|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
07-05-10, 07:22 PM
|
||||
|
||||
ودي اقولك يبه بس ما قدر ...
السلام عليكم ورحمة الله وبركاته الموضوع اليوم مغاير عن كل المواضيع  الظاهر نبي نغير عن مدخل ومخرج تقديرا" لأخواننا اهل الرياض لأنهم غرقين في المخارج والمداخل >>وش رايكم  ياخي حرام عليك كل العيال في الدنيا يقولون لبوانهم بابا واحنا نقولك يبه كلها منك ترى كل العالم ابوانهم مدرسين ضباط دكتور مدرب موظف المرتبه الرابعه اعمال حره الا انت فراش مدرسه ومسكنا في ملحق المدرسه وتبين اقولك يا بابا  والله ماترك ومعاك ددسن امانه كيف وجهي وانا اقولك يا بابا كيف اقولك يا بابا وانت تلبس شماغ من غير طاقيه قلي كيف كيف اقولك بابا وانت دايم لابس صروال صغير  كيف اقولك يابابا واسم حرمتك منيره << الظاهر مطول انت وكيف كل الناس تروح للملاهي للمنتزه وانت يقالك مطلعنا واحنا مبسوطين مودينا لطرفيه  ولا جاء حق العسكريم قلت ترهـ يعور الحلق الناس تطلع البر تشوي طيب تاخذ وجبات من برى اي شي وانت لازم كبسه لا والباقي يقول خذوه معاكم البيت يالله أبتحمل انك ابوي بس احترمني كولد بكره اكبر واصير رجال واتزوج واجيب عيال واسمي الولد الاول عليك < كمل كل ما شافني يا ورع تعال يا ورع خذ ود يا زلابه رح جب خبز حتى لا رحنا البقاله لامريت من عند الخبز قال الخبز يا ثور خذ لبن لا تنسى لا وطايح لي بحركه مدري من وين جايبها كل ما جانا ضيوف سوى فيها انا الاب الكومدي بدال ما يقولي يا أحمد يقول يا ولد منيره يقاله احرجني من زين اسم امك الحين اسمها مخيس < عيب جدتك هههههههههههه عاد يوم جينا لسالفه منيره الله يحفظها بقولكم سالفه خوالي ثلاثه عبدالمحسن - فهد - علي اكبر سرابيت بريدة سابقا لدرجه ان خوالي من كثر ما يفقعون وجيه عيال الحاره ما يلقون احد يكملهم رابع والضحيه مين امي منيره كانو يعلمونها البلوت عاد امي معاها سادس وذيك الحزه دكتوره الحاره من قو الشهاده هههههههههه صارت امي فنانه بلوت تدرون قانون الدبل هي الي مطلعته من كثر ما يرمون الورق في وجهاا ههههههههه < عيب اسرار عائليه في يوم من الايام جالس انا وامي جلسه خنفشاريه في الحوش عاد خلصت السوالف قالت امي تدري يا وليدي اننا اول نشتري الببسي يجلس معنا ثلاث ايام < قويه يمه كان يجيبه لنا حياه بدر الفلاني وكان يقول لنا هذا علاج لا تشربون منه واجد يجيب التراع > مالقيت ايقونه تنفع . وكنا نشربه بفناجيل <  الله يخليك يمه لاعاد تسولفين لا وتقول طول العلبه ذراع وبريال < لو اني مخفه ---- سنين وسنين وانا صابر وراح اصبر كمان وكمان راح امشي معاك يايبه للاخر وجاء ذاك اليوم الي امي قالت نبي خدامه وبعد شهرين جاء في بيتنا خدامه تهبل  تخلي المطوع يزبط السكسوكه دميره بنت الهوهو عاد اول مره اشوف في حياتي فلبينيه طويله وخشمها افنس بس على خفيف وكيوت  تقل هيفاء وهبي الا خمس دقايق ابوي كان نظامه زي اي نظام شايب في العالم يقوم الصبح يداوم يرجع الظهر يتغداء ويقيل ويذن العصر يا ناشب في احد بيوت الجيران يا جايب السرابيت حقين الحاره يقهويهم في البيت والمغرب يروح يمشي لين يذن العشاء ثم تروش وصلى وتعشى ونام < هذي حياتي تذكر وجه مصطفى الاغا يوم جت الشغاله سحب على شيبان الحاره ولا عاد يقيل ولا بعد الساعه تسع بالليل حط على غنوه والي في امه خير يدخل كل شوي ينادي الشغاله تعالي خذي ودي جيبي بس عشان يكحل وطايح فيها تغميز ولا اذا شاف احد في البيت اكيد انت عندك بلى وش جايبك يايبه هذا بيتنا ابطلع لغرفتي علينا حركات السمرمد والله لو اشوفك تطب المطبخ ولا اشوفك تنطط في السور لحش رجولك حش اخرج من المنزل يا ورع ياخي موب معامله هذي اذبحه ولا اطقه بس المشكله ما يصير عندي ابوو  قعدنا بفترت روعب لين بعد 3 شهور هجت من قوه الغباء الي فيها انحاشت مع باص المدارس الصباح ههههههههه بلغو عليها جاء ابوي واخذها وسفرها < كني اشوفه يقول عافك الخاطر  قلنا خايف علينا من الشغاله نمشيها ابوي ويعرف مصلحتنا بس يشتري لنا بلاستيشن واكثر واحد يلعب هو ما يصير تخيلو بس قاعد العب سيارات وافحط بالسياره واسرق سيارات ينقز عليك يقول ايه هذي بدايه السربته اسرق وفحط تسمع اني بشتريلك سياره من قوت ما انفجرت دعست بالسياره لين جاء قدامي جدار واصدم فيه نقز علي قالي خربت الكمبيوتر وش فيك انت < معاك سادس وش اسويلك هههههههههه --- درسنا الثانوي والثانويه بعيده قالت يبه اشترلي سياره قالي لا لين تترك التتن واقعد اسبوع ما ادخن قالت هاه ابشرك تركته طيب السرابيت الي في الشارع ما تمشي معاهم طيب ابشر يبه رح امش مع الناس الحليلين حقين الحلقه وش زينهم ملتزمين ومحترمين ترك زوتها الي يشوفني يقول قليل حيا وبعدين ترى الي تمدحه هذا لا يغرك انه مطوع ترى سربوت اعرفه زين يروح الحلقه بس عشان الرحلات حقتهم انا علمتك رح معاهم ولا تقولي خربانين وتقعد تنصب علي ولا مافيه موتر وانا الي اقصر الثوب من اليوم الثاني واقوى اشرطه اناشيد بالبيت هاني المقبل وحورنيات واقوى شيخ لدرجه ابوي يحسبني بروح لفغانستان قالي خلاص خذ هذي 6 ريال واشترلك بكت وروقنا تطلع بكره مع القائمه ونبتلش فيك خلاص بكره بعد صلاه الجمعه نروح للمعارض وابشركم شرينا السياره واول ما شريت السيااااااره اشب الزقاره ومشغل محمد عبده قالو ترى مالك امل في حبها لو يوم < عبادي يا زلابه وتمضي الايام الا ذاك اليوم في الطلعه مركب زحيف معاي بسياره احلى اسم فيهم عايض هذا مره كيوت <تخيل الا بروح اودي كل واحد لبيته الا وانا امشي بالسياره ومحمل دشير واصاله تقول اسفه شفلك غيري الا ابوي مر من جمبي ويلتفت الا الزقاره بيدي وصرفلي ذيك النظره وانا< ومشى ولا قالي شي اقرى في عيونه بتجي للبيت عاد انا من قو القمطه هو شافني ادخن تعرفون الدشير نظامهم وسخ لا ما شاف والثاني والله العظيم ما شافك وانا كن برد قلبي شوي وارجع البيت واسلم عليه وقالي هلاهلا بالطيب الغالي بعد العصر ابيك لا تروح تلعب كوره وانا طيب يبه الله واكبر العصر بعد الصلاه قالي تعال المجلس ابيك < اتحدى اي واحد ابوه ما قالها له دخلنا المجلس انا هلا يبه رح المطبخ جبلي سكينه افا يبه بتذبحني لا يوليدي بس ابيها طيب يبه رجعت قالي رح سكر الباب سكرته قالي شف فوق المكتبه لي غاز جبه جبته امسك الطرف بنقص منه < تعرفون هذي الخطه عند ابوي اسمها الموت البطي  قالي رجع الباقي وانا قايم برجع الي الا ذيك الصفقه الي خلتني اصفق بالمروحه وانا وياه دورانا في المجلس لين ما خلاص قلت احلى وسيله للفكه سو نفسك ميت < ياكثر ما اسويها انسدح ثم تنفس بقوه واظف اليها اه اه اه اه وضعي قليلن من الله يسامح يا يبه الله يسامحك خلاص ابوي استسلم وجلس يقولي قم غسل خلاص والله معاد اطقك خذ هذي عشره اشترلك فيها بكت والباقي رجعه هههههههههههه<نصاب والله ان ابوي يا حليله لو ما يطق بس في البيت اذا جلسنا نتابع التلفزيون على mbc ولا lbc ولا روتانا يقول انت بس هذا الي فالح فيه بس تدوره ها القنوات الفاسخه والاغاني المخيسه حط على العربيه ولا السعوديه بعد يومين قالي رح تلقى ظرف في السياره رح جبه وانا اروح ادوره ومن زود لقافتي واناظر تحت المرتبه الا القى شريط موزيه الا شريط نانسي عجرم اه ونص وش اسوي فيه وفي البيت مسوي علينا العريفي عاد تخيل انت هلالي وابوك نصراوي وقاعدين تتابعون مباره وابوك من النوع ابعد عن متناوله الالات الحاده يا صامخك ببياله ولا بالريموت غداى وجهي مستوي بدون ملامح ولا تخيل انك اسود وعيال الحاره يتطنزون عليك يا كويحه يا كوينينه يا العباد هههههههههه وابوك افتح منك ويقول لك ياخي لونك غريب < طالع منها يا الفسفوري ولا تخيل اصدقاء ابوي ماخذين لهم استراحه ومركبين فيها مودم وكل ليله سهر في الاستراحه مدري الا ذاك اليوم ابوي جايني ويقولي أحمد سولي ايميل انا < اخلص طيب وش تبي الايميل حقك احطه ابو فهد ابو فهد في عينك اكتب خمسيني كيوت هههههههههههههههههههههههههههههههههههههه -- ذاك اليوم تعطلت سيارته عند استراحتهم ودق علي قال تعال نودي السياره وصلت الا واحد من اصدقاء ابوي يقولي اقلط اقلط وانا اقلط واتقهوى الا كل واحد بلابتبه وفيه شايب مستخف شوي يقول لشايب ثاني ترى الشات الفلاني في عرض طق كامك وادخل <قويه قويه ياخي ابو زي كذا مراح تلقى حتى مستعمل عاد واحد من العيال من كثر ما اشكيله قالي عندي لك خطه < شرايك نسحر ابوك > لا ياخي مايصير بعدين ينسحر ونبلش فيه < طيب عندي لك فكره وش رايك نقلد على ابوك صوت بنت ونخليه يجي لبيتنا ونبلغ عليه > ابوي ثقل مهوب راعي ها السوالف ابوي نظام هنود يحب منيره خلاص يشوف باقي الحريم جراكل الا حقت العربيه > طيب شرايك ندعسه بالسياره ونخلص < ياكلب ماعد يصير عندي ابو > طيب شرايك اذبحك انت واريح ابوك < اوكي موافق ----------- قضينا حسسوني اني كويس ترى هذا اول موضوع سوالف لي بالمنتدى يعني كل مواضيعي صور بس >>بس" يمخشك وسوري تراني ما اعرف انسق زين لا ترتيب سطور ولا تدققون واجد فيه اخطاء املائيه كله من مدرس العربي يوم اننا في رابع يمغط اذانينا لين كرهنا الكتاب والقرايه < يا كثرك والله يخليلي امي وابوي ويخلي كل واحد امه وابوهـ الله الله يا همس والسلام عليكم ودمتم بخير
|
|
#2
07-05-10, 07:38 PM
|
||||
|
||||
يوووووووووووووووووو ه ياكثر هرجك <<<< جاملي يابنت
حركتات الموضيع الزاحفه يازاحف  مهب منك من الحوثيين الي خارشين عقلك  الله لا يخرشنا من ما خرشك اجل كاشخ بكلمة كيوووت شكلك توك متعلمه مشكله اذا تعلمو ؟؟؟؟؟شي  ولله يخليلك امك الكيوت وابوك الكيوت وانت ياحلا كت كوت يسلموووووو احمد دوم حركتات
|
|
#3
07-05-10, 08:02 PM
|
||||
|
||||
|
ههههههههههههههههههههههههههههههههههههه
 :SmileyBunn y:وربي ميت ضحكــــ حتى ماعندي كلام اكتبه موضوع رووووعه وابوك اروع >>>ياويلي من امك والله انك صادق مو لايق علينا بابا ابد يمكن قبل مايتقاعد ابوي اقولها اما اللحين لالالالالا اومآآآآآ انك تضحك على ابوك عشان يشتري لك سيارهــ نصااااب من يومك اناعندي حل لاابوك سفرهــ لبنان يحرررررم يرجع السعوديه مره ثانيه الله يحفظ لك منيره ويحفظ اخوانك وابوكـــــــ ويخليك لهم عله على قلوبهم >>> موضوع جونـــــــــــــــــــان ابدعتـــــــــــــــــــــــ اسرني انتظر جديدك لوكنت مشرفه اثبته >>>تلمح تستاهل احلى تقييم
|
|
#4
08-05-10, 12:12 AM
|
|||||||||||||||||||||||||||
|
|||||||||||||||||||||||||||
شكلك مليتي وانتي تقرين الموضوع>>مهب شكله الاملت وطفشت مو زاحف زويحف مهب عقلي وبس ماشفتي شي أمين يارب من قدي توني متعلمها كيوت بس المشكله ما اعرف معنها يسلمو على مرورك ..
|
|
#5
08-05-10, 12:16 AM
|
|||||||||||||||||||||||||||
|
|||||||||||||||||||||||||||
دوووم الضحكه يارب لو تعرف تقراء كان وريتها ردك اخاف اسفره وتلعني امي امين يارب الأجن مرورك يسلمو هايدي
|
|
#6
08-05-10, 12:46 AM
|
||||
|
||||
|
خيو لي باكــ..
موضع رائع ويبيله رد اروع بس النوم سلطان ..
|
|
#8
08-05-10, 03:43 AM
|
||||
|
||||
|
ههههههههههه تبي الصراحه وسعة صدري الله يوسع لك صدرك
ويخلي لك امك وابوك وماتنحرم منهم يارب انا امي توفت من شهر تقريبا وابوي الحمد لله انه بخير واشوفه كأني اشوف الجنه بعيوني الله يحفضه لي يارب شكرا للموضوع الجميل ولا تحرمنا منك تحياتي سحابه نص حزينه ههه
|
|
#9
08-05-10, 07:08 AM
|
||||
|
||||
|
هههههههههههههههههههههههههههه
  بصراحه ماأنت باعاقل  << اجل أنتي العاقلهوش ذا الحركات ياولد منيره  ماشاء الله أسم أمك منيره << زي أسم أمي ياخي ابو زي كذا مراح تلقى حتى مستعمل حلووووووه مستعمل عاد واحد من العيال من كثر ما اشكيله قالي عندي لك خطه < شرايك نسحر ابوك > لا ياخي مايصير بعدين ينسحر ونبلش فيه < طيب عندي لك فكره وش رايك نقلد على ابوك صوت بنت ونخليه يجي لبيتنا ونبلغ عليه > ابوي ثقل مهوب راعي ها السوالف ابوي نظام يحب منيره خلاص يشوف باقي الحريم جراكل الا حقت العربيه > طيب شرايك ندعسه بالسياره ونخلص < ياكلب ماعد يصير عندي ابو وش ذا أفكااااااار ماعنده وقت صاحبك موضوعك روووووعه مره عن جد ابداااااااع  يعطيك اااااالف عاااااافيه أسرني
|
|
#10
08-05-10, 07:52 AM
|
||||
|
||||
|
وعليكم السلاااام
ههههههههههههههههههههههههه أيا السربووت أجل طاايح بالتتن من قبل الثانووي  يوم جت الشغاله سحب على شيبان الحاره ولا عاد يقيل ولا بعد الساعه تسع بالليل حط على غنوه الله يستر على شيبااننا من هالقنااة شكله بتجيب أجلهم  أجل ابووك خمسيني كيوووت ههههههههههههههههههههه ورربي فله ضحكتني على سواليفك الله يسعدك خيو مثل مااسعدتني الله يحفظ لك امك وابووك ويطوول بأعماارهم عواافي ننتظر جديدك  تقبل مرووري 
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
