي أنا لولاك باب الحب ما جيته ولا غامرت في بحره الذي طامي ولا سجلت به نبضي وغنّيته على ألحان قلبي المولع الظامي وذا العالم على شانك تحدّيته ولا همّتني احدوده والايامي وهذ الشعر في حرفه وفي بيته كتبته من معاني شخصك السامي وكفّ الشعر لك بالحب مدّيته تفضّل ذوق طعم الحب واهيامي لأنك صرت له الاسباب ناديته وهذا ردّ فعل القلب ما ايلامي اللي يقول الحب ولى زمانه مايدري ان الناس مايستووني صحيح بعض الناس خان الامانه لكن بعظهم مانوى انه يخوني الحب بقلوب البشر له مكانه البعض صانه والبعض مايصوني اللي يصونه يهتني في كيانه يلقى لطعمه الف شكل ولوني يعيش فيه ويرتوي من حنانه ولا يظن بسيئات الظنوني واللي ماصانه صار محبط وهانه يقول ولى قبل جيله يجوني ماغير يسمع فيه ياليل ادانه يفكره روتين ولا فنوني مايدري ان الحب عظيم شانه ممزوج بارواح البشر والشجوني الحب اكبر من مجرد ميانه ماهو كلام اعجاب شخص يموني الحب يلوي القلب كالخيزرانه ويميله يم الحبيب الفتوني غصبٍ عليك الحب يفلت عنانه ماينتظر جوارحك يأذنوني بس البشر فيهم جحود ولعانه ون صادفك مكروه جو يشمتوني والحب ماله ذنب يقتل عشانه بعض البشر للحب مايرحموني اما البعض ..فالحب فيهم ديانه واحبابهم بقلوبهم يسكنوني هذا جوابي ..يامدور بيانه كل البشر للحب مايستووني
|
#564
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
فهد المساعد
من عز نومي صحيت وشفت في عيني دمع تهادى على جفني وأنا غافي سترت دمعي ب كمي قبل يغريني وأخذت هذا الجسد من باقي لحافي وسريت تايه ورا خطوات رجليني لا الوجه وجهي ولا أوصافي هي أوصافي أمشي وأقول ل طريقي لا توديني ل عيون ناس تبي تدري عن الخافي أمانتك.. خلها ما بينك وبيني خابرك يالدرب خوة عمر وسنافي ما ودي الناس تدري وش يبكيني كرامة النفس ورث أبوي و أسلافي أمشي وأحس الخناجر في شراييني والبرد يمشي وراي وينهش اطرافي وحيد والليل بردونه يغطيني تقول كن البلد روح بها السافي إلين ما أوحيت لي صوت يناديني صوت أعرفه مثل ما أجهل وش خلافي قمت أتلفت و انادي لا تخليني ما غيره.. الصوت هذا صوته الدافي ولمحت زوله من أقصى الدرب لافيني مدري وش اقول لكن حي ها اللافي تعال.. شف غيبتك كيف أثرت فيني تعال.. شفني وأنا أغرق عقب مجدافي تعال.. خذني ورحبي من عناويني تعبت أعدي على جمرك وأنا حافي تعال واقطف بصوتك زهرة سنيني كل المواعيد عقبك شمعها طافي تعال وازرع خصل شعرك بكفيني بضمها لين أحس بليلك الظافي تعال وشفيك خايف؟ أنت ناسيني؟ قطعت صوتي عليك وطال ميقافي حتى بديت أشعر أن الحب معميني وان أنت حلم عثى فيني وأنا غافي لكن أمانة ترى اللي في كافيني إن رحت منك كذا ما رحت متعافي بصدق الحلم وأحذر لا تصحيني في خاطري كلمتين إن قلتها كافي أمانة الله عليك إن غبت عن عيني لا يكون قلبك مثل قلب الزمن جافي مع كل دمعة تذكر رعشة يديني ومع كل ضحكة تذكر قلبي الوافي
|
#565
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
جديع ابن سويدان يا رجم عديتك وعدابي البين = والقلب في راسك تبيح كنينه الله لا يسقي مفاليك عامين = ذكرتني راع الطبوع الحسينه مرحوم ياللي جهزوه يوم الاثنين = العصر منفوق النعش شايلينه حطو علي منبوز الأرداف سافين = حطو عليه اللبن ملحدينه ياليت كفي حدر خده عن الطين = والكف الآخر فوق صافي جبينه ويا ليت يومي قبل يومه بيومين = ويا ليت المرض من بيننا جاسمينه لا يا حياة الشر عقب أريش العين = لا والهني من شافنا تابعينه
|
#566
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
وقالت الشاعرة/ رقيمة العريني عندما تذكرت زوجها
البارحة عني لذيذ الكري طار = ليل سهرته من حنين لحاشي خلا دموعي فوق الأوجان نثار = مثل المطر لا جانهار الرشاشي أبكي خليل ما يغشي علي الجار = ما مرة بالعمر للجار هاشي لعل عظمه ما يجي واهج النار = في جنة الفردوس حلو المعاشي وعساه بالجنة من الحور يختار = برحمة المولي وسيع الفراشي
|
#567
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
وقال عبد الله بن غيث يرثي أخاه مريت في بيته وليا الحبل مبروم = وفكرت بأركانه وليا البيت خالي
وزجيت زفرة عبرة البين مهموم = وصفقت بكفي اليمين الشمالي غديت كني تايه الدار منجوم = تغطلست صار الجنوب الشمالي كيف ابنام وساقف البيت مقصوم = عضيدي اللي بالمودة صفالي ما قط غضب خاطري يوم = ولا خبر يوم قال ذا لك وذا لي عساه بالجنة عن النار معصوم = منبجح مع راجحين الأعمالي
|
#568
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
الشاعر: سليمان بن شريم:
وربعك الى بان الخلل فيك عافوك اقرب قريب لك من الناس يشناك ان كثر مالك اصدقولك وطاعوك وان قل ما بيدك شانت حلاياك لو تطلب الماء عندهم كان ما اسقوك ابعد مزارك عن وطنهم ومرباك وان طاب حظك اصدقولك وحبوك وان بار كل ما يبي غير فرقاك وهراجة المجلس الى جيت وروك منازل تطرب نظريك بدنياك والى قضوا منك اللوازم وخلوك تفرقوا وانت احتمل لحل ما جاك كنك سراج البيت للنور شبوك واللي انقضى اللازام حد الربع طفاك وقال: واصحى لخلان الرخا لو تغالوك اعرف ترى اطيبهم الى احتجت يجفاك كنك خوي مقيط دهووك واغووك وحقك عطاك رشاك واقفى وخلاك واحذر عن العيلة ترى الحق مدروك مثل العمل يدركك ما منه فكاك وان كان عدوانك على الضيق حدوك فاخصم طلابتهم بعجفاك وقداك وان كان هم لمشرف الحق ما شوك ناظر مطاليع الفرج قبل مبداك واحلم على الجاهل ترى الحلم مبروك وقم للضعيف اللي من الضيم ينخاك وادمح خطا جيران بيتك الى اوذوك ترى القصير وحرمة الجار بحماك وقم للضيوف اللي لفولك وضافوك اغلا كرامتهم حجاجك وبشراك
|
#569
|
|||||||||||||||||||||||||
|
|||||||||||||||||||||||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
~
.
حسن خليل معجب بهذا.
|
#570
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
شكراً لكم على المرور والإعجاب بالأبيات.
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |