العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
تزاحم الناس على المطاعم ..... صوره حيه ...؟؟؟
في مساء الاربعاء الماضي كان الناس كأسراب الجراد حول المطاعم
الى الساعه الواحده ليلا وليس لك موطي قدم عند المطاعم .... تقول ان المجاعه نازله بالناس .... او الغاز انقطع عن البيوت ...؟؟ لا تقولون تنويع .... صارت موضه هالايام ...؟؟؟ سألت صاحب المطعم كم تدخولون في ليالي الخميس والجمعه فقال الى اربعة الالاف ريال .... اللهم لا حسد .... ويزيدهم يارب الغريبه ان العوائل هي التي تطلب ؟؟؟ يقول بعض الظرفاء كان في البيت ثلاث وجبات فطور وغداء وعشاء الفطور عصيد والغداء رز والعشاء مرقوق مع القهوه والشاي التي في كل وقت وكانت النسوه نشيطات ... ولايشكون اليوم تكاسلت النسوه فصارت وجبتين ثم تكاسلت النسوه فصارت وجبه واحد عشاء اوغداء فتكاسلت النسوه فصارت الشغاله هي التي تطبخ والمدام تذوق الملح فقط ...؟؟؟ فتكالست النسوه فصار المطعم هو الذي يطبخ ... يعني عجز في عجز .... او ربما انشغال ... او اهمال وكان فيه في السابق مقلط ومجلس ثم ذهب المقلط وذهب المجلس والله المستعان على ماتصفون الطنزه مدتن باليد ...... كل عمر اهل بريده يتطنزون باهل الرياض يقولون النساء عندهم لا تطبخ ....اليوم صرنا مثل الرياض في كل شارع مطعم .. بعض الناس يقول اليوم الشباب هم الى يطبخون بالبيت يعني الشاب يطبخ لامه وخواته .... وشغله حلو ... اللهم لاشماته ... طبعا عرفتم لماذا اكثر عيادة عليها مرضى هي عيادة الباطنيه .. الظاهر بسبب هذه المطاعم .... البلاء اذا تزوجت وحده ماتعرف تطبخ الا الاندومي وش الحيله ..... والله المستعان
|
#2
|
|||
|
|||
التحليل الله يجزاك الجنه انت خايف على الناس من التسمم والتخمه
ولا خايف تاخذ وحده ماتعرف تطبخ وتبلش !!!! ولا مضيقه صدرك الزحمه اذا جيت تطلب من المطعم ؟؟ ولا عينك على اهل المطاعم حاره ولا ايش الهرجه ؟؟؟ احلا اكل اكل ابو هنود وشفه بالشقه يطبخ احلا من طبخ بنات هاليومين همها اكل الهمبرقر الين صارت همبرقر !!!! المشكله اكبر من كذا المشكله ادمان تاكل مره تعيد الكره !!!
|
#3
|
|||
|
|||
مرحبا امممممممم فاهمه وش تبي تقول .. الحريم مايطبخن مقصرات.. تبي السبب الحقيقي ورا هالظاهرة حس المسؤولية الإجتماعية وحب المساهمة في رفع إقتصاد الوطن لدى النساء .. أجل شوارع الرياض كلها مطاعم .. لو كل مره طبخت في بيتها .. فلست المطاعم وانهار إقتصاد الوطن مره وحده .. وهالشيء مو فصالحنا . اعتقد السبب مقنع .. . تحياتي
/
|
#4
|
|||
|
|||
انا خايف على الناس من التخمه وخايف على النساء من قلة الدبره والذمره يعني جالسه في البيت لاشغل ولا مشغله والفرغ عدو مبين للانسان الحقيقه مضيق صدري ان الناس ادمنت مطاعم تصدق بعض الاقارب العشاء دائما من المطعم اذا ذهبت الى استراحه البنات يطلبن من المطعم والشباب وكل واحد يجيه طلباته فتشوف السيارات خر مر هذا كنتاكي وذاك هرفي ياجماعه اقعدو على صحن واحد وخلو واحد يطبخ لكم واتركو عنكم الاكل من المطاعم الرسول عليه السلام امر بالاجتماع على الطعام مو كل واحد معه اصحنه تقل قالبين الله يدفع البلاء اقسم بالله واحد عزمني على كنتاكي ولاول مرة اذوقه والله طعمه تكرم النعمه ما ادري الناس اخذه مقلب فيه بعدين شكلك راعي فلفل لان الهندي معروف بالفلفل انتبه للقرحه والقلون اعانك الله تحياتي
|
#5
|
|||||||||||||||||||||||||
|
|||||||||||||||||||||||||
مرحبا عنفواان سبب وجيه ههههه الحريم ما يطبخن والرجال ما ياكلون في بيوتهم تقول الحريم والله ما نشتهي اكلنا الهندي والبنقال احسن طيب ليه ما تشترون جهاز البرست وبطاطس جاهز وجهاز الشاورما وسمو بابالله واطبخو لانفسكم اقسم بالله احسن وانظف واجمل واونس ترى زينه الطلعه اننا نطبخ سواء وناكل بايدنا سواء مو جالسين كل واحد يناظر الايفون ويضحك لوحده كان فيه حاله نفسيه ثم كل واحد ياكل بصحن لوحده حاشا هذي مو طلعه هذا نكبه الله يرحم احوال المسلمين تحياتي
|
#6
|
||||
|
||||
على كثر مايمر علي البعض من قذارة هالمطاعم
الى انهم مازالو يتجاهلون و كل يوم بازدياد ياليتني املك مستشفى ولا مستوصف غديني اصير تاجره وأخلي كل العيادات باطنيه هي اللي ماشي سوقها الله يجزاك خير يالتحليل المنطقي موضوع جبل بالفائده بس ماعندك احد
|
#7
|
|||||||||||||||||||||||||
|
|||||||||||||||||||||||||
المعلومة هذي جديدة علي أجل خذ هذا المثل ..يقولك ( الهزوه عدوه ) جتكم العدوة ..وهذا من حصائد ألسنتكم تستاهلون ..مره ثانية ركزوا على الزين واتركوا عنكم الشين
|
#8
|
|||
|
|||
البلاء اذا تزوجت وحده ماتعرف تطبخ الا الاندومي وش الحيله .....
تحطهاا على راسك تااج أنتم م اخذتم بناات الأجاويد تكرفونهن !
|
#9
|
|||||||||||||||||||||||||
|
|||||||||||||||||||||||||
ههههههههههههههههه انتهزي الفرصه يالميسم أول مره اسمع في الهزوه عدوه
|
#10
|
||||
|
||||
التحليل أنا ماأتقبل أكل المطاعم ولا أعترف فيه أبداً إلاّ اللهم سمك وصياديه وتميس وغيره لا ولا أناظره أبداً ، كلّ من صادفني وعرف هذا الشئ إستغرب والبعض منهم يقول أنتِ مبالغه وتحاولي تظهري نفسك ومن هذا الكلام أصعب شئ لما الوالد يشتري من برى وأنا مالي إلاّ أبعد عن مكان الأكل لإني ماأحب ريحة أكل المطاعم وأعمل أي شئ يسد جوعي النّاس عقليّات وقناعات والحمدلله اللّي منّ عليّ بكره أكلهم
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |