العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#121
|
||||
|
||||
مشكوووره على هذا الجزء
وننتظر باقي الاجزاء
|
#122
|
||||
|
||||
لاتتأخرين
|
#123
|
||||
|
||||
شكـــــــــــــراً يا غـــلا قحطان
|
#124
|
||||
|
||||
توها قايمه بسريرها فتحت عينها بصعوبة وطمرت من مكانها مع صرخة مالها مثيل نايف : قام مخترع: وشو وش فيه نسايم افتشلت بقوه سكتت نايف: وش فيك نسايم:...... نايف: ليش تصارخين جلس يناظر الغرفه يمكن في شي غلط نسايم: ولا شي نايف: لا والله قالوا لك احلام نسايم: لا بس قمت وشفتك نايف: ليش أنا ارووع نسايم بدفاع: لا لا بس..... ما تعودت أقوم ألقى احد بوجهي و يوم شفتك ارتعت نايف:هههههههههههههههههاي احسب عندك سالفه نسايم سفهته وراحت + + الساعه 12يوم الجمعه ام فهد: غريبه ما تصلت يمكن ماوصلوا يا ربيه أكيد صار عليهم شي فهد: يمه إذا اهتوت بتتصل عليك ام فهد: اكيد فيهم شي (توها بتصييح ( ترن ترن ام فهد: الـــــــــو فهد: الله يعين اللي متصل بتنفقع أذنه ام فهد: وينك يا بنيتي ما تصلتي علي.......اي ازعااج الله يهديك...وش اخبارك واخبار نايف بجنبك عطينياه فهد: يمه لا تغثينهم سلام وانتهينا ام فهد سفهته كلمت نايف وسلمت عليه وكلمه فهد ++ نايف: يا لله ما تبين تطلعين نسايم: للوين نايف: مدري ندور لنا مكان ++ يوم الأربعاء الاستراحة ندى: يووه والله الاستراحة من دون نسايم شينه العنود: حتى أنا فقدت نايف ما لقيت احد يهاوشني اذا تاخرت مشاعل: تحضروا نفسيا قريبا بتفقدوني ناديه: يوووووه يا خساره مشاعل: وشو ناديه: و لا شي جلسوا البنات الجلسة المعتادة وسمروا وعلى الأخير لأنها أخر جلسه لهم الخميس الجاي بيسافرون لا يخلو الموضوع من المغامره وتخطيط للسفر ++++ بعد أسبوع يوم الخميس: نهى: فهيده وين صندلي فهده: مدري نهى: يووووه أسرعي وينه مو وقتك بيجي الحين فهدوالله مايخلينا لبسوا البنات وجهزوا أنفسهم وراحوا للمطار ياسر:لا لاأنا متعقد منكم سلمان: وشو ياسر: أنا إذا شفتكم مجتمعين كذا بمكان واحد أتفشل شف الصاله كلها لنا حمد: حمد الله إنا رايحين بفلوسنا موبمنتك ياسر: أنا بروح هناك اخفف من الزحمة حمد:هههههه تسهل خلصوا الإجراءات ركبوا الطيارة وهناك كانت الفاجعة عددهم كبييييير ويبون جنب بعض المضيفة: هنا كرسيك نهى: احلفي بس أقولك دوري لي كرسي جنب بنت عمي ما تستحين تبيني اقعد عند رجال المضيفة مغربيه ما تدري نهى وش تقول بعدمعركة ضارية فازت فيها نهى جلست جنب فهده فهده: بعدي والله سكتيها نهى: افا عليك الجده: نهــــــــــــى (الجده كانت بعيده وتنادي.....تقدرون تتخيلون الموقف( نهى: وشو أمي ساره الجده: وين الشغالات لا يكونون انحاشوا نهى: لا حسنا هنا والباقين ورى بعدين وين ينحاشون حنا بالسماء ساره: يا ربيه طولنا صح ندى:هههههههههه لا ما طولنا أنتي مشتاقه ساره ابتسمت: كثييييييييييير ندى: إن شاء الله تشبعين منهم ساره: يا ليت قدام ندى وساره فهد ونواف ندى: هييييي ساره: وشو وش فيك اسم الله عليك ندى :وردتي وردتي طمنت تدور تحت فهد: ندى الحين ممكن افهم ليش دايم مسويه إزعاج