العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
السورية خطفت زوجي !
السلام عليكم و رحمة الله وبركاته
هلأ قبل ما ندخل بالموضوع انا كنت حابة حطو بالقسم الترفيهي هههه مشان يعني يبين انو مو قصدي الاساءة أبدا .. كتير قريت بمنتديات خليجية ( و سعودية خصوصا ) , انو بتكون بنت متزوجة و ما قصرت على قولتها بس زوجها تزوج عليها وحدة شامية , ما رح احكي عن باقي الشاميات بس بموضوعي رح خصص بالحكي عن بنات بلدي لأنو انا ادرى فيهم يعني .. طيب نجي نحكي عن أقول الرجال .. بيجي الواحد بيقول السورية حلوة و شقرا بينما السعودية مثلا سمرا و من هالحكي و بيقول لك السورية بتدلعني و دلال و غنج بينما ما بيلاقي هالشي عند السعودية و بتجي البنت بتقول : يعني متل ما انا سمرا او مو حلوة انت كمان اسمر او مو حلو و متل ما انت ما عندك رومنسية انا متلك طيب بدال ما تردي عليه هيك .. فكري بالأسباب أو الأشياء اللي شفاها ببنت برا و فضلها عليكي .. و انا محور موضوعي رح يكون عن هالشي طبعا انا ما عم عمم على الكل بس انا عم احكي عن اللي عم يتناقشو بهالمشكلة .. احيانا بنزعج من بعض المواضيع ف حبيت اليوم افتح هالموضوع بس بطريقة مختلفة .. انا حابة احكي شوي , و كلامي رح يكون موجه للبنت بشكل اكتر من الولد و السبب رح تستشفوه من كلامي بالنسبة للبنت , ف الرجل مهما كانت عينو زايغة , مهما كان حاطط ببالو من افكار , في بنت وحدة بس بتقدر تاخد ألبو و عقلو , بتقدر انها تعميه عن كل بنات الكون بدون ما تحط عليه اي قيود .. يعني ما تآخزوني وانا سبق و قلت مو قصدي المشاكل .. بس في عدة مشاكل صدقيني لو تحاشيتيها ما بتوقع انو في سعودي رح يفضل الشامية عليكي .. اولا : في شغلة كتير منتشرة و انا على دراية لأني عشت بالخليج .. بتجي الوحدة لما يكون في عرس او حفلة ما بترضى تشتري الا من اغلى الماركات و الأسعار ... و اذا اشترت شي ما بتلبسو مرة تانية مشان ما حدا يشوفها .. طيب حبيبتي شو يعني اذا اشتريتي فستان بـ 70 و 100 ؟ بعتقد انو مو عيب .. مو لازم يكون بالآلاف لحتى يبين انك راقية و انك بنت عز .. في كتير شباب بيسعو لهالنقطة عند البنت الشامية .. انا ما بمدح بالكل صحيح انو في شاميات هيك بس نحنا عم نحكي عن مشكلة و عم نحاول نتطرق ل حلول .. تانيا : موضوع الخادمة .. عنجد شي مو مريح أبدا انو تعيش معكم خادمة بالبيت , استغني عنها .. اذا بنت عمك و بنت خالك عندهم خادمة بدال ما تشوفي حالك عليهم و تجيبي خادمتين , اكبري بعين زوجك و استغني عنها .. كوني انتي الأم و الصديقة , كوني انتي كل شي .. الرجل بيحب يلاقي الراحة ببيتو بيحب يلبس على راحتو , البنت الغريبة بالبيت رح تمنعو من كتير اشياء ,, و رح تمنعك انتي كمان , يمكن يكون حاطط ببالو لحظة هيك رومانسية و تجي الخادمة تخرب ههههههههه .. اي هيك ابتسمو الدنيي بخير تالتا : الدلع .. انا ما بقصد بكلمة الدلع الحركات و هالأشياء .. لا انا بقصد الأناقة باللبس .. الأناقة بطريقة الأكل .. بترتيب البيت .. هاد كلو بيأثر على نفسية الرجال .. كوني أنيقة بردك معه .. شو ما قال قولي من عيوني .. اذا عصب اسكتي و خليه يهدى .. كتير غلط انك تردي عليه .. تذكري و حطي عنوان براسك ( الأناقة بالبساطة ) .. رابعا : رح تجو تقولولي موضوع الشكل و الركب و من هالحكي .. انا سبق و قلت اخطفي عقل زوجك و رح يشوفك احلى بنت بالكون مهما كنتي .. لكان ليش بيقولو الحب الأعمى ؟؟ في كتير اشياء انا ما تطرقت الها مشان ما يصير الموضوع ممل , بس هي اشياء مشابهة للنقطتين اللي حكيتهم , و كلهم مؤديين لهالنقطة ( الحب ) .. السورية مو ملاك طبعا .. بس في اسباب بتخليها تتبع هالخطوات اللي قلتها و منها ان مجتمعنا ابسط بكتير من المجتمع الخليجي .. الحياة فقيرة اكتر .. مافي خادمة , مو كل شي مطلوب موجود .. في كتير اسباب ما رح ادخل فيها بس حبيت قول هيك مشان تعرفو ان موضوعي لا هو ذم ولا هو مدح .. هو نقاش و نصح و يمكن محاولة حل مشكلة الله يصلح بين كل زوج و زوجة يا رب .. بتمنى ما حدا يزعل مني و انا فاتحة الموضوع للنقاش ف اللي مؤيد أو مخالف لـ رأيي انا بتقبل كل شي بصدر رحب .. محبتكم في الله : عسولة سوريا
|
#2
|
||||
|
||||
وعليكم السلام ورحمة الله وبركاته
أهلا عسوله بالنسبه لي أنا لا أحب الكلام بهيك مواضيع والموضوع أتوقع مكانه بغير هالقسم بس بسألك أنتي وين بسوريا ؟
|
#3
|
|||||||||||||||||||||||||
|
|||||||||||||||||||||||||
ههههههه اي من حقك تحكي او ما تحكي تؤبريني بس مرورك لحالو عسل بتسدئي انا عندي نفس توقعك بس عموما اكيد المشرفين رح ياخدو على المكان لمناسب انا دمشقية
|
#4
|
||||
|
||||
بعيد الشر عنك ،، تسلمي
طيب وين بدمشق وكيف الوضع حواليكي
|
#5
|
||||
|
||||
اهلين عسوله
شوفي ياستي أبحكي معك شامي منشان تفهمي معنى كلامي بالحرف السعودي يحكي هيك من باب ( المجاكرا) يعني رفعة ضغط لا أكثر فلا تصدقوا انتو بدليل ليكن الشباب السعودية غنيهم وفقيرهم يتزوجوا بنات بلدن وقاعات الأفراح عامره واللي تزوج شامية أو أجنبية بتكون زوجه تانية من شان لو طلقها مابكون خسر أستقراره وحياته الأسرية بعدين ين اللي حكالك أنو السعودية مابتدلل ولا بتتغنج إيه لاياستي هالحكي مو صحيح كل الدلع والدلال عند السعودية بس الفرق انو السعودية دلعها غالي كتيير ولو رخص شوي بيزعل الرجال هيك عقل السعودي مابيحب الشيء السهل .. والسعودية لازم تلبس غالي بألف وألفين لأنو رايحه لحفلة (بنات العز) ولازم تكون سعرا من سعرن والغالي للغالي ولووووووو والسعودية معروفه بأناقتها ولأنها من مجتمع يحرص ع الأناقة فمابتقدر تشذ عن متمعها يا حلوه والرجال عينو بتطلع على الحلوين فلازم تكون مرتو ست الحسن والدلال ( قايد الريم ) وماتلبس إلا اللي بيملى عينه ... هاد ثقافة مجتمع يا قلبو ... أما الشغاله .. لازم ضروره إذا كانت موظفة أو أم لأكتثر من طفلين ,.. لأنو البيت السعودي خزاة العين كبير وفيه اكثر من قسم قسم العائلة والضيافة وهاد قسمين ضيافة الرجال وضايفة النسوان وغرف النوم وملحق خارجي ... وتصميم البيت السعودي بما أنو كتير المداخل والمخارج والنوافذ ومع الجو الغبار بيكون تنظيف البيت على الزوجه عمل شاق جدا وبشكل يومي هاد غير اهتماما باولادا وجوزا .. فالشغاله مش ترف أد ماهيي حاجة ضرورية والجو مناسب للسعودي ... لانه بيحب يشوف زوجته مرتاحه ومبسوطه . وسالفة الركب ... مزحه مجرد تعليقات أنطلقت بعد تعليق البنت السعودية على شباب بلدها ووصفة بابو سروال وفنيله وارجع اقول هي من باب المجاكرا لا أكثر ولا أقل . والسعودي يلف يلف السبع دوخات لايمكن يرتاح إلا مع سعودية تفهمه . باي ياقلبو
|
#6
|
||||
|
||||
قويه عبق + 1
|
#7
|
||||
|
||||
عسوله لاتزعلي أنا مع الحق
|
#8
|
||||
|
||||
أهلين أختي عسولة ومرحبتين بالشام كلهم..
أولا اشكرك على الموضوع.. سالفة البس غالي ومره وحده..هذي قديمة الحين..موجوده عند فئة معينه بمجتمعنا.. ومابي أتكلم عنها..بس فعلا هي موجوده.. وحبيت اقول لك إذا جيتي تتكلمين عن السعوديه بتواجهين صعوبة..لأنها دولة كبيره وقبائل ومناطق حضر..وبدو.. وكل منطقة مختلفة تماما من حيث اللهجة والثقافة والعادات والتقاليد..هذا اولا الحضر ثقافهتم مختلفة نوعا ما عن البدو..وإن كان فيه بعض الاشياء مشتركين فيها.. بالعكس زوري منتدياتنا بتلاقين مواضيع كثيره عن طرق الإستغناء عن الخادمه.. وطرق الإستفادة من الملابس القديمه وابتكار حركات جديده فيها لتغيير موديلها لستعمالها أكثر واكثر.. نرجع للخادمه لأنه مثل ماقالت عبق..البيت السعودي كبير..ومقسم..ورجالنا مايرتاحوا لين يشوفوا..حضانة بحالها.. تسع ابناء.. مع إن ثقافة كثرة الابناء بدأت أو في طريقها لأن تختفي.. مجتمعنا إلى وقت قريب..يحمل النساء فوق طاقتهن..أم وزوجه ومربيه.. ومدرسة..ومذيعه..وكل شيء.. مع إن رجال هالوقت أكثر مرونه من اللي قبلهم..وافضل نوعا ما في مايتعلق بمعاملة المرأة.. يعني تخيلي حتى مايعرف ولده باي صف..وكل شيء على الزوجه.. والنساء عندنا زمان ماتتزوج الرجل وبس لا تتزوج أمه وابوه وأهله كلهم.. ثم لاتقارنين بين مجتمعنا ومجتمعكم..لأنه بيختلف ماديا وثقافيا..وكل شي.. أما الدلع فالسعوديه ماينقصها ابدا دلع..أصلا الدلع أكتر شي بيكون عند النساء اللي ماتختلط بالرجال ولا تحتك فيهم. لأنه بيجي عفوي وطبيعة ملازمه ماتحتاج تعليم..
|
#9
|
||||
|
||||
والله مادري ان كنتي عسولة سوريا
ولا عسول متنكر من السعودية .. ^^ وحابب يعمول اكشن عموما نصايحك جميلة بس المشكلة انو السعودي بتزيغ عينه حتى ع الحبشية .. الا من رحم الله
|
#10
|
|||||||||||||||||||||||||
|
|||||||||||||||||||||||||
والله ياريما انتي رهيبة .... ومنتي بهيّـنة ابدا
مخاااوية احسك كفووو
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |