|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
11-04-04, 06:57 PM
|
||||
|
||||
جــيبي الــقــهــوه وانــا اجــيب الــحلـــى .........؟؟؟
سلاااااااااااااااام
يابنات المنتدى وشلونكن وعساكن بخير وطيبات وش سويتن اليوم وين رحتن ومن جاكن  وش اخبار الدراسة للي يدرس واخبار النوم للي نيمتن بالبيت  الا على طاري الدراسة الله لا يوريكن وش صار يوم الاربعاء بالكليه احترق المعمل والبنات اغمي عليهن من الروعه وشي طرق لنا ما يطرق لاحد وعساكم ما تشوفون مكروه ويوم الخميس طلعنا للاستراحه وانبسطنا وتهيبلنا ولعبنا مليحق وسوينا سباق وفازت فاتن .......؟؟ علينا وبجنبنا استراحه به سودانيين ويغنون آخر انطراب  وبلعنا العشا اللي يهبببببببببل  ويوم الجمعه رحنا للملاهي وجانا هوى بارد يشخف العظم ويكسر السنون ويوم السبت عاد ارجهينا بالبيت علشان نتلين ولين ارجيلتنا وسلامتكن اوخياتي يالله عاد كل يوم اللي تجي لموضوعي تقولي وش سوت اليوم وين راحت وش سوت وبس طبعاً فيه مصطلحات ما يعرفها الا القصمان واليكم معانيها شي طرق لنا .. اي شئ حصل لنا تهيبلنا ..... اي استهبلنا هههههههههه على بالي شرحت يشخف العظم ...... لم اعرف معانها  ارجهنينا ...... اي هدأت اعصابنا نتلين ......... نرتاح
|
|
#2
11-04-04, 08:15 PM
|
||||
|
||||
اوووووووووهـ قصيميه
انتي من ربع الي اخترق معملهم  روعتونا...قالو ان الكليه بكبرها احترقة والعالم اخترشوا وبالاخير طلع شوية دخان  معليه ان شاء الله ماتجربونها غير ماجربتوها ..... ***** ويوم الخميس طلعنا للاستراحه وانبسطنا وتهيبلنا ولعبنا مليحق وسوينا سباق وفازت فاتن .......؟؟ سلمي لي على فاتن  الله يعطيك العافيه يااخت الكل موت & ميلاد
|
|
#3
11-04-04, 08:52 PM
|
||||
|
||||
|
والله اليوم الاحد قمت من النوم بوزي شبرين
ومالي نفس اداوم وانا اللي يجي في بالها تغيب  وتجيني امي وتدخل علي طبعا بعد ماهبدت الباب : قومي قامت عصبتس وتحرولت عظامتس بلا وانا اللي انقز من السرير من الهبله قلت وشو امطرت >>>>>>> تصرف على شان ماتهاوشني قالت : الساعه ثمان ومارحتي قلت : احتري المطر يقضى قالت امي : وعساه يحتريتس بعد هو >>>>> مسويه امي تذب  وانا اللي استحي على وجهي وقلت يمه تكفين بغيب هقوتي اني مصيخينه قالت : وانتي كل يوم مصيخينه قلت : ايه لو انتس مرضعتني رضاعه طبيعيه ماكثرت صخايني >>>>> حجرت على امها وانا اللي اقوم واتعوذ من ابليس واروح (kk) وانا راجعه للبيت الى هاك الامطار اللي تهبل جعلها الله امطار خير وبركه ويعم بنفعها ارجاء البلاد >>> متأثره بالاحوال الجويه  واول ماوصلت للبيت كني بزير ماغير اتزحلق في هالاسياب واقول امطرت امطرت والمديره فحطت عارفه انكم بتقولون العقل نعمه بس مايخالف وعقب مالعبت ووسعت صدري رحت ارتاح عند جدتي لقيتها تسبح وتهلل وانا اللي اقعد احرشها ابيها تقنع ابوي نطلع للبر في هالجو الزين قالت : لا بالله اخاف يجرفنا السيل وعاد من بيلقانا قلت : لاتخافين ياجده بجيب معنا لساتك وتخزني بطرف عينها يعني كني محومتن سبدها وانا اللي القط نعيلاتي واقوم رحت تغديت وحليت بقطايف من همس الشفايف >>>> هذي طبختي طبعا وعاد خمدت بعدها وماقمت الا المغرب نزلت على امي تحت لقيتها تتقهوى لحالها وانا اللي اتربع عندها واتقهوى معها على شان افتح نفسها شوي والاها مبسوطه ومسفهله قلت : ياجعله دوم يايمه ..تصدقين يمه انتس اذا صرتي مبتسمه تعجبني صفة اسنونتس وش زينها عاد امي كيد على طول سكرت فمها قالت : مادريتي بس ان بنت عمتس ولدت قلت والله بنات عمي كلهن حمل اي قطوه منهن >>> والله اني صازه كل سنه يحملون قالت : وداد قلت : والله اخيرن ولدت هالناقه بتخلص العاشر وهي توها تالد ان كان اعرس ولدها في بطنها احسن قالت امي : بتروحين لها والا لا قلت : لا تروحين لها اليوم تلقينها تافلتن العافيه >>>> ذوق بس محد عبرها وانا قاعدتن الحين الساعه ثمان واكتب لكم وش انا مزينه النهارده خابره ان يومي ماله داعي كله اكل ومقاحر بس بيني وبينكن يابنات اني مليت من الروتين كل يوم نفس الام نفس الابو نفس الجده نفس الشهبان ( اخواني ) >>>> احلفي قوه يالله عاد يسد حتسي عورتني اصيبعاتي ومشكوره ياقصيميه على هيك موضوع 
|
|
#5
12-04-04, 03:08 AM
|
||||
|
||||
|
احم احم تغطوا يا حريم جيت انا
 والله انكن مهبل وما اهبل من قصيميه الا همس البراطم الصراحه اني من يوم وانا بزر وانا احب سواليف الحريم وقرقهم  اتوقع همس البراطم هالحزه وهي تقرا ودها تشوتن بوكس  يا شينها عاد لا صارت عربجيه وتفتن  المهم لا يكثر انتي وخشتك بس وعطين الكراث خلين امسك الدرب واعلمكم بقصتي انا قمت قبل الظهر بشوية حنان من بنتي  ببوكس على خشتي <<<< متعود على بوكساتها  ومير اقوم معصب  وهي تضحك  واقوم واغسل وانادي شغالتنا ام عزيز واقول صلحي واحد شاي وبعد صلاة الظهر جبت الجرايد وقعدت اتفنجل انا وام العيال ومير تقول ابي السوق العصر ومير اشرق ونكمل بالحلقه القادمه
|
|
#6
12-04-04, 05:16 AM
|
||||
|
||||
|
ومير اشرق
وقلت تونا الشهر اللي راح موديك للسوق قالت عاد اللي يسمعك يقول مقطعتك بالسوق ومير استحي  عرفت كيف ترد عليّ المهم واقعد اتقهوى وحاطن التلفزيون على قناة الجزيرة اتابع اخر اخبار العراق والفلوجه وما دريت الا ولدي بدون احم ولا دستور يغير القناة الى سبيس تون  ومير اهوشه قلت خل نتابع الاخبار يا ثور مير يرد علي ويقول وش دعوى يا السياسي  يقاله حطمن مير ارد عليه واقول وش دعوى يا ماوكلي  المهم ابيه يرجع للجزيره وماش ما بوه فايده ومير يرضخ سيف العداله ويتابع سبيس تون كالعاده غصبن عليه واقعد اتفرج على سلاحف النينجا وسابق ولاحق اللي اشوفها للمره العشرين واخرب علي ولدي كل شوي واقول هالحين يسون كذا نذاله المهم وحنا نتابع وبنتي قاعدتن بالدريشه الا وتمر سيارة العسكريم ومير تقول بابا جا العسكريم وانط من مكاني كني مقروص واركض للشارع وما عليّ الا سروال سنه وفنيله واقوله عطن اربعه عسكريم واثنين بليله ونكمل بعدين
|
|
#7
12-04-04, 02:15 PM
|
||||
|
||||
|
لا روحه و لا جيه بالبيت منطقة
تقول أمي المخطوبة ما تطلع من البيت لين تعرس ما أطولك ياليل
|
|
#8
12-04-04, 02:37 PM
|
||||
|
||||
|
ههههههههههههههههههههههههههههههههههههههه
ههههههههههههههههههههههههههههههه ايه والله كنك تشوف جايتن بمسواط الجريش بصمخ جبهتك به بس هالمره طلع لي شيطان حبيب وقال لي : يابنت الحلال تعوذي مني وخلي سيفوووه في حاله حرام تيتمين عياله >>> ماتلاحظ ان الشيطان يمون عليك قال سيفوه قال اجل تحب سوالف الحريم كني اشوفك يومنك بزر ماسكن طرف عبات امك وماغير تسير معها من مسيار لمسيار وتقعد معها مع هالحريم وتتسمع منا وتسجل منا وعاد اذا رجعت تخق لبوك كل شي ومايخلص فتيت الجيران واقطهم الا انت تدق فيه الين يجيك سهال اما سالفه العسكريم ذي ذكرتني يومي بزر راعي سياره العسكريم يطمر بيتنا مايجيه >>>>>> تكاسره كل ابو دايم ياخي غالي بريالين بس على مين يلعبها مطرفتن باب الشارع واويز معه اول ما يمر اعض طرف ثوبي والحقه هو شافني مع المرايه ويضيق صدره ويدعس على البنزين وانا وراه ماغير اركض اركض في هالرمضى(kk) ماهان عليه يوقف ويطس للحاره الثانيه (kk)يامال الطاسوس اللي مايخلي فيه شي الا مديوس ومعفوس هو ويا شعره اللي بالدهن ممسوس >>> حاقده جدالمهم كمل سالفتك وزد الطلب واحد ولا عليك امر
|
|
#10
13-04-04, 12:27 AM
|
||||
|
||||
|
هههههههههههههههه
ههههههههههههههههه أضحك الله سنكم وغربل الله ابليسكمشفتي يالموت بغينا نروح والدجاجة الصقعا العميدة ما غير مافيش حاقه اطمنوا يابنات والله العظيم مافيش حاقه  والبنات من الروعه اغمي عليهن ويقولون انهم حققوا معها  يا حبي لك يالحنونه سلمت لك على الفطمي وانتي يا ملحنا وراتس ما تعقلين عن هالهبال  او تدرين استانسي قبل تزوجين وتصيرين محاسبة على كل شي :md: اخوي سيف حنا متغطين  لا ننا عارفين ان التماسيح ما يخلوننا بس تدري سواليفك تهبببببببل انت وام القطايف  وانتي يا تيولا هي صادزه امتس المخطوبه ترجهن بالبيت لين تعرس  قولي آمين الله يوفقك ويسعدك يارب  يامن العافيه snms توضيح ولا اروع والله انا عجزت اجيبها واليوم يا كافي ما احد راح ولا جا وين الحريم وين سوالفكن غربل الله ابليسكن  ايييييييييه تذكرت خابرتن بنت نجد عنده عزيمة ولا فزعنا معه واخزياه وينهي تعلمنا وش صار بالعزيمة  يالله تعالن الحين وسولفن كل اللي بخواطركن ترى القهوه والمه
|
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
... 
معنات يشغف العظم
العرض العادي