نواف: أي والله ندى: والله مالكم شغل وبزعج الين بكره واللي ماعجبه عنده الشباك يفتح ويطب فهد: بس بس كلتيني بقشوري وصلوا هناك للمطار وكانت عائله خال فارس هناك ( ابو سيف _سيف ( ياسر نزل أول شي تفاديا لزحمات العائله مو أي زحمات ياسر خلص أوراقه وطلع شاف سيف راح يسلم عليه ياسر: الحين سييووف جاي تستقبلني مشكووور سيف: اونك مصدق عمرك وااايد انا جاي استقبل عيال عموه المهم شحالك انت ياسر: بخير الحمدالله سيف: نسيييت هذا ابويه ابو سيف: مرحبا ملاييين سلم ياسر وبعدين بدى الشغل الجد الشنط راحوا العيال يجيبون الشنط إلا فارس فارس أول ما شاف خاله راح وسلم عليه ولمه طبعا ما ننسى سيف ساره: راحت ضمت خالها وبكت يعني الموقف موثر ندى: يا عمري فاقدتهم نواف: أي والله ندى: وأنت وش جابك بسم الله نواف: رجليني جابتني ندى: سفهته وراحت جابوا العيال الشنط فارس وساره راحوا مع خالهم أما الباقين راحوا للفندق مروان عند الريسبشن مروان: فييه دور هنا باسم عبد الرحمن ال........ حق الريسبشن هندي كالعاده هز راسه كاشخ ومتسكب وهو ما يفهم ياسر:ههههههههههه الله يقطع سوالفك اصبر ياسركلمه بالإنجليزي فهم عليه ما كذب مروان دوور كامل من الفندق لهم راحوا يريحون لان بالليل يبون يطلعون +++ الساعه 7 طلعوا راحوا يتعشون رجعوا وناموا لان بكره وراهم يوم طوييييل + نسايم ونايف بيوصلون بعد يومين ++ الساعة 10 العنود: يا لله يا لله قوموا نواف مزعجني برى قاموا البنات وبناء على الإلحاح أول شي بيرو حون له ملاهي ( وندرلاند ( لبسوا وراحوا أما الشياب بيتقهون ويفطرون و و و و ++ كان فيه لعبه عامود طووييل وحولينه كراسي ترتفع وتنزل مروان: تحدي مين يركبها معي وائل: انا مشعل: وش يجلسني وأنت ما تبي تركب رامي: افاعليك ركبوا ندى ماسكه كاميرا الفيديو وتصور ناديه: يا قلبي مسكين لا هو بسما ولا ارض يا عمري مشاعل: هاه ندوش بدينا ناديه: اووووووووش أنتي مالك دخل أنا حره مشاعل: والله وطلع لك لسان ناديه سفهتها نواف: تحدي تحدي من بتركب من البنات حمد: محداكيد نهى: ليش وانا وين رحت أولكم فهده: وأنامعك العنود: أحلى بجي معكم ندى: انا بركب سلمان: ميشو تعالي العبي معي مشاعل راحت <<امحق عزيمه ياسر: لا والله بشور مين بتلعين ما فييه لعب إلا بعد الزواج سلمان: منيب راد لا كوفنك هنا اخبر اللي يدرسون برى تتفتح عقولهم والأدهى والأمر انك دارس طب يعني ورى ما تسكت سلمان: امشي ما عليك منه ياسر: لا لا ما فيه سلمان: على كيفك ولا لتوطا ببطنك الحين ياسر: طيب بس بشرط أنت تجلس بالكرسي الأول وهي بالأخير سلمان:عزالله لعبنا سلمان: امشي نلعب ما عليك منه بس راحوا وركبوا مسيكين يعزم فيها ساعه على لعبه خطره )مشاعل وسلمان وندى ونهى وفهده والعنود وناديه نواف وحمد( نواف وهم بنص الهوى: نــــــــــــــــــــــــــــــــدى ندى (انهبل هذا يناديني بين السماء والأرض):نعم نواف: تمسكي زين ترى بتطيرين ندى افهمت قصده لانها نحيفه وقصيره بمعنى اصح نتفه كان شكلها سعنون ندى: والله لوريك محد مخليك وصي علي انا منيب متمسكه خلني بطير نواف ميت ضحك اللعبه شغاله وهي تهاوش خلصت اللعبه ولفت روسهم لف ندى طلعت يالله تمشي نواف: قايلك ندى: اعوذ بالله منك على هالصبح مروانومشعل:هههههههههههههههه ميتين ضحك عليهم سلمان مسك مشاعل تعالي نروح نلعب هناك ياسر: أي لعبه سلمان: أنت وش دخلك ياسر: بلعب معكم سلمان: اقلب وجهك أحسن لك ياسر: زين بس مشاعل تعالي معي سلمان: حرمتي و بتجي معي و بشوري ياسر: أختي ولا تقول حرمتي احتد النقاش مشاعل سفهتهم وراحت مع البنات نهى وفهده يمشون مع ناديه ناديه مسطله تمشي وتناظر وائل وائل ما صدق قعد يطالعها مشعل: يكفي نظرات استحي وائل: خلني إنا اصدق تعطيني وجهه فهده: اقول ناديه تطورات من ورانا ماعاد فيه خوف وجراءه وطايحه قز بولدالناس ناديه: والله مو شغلك نهى:احلى وندافع بعد ياسر الأولاد يمشون قدام والبنات ورى مروان: هي أنت من خلاك السكيورتي حقنا ياسر: بس بس منعا لأعمال الشغب سلمان: صح صح وأنا ومشاعل بالنص فاصل يعني ياسر: أنت البلشه لا وثم لا مشاعل: سلمان خلاص روح سلمان:هاه والله انقلع مو اروح مع سلامه ندى: وش سويتي بعمي مشاعل: ولا شي.......(تبي تضيع السالفه) ليش ساره ما جت ياسر ذبأذنه معهم ندى: بتنام عند بنات خالها ومشتاقه لهم بتجي تتعشى معنا (رهف كان مره ودها تشوف فارس بس الأيام جايه) ++ لفوا بالملاهي وعلى الساعه 8طلعوا منها وهم مره منهدين حللو كل درهم ++ وبعد ما رجعوا سلمان: بعشيكم على حسابي ندى: عمي اصبر شوي خلنا نريح ونغير ملابسنا وعلى تسع نطلع سلمان:هاه مشاعل وش رايك ياسر: زين سلمان: يرحم اهلك لا تتدخل ياسر:ههههههههههههههههههههههههاي والله لجننك سلمان سفهه :هاه وش رايك مشاعل: اوكي سلمان: أول مره أحس الانجليزي حلو ياسر :احم احم سلمان: أقول مع السلامه مشاعل لو يحصل لك نومي ها لنشبه لا يجي ++ جلسوا يريحون نهى: فهده سوي لي كحل خليجي فهده:افا عليك بس أنت تسوي لي نهى: اوكي وبدوا شغلهم نهى: والله أنا عاجبني شكلي بطلع متلثمه فهده: وانا معك ابو فهد: بتطلعون كذا نهى: ايه ابو فهد : والله شكلكم حلو<<< بايعها ندى: لا والله بسوي زيهم ابو فهد: سوي احد ماسكك نهى: واااو أحب الحرية الشخصية ندى: راحت بس ما سوت زي هالمجانين كحل وحركات حطت كحل من جوا خفيف وطلعت ندى ونهى وفهده طلعوا ندى: يووووووه نسيييت جوالي نهى: جيبيه بنتظرك تحت ندى: طيب راحت وخذت جوالها وطلعت وهي تمشي ما درت إلا وهي صادمه بذاك الجدار ندى:اااااي اعمي نواف: الله وعلم من هو الأعمى ندى(ها البلشه لاحقني لاحقني ): طيب وخر بنزل نواف كان معه عبد العزيز بينزلون نواف: نعم بتنزلين بهالمنظر ندى: مالك شغل نواف: حلوه مالك شغل اقول روحي أنت بنت ما عندك حيا ناسيه ربك ندى: خييييييير أنت صدق ما تنعطى وجه عن الغلط أحسن لك نواف: لا ترفعين صوتك علي ندى: إلا برفع صوتي عليك أنت واحد ما تستاهل الحشيمه جيدعلي ولا أختك اللي تحت مسويه كل شي ما قلت لهاشي ....... الصـــــــــدمــــــــــــه ما درت الا بكف على وجهها نواف عطاها كف عبد العزيز ما قدر يسكت : أنت وش سويت هذي بنت خالك مجنون أنت نواف: سكت يناظر يده ندى(صاحت): تحسب الرجوله انك تطق بنت لا أنت فاهم غلط على العموم انا مالي كلام معك بعد اليوم التفتت على عبدالعزيز واشرت له ندى: خلك شاهد يا عبد العزيز باللي شفته موب انا اللي انطق منه وعلى سبب تافه أبوي وانا طالعه ما قال شي عشاان هو يتكلم خلك شاهد على كل حرف والكف اللي عطانياه راحت ندى دخلت الروم حقتهم باندفاع نواف كان مصنم
ولا عارف ايش يقول جلس وسند على الجدار حط يدينه على جبهته مو سهل اللي سواه عبد العزيز نزل مستواه: نواف أنت ليش سويت كذا العنود نزلت قدامك ما قلتلها شي على حد هاذي وانا اقولك أنت غلطان ولا في مجال تكون مو غلطان نواف ما ستحمل كلامه وقف ولفت انتباهه ورده ندى اللي طاحت مع المعركه كانت معلقتهابشنطتها أخذها طلع وركب السياره وصار يدور من شارع الى شارع. + + + ندىدخلت الغرفه بندفاع ابو فهد: هاه ندى وش فيك ندى ما ردت دخلت غرفتها وقعدت تصييح جوالها صار يرن ويرن ما ردت والنهايه ردت على العنود العنود: وينك انا تحت تاخرنا ندى: منيب طالعه ليش اطلع انا مجنونه روحوا بالحالكم العنود: لحظ... سكرت ندى الخط وسط ذهووول العنود العنود: تقول روحوا نهى: غريبه وش فيها العنود: مدري بسباين عليها تصيح وقعدت تتكلم معي بهستيريه فهده: سللووم يكفي قز لا نصدم الحين سلمان: يا ناس حلالي خلوني ياسر: وين نواف عبد العزيز: مدري عنه قال بيطلع فهده: وانت كل شي ما تدري عنه عبد العزيز ناظرهابنظره قاتله خلتها تنطم ولا تقول ولا حرف راحوا للمطعم وتعشوا ورجعوا كل واحد للبيته ====================
|
#125
|
||||
|
||||
يالله خيتووو
باين القصه روعه وانا للحين ماقريتها اول مأقرهااا اقول لكم رايي>> عاد بيمتون لو ماقلتي رايك ^_^
|
#126
|
||||
|
||||
مشكوره اختي وننتضر التكمله
بس مو تطولين تكفيييين
|
#127
|
||||
|
||||
ساره: دقت على ندى ساره: هلا النونوكيفك
ندى: ساره تعالي عندي أبيك ساره: ندى اسم الله عليك وش فيك ندى بدت صياحها قالت لها كل شي من أول موقف إلى الكف ساره: كل هذايصير و محد حاس فيك ندى: احسن انا مابي أحد يعرف ساره: طيب ارتحتي يوم قلتي لي ندى: ايه و الله ساره: صراحة مدري موقفه ماله مبرر وبنفس الوقت له ندى: وشلون ساره: ماله مبرر ليش يهاوشك وساكت عن غيرك ومبرر انه انتي طالعه بشكل فاتن ندى: ساره كل شي يهون ولا الكف والله لومالحيا كان عضيته ساره:هههههههه اجل اشوى إن فيك حيا ندى: اصلاهالجدار بتاثر فيه ندى بنقمه: من ناحيه جدارجدار +=+=+=+ نرجع للنواف نواف راح يحوس بالشوارعالساعه 11 رجع وهو مصمم على شي براسه خايف متردد بس هو الصح اتصل على خاله أبو فهد وقاله يقابله باللوبي نزل ابو فهد ابو فهد: نواف أبوي وشفيك نواف: والله يا خالي مدري كيف اقولك ابو فهد: نواف لا تستحي قلي أنا أبوك لا تنسى أنا أبوك قبل ما كون خالك نواف: والله أنا أبي اخطب منك ندى.....وكمل وهو يشوف تعابير وجهه) لا تفهمني غلط بس أنا لازم أخطبها منك اليوم ابو فهد: أنت ولدي وهي بنتي ولازم اعرف كل شي نواف عارفأن خاله رجال متفتح وفاهم الحياة والتعصب بجهه وهو بجهه فماله الا يقوله ابوفهد: وش فيك نواف: شوف يا خالي أنا بقولك بس مو الحين ابي اخطب ندى ابي ندى تكون خطيبتي أنت بتستغرب الوقت والزمان والمكان بس تكفى كل هذا مو مهم اهم شي المضمون ابو فهد مندهش بس ماله حيله : بشاورها بس اذا رفضت لا تستبعد ندى بنتي واعرفها ومستحيل تنغصب على شي وانا مو من النوع اللي اغصب .....امك تدري نواف: لا ما تدري اذا وافقت قلت لها خل الموضوع بيني وبينك وأفضل حرمك ما تدخل بالموضوع عشان ما ينتقل الخبر قبل ما نعرف رايها ابو فهد: يصير خير أشوف الوقت المناسب و اسألها نواف: خالي طلبتك ترد لي خبر ها ليومين ابو فهد مندهش وفوق راسه اكبر علامة استفهام :إن شاء الله ...... إلا تعال ليش شكلك كذا حوسه نواف: لا ابد بروح اغير راح نواف وسط حيره ابو فهد ابو فهد راح فوق ابو فهد: وين ندى ام فهد: بغرفتها ابو فهد:زين (راح لان انسب وقت يكون المكان فاضي من دون لقافه ( ابو فهد: ندى افتحي ندى: مابي ابو فهد: انا عندي موضوع ما يتاجل والحين أبيك تفتحين الباب و اذا خلصت سكريه ندى(تعرف ابوها مايتكلم من فراغ): فتحت الباب لاحظ آثار البكي بس ما همه ابو فهد: تو كنت معنواف ندى فتحت عيونها على الآخر كانت متشتته ما تدري ليش مع انه حتى لو عرف ابوها الغلط على نواف بس كانت مشتته بلمت لثواني ابو فهد لا حظ الحركة الغريبة اللي صارت والتوتر ندى: ايه ابوفهد: وخطبك مني ندى:هااااااااااااااااه ( طاحت خشتها بالارض( ابو فهد: اللي سمعتي خطبك مني ندى: ههههه العب غيرها ابوفهد: بنت المواضيع هذي ما فيها لعب ندى سكتت احترام لأبوها ابو فهد: فكري بعد بكره الصبح بنزل افطر انا وياك بحالنا وتشرحين لي وجهه نظرك سواء موافقه ولا لا ++ ندى: الو سوير خطبني ساره: وجع وش فيك تزاعجين ندى: نواف خطبني ساره انتقلت لها العدوى : كـــــــــــذابه ندى: والله ساره: وناسه ترى أقوى أنواع الحب اللي يجي بعد عداوه ندى: ومن قالك أني احبه ولا بوافق ساره: كذابه كل شي مبيين ندى: اقول اسكتي بس ساره: ندو ترى بكره اللي مهيب جايه على الغدى يا ويلها حصوصه وشمه يبون يشوفونكم ندى: إن شاء الله بجي ساره: ترا بنتغدى و العصر بنطلع وزهبي حالك ندى: اوكي ++ ياسر ما راح معهم للعشى راح مع سيف للمول سيف: يا لله انا بخليكم الحين تتحوطون بسلا اشوفكن معطين حد ويه حصه: سيوف والله ملينا من لسته النصائح سيف: زين انتبهوا على ارواحكم وعلى ساره راحوا البنات يتمشوون يعني الحين (سيف وياسر وحصه وشمه) بالمول ندى بالروم ونواف بالوبي تحت والباقين مع سلمان يتعشوون ++ شمه(19 سنه): حصوه ترى طفرتي بي ابغي اسيراتعشى حصه(16 ينه): انزين ساره: يا لله تعالوا شمه اتصلت حق سيف: شمه جواله مغلق شو العمل ساره: تعالوا نروح له راحوا عند الكوفي ولقوه ساره: هييييييه حصه: شو فيه من غازلج ساره: اللي مع سيف ولد خالي حصه: هذا الزين روحي ناديه لأني فيني رقاد ولو رحت سيوف بيدفني هني ساره: وين أنتي أحنا بالسعودية ترى ما نمون شرات هنا شمه: ساره كيف هو يصير ولد خالك و انا ما خبر ابوي عنده اخوان ساره: لا ولد خال ابويه شمه: اها طيب يلله روحي تشجعت ساره وراحت لهم سيف أول ما شافها راح لها سيف: وجعه إن شاء الله كنتي تبين تجين عند ربيعي ساره: لا تزف بناديك جوالك مغلق سيف: أيه زين رورحوا جلسوا هناك وطلبوا عشاء على ما يجي فارس من ربعه عشان نطلع ساره: انزين جلسوا وسيف كل شوي يطالعهم ياسر: هيه ترى انا طفرت لا تناظرهم سيف: شسوي أختي وبنت عمتي أخاف عليهم فارس: هلا والله سيووف دف الكرسي وقعد(سيف بخاطره الظاهر الولدفقد الأدب كييف يجلس ولا يسلم ) فارس دف كرسي ياسر برجله: وأنت وش مجيبك هنا ياسر: جاي عندي خووي وش عليك سيف: فروووس أحشم نفسك فارس: مابي كيفي ياسر: خله ما عليك دايم كذا عاداه نواف بثقاله الدم سيف: منو نواف ياسر: ولد عمتي سيف: وش عرف فارس فيه(سيف تعقدت السالفه بوجهه) سكت عنهم فارس: سييوف وين سو سولا تقول تاركهم سيف: شفهم هناك مع شمه وحصه مقابيلي فارس: اشوى ...يسور بكره ياويل اللي مو جاي بكره عدهم كلهم وجيبهم ياسر : طيب وسيف ما فهم شي وياسر مغتاض كيف فارس يخلي أخته تطلع ما معها احد مع البنات وكل واحد فاهم غلط +++++ الصبح الساعة 9 نسايم دخلت سلمت على أهلها هي ونايف بعد أحضان ودموع دخلت تصحي اخواتها نسايم: ندى ندى قومي يالله ندى: انقلعي وسكري الباب نسايم: اوف نهى نهى قومي نهى نومها خفيف: نسايم هلا راحت ولمتها نسايم: اقول روحي غسلي وجهك ونكمل بعدين التفتت على ندى تعرفها نومها ثقيل ولو قامت بترجع تنوم ندى: لا تناظريني قمت خلاص نسايم : اشوى لأني كنت بجيب مويه وعاد أنتي تعرفين الباقي ندى: طيب تقلعي بروح الحمام و اجيك نسايم: أولا ليش ما تسلمين علي وثانيا ما راحاطلع نواف فيه ما ابغى احرجه ندى تغيرت ملامح وجهها: نواف هنا نسايم : ايه هو اللي جاي يستقبلنا هو وفهد ندى: زين بغسل و اجيك عندي موضوع مهم نسايم: اوكي لا تطولين ندى كانت تفكر وللحين ما ستقرت على بر + + + الجده : سلمان روح دق على العيال كلهم من أولهم لأخرهم من صغيرهم لكبيرهم زين قلهم لا يتأخرون سلمان: يا شين الواحد لين صار عم ليش ورىما تدقين أنتي الجده: قل آمين سلمان: امييين الجده: جعله يجي اليوم اللي اتصل فيه على عيالك سلمان: اميـــن على طاري العيال خلني بدق على مشاعل أول وحده الجده: ايه اصبر ترى خالك يقول انك مأذي البنت كل ساعه متصل اتصل مره كل يوم تسد سلمان: وشو حلمي حرمتي مالكم دخل الجده: مشكله الواثقين قم وسوي اللي قلتلك سلمان: إنشاء الله + + +++ نسايم: معقوله ندى: والله نسايم: طيب و أنتي ندى: مدري و الله نسايم: حمد الله والشكر تدرين يا ندى دايما أنتي عصبيه حتى خطبتك جت بعصبيه ندى: أقول اسكتي وضفي وجهك عندرجلك نسايم: رجلي مع رجلك برى ندى: من قالك أني بوافق ولا فيه أمل نسايم: يعني رافضه ندى: لا نسايم: اجل ندى انسدحت على السرير: مدري مدري ندى تبي تحمق نسايم : إذا راح نواف علميني بسلم على نايف نسايم: نعم نعم أقول الجدار وراك يمدحونه للي فيهم ارتجاج ندى:ههههههههههههههههههههه حلـــــوه حلوه بس لا تعيدينها + + + + طلعت نسايم من عند اهلها نايف:الحمد الله يا رب نسايم: ليش نايف: لأننا ما صرنا بنفس الدور معهم نسايم:ههههههههههه صادق + + + الساعه 11 من جد صاير الدوربيت أبوهم أم فهد طالعه بجلاها بتروح تقهوي الجده وراها حسنا بالترمس والفناجين فهده مسويه خطه مع نهى فهده: نهى افتحي الباب زين نهى: طيب بس تعالي بسرعة لا يشوفك احد فهده: طيب خلك عند الباب (الخطه : فهده تروح للنهى من دون عبايه يعني بتغامر) استعدت فهده فصخت الصندل مسكتها بيدها شافت نهى فتحت الباب انطلقت للباب توها بتوصل الا اصقعت بهذاالجدار اللي من الصدمه مسيكين طقت جبهته بالصندل دخلت بسرعه نهى سكرت من الضحك على شكل فهده فهده: يا حماره لا تضحكين نهى: الا بضحك شكلك يمووت ضحك فهده: اوووف والله بصيح بدت تتعبر<< المرحله قبل الصياح نرجع لبرى شوي عبد العزيز(انا هاذي حالتي ما شوفها إلا بجزمه وإلا طقه وإلاسبه والله حاله بس هي ليش طالعه كذا ليش ما لبست والله بنات آخر زمن شكلي أنا اللي بتغطى ) ++ ++ ++ ++ تجمعوا العائلات وراحوا لبيت أبو سيف افتح الباب سيف دخلوا الشياب قلطهم سلموا ودخلوا دخل ياسر بعدالشياب سيف: هلا والله يسووور أخيرا جيت ياسر: أنت وش جايبك هنا سيف: أنت ما تعرف أن هذا بيتنا ياسر: لا مو بيتكم بيت ولد عمتي هذا بيت خالهم و احنا جايين نزورهم أنت وش موقعك من الإعراب سيف: لحظه انتوا عمام ساره بنت عموه ياسر: ايه سيف: حلللللللللو وانا ولد خالها ياسر: كــــــذاب سيف: والله ادخل لا يجي أبوي يزفني عشاني ما قلطتك ياسر: طيب دخلوا بعد عشر دقايق دخل فارس وهو لابس الكندوره الاماراتيه ومسوي السفره حقتهم ومضبط شكله سلمان: ياهووووه حركات لف لفه على نفسه : تغيرت صح نواف: والله كنك كيس ملح فارس: أنت من اخذ رايك أنت بجهه والذوق بجهه + + + عاد الحريم غير فتحت لهم ساره استقبلتهم وسلمت دخلوا جوى للمجلس وجلسوا جت ام فارس دخلت بدت تسلم من اليمين وصلت عند الجده اللي كانت بصدر المجلس الجده وقفت تناظرها نص دقيقه بعدين خذتها بالحضن وقعدت تبكي ام فارس كانت تتمنى إن هالحظه تكون بحياه زوجهااللي انحرم من اهله بسبتها جلست ام فارس وكانت مبين بين لمحات عيونها الحزن كان كل شي فيهم يذكرها بزوجها ++ بعد نص ساعه راحوا يتغدون وبعدماخلصوا ساره: ناديه هذي حصه بنفس عمرك ناديه: احلفي بناخذها معنا للرياض حصه: ليش لا انا مطفره من اهلي ناديه:هههههههه على الريحه تستغنين حصه: ملل شسوي ام فارس: الرجاجيل بيجون يشربون شاهي هني محد اعترض يمكن هذي عاده عندهم ++ ندى: الله البلشه ما جبت جلال نسايم: ولا أنا قولك خل نلبس عبايتنا ندى: يلله لبسوا البنات عباياتهم ماعدا ساره راحت تجيب جلال صلاه ... شمه وحصه مو من عوايدهم يتغطون فتحجبو على جلابياتهم ++ دخلوا الرجاجيل وجلسوا نص المجلس نصه حريم ونصه رجال البيبسي: مروان ووائل ومشعل ورامي مروان يكلم مشعل: الحين هذول منهم مشعل: أكيد بنات خال فارس ولا كان تغطوا مروان: لا خلهم كذاأحسن مشعل: وجع مروانوه اسكت مروان: ما ورانا شي قز وبلاش وعلى عيونأهلنا وش تبي بعد قز بس مشعل: شف سلمان ما يستحي اللي يشوفه يقول ما عمره شاف مشاعل مروان: اسكت انا محظر له مفاجاء ولا أروع مشعل: والله إن شاء الله فيها اكشن مروان: وحنا راجعين بتعرف ساره تدز رهف: بس يكفي مطالع في اخوي كنك ما شفتي عيشه رهف: هاه.. من قالك أني أناظر أخوك أنا عاجبتني التحفه اللي وراه ساره: اجل التحفه اجل رهف: يووووه منك سكوووت حصه: ساروه ساره: هلا حصه: منو هذاك اللي لابس تيشيرت اسود ساره: أي واحد اللي بنطلونه جينز ولا بيج حصه: لابيج ساره: ايه توقعت هذا مشعل ولد عمي حصه: هذا مشعل ولا تركان ماشاء الله مزيون رهف: شكرا حصه: انتي شدخلج رهف: اخوي حصه: اها طيب ليش ما طلعتي حلوه شراته رهف:هههههههههه والله مدري شوفي اللي لابس ثوب هذاك اخوي الكبير حصه: هذاك من قعد وهو ساكت كانه تمثال رهف: هو دايم كذا ساره: ايش رايك بهذاك اشرت على نواف حصه: ملييح بس طبعامايجي شي عند مشعل ندى: كانت مركزه معهم يوم انتبهت ساره لها جابت طاري نواف ++ نواف طول الوقت يطالع ندى وهي ولا على بالها مطنشه جهت الرجال بس تناظر الحريم وتسولف على البنات + + + + اذن العصر راحوا يصلون العنود: يالله بنات بنروح للسينما رهف: لا تكفين ما ودي العنود: من شاورك بتروحين غصب بعد عده اراء ومحاولات اقناع ركبوا السيارات وجاء معهم سيف وشمه وحصه + + بالسياره مروان: عمي انا عندي لك مفاجاه سلمان: والله وش هي؟ مروان:أنت متزوج مشاعل صح سلمان:ضرب السكان وأنت وش دخلك خلك بمفاجتك ولا قد تقول اسمها مروان: أقول لا يكثر تراها بنت خال أبوي واسمها اعرفه ماله داعي طوال هالسيره سلمان: لا تقول اسمها مروان: عمي اسمع لا تصير ثور سلمان" من هو الثور ؟ مروان: رامي....بس أنت خلني اقولك وش المفاجاءه سلمان: عطنا وش عندك مروان طلع من جيبه شريط جابر الكاسر اللي اسمهيا مشاعل : مروان : خذه واسمع الاغنيه ولا اقولك شغله هنا سلمان: مستانس جالس بيناتهم كأنه شيخ هو شاف مشاعل ولا ماشافها: لا لا بسمعه بعدين بلحالي على رواق مروان: خذ راحتك ++ وصلوا وعند شباك التذاكر كانت المعركه :البنات يبون هندي والاولاد رعب بعد حرب ضاريه دخلوا فلم مصري صف كامل لهم جهه أولاد وجهه بنات بنص نايف ونسايم وبالنهايه سلمان ومشاعل ++ جلسوا يشوفون الفلم جت حركه مش ولا بد مروان: هييه بنات سكروا عيونكم نواف: لا خلهم هم على وجه زواج << يناظرندى ندى ودها تروح وتنتف راسه فهده: يا زينك ساكت ولا وحده فيناوجهه انها تتزوج نواف: أنتي وش دراك تعرفين اللي بالقلوب فهده: عادهذي صعبه اعرفها بس توقع عبد العزيز: لا تتوقعين أخاف تنصدمين بشي فهده أنواع الفشيله التي لاحدود لها واحد وراهم مصري: مش حتسكوتوا بقى مش كفايه ده ابو عضلات مش مخلي مقال الواحد يبص(يقصدنواف( سلمان: بس بس فشلتنا عند إخوانا المصريين **************
|
#128
|
||||
|
||||
صباح / مساء الخير لجميع متابعي رواية حب في الجمس من أعضاء وزوار
وعساكم على القوة ومشكورين يا عزيزاتي فرووحه و mona.moon ويادلوعه ياهلافيك واكيد يهمني رايك يالغاليه وانتظره على احر من الجمر وتسلمين يا نكييته على متابعتك الرواية واتمنى انها تعجبكم وتستمتعوا باحداثها وشكرا للجميع غلا قحطان
|
#129
|
||||
|
||||
مشكوووره على هذا الجزء
وننتظر الباقي
|
#130
|
||||
|
||||
مشكوره
بس لاتتأخرين كثير
|
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |