|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#91
17-03-13, 08:40 AM
|
||||
|
||||
كان كاتب لغز الاسبوع الماضي الشاعر مشواح ثامر الشمري من الرياض ويقول:
ابنشدك ويش رجال يصول ويجول ماتذبحه بندق ولا يطعننه رماح من فوق رجال ثاني بالمسير محمول احيان ياتي لنا بالليل ونوب صباح وقد توصل للحل شعرا مشواح ثامر نشد وأنا جوابي يقول يامرحبا به عدد ما رف رمش وجناح بَرّقت باللغز وأرمع بالغبار الحلول سبحان من أرسل الرياح فيها لقاح صلاح بن عبدالله اليابس - رحيمة يالله بنو(ن) بروقه يوم يبرق يهول على ديارعزيزه غيثه يقال طاح يصفي هواها من غبار يصول ويجول ولأرض الفلا تكثر الجيات هو والرواح احمد ناصر المحرج - الرياض يامرحبا ياهلا مشواح عمره يطول على الهدى والتقى واعمال كله صلاح اللغز حله هوى وغبار تقدر تقول اي والله انه يجي بالليل وايضا الصباح محمد حبيب الحربي - البدايع اللغز يا مشوح نحله ودوك الحلول ثم نرسله للخزامى بالمساء والصباح ارسلت حله سريع بوقت ماهو يطول هذا غبار تكون مالنا به نطاح فالح غازي الحربي - القصيم قريت لغزك يابن ثامر وحسب الأصول ارسلت حله عسا يكتب لحله نجاح في وقتنا الحاضر ومن قبل وقت الرسول (نفيض) بعد المطر يتبع هبوب الرياح عبدالله محمد أبووقيان - الدوادمي لغز الاسبوع كتبه الشاعرمحمد عبدالرحمن ابو دحيم من البدايع ويقول: يا ويش عذرا ما احد يقدر يسابرها ما هي تكلم ولا شيفت مواطيها مكانها غالي والكل خابرها له صاحبن واحد يعرف خوافيها
|
|
#92
23-03-13, 03:26 PM
|
||||
|
||||
|
كان كاتب لغز الاسبوع الماضي الشاعر محمد عبدالرحمن ابو دحيم من البدايع ويقول:
يا ويش عذرا ما احد يقدر يسابرها ما هي تكلم ولا شيفت مواطيها مكانها غالي والكل خابرها له صاحبن واحد يعرف خوافيها وقد توصل للحل شعرا لغزك سمعناه في عالي منابرها خطب بها الشيخ ثم بين حسانيها النيه الطيبه يا طيب عابرها محلها القلب يوم القلب حاويها صلاح بن عبدالله اليابس يامرحبا عد باطنها وحاضرها باللغز واللي كتب لغزه وقاريها النيه اللي بجوف العبد قابرها محلها القلب والله عالم فيها احمد بن ناصر المحرج يابو دحيم المحنك جاك وابرها ابر مع اللغز يا باخص موانيها النية الحل وكسر الرجل جابرها ربٍ كريمٍ رزق هافي سوانيها عبدالكريم الراشد التميمي يا مرحبا بك عد السنين واشهرها وإعداد نبت يدوب السيل واديها واللغز حله هي النية نحررها الله يصلح لنا الاعمال نديها علي رشيد الرشيد سلام مني لكم بأول وبآخرها اللغز حله نجيبه في مباديها واللي يبى الخير بالاعمال يظهرها والنية اللي مع الانسان ينويها فالح غازي الحربي الحل نيه وكل الخلق خابرها محلها القلب ما نعرف خوافيها مرات تسمع لها ومرات تخسرها كم واحد خاوته وانته مخاويها ناصر عبدالله السبيعي حي السبيعي عدد من طاع وامرها عذرا يبي وسط قلبه محتفظ فيها يعلم بها الرب لو بالنفس تضمرها النيه الليِّ بخير وشر ناويها فهد بن عقيل الطويان الحل عندي وأنا بالخير جابرها محلها القلب ما شيفت مواطيها والله هو اللي مسويها وخابرها والرمعه اللي رمعته هي حراويها فواز بن عبدالحمن العزاز النية اللي كثير الناس خابرها محلها القلب لو كثرت طواريها أي والله أنه بوسط القلب ساترها قالوا مطيه لا شيفت مواطيها حبيب فريح الحربي لغز الاسبوع كتبه الشاعر سعد صنهات السهلي من الدرعية ويقول: انا بنشدك عن رجل من الحرمه ترى ينحاش ولو حاولت تجمعهم ترى مانته بجامعهم اذا ما وجهت يمه يقفي كن فيه اخراش انا قلت الرموز الواضحه للي يدور
|
|
#93
24-03-13, 09:45 PM
|
||||
|
||||
|
صح لسانك انت وصاحبه
محاوله الليل والشمس
|
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| انواع عرض الموضوع | تقييم هذا الموضوع |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
