العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
ابشركم ... واناقشكم
السلام عليكم جميعا انا اغطس وارجع ثاني مره المهم انا اكتب من جوال والغرفه طلام فاستروا ماواجهتوا ماعلينا اخر موضوع كتبته هنا كان نيتي اشتري سياره والان ابشركم بعد ما تيسرت امور ولادتي واقبل صغيري للدنيا قررت اشتري سياره وفعلا شريت جيب صغيرون من هونداي اسمه كريتا اخذت فل كامل بحدود ال75 الف مع تأمين باركوا لي الله يعطيني خيرها ويكفيني شرها وشر من ركب فيها وشافها بس اكتشفت شي ياناس السعودييين ما يعرفون يسوقون والله العظيم بعضهم يحس انك زوجته المفروض تفهمينه يعني ماشيه وراه في امان الله فجأة يقرر يلف ولا يدق اشااره ويعصب ان ضربتي بوري وبعضهم مسوي نفسه في ساحة سباق الشارع مقفل من الزحمه ويضرب وخري وين اولي يامال الضرب الشاهد الاشاره ما يعترفون فيها اي احد معه جيب شاص لاتمشين جنبه اي احد معه اوبتيما او النترا احذري منه الدوار اللي تعلمتيه في مدرسه القياده شي والواقع شي ثاني نظام ربعنا البقاء للاقوى اذا مشيتي وولعت الاشاره برتقاليه لاتدعسين بيزعجك اللي وراك اسحبي عليه اغرب موقف واجهني بنت تسوق ولفيت عليها بالغلط لحقتني وانا ماهمتني لانها بنت يوم وقفت عند بيت اهلي وقفت وفتحت الشباك وتكلمت بكلام اوصخ رجال مايقوله وتالي سوت حركة فب منتهى القذاره باصبعها كل رد فعلي اللي سويته اني كشيت عليها وشافتني ورجعت لي وانا معاي ولدي خايفه عليه دقيت الجرس طلع لي اخوي عطيته ولدي وقلت ادخل قال ادخلي انتي قلت ادخل ملاعن حريم فتحت الجوال صورت وسجلت كلامها وقذفها وصورتها وهي تركب السياوه الان وش رايكم اشتكيها والعب فيها او اكبر دماغي سيارتها كيا سبورتاج وشكرا وبس والله
|
#2
|
||||
|
||||
رد: ابشركم ... واناقشكم
يزينك يالحب
وحشتيني والله وش اخبارك عسي بس تذكريني ؟ كنت احب مواضيعك وردودك â¤ï¸ڈ رجعت ولا حصلت لك تواجد يارب عقبال مايرجعون باقي احبابي والف الف مبروك السياره شوفي مامر علي بنت قليله ادب بالقياده اغلبهم شباب مايعرفون يسوقون ولا عندهم تطبيق لاي قوانين القياده للاسف سواقه البنات احسن منهم لايضربون اشاره ويلفون بسرعه ويسقطون عليك ويكبسون لك يبغونك تفتحين الخط ولا فيه مجال تفتحين لهم يعني عندهم انانيه القياده ليت يصدر قرار يمنع قياده الرجل �� واذا قال وديني لمكان قلت اليوم مشغوله بكره 😜 بس ليه الي معه الالنترا يحذرون منه 👊🏼👊🏼 وبالنسبه تشكينها لا ريحي دماغك وحياك الله شوفتك اسعدتني
|
#3
|
||||
|
||||
رد: ابشركم ... واناقشكم
هههههه الله يسعدك قد ما ضحكت 😂
مادام وسخه بلغي عنها ..عشان هذي الانواع هي اللي تحتاج تتربى ويخلوا المجتمع منها (مبروك السياره والله يعطيك خيرها ويكفيك شرها) ما كرهني بالسيارات الا اللي يتعاملون مع السياره كانهم يسوقون سياره في البلاستيشن
|
#4
|
|||
|
|||
رد: ابشركم ... واناقشكم
مبروك السيارة الله يعطيك خيرها و يكفيك شرها
يا أختي الرجال لهم سنين و بنين يتحادون في السيارات و يتطاقون بالعصي و العقل في الشوارع وانواع السباب و الشتايم و القذف و العياذ بالله ولا احد فكر يبلغ على الثاني موقف حصل و كل واحد يدلو بدلوه و ينتهي الموقف و كلن يشوف طريقة أنتِ من أول موقف راح تبلغين !! اغفري و سامحي و تجاوزي ربما تكون مراهقة و سفيهه أو لحظة غضب و من الراعة و الهلع قالت ألي قالته ما تسوى تجرجرينها بأهلها عشان هالموقف . خلاص من كلامك أنك اعطيتها حقها من الكلام انا اشوف أن الموضوع انتهى انسيه و ارتاحي و ياما و ياما حتشوفي مثل هالمواقف الله يعينكم ياللي تسوقون الشيخـــــه شجـــــون معجب بهذا.
|
#5
|
||||
|
||||
رد: ابشركم ... واناقشكم
هههههههههه توصياتك توووحفة 🤭
مبروك السيارة و الله يرزقك خيرها و يحفظك من شرها البقية ما ادري 🤷♀️
|
#6
|
||||
|
||||
رد: ابشركم ... واناقشكم
معقوله البنات تصير منهم هذي المواقف انا احس انها حاله نادره عشان كذا قلت تحترم نفسها مادري الرجال يمكن اغلبهم كذا والله اعلم
|
#7
|
||||
|
||||
رد: ابشركم ... واناقشكم
الف مبروك السياره الله يعطيك خيرها ويكفيك شرها
بالنسبه للبنت طالما هذا اسلوبها اشتكيها يارب اصير قويه واتعلم السواقه مها علميني شجعيني زوجي كان يعلمني بالشارع وعقبها وقفت بنص الخط انصدم امشي امشي ليش وقفتني قلت خفت خل السياره اللي ورانا تمشي > هاوشني حييل
|
#10
|
|||
|
|||
رد: ابشركم ... واناقشكم
مبروك السياره يعطيك خيرها ويكفيك شرها
ومبروكين للنونو اللي نور بيتكم بقدومه الله يبارك فيه واخوانه لا تشتكين ولاشيئ انتي اعترفتي انك لفيتي عليها بالغلط واتجاوزتي عليها واكيد استفزها انك كملتي طريقك ومااهتميتي لها وهيا اكيد ارتبكت وخافت على نفسها مو متعودات على سيارات وحوادث وهذي وحده مبين انها موشايفه خير ومو مصدقه انها راكبه سياره لهمجيتها فالفاظها وحركاتها ترى مثل مافيه شباب مفلسعين فيه بنات الله يعافينا طنشي وكبري راسك فعلا اغلاط البنات وتجاوزاتهم شبه معدومه بس خلي التصوير عندك وانتبهي اذا مو مركبه كاميرات لبيتك ركبي ماتأمني اذا طلعت خبيثه مره تجي بوقت ثاني او تكلف احد يخربلك شيئ فيها وقتها تمسكيها بالجرم المشهود
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |