العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
.. فطور جماعي في الفصل .. واحلىآ فطور
.
. السلام عليكم ورحمة الله وبركاته .. نخش على طووول .. الساعه 8 مساء يوم الجمعهـ .. رحت السوبر ماركت اشترينا كل شيء للفطور الجماعي في الفصل .. واروح عند اللي يحط اسعار الخضره .. كل ما اروح عند يبحلق فيني احس اني مسويه شيء غلط وآخر مره طالع فيني .. قلت خير ان شاء الله .. قال : ايس .. خسرته ورحت ورحنا عند المحاسب وانا ماسكه يد اخوي .. وهو يقول اركدي يابنت << تحب تحرج اخوها المهم استهبل معاه واضحك واتونس ... وفي رجل مزيون .. يبحلق فيني انا واختي اختي مشغوله عند المحاسب اهي واخوي .. وانا مالي معهم اغني مع نفسي بدندنه واطالع في المحاسب الثاني القى نفس الرجل لسا ما شال عينه جعلها العمى وشوي اركز وركز الا والله الرجل طلع يأشر لي .. قلت يؤ لا اضن احد وراي يأشر له .. واطالع وراي .. ماش احد ورجعت وطالعت فيه مستغربه << وربي اول مره تصير لها هالحركات وأشرت باصباعي على نفسي وبصوت راخي .. انا ؟ << يعني تقصدني انا كل كلامه كان بالحركات .. بس بترجمه لكم .. يقول تعالي .. لفيت وخفت ماطالعت فيه جاتني لقافه رجعت طالعت فيه .. قال تعالي خذي الرقم .. ويعني يبيني اجيه من ورى عشان اخذه << فكرت وقلت اللي يبيني يجيني بعد ما قال كذا وانا اقسم بالله زي الاطفال انخش ورى اختي .. واهو يلف ويجي الين عندي الحين انا مسرحه وبعيده عن اختي واخوي طفشت يحاسبون .. قاعده اتفرج في الخلق وعند الزيت العافيه بعد ويجي يوقف قدامي يبي يتاكد انا الي اول ياشر لها انا تنحت .. ومفجوعه بشوف وش يسوي .. ويقرب ومعه ورقه اكيد فيها الرقم .. والله ما ادري اهو كان يبي يحطه بيدي ولا بالسله .. لمن قرب مني على وشك يحط الرقم بصوت راخي قلت آآآه بعد عني شوي واشر باصاعه على فمه ويقول اوووص .. والله حركته تخووووووف قلت ياهو خليني اكلم اختي قلت فوفو .. بوصت راخي قالت اسكتي ماني فاضيه لك .. ابيها تشوف الرجل اللي مايستحي .. مافي حل الا اني اخبطها على ظهرها وبقوة قالت اي وجع وش فيك قلت شوفي ذا واطالع مافي احد فررررررك بس وقربنا نخلص من المحاسب واشوف واحد مشبهه عليه .. اطالع فيه واتحقق ورايحه جوو وهو يطالع مستغرب الحين ماني معهم بشوف فين شايفته .. شوي ويحط يده على فمه ويضحك هنا انتبهت انه يضحك علي .. قلت وجع يحسبني اغازله اهو ووجه ورحت البيت ونمت نووووووومه حلوة مرره .. واصحى الساعه 5 ونص .. قلت يوه ماسويت الفطور الي باخذه معي المدرسه واقوم واسويه ... واطير اخرج بالحق الباص .. واخرج ومالاقي صحباتي اللي يوقفون معي ينتظرون الباص قلت شكله راح وامشي برجع البيت .. وشوي يدق بوري قوي طييييييييييييييييط فزيييت فزه طلع راعي الباص يقول اركبي .. انبسطت وركبت .. ووصلت المدرسه دخلت وجلست اسولف مع ذي وذي وادور ميشو لسا ماجات .. واجلس عند البوابه انا ووحده .. وشوي اسمع ونة صوت وحده تصرخ بكتمه القيها ميشو تبي تدق ظهري بس وحده من وراها ماسكه حزام مريولها .. قلت ميشووو بصوت فرحه كح كح قالت طرطيعهـ .. كنا على وشك احتضان بعد بس يدق الجرس ونفز ونبعد عن بعض ... << والله من الركب ودخلت الفصل وقعدنا على احر من الجمر ننتظر الفطور .. قلت ميشو لا يكون ماجبتي العريكه قالت اختي بنت عاديه بتجيبها بعد شوي .. قلت اهاااا ان شاء الله ماتجي اختك اذبحك << تبي العريكه ويصفر جرس الفسحه ونطير نفرش هالاكل وادور ميشو مالقيتها وين ياربي هالبنت واخرج برى القاها عند البوابه جالسه كانها شحاذه حزينه تنتظر احد يدخل ويجيب العريكه قلت قومي ياقلبي محد جايبها وتدخل الفصل وتاكل وتاكل وبعد عشر دقايق تصيح ميشو طررررررررررررطيعه تعالي شوفي نبيطه ( بنت عاديه ) وانا افز وتنشب اللقمه في فمي واطالع واشوف بنت عاديه تقول ميشو شوفي طرطيعه .. وانا وربي انقز وانقز انا طرطيعه بس ماشافتني لاني قصيره والبنات كلهم فزوا يبون يشوفون اخت ميشو وللاسف ماشافتني مزبووط .. حزنت لمن قالت ماشفتك .. تهئ تهئ تهئ بس بجد كان احلى فطور .. لا احد يفهم غلط .
|
#2
|
||||
|
||||
هههههههههههههههههههههههههههههههههههههههههههههه
والله احلى فطور يهبل ولا الرجل ذاك عليه حركات تجيب الضغط والاخت مفهيه معه هههههههههههههههههه يسلمو كان عزمتينا معك
|
#3
|
||||
|
||||
يا الله ياطرطيعه والله بطني عورني وانا ماكلت شي غير شوي
انتي مسحتي الصحون ماصار فيك شي طرطيعه خلصتي العريكه ولا لا اذا خلصتي جيبي الصحن حقها نظيف غسليه زين مازين << بتكفخ بكره مافي كلام تدرين كنت ابغى اعطيك ضربه جاااااااامده بس احمدي الله انك سلمتي
|
#4
|
|||||||||||||||||||||||||
|
|||||||||||||||||||||||||
هالحين نعلق عالسوبرماركت والرجال الغبي ولا الفطور اسكتي يابنت والله وناسة جوكم فطور وحركتات بغيت اسحب عالجامعة وافطر معاكم حنيت لفلة المدرسة زماااااااان مادخلت مدرسة .. من 3 سنين ههههههههههههههههههههه يحووول تنرحم .. اثرنا تأخرنا
الا شفتك .. اثرك انتي اول وحدة جابتها احسبك مع المجموعة اللي بالاخير يعطيك العافية طرطيعه موضوع منتاز الفطور الجاي تراي معزومة بس متى ذا سنة 3 الظاهر المهم لارحتي السوبر ماركت مرة ثانية خذيني معك خلني اتفرج على هالاشكال <<< تحب تتفرج
|
#5
|
||||
|
||||
للرفع والرد بعد المباراه
|
#6
|
||||
|
||||
اخسرت السعوديه والله انتس خبله المفروض اول ما شفتي الرجل الي مهب مضبوط قلتي لخوتس يربيه ,, هو ووجه ,, موب تجلسين تبحلقين بوه اقول انتم تحبون العريكه مثل ما حنا نحب الحنيني امااا النبيطه جت للمدرسه عندكم .. عاد احس انه صدقت عمره يوم شافت البنات تجمعن عنده الموضوع منتاز مره ويبي يتم التقيم له ليش السعوديه تخسر قهر والله المشكله ان تيسير الجاسم هو الي وصل السعوديه للنهائي وبالاخير يضيعه <<يبي يحول الموضع لستديوا التحليل
|
#7
|
|||
|
|||
ههههههههههههههه مشاء الله على الفطور الجماعي
|
#8
|
|||
|
|||
وععععععععععععع السالفة
انتي بك بلا ولا وشوله تبحلقيين بالرجال عساك للعمى كان علمتي اخوك يقبره بالسسسسوبر ماركت لكن شكلك داخله جو وجايز لك الوضع لالالا وبعد رحتي عند عافية ولا خفتي الله يقلعكن يابنات هالووقت الحييياء صفر تراه ما عمره تهاوش مع اثنين بالعثيييم شافهم يناظررووون بنت مسيكلنه ويغازلوننها امر تشتب تسبدي واروح قلت اقضب الباب وذذالف دام الكلام يروح ويجي عاد اخذته العزة بالاثم قال وش تبي وش تبي مالك دخل لكن خووية صار ذكي قال فلان اطلع شوري علييك شوري علييك لانهم يدررون انهم مخنبقيين وابقلبها على روووسهم
|
#9
|
|||||||||||||||||||||
|
|||||||||||||||||||||
اختى العزيزه طرطعيه اعتقد انتس لم توفقى فى تقديم مقدمه جيده ماكان له داعى السرد الغير موفق فى المقدمه المشار اليه فى الاقتباس لم تعجبنى ولا حتى الاعضاء انا متئكد ارجو ان تقبلى نقدى بصدر رحب
|
#10
|
|||
|
|||
ههههههههههههههه احلى شي بالموضوع الفطور
إحنا لو جبنا شاهي فصلونا من المدرسه <<<معقدة
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |