العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
أحد أقربائي كان يشكي لي000000والحين!!!!
بصراحه أنا ماكان ودي أتطرق للموضوع لكن يوم دخلت المنتدى وقريت أشياء تضيق الصدر
وتكدر الخاطر وأنا أبقول لكم قصة واحد من أقربأئي المحارم طبعا وهو الله إنه بمثابة أخووبعد ما أستأذنت منه طبعا أبقولكم القصه لكي يستفيد منها الجميع وتراها ماهي قصه عجيبه ولافيها أشياء مهمه كثر ما فيها من أشياء نستفيد منهاوالحين أخليكم مع القصه وتراها طويله شوي (ما أدري ليش أحب أحكي كل شي) (القصه الله يطول بعمر الجميع0000 فيه قريب لي (رجل) متزوج له تقريبا 13سنه وعنده أبناء أكبر واحد منهم بالمرحله المتوسطه00000في بداية زواجه يعني السنين الاولى كان يطلب مني المشوره في أشياء تمر عليه في حياته الزوجيه وأحاول إني أشير عليه بالشي الي فيه مصلحتهم جميع أقصد هو وزوجته,,,,,أحيان يقول إنه كثير تزعل لداعي ولغير داعي وأحيانا تهملني تهمل مشاعري وجودي في البيت أحس إني مالي أي أهميه بالنسبه له,وطبعا كنت أحاول أبرار له تصرف زوجته وأحاول إني أعذر له يعني أقوله أكيد الاطفال يلهون المره شوي,,, وأحيان أقوله الحرمه تتعب أكثر من الرجال في شغل البيت وهكذا من الاعذار اللي تمشي الحال لآني أدري أنه يحبه وبجنون 000000وبنفس الوقت أنا أشوف زوجته بالمناسبات وأحاول أجلس معها وشوي شوي أدخل معها بالموضوع وأحاول أستدرجها0000 مثلا أقوله وش أخبار الحاله النفسيه إنشاء الله مبسوطه والله شكلك يقول إن عندك شي مضايقك تصدقين باين من عيونك والأنسان إذا كان متضايق مايصدق أحد يحركه وأنا لا أمدح نفسي أحاول بقدر الامكان أوًصل لقريبي الحلول بدون مايدري إني أكلم زوجته بأي شي يقول لي: أذا زعلت ماتكلمني إلا براس خشمه 00قلت له:أنت ماتشوف إلا الظاهر منها وهي أكيد فيها شي ما تقوله لك وربما إنه قالته وأنت مادورت على حل وربما إنك ماتأخذ وتعطي معها إذا شفتها متكدره وأحيانا يتصل فيني ويقول يالله هذا اللي تبين من شي يعيشه وأنا دائما أذكره بحبه إأنه إذا يقدر يتزوج ثانيه ويريح نفسه وماهي إلا دقايق إلا ويقول يعني برأيك وش أسوي معها هنا يجي الكلام (لآن المحب لايمكن يدور شي يغثه فيه)صح كلامي ومرت السنين وهو الحمدلله الايام اللي يعيشه سعيد أكثر من الايام الحزينه وهاذي سنة الله في خلقه يوم لك ويوم عليك يقول الشاعر وأنا هذا البيت بصراحه حاطته قاعده عندي وأمشي عليه (قل لمن يحمل هما أن هما لن يدوم000000مثلما تفنى السرور هكذاتفنى الهموم) حبكة القصه عند النقطه اللي أبي أقولها لكم وهي أنه قبل تقريبا سنتين جاء لمي قريبي هذا بعد فتره تقريبا شهرمع إنه يتصل علي لكن يسلم ويشوف أخباري لكن أقصد إنه جاء بعد شهر من عدم الشكوى جاء وهو يضحك وأنا ضحكت عليه يوم شفته لآنه أكيد مايجي إلا يشكي ,, وإلاضايق صدره وشلون يضحك!!!!! أخاف إن الرجال يطبق المثل اللي يقول (شر البليه مايضحك) كان يجي ويجلس و يتقهوى عندي ويفضفض وبعده يطلع لكن هالمره داخل وهويضحك قلت اللهم أجعله خير جلس وقال: أبشرك قلت: وش السالفه ضحكك والله حيرني قال: الحمدلله أمورنا تغيرت أقصد خلاص ما راح أقولك شي وأغثك قلت: الله يبشرك بالخير لكن قلي كيف؟؟!!! كنت متحمسه أعرف الاحداث وش اللي صار بالضبط وكيف صار التغيير(تدرون وش قال) قال بصريح العباره (أنا من زمان كنت أقول متى ينصلح حاله(يقصد زوجته) وتصيرحبيبه وزوجه ومع كلامك صبرت وسويت تدريب له زي ماقلتي يعني أتحمل وأصبرعلشان حبي وبنفس الوقت أحاول مره ومرتين ومليون وأعطيته فرصه تثبت وجوده في حياتي0000000 يعني أرخيت الحبل شوي 0000إلا كثير (وضحك ضحكة المنتصر) والحمدلله رب العالمين إني أعيش أحسن أيام حياتي الفتره هذي) أنتهى كلامه,,,,,,,,,,, وأنا هاجه أثمي من الوناسه بصراحه أجمل شي بالحياة تشوف واحد سعيد وبعد فتره جاء عيد الفطر اللي راح وشفت زوجته بالعيد وماصدقت أشوفه أخذته على جنب وقلت له ( الراحه النفسيه باينه من عيونك وبالفعل السعاده تبين على الوجه لكن أنا ما أبيها تحس إني أدري بشي عن حياته المهم جلست معها تقريبا ساعه حكت لي إن زوجه تغير وبدا يفهمها وأنها توها تحس بحبه الحقيقي تقول ودي يجلس قدامي مايطلع ودي أعوض السنين اللي راحت من عمري قلت له الله الله فيه تراه0000000000 وأعرفه رجل حكيم وحبيب ولين صحيح عصبي شوي بس بسرعه ينسى كل شي وبعدين قلت له أستغلي اللي باقي من أعماركم وعيشو السعاده والحب بكل ماتحمل الكلمه من معاني بعد تقريبا شهر من العيد أقصد هاليومين كان قريبي مسافر عنده شغل برا وبعد كم يوم من وصوله أتصل علي يسلم ويسأل عن الحال قلت له وش رأيك تجي تقهوى معي أوما صارله داعي الحين قال بالعكس أنا محتاج رأيك بشي ,,,لكن تدرين أنا بكرا المغرب ماعندي شي وش رأيك أجي أتقهوى معك مشتاق لقهوتك 0000000000 قلت له: الله يحييك ومن ذيك الساعه إلى إن جاء وأنا ألف سؤال يدور في ذهني ياترا وش عنده (لايكون رجعت حليمه لعدتها القديمه) الله يستر رن جرس الجوال قال : أنا عند الباب أفتحي دخل وجلس وهو تقل يكر بشي وما أدري وشو تقل مبسوط وبنفس الوقت يفكر تقهوينا وبدت السواليف قال: أن أحب وحده قلت: وش ذا العلم أفا والله ماهقيتك كذا يابو فلان قال:لاتفهميني غلط طال عمرك أنا أقصد أني أعيش حالة حب مع زوجتي قلت:برده الله بالعافيه والله إنك هبلتن لكن كيف ؟وأنت قبل ماكنت تحبه؟ قال: إلا وأموت فيها لكن كانت المشاكل اللي بيننا زي الغطاء الشفاف اللي ما أشوف معه زين0000تدرين الحين إني ما أقدر حتى على تكدير خاطره وتدرين إني لازم أشوفه قبل أطلع وأحط عيني بعينه علشان أدري هي راضيه أو لا يا أم0000000والله إني أحس إني عمري 25سنه واني مراهق (أخاف من المراهقة المتأخره) قلت:طمن بالك أنت توك تعيش حياتك صح أقصد يوم بديت تحط عذر لكل شي وتحاول تفهم حياتك أكثر أنت كنت تقدر تعيش هالحب من زمان لكن وش أقول0000000 حكيت عليه لين تطمن إن المرحله اللي يمر فيها هي الوضع الحقيقي لمن يحب ويعيش مع من يحب جلس أكثر من العاده يني طول شوي بس أرتاح وتطمن إنه يعيش حبه الحقيقي اللي كل واحد منا لازم يعيشه ولايضيع شي من عمره بأشياء ماتستاهل وزي ما قلت لكم الحياة تبي شوي صبر وشوي تضحيه على كم كلمه حلوه علشان تصير الحياة أحلى وأحلى والحين وش رأيكم 0000000000000 دعواتي للجميع بحياة سعيده وقليلة المشاكل لانه مستحيل حياة بدون مشاكل
|
#2
|
||||
|
||||
ماشاء الله تبارك الله
الله يوفقنا واياهم ويعطينا مما عطاهم يعطيك العافيه أم اليسر
|
#3
|
||||
|
||||
الف شكر لك ام اليسر فعلا لو الوحده منا او الزوج مايدقق على كل كبيره وصغيره ويحاول يتعايش مع وضعه دون الشكوى والتذمر مع الصبر والاستغفار
راح تكون النتيجه بالقادم اجمل لهما كلاهما والله يوفق الجميع
|
#4
|
||||
|
||||
يارب يتمم عليهم ويسعدهم دوووووووم يارب
وعقبال ما يجي دوووري مثله وتنحل عقدنا مشكوره ام اليسر |
#5
|
||||
|
||||
الله يسعدهم في الدنيا والآخرة
يسلمووو على القصة تحيااااتي لك
|
#6
|
|||
|
|||
الله يتمم عليهم ويوفقهم يارب العالمين
|
#7
|
|||
|
|||
الله يوفقهم ويسعدهم وايضا شكرا لك من الاعماق على جهودك في لم الشمل وتقليص حالة الزعل
والخصام بينهما بارك الله فيك ومن عمل شيئا يلقاه 0 تحياتي 0
|
#8
|
|||
|
|||
للجميع كل الشكر والتقدير لمرورهم الكريم
|
#9
|
||||
|
||||
الله يجزاتس خير اختي ام اليسر
المهم الواحد يفهم اللي قدامه ويحاول يعدل طريقته اذا هي مش ولابد
|
#10
|
||||
|
||||
ربنا يوفقهم ويوفقك انت بعد لانك تعاملتى معهم بطريقه جيده
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |