العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
حاولت اعبر عن همومٍ خفيات = بس الحكي شيفيد مهما حكينا
عقب البطا لاقيت ظافي الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا دنق وقال ارجوك إنه العلاقات = شيٍ حصل ماعاد هو في يدينا قلت السبب قال الليالي غريبات = إنه العلاقه واعتبرنا انتهينا انا بحبل انسان ماهي دعايات = ارجوك ابعد خايف انًه يجينا طالعت فيه وهلت العين عبرات = في ساعةٍ غصبٍ علينا بكينا حاولت اعبر عن همومٍ خفيات = بس الحكي شيفيد مهما حكينا كتمتهن بالجوف لوهن قويات = راضي على ماصار لو مارضينا وآخر كلامه قال لي كم كلمات = لاتسيء ضنك في غصبٍ علينا ولف العباه وراح وانا بحسرات = فرقاًجرت من غير ذنبٍ جنينا وقفت اخايل غض الأنهاد لحظات = فيهن تهدم كل شيٍ بنينا وقمت اتذكر كل شيٍ لنا فات = قبل ايتغير بالمحبه حدينا ياما سهرنا بأظلم الليل ساعات = وياما طلع نور الفجر مادرينا وياما لنا فوق المراقيب ذكرات = وعلى جبال الزور ياما رقينا وياما تحملنا الصعوبات مرات = وياما على سود الليالي شكينا على زمانٍ فات جريت ونات = لو هن على ضلعان مكه تلينا اقرا الموادع بالقصص والروايات = لاشك ماضنيت بيصير فينا وارجع واكرر كلمةٍ لي بسكات = ياليتنا عقب البطا ماالتقينا الــــــــــــــــــجزء الثــــــــــــــــــاني تكررت عقب البطا والتقينا = من عقب مامرن سنينٍ طويلات في صدفةٍ فيها حشا مادرينا = ولاهقينا نلتقي عقب مافات لاشك جابتها الليالي وجينا = رغم الفراق ورغم ذيك المسافات في موقٍف بان التوتر علينا = لحظه تلين إبها القلوب القويات قالت شلونك قلت ربك عوينا = الحمد لله عاضني عقب لوعات الله رزقني في هنوفٍ تبينا = احيت خفوقٍ كان بعداد الأموات هي نور عيني فرحتي والضنينا = ألقابها عن ظيقة الصدر سجات قالت سليت وقلت عقبك سلينا = لكن عقب مالاعنا الحب مرات قالت شلون وقلت لاتسألينا = مافات فات ولا تفيد الحسوفات قالت تكلم قلت مهما حكينا = الدمع ماينفع عزيزٍاليامات قالت نسيت وقلت لامانسينا = لكن قنعنا والقناعه من الذات قالت أروح وقلت وش في يدينا = روحي عسى في كل خطوه سلامات بصبر على فرقاك مهما حيينا = ولا تشوه صادق الحب زلات قالت على ماكنت دنيا ودينا = تكرم ونكرم عن دروبٍ رديات قلت اسمحيلي قبل لاترحلينا = يم الديار اللي علينا بعيدات تراي ذخرٍ لاحدتك السنينا = اجيك مهما واجهتني صعوبات من اليوم اخوك وغيرها ما بغينا = كلي فداك ان صار بالوقت ميلات وتبسمت بإعجاب مدري حنينا = وتهشمت قدام عيني بعبرات قالت فمان الله قلت انتهينا = واقفت تكلم نفسها بس بسكات وقفت تقديرٍ لها ثم مشينا = دربٍ مشوه اهل القلوب العفيفات امشي واردد ليتنا ماالتقينا = وش جابها عقب السنين الطويلات
|
#2
|
||||
|
||||
ابيات في قمة الروعه
صح لسانك اخوي ولاعدمنا يمناك يارب . . كل الود
|
#3
|
|||||||||||||||||||||||||
|
|||||||||||||||||||||||||
مشكور ياااختي على المرور المعطر
|
#4
|
|||
|
|||
كلمات تحطم الفؤاد بقوة بلآغتهآا ,,
وتحآكي جميع من قرأهآا .,, تسلم الأيآدي .. إنتقآء رآئع
|
#5
|
||||
|
||||
عبدالعزيز مشي
راااائــع ماخطته يمينـــك من إبــدااااع عذوووووبة وسلااااسة إنسابت بها كلمــاتك فـ استوطنتني .. مررت من هنا فـ طااااب لي الإرتشااااف دمت بحفظ الله
|
#6
|
||||
|
||||
اشكركم على المرورررر
|
#7
|
||||
|
||||
يسلمووو على الابيات الروعه
قمة الابداااع بصرااحه تقبل مروري دانة الحب تحياتي لك
|
#8
|
||||
|
||||
سلمت اناملك على ماخطت من ابياااااااااااات رائعه ومعاني جميلة وبمنتهى الاحساس كلماااااااااااااااات في قمة الروعه.....................والابداع
بكل الحب تقبل مني ارقى تحية تقبل مروري ريما
|
#9
|
||||
|
||||
اشكركم على المرور
|
#10
|
||||
|
||||
الله عليك فمة الا بداع اقف عاجزه عن التعيبر امام هذا الكم الهائل من الهمسات والكلمات الرائعه لا عدمناك اخوي
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |