العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
قصة وقصيدة .. الرجال مخابر
بالجميع يالله حيهم كلـ ( ن ) بأسمه اخباركم مع الصيف والاجازه الصيفيه والحران واللواهيب والله يا انا انشويت شوي الله يعفو عنا بس المهم ما اطول عليكم واخليكم مع السالفه يقول الراوي يا ساده يا كرام 7 7 7 هذا واحد من الشعراء المخضرمين شبه معاصر اسمه عبدالله بن راشد الدحام , الدحام راعي ثادق توفي عاد 1378هـ كان الرجال هذا حبيب ووسيع صدر وطيب وعشير نشامى وكان مشهور بسمعته الطيبة وكان معه جمل كبير حاط عليه مزواد يمين ويسار على جنوبه ومعه بضاعته حاطها على الجمل غادي مثل اللي معه بضاعة متنقله يطلع ويسافر على ظهر هالجمل وما يهمه يوم اسبوع عشرة ايام يروح من ثادق الى الصمان وهو رجال يدل ويعرف الشعبان والمعالم في هالصحاري . الحاصل ان هالرجال معه بضاعته ويدور على هالبدو في مكاناتهم وبضاعته هاللي يبيعها كانت عبارة عن قهوة هيل مسمار دارسين مثلا ومعه شمغ وكباريت وفتايل سراج الاغراض اللي ما خف وزنه وغلا ثمنه ويقعد يوم يومين يبيع ويصبر عليهم و يوسع الصدر ويرجع بعدين يستافي منهم الحالصل , الرجال هذا اللي اسمه دحام صفته يقولون مهوب جميل ويميل الى السمار وانه كريم عين وخلق الله حسن وانه رث الهيئه ولكن محك ذهب ويعرف الرجال وسريع الملاحظه ومنطقة زين ودقيق ويرى لنفسه قيمة الحاصل في احدى روحاته هذي جا عند راعي هكالبيت الشعر الكبير راعي حلال وابل وغنم وبيت الشعر هذا ما فيه الا المرة استقبلته وقالت له رح للمجلس هناك وجلس عندهم يومين ثلاثه وعادة يروح لجيرانهم ويغيب فترة ويعود لهم دايم راسي عندهم . وفي مره من المرات يوم جا من حدا روحاته سأل وين راعي البيت قالت المرة هناك في هاكالمحل المهم نوخ بيعيره وقلط , واسم راعي البيت اللي دحام جالس عنده اسمه فريج وفريج هذا شايف هيئة دحام رث الهيئة وملاحظ المره تكلمه كلام رجال تقدره وتحترمه ودحام ما بين نفسه الحاصل يوم جا يوم من الايام حل عند فريج ضيوف وقلطهم وهو يجيب الدله ويصب لهم القهوه لهالضيوف و دحام ملتزم احترام المجلس ولا راح في لرأس المجلس قعد في طرف المجلس وهاه يوم حس فريج اللي يصب القهوه ان الدله قضت ما بقى الا سريبها ومار يصب لدحام في هالك الفنجال سريب قهوة عطاه اياه يعني حاقره ما شاف له قيمة وصارت في خاطر الدحام , اخذ دحام الفنجال وكبه وكتمها في نفسه هاك الساعة ولا قال شي وخلا الضيوف لين راحوا وبقى في المجلس , هو ما عليه قاصر القهوه والهيل كل شي معه على الذلول لكن انغبن كيف ان راع البيت حقره وصب له من السريب فلا بد يدافع عن حقه . الحاصل ان الرجال الدحام علم المره وقال ان رجلك هذا سوا كذا وكذا وش اسمه قالت فريج والى هو قد اوحته يقول ابيات قالت انت شاعر قال أي بالله شاعر وقال لها يوم ان رجلك حقرني وصب لي سريب الدلة اسمعي هالابيات وعلمي بها اياه قالت وشي قال : يافريج شب النـــار لا جوك عجليــن* * * قهو الطروش وما بغى الله يجيبه وبالك تقهوي الزين وتخلي الشيــن * * * اصحا تراها يالسنــافي مصيبـــة كم سلــة جوهر وهــي غلفها شيــن * * * والى قطعت بـها تقص الضريبة وكم خــوصة بيضاء وتلعج بحديــن * * * لا حل تقطيــع اللحــم ما تثيبــه وبــالك تقول اعور ولاله حذا عيـن * * * ولا كملت صبيـت لـــه سريبــه تراي راعي الكيف والبن ومن حين * * * وسوالفي عند النشامى عجيبة اقصـد علـى الحكــام والــذم بعديــن * * * للــي وراده مــا يــورد قليبــه ياشـوق مركوز النـهد كامل الزيــن * * * اللي نهـوده مثل بيــض الربيبــة مـلا المبـــرد بن والهيــل تسعيــن * * * وجاب الحطب والما وتمره وطيبه وقالت لي انتح ضيري يا ميسكين * * * ومن دور العيشة عسى الله يثيبه واثر الحضر بالقول ماهم بسهلين * * * يازين قول الحضر عجله وجيبـه قلت اقعدي واوحي قصيد المحبين * * * ذكرت من مثلك هـروجة عجيبة حضرية في وسط قصر من الطين * * * عجابـــة لعابـــة لـــي حبيبـــة هواي مضنوني مع اللي مقيميـن * * * واللي يشد ويرتحل ويش ابيبه وضحكت بغر كنـهن القحــاويـن * * * واشافي مثل البــرسيــم لبيبــة صلو على المختار سيد النبيين * * * عد النخل وعد ما ومى عسبيه هذي قصيده الدحام ويوم يقول القحاوين يعني نبات القحويان نبات ابيض بياضه ناصع صافي بالحيل ويستفاد من هالقصيد ان الرجاجيل مخابر مهوب مناظر ولو انه ما حقره ما قال هالكلام .
|
#2
|
||||
|
||||
مشكوره يالنجديه على القصة
للاسف مكرره بس جميله
|
#3
|
||||
|
||||
ايه والله مخابر
مشكورة يالمبدعة
|
#4
|
|||||||||||||||||||||||||
|
|||||||||||||||||||||||||
>>> يعني تردها لي عشاني دايم اقولك مكرر اذا هي مكرره عطني الرابط اشوفه عشان احذفها تسلم ياخوي على هالمرور شرفتنا ونورتنا
|
#5
|
||||
|
||||
بالله انه صدق ويعطيك العافيه اخيتى النجدية
|
#6
|
|||||||||||||||||||||||||
|
|||||||||||||||||||||||||
العفووو والابداع ما يكتمل الا في مروركم وتشجيعكم يعطيك العافيه يارب
|
#7
|
||||
|
||||
مساء الخير ..
قصة رهيبة وما مرت علي قبل .. طرح مميز على خبري ما تغير .. كم سلــة جوهر وهــي غلفها شيــن * * * والى قطعت بـها تقص الضريبة وكم خــوصة بيضاء وتلعج بحديــن * * * لا حل تقطيــع اللحــم ما تثيبــه البيت الأول ما عرفت معناه بالضبط ..!! ياليت تعلميني اذا تعرفين .. في البيت الثاني المقصود بالخوصة : السكينة تسلم يمينك على القصة والقصيدة ..
|
#8
|
||||
|
||||
8
8 يقصد في البيت ان الرجال مو بمظهره المهم افعاله وخبرته تسلم ياخوي خلي البال على هالمرورالرائع وتو ما نور القسم في هالحضور يعطيك العافيه يارب
|
#9
|
||||
|
||||
النجدية دمتي في طرح الابداع
الله يعطيك الصحة والعافية تقبلي مروري
|
#10
|
||||
|
||||
مشكوررررة اختي على القصة
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |