العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
قرقيعان وقرقيعان يومياتي بالدااخل
سلام عليكم ورحمة الله وبركاته اخباركم وعلومكم اليوم دوري في اليوميات جالسه افكر لي اسبوع وش احط لكم اتحرى لها اليوم من قبل مايبدى رمضان فكرت وفكرت وفكرت اخر شي رسيت على 3 صور زي باقي العالم يالله بسم الله يومي مثل اي يوم ابدى يومي الساعه 1 ونص الظهر طبعا عشان رمضان >>والادايمن اقوم العصر اقوم على تغريد عيال اخواني متلاقطين التسلاب مايحلالهم المصايح الاعند دريشتي اول مااجي اهاوشهم و كلن رايح لسبيله ام القهر وقسما كنت مشتهيه ابط واحدا منهم بعدين اروح اصلي واقرى ماتيسر من القراان ثمن انزل تحت واروح اتطقس الجو و اشوف الاوضاااع وبعدها اشوف وش بنطبخ هذي صورتين ليومين مختلفين مره سويت سمبوسه اعدااد وعجن واخراج ومونتاج انا سمبوسه بحشوة خضارحاره مع شوية جبنه بالفرن ياهي لزيزه وتخلي الاذان تدخن ومره سويت قطايف وزي الشاورمابس مهيب شاورما اطعم منها عقب ذالحتسي كلياته جت الساعه الليل رحت مع اختي خارج البيت وقد كان الجو ليلا والشارع فيه سيارات اما الاوادم مدري وينهم ذهبوا له توقعون اين طسوا جائزه لمن يجيب على السؤال كيسه من القريعان بعدها دخلت لي محل قريب واشتريت لي اشياء يقالي بقرقع للبزران من اول ماجيت ابشتري للقرقيعان واختي ناشبه لي تقول بدعه قلت يابنت الحلال سلكي وش بدعه منيب قايله قريعان بقول بمناسبة رمضان جلست احووس ادور اشياء حلوه مالقيت الاهذولي قلت يالله بقشهن المهم لفلفت لهم هالقرابيع وحطيت معها بطاطس على حلاو علىكاكاو طبعا ماحطيت لهم مكسرات عشان مايملونا به ومن اول ماقضيت وانا موزعتها طوالي ..ماعندي وقت ابد وهذي صورة الاشياء اللي شريت لهم هنا صورتهم قبل وبعد وبس هذايومي الجميل انتهى وصلى الله وبارك احد يبي شي
|
#2
|
||||
|
||||
ماشاالله ياروما .. بطلة بالطبخ
روما نفسي اسوي طبخة وحدة بلحالي من دون مايسوون نصها عني ويرسي بي الحال لغسيل المواعين اوما سالفة القرقيعان .. والله وناسة وحركة حلوة بالشرقية واختك الله يهديها .. لاتدقق واجد انتم تسوونها من باب العادة مو اعتقاد .. ولو اني مدري وش البدعة بالموضوع سلمي على بزران اخوانك .. ياان هالبزران قلق من جد
|
#3
|
||||
|
||||
ثاني طش طش طشااااااات.. التسلاب مايحلالهم المصايح الاعند دريشتي.. اي والله انهم سلاب اليوم قايمه من ساعه سبع صباح..البزارين ضابطين ساعةالمنبه على 7 السلاب ههههههههههههههههههههه.. ومره سويت قطايف وزي الشاورمابس مهيب شاورما اطعم منها الصراحه كل يوميات الاعضاء فيها شورما شكل الشورما بتقضي على مستقبل السمبوسه. يحلو القريعان .. وبجاوب على السؤال .. يصلون التروايح يعطيك العافيه ياغاليه.
وبالتوفيق
|
#4
|
||||
|
||||
ايه نبي شي
نبي نذوق القطايف وابحكم عليها بعد مااذوقها طعم جنان
|
#5
|
|||||||||||||||||||||
|
|||||||||||||||||||||
سلمنآ
أثرتس قآطة معهم بالمسآبقة .. والله إني أحسبتس كمخة بكل شي أثرتس تعرفين تطبخين .. تصلحين تشتغلين بمحل معجنآت .. أمآ السمبوسة حآجة تآآآآنية (فيس تقوطر سعآبيلة ) .. مدري لية أحس شميت ريحتهآ يوم شفتهآ واشتهيتهآ والحين بعد الرد بروح أكمل على السمبوسة اللي بقيت من الفطور
معقولة هذي هي القطآيف ؟ يعني هي اللي يقصدهآ كآظم بقولة ( حبيبي اسمح لي المس طرف وجنآك .. والقط منقآ مصرية وقطآيف وإذآ بحجة المزآح أتمآدى ويآك من هالسى أقولك آني آسف ) لا لا فية خطأ .. قطآيفتس مآتنلقط هذي لو نحطهآ عالخد تغطية كلهـ >> مشكلة اللي معيي يفهم يوميآت روعة يالقوطي .. واحلآ مآفي الموضوع إنتس كآتبة على الصور القوطي خخخخخخخخخخ ولتس روحي فآلتس التوفيق ..
|
#6
|
||||
|
||||
مآعليش بس سؤال يالقوطي .. الأخضر اللي بالصورة الأخيرة اللي تحت .. بقدونس ؟ >> مآيطيقة لا بس حبيت أعلمكم إني مآحب البقدونس والكزبرة .. أحس إنهن حآجة وحدة الله لايهينتس أبي طريقة القطآيف من مقآدير وكول حآقة من يوم تفكرين تسوينهآ لين تسمين بتآكلينهآ نزليهآ فـ الروشن ..
|
#7
|
||||
|
||||
ما شاء الله وش هالزين يوميات رائعه يعطيك العافيه يارب الفطائر اللي على اليمين كنها ما استوى <<< بررررررررررا
|
#8
|
||||
|
||||
يااهلا وسهلا منورينا واللهي
راجعه عليكم بس بروح اتسحر حفظني الله واعود واذا ماجيت تراه غطني النوووم
|
#9
|
||||
|
||||
..اثري عندكم قرقيعان تقرقعون قبل العيد
وه حنا كل واحد يشتري لعياله حلاوه وينثبر بيته هههههههههه بس فيه نص الحواري تسوي زيكم ياانهم نشبه هالبزران غثين خلق ربي مافيه احد مايشتكي منهم حشى ازمه على العالم ههههههههههه اظاهر ببني سجن للوغدان كل مايجي وغد بقطوه بسجن ولا كبر طلعناه وش قلتي ..؟ هههههههههه روما تصدقين فيه شي غريب ليه ماحمرتي الفطاير احس لو اكله كله عجين <يقله مشاورتس طسي بس ههههههههههههههههههههههههههههههه عوافي موفقه ..
|
#10
|
||||
|
||||
رومانيا وش هالستاعه
وهالبزران يبيلهم احد يقشهم ويوريهم الشغل عندي اخوي مسوي لي قلق الله يهديه بس والله شي والله حلوات بيستانسون عليهن البزران يوميات روعه وان شاءالله تفوزين
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |