العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
|||
|
|||
ودعتك الله يابن الاجواد Xx حافظك ربي يا هل الطيب والخير ( تكملة السالفه )
بسم الله الرحمن الرحيم السلام عليكم ورحمة الله أما بعد تسيف حالكم وعساكم بخير وتسيف أحوالكم قبل قرقعة البطون وصرقعة التسلى ) الكلى ) وبربرة الحلوق اقصد يومنكم تصومون برمضان تغدون مثل تسذا المهم أرحب بكم في هذا المتسان وهو تكملة لسالفتي ونبي نفصلها لكم تفصيل اليكم السالفة دحدروا وعندما وقفت عند باب المطار شايلن شنطتي واتلفت يمين ويسار وأقول بنفسي ( ياربي وش أسوي ماحولي لا صديز ولا رفيدز رحماك يارب) دخلت مع الباب وأناظر لهالعالم ناس مسافره وناسن تفرفر جلست أفكر وش اسوي وطرت على بالي فكرتن جميلة الا وهي ( أني ادور واحدن معه بطاقة صراف لبنك الراجحي ) ثمن أتصل على أخوي وأقوله حول عليها وأسحبوه , المهم قلت خلني أروح للامن وأستنجد بهم وأطلبهم المهم جلست افرفر ولقيت شرطي واقف على باب المطار جيته وسلمت عليه قلت يالاخو أنا توني واصل بس المشكله اني نسيت فلوسي بالبيت تكفى تسان تقدر تساعدن ودي صرافة راجحي , قال ابشر ويطلع صرافته ويعطيني رقمها قال زبط أمورك ورجعها ( الرجال طلع طيب وراعي خير) قلت دقايق بس أتصل على أخوي , وأتصل عليه طبعا الساعه 3 بالليل قلت الله يستر ليكون نايم بس حظي طلع صاحي . قلت رح شف محفظتي بالدولاب راح وماحصلها قلت أكيد بالسياره وراح وجابها قال لقيتها بالدرج قلت كويييييييييس , الحين رح لاقرب صرافه ,اتصل علي المهم وانتظرته حوالي 10 دقايق ,اتصل علي ونقثلته رقم الحساب قلت حول عليه 2000 ريال قال طيب , المهم حول وتم رفض العمليه قلت دقايق واتصل عليك رحت لبنك الراجحي طبعا بجنبي بالمطار وقلت لهم أبي أحول ويرفض قال التحويل مقفل الى بعد صلاة الفجر قلت لييييييييييييييييييييييييش قال يتم تحديث قلت طيب شكرا , واتصل على أخوي قلت له اذا صليت الفجر اتصل علي مابوه تحويل غير الفجر قال وقفل الخط ....... قلت والله انها نكبة الحين وش يصبرن للفجر اقسم بالله علة , المهم وأروح للشرطي يقاله رغم قلت له السالفه تسذا وتسذا ولازم بعد الفجر قال أجل معك للساعه 6 لين اسلم اذا بغيت تريح شف المصلى بآخر المطار على أيدك اليمين واذا بغيتني تحصلني هنا والا بالدور الثاني قلت تم , عاد انا فقدت الامل اني ألقاه وين المطار ديره المهم وكلت ربي ومشيت واحوس بهالمطار ومواصل وجوعان أقسم بالله اني اسمع صعارير بطني تصعرر وأدور لين لقيت المصلى قلت ياولد مالك غير تدخل ترتاح يوم دخلت يا ساتر وأبقق عيوني كل المصلى أوآدم متسدحه وتشاخر افففففف وش هالجو الكئيب المهم وادور لي قرنه فاضيه وأجلس بها بس الله وكيلكم أزعاج أنواع الشخير من هالهنود , المهم جلست لين طفشت واناظر الساعه توها 4 الا ربع وأطلع افر نص المطار وأرجع وأجلس وعلى الحاله لين أذن الفجر الساعه 4 و45 دقيقه وصلينا خلصنا الساعه 5 واطلع قلت أطلع أدور رغم آخذ منه البطاقه وادوره لين عجزت وطلعت الدور الثاني ومالقيته ملييييييت وذبحني العطش ادور براده مافيييه المهم قلت مالي غير اروح لمكتب الشرطه واروح وأدخل لقيت واحد على المكتب أظاهر انه نقيب وقلت له سالفتي ورغم دورته ماحصلته قال الحين اتصل عليه واتصل وقاله الحين أجيكم , المهم وخذيت لي 5 دقايق واتصل أخوي وأعطيه رقم الحساب طبعا الساعه الحين 5 ونص وقلت له جول 2000 المهم اتصل علي وقال ترى حولت قلت شوي واشيك على الحساب بس انتظر رغم المهم وانتظره ربع ساعه لين وصل وآخذ الصرافه وانطلدز للصرافه وماحصلت شئ وش السالفه واتصل عليه قلت يارجال مابوه شئ شيك على الرصيد هو نقص او لا ويشيك عليه قال مانقص قلت اصبر أسئل الموظف بالبنك المهم سئلت وقال لي يمكن من الشبكة ويمكن يوصل الساعه 8 قلت تكفى قل غير الهالكلام قال والله مدري لكن حاول مره ثانيه ورجعت وقلت له أرسل 500 جرب وشف الحساب ينقص أو لا المهم حول ومانقص , قلت تدري الساعه 8 اذا فتح البنك حول لي حواله من البنك قال خلاص اذا نزلت من المزعه الساعه 9 أحولك قلت الله يعين سسسسسسسسلام وقفل الخط .. عاد رجعت لرغم وقلت له السالفه قال الله يعينك ومعليش الحين أبغى اسلم , قلت طيب شف لي احد معه صرافه للبنك الاهلى وسئلهم وماحصل قال ان شاء الله ما يقصرون معك الاعيال المهم يوم شفت الوضع تسذا بصراحه عطشان وجوعان وباقي ثلاث ساعات لين تصير 9 , قلت بالله لو معك 10 ريال ويطلع اللي بجيبه ماحصل غير 5 ريال قال والله لو معاي لاعطيك قلت جزاك الله خير ومشى الرجال , المهم مشيت محطم وحزين أجر خطاي وشنطتي رميتها جنب المكتب وأروح للمطعم قلت عطني واحد مويه قال 3 ريال وبقى ريالين ماقدرت اشتري شئ المهم شفطتها شفط من العطششش وجلست خذيت لي دقيقتين ويتصل أخوي رديت قال اسمع اللي حولت لك 25 ريال قلت وشووووووو الله يقلع بليسك الرجال مشى اصبر هلني اتصل عليه يمكن الحق واقفل الخط واتصل عليه قلت السالفه تسذا وحول 25 ريال وجلسسس يضحك قلت انت قريب قال لا والله طلعت ما اقدر ارجع لكن رح للعيال ما يقصرون قلت طيب واقفل واتصل على اخوي قلت له اصبر خلني ادور واحج معه صرافة الراجحي قال طيب انتظرك لاتطول , وارجع للمكتب طبعا الساعه 7 وربع ,ادخل على النقيب ولقيت عنده اثنين وقلت السالفه قال والله ما معاي الراجحي ويسئل اللي بجنبه ماحصل الراجحي وجلس يتكلم معاهم طول شوي قلت تكفى دبرن قال ابشر الحين اشوفلك المهم طلعوا وبقيت انا وياه قال تعال معي وطلعنا وقفل المكتب ورحنا لبنك الراجحي وقال لاحد الصرافين نبغى حساب نحول عليه مبلغ والا شوفوا لنا حل نحول عليكم قال واحد انا الحين اعطيه حسابي يحول عليه قال خلاص تامرنا بشئ قلت بيض الله وجهك وجزاك الله خير ... المهم خذيت حساب الرجال واتصلت على اخوي وقلت له حول 2500 وحول وانا واقف على الكمبيوتر طلعت العمليه عنده قال وصل ويسحب 2500 وأخذهن منه قلت جزاك الله خير وبيض الله وجهك , قلت الحيييييييييييييييييييييييييييييييييييييييين وين اقرب مطعم يالله لك الحمد جيت المطعم قلت عطني أكبر علبة ببسي ام 5 ريال واطلب سندويش وازرررررررررررررررررط لين قلت الحمد لله بعدين تذكرت شنطتي خخخخخخخخ وارجع ادورها الحمد لله لقيتها بمكانها وآخذها وأطلع أقرب تكسي آجره وأمشييييييييييي وانتهت السالفه.. لكن لازم تعتبر من سالفتي وقبل تسافر تتأكد من كل أغراضك حتى قبل تركب الطياره تأكد مره ثانيه وآخيرآ أشكر كل من تابعنا ونعدكم بالجديد المفيد والسلام عليكم
|
#2
|
|||
|
|||
يامشرفين ثبتوا الموزوع خلوا هالناس تستفيد << ياشين طس خخ
|
#3
|
||||
|
||||
اكيد يسمر بدون ما تقول .. يستاهل موضوعك
|
#4
|
|||||||||||||||||||||||||
|
|||||||||||||||||||||||||
مرسي كثيرا
|
#5
|
||||
|
||||
حجز
|
#6
|
||||
|
||||
يالله وش ذالحاله لعاد تروح لجده
قسمن بالله تنرحم لو انك قاعدن عند مسجد وطار انتسان حصلت الالفين بصرعه >>براا والله يجزاه خير هالشرطي قله يجي لم الترفيهي موضوع للعظه والعبره تشكرات
|
#7
|
|||
|
|||
|
#8
|
|||
|
|||
بالله يعني تسذا أجل تبرعوا لي بسراحه مخطط هالسنه احج ولا معي فلوس يعني لو كل واحد كذا شئ 200 ريال << الرجال تعود
|
#9
|
|||||||||||||||||||||||||
|
|||||||||||||||||||||||||
اشوا ما طولت علينا
بجد متحمس اشوف حالتك بعد ماطلعت داج ردي بيكون بالموف >>>> خط خمسه >>> احلفي
انا اقراء الموضوع وذكرك انك قلت انها صدقيه وبما انها صدز تأثيرها صار اكبر بجد بلشه ... والحمدلله هذا يدل ان الدنيا بخير .. واهل الخير كثيرين موضوع حلوه وطرح متسلسل ورائع تم التقييم
|
#10
|
||||
|
||||
تسجيل حضور
وان شاء الله لنا عوده ،،،
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |