|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
08-06-08, 02:09 PM
|
||||
|
||||
قصــــة بنات الشرقيـــــــــة؟؟
قصة بنات الشرقيه
لسلام عليكم ورحمة الله وبركاتة هذا الموضوع من شهرين صار في منطقة الخبر بالمنطقة الشرقية وكنت على موعد مع صديقي على العادة كل اربعاء يمرني بعد صلاة العشاء نتمشى الى الساعة عشر ونتعشى وبعد العشى نمر نستأجر افلام ونروح البيت ونسهر عليهم الى صلاة الفجر وفي هذا اليوم اختلف البرنامج تماماً مرني صديقي وطلعنا وسوالف وقال بمر السوق اللي هو شارع السويكت قلت له لا تروح هناك قال يا رجال نتفرج لاحول قلت اليوم اربعاء وزحمة واكيد فيه هيئة قال وش علينا كل العالم تروح المهم رحنا دخلنا السوق وكان مزحوم وكانت الهيئة موجوده وبشكل كبيرة اكثر من سيارة المهم أخذنا لفة وحدة وكان قلبي مش مرتاح قلت فيه شي او راح يصير لنا شي وانا من النوع أحس اذا فيه شي ودايم سبحان الله يطلع احساسي صحيح المهم وحنا في اللفه الثانية رحنا مع شارع كله خياطين وهناك لقينا سيارتين للهئية واقفين متخفين بعيد وكأنهم يراقبون احد المهم قلت لخويي قلبي قابضني فيه شي بيصير لا تترك الشارع هذا خذ لفة ثانية المهم وحنا في اللفه الثانية الا الشارع فيه زحمة وصوت كلام عالي ومانشوف شي سيارات زحمة والسيارات واقفه قلت افتح الباب واوقف المهم فتحت الباب ووقفت لقيت واحد من الهيئة يصارخ على اربع بنات ووحدة منهم هي اللي تصارخ عليه وتتكلم معاه وشوي وهو يقول لها ما اقدر امد يدي عليك خليها تجي بالطيبه وهي تقول انت خليت فيها طيبة المهم قال شغلك معاي قالت له البنت اسبق خيول ابوك اركبه واذا انت رجال الحقني المهم ركبوو السيارة وهو يقول لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات اللي شافت الزحمه وانطلقت السيارة اللي فيها بنات ومسرعين على الكورنيش ووراهم سيارتين حقت الهيئة وحنا ومعانا سيارات زحمة نلحقهم المهم السيارات في سرعة عالية مرة وهنا يبان لنا انها مطاردة ياساتر على السرعة وانا خويي الغبي اقول هي السرعة وانا خايف من جد لان صديقي اندمج وهو يلحق السيارات وانا يا فلان اتركهم وش علينا منهم وهو هذا تخصصه يحب يشوف علشان العالم كلها تدري صاير(واس) المهم وحنا وراهم وجاء الدوار الكبير حق الكورنيش وكل السيارات مسرعين والسيارة اللي فيها البنات اول سيارة في المطاردة وشوي وفي الدوار يالله سرعة جنونية وسيارة الهيئة وراهم نفس السرعه وقرر يجي جمبهم سواق البنات تفجئ من جد وشوي الا هو فوق الدوار وتنقلب سيارة البنات ومن جمب الدوار وتنقلب وتطلع من الجهة الثانية وهنا في بنت من قوة الانقلاب طلعت من السيارة بدون عباء واخيرا وقفت السيارة بعد اربع قلبات وسيارة الهيئة صدم في الدوار ولا انقلب وانا هنا وقف شعر راسي وجاتني مثل الدوخه وخويي وقف سيارته نزل قلبه قوي وانا قلبي قوي بس منظر البنت سبب لي مشكلة لمدة سنة تقريباً اذا ذكرت الموقف المهم شوي ونزلت ورى صديقي وعاااااااااالم واقفين واللي يسوق سيارة الهئية واقف منبهر يبكي وحاط يدينه على راسه وبعض الشباب جزاهم الله خير يبون يشيلون البنات قمت انا وكم واحد غطيناهم ما ندري هم أحياء أموت وبالصدفه نزل واحد كان مع زوجته وولد صغير طلع دكتور وجاء مسرع وبقلب قوي وقام يكشف على وحده وحدة ويمسك يدها ومن بنت الى بنت واخر شي راح للبنت للي طلعت اثناء الانقلاب وقام من عند البنت ووقف الدكتور والعالم كلها تناظر فيه ونزل راسه قال الله يرحمهم هنا العالم انبهرت وترحمو عليهم وقمنا وغطيناهم بعض ما كشف الدكتور وشوي الا جاء واحد يطالع في سيارة البنات يمين شمال وراح من هنا ومن هنا وراح وشاف رقم اللوحة وقام يبكي قال له واحد تعرفهم قال لا يقربوون لي قال له تعوذ من الشيطان يمكنك غلطان قال لا يقربوون لي قال اكشف على وجيههم قام كشف على وجة بنت بنت من وحدة الى حدة وعرفهم طلعو البنات الاربع :- وحدة بنت السبيت والثانية بنت الهاص وبنت الديمن بنت الشيرية بنات ورقة اللعب حقت البلوت !
|
|
#2
08-06-08, 02:19 PM
|
||||
|
||||
 طيب دبلوا قبل لا يقلبون ولا الشرح سراء  
|
|
#3
08-06-08, 02:43 PM
|
||||
|
||||
|
كتبت عليك كذبه اعانك الله عليها
|
|
#5
08-06-08, 05:37 PM
|
||||
|
||||
حراااااااااااااااااااااااامـ عليكـ طيحت قلبي
و الله أقراها و أنا عيوني تدمع أقول هذي خاتمتهمـ ..؟؟ و قلبي طاااااااااح و الدمـ اللي بالشرايين وقف <<< يقطع أمـ الكذبه  ..بس والله موزوعكـ خطييييييير ..تسلمـ إيدكـ على الموزوعـ الهلو  ..
|
|
#6
08-06-08, 10:02 PM
|
||||
|
||||
|
هههههههههههههههههههههههههه
الله يقطع بليسك متحمس مع القصه واخر شي ياطلع كله كذب
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
