|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
25-07-08, 03:08 PM
|
||||
|
||||
أنا والخوال الخمسه<<<< قصه من العصر الحجري
السلام عليكم ورحمه الله وبركاته اخواني واخواتي الكويسين الطيب فيكم والطيبين جمعه مباركه على الكل والكل بحفظ الرحمن يا قصيمي نت مساكم / صبحكم الله بالخير <<< كل واحد ياخذ الوقت الي يناسبه  اكيد كل واحد فيكم يعرف غابات الأمازون بس انا ما اعرفها مدري وشفيهم ذابحينا فيها اللي يشوف يقول اطلق من حديقه القلعه بس ما علينا منهم ....المهم كالعاده وانا جالس بالشقه ومضبط المعسل والا يجي الدلخ صويلح وهالآدمي دلخ مسكين عنده انفصام بالشخصيه وعقليته عقليه ورع وعمره حدود الثلاثين واهله قاطينه عندي لأني الوحيد اللي ما يشكون فيه (بس على ايش يا حسره ) ودخلته عندي بالغرفه وقاعد يناظر التلفزيون وبالأخص البرنامج السياسي (( الدول المتغدمه )) وهذا البرنامج يبث على قناه السودان وهو برنامج مسابقات <<<تو تقول سياسي  وكان امنيه صويلح انه يشارك بهالبرنامج وكان يدق عليهم كل يوم الين رد عليك ذاك الخال وسجل اسمه وعطاه الموعد اللي يجي فيه وبعد اسبوع .... مع ان اهله ما كانوا موافقين بس بالنهايه رضوا ونشبولي اهله وقالوا رح معاه تراه صغير ولا يعرف مصلحته بس كنا طفرانين تسلفنا من الشباب ودبرنا اعمارنا المهم رحنا الخطوط واخذنا تذكرتين للسودان وبعد ما جهزنا اغراضنا دزينا المطار وركبنا الطياره ووصلنا بعد حوالي 30 ساعه يقولون لأن الطيار رابط حزامه وصاك على ايديه وماله خلق يعشق على الثاني (ماشاء الله خيالك واسع ) المهم وصلنا الى مطار السودان واخذنا تاكسي واستأجرنا شقه وجلسنا فيها وماصار على المسابقه الا ايام معدوده ورحنا نمنا وقلنا بكره يصير خير... قمت اليوم الثاني أدور صويلح الدلخ لكن ورحنا نمنا وقلنا بكره يصير خير... قمت اليوم الثاني أدور صويلح الدلخ لكن ما لقيته لكن لقيت ورقه مكتوب فيها: ((لو عاوز الواد صويلح ازرب على هازا الرغم )) وعطاني رقمه وآخر الورقه مكتوب فيها : مع تحيات عصابه سواد الليل جلاب الهموم ومن هنا تبدأ مغامرتي ووقفت على حيلي وفصخت الشماغ والثوب ولبست صروال جيشي ونظاره شمسيه وجبت قلم اسود وسويتلي سكسوكه المهم اني طلعت اطلق من رامبو ودقيت عليهم وقلت اسمع انت وياه: صويلح بتطلعونه من فوق خشومكم واللي ما تطولونه بخشومكم تطولونه برجولكم وبعدها سكرت السماعه وقلت بصوت عالي: هيا بنا للبحث على صويلح ..وقمت من الكرسي بكل شجاعه وطليت من الدريشه من اليمين وبعدين من اليسار وقلت بصوت عميق : مافي احد بكره بكمل البحث <-------------- الله من ثقل الدم... قمت اليوم الثاني وكلي امل اني الاقيه<---امل ولا عواطف (الله من ثقل الدم) وبعدين قلت خلني اجيبهم لما الاقي الخوال الخمسه .... وبعد برهه من الزمن دق علي واحد من الخوال اللي اختطفوا صويلح وقال: (آي انت الزاهر ما تبغى تاخد الواد سويلح قلتله بنقذه من فوق خشومكم يا سفله يا اوغاد يا بشعين وقمت اهايط عليه ومن هذا القبيل الين سكر السماعه في خشتي ولا استفدت شي من مكالمته الثانيه... الشي اللي نسيت ادورله تصريفه لما دقوا علي اهله وقالوا ها بشر وشصار عليكم ..قلت لا ابد انشاء الله يجي صويلح ومعاه الملايين ..قالوا ايه هين وسكروا السماعه .... وقلت في نفسي : ترى من جد مالي داعي اجحد اعز اخوياي <---- المشكله ما يعرف غيره لازم ادور عليه ..والعن ابو ابو الزوله وقلت : ايها الدلخ انا قااااااااااادم وبعدها بساعات دقوا علي الخوال الخمس وقالوا : ياخوي تراك ابلشتنا الظاهر عطيناك وجه ..عطنا الزبده بتجي ولا لا <---قفلت معاهم وقلبوا اللغه قلتلهم : لا خلاص بجيكم بس انتوا وينكم بالضبط قالوا تعال عند البقاله اللي تحت شقتك ...واحنا بنجي بنجي وبنركبك معنا.. ورحت عند البقاله والاقي ذيك الكورولا والزوله داخل محشورين وقالوا : انت خويه قلت هوا بزاتو وقالوا اركب معنا (قلت يبلنيطبتاطالطتبابت قالوا بلاتنتنالتنبابا) <<< هذي كلمه السر عشان اعرفهم  ونقزت معهم وانحشرت معهم ومع روايحهم اللي كأنها سروايل فسقان بس كنت صامل الى النهايه الين مسكوا فيني خط وحذفوني من السياره بس مدري وين بالضبط ودزوا ولا ادري ليه حذفوني وبعد ما مشيت بهالقطوع دخلت غابه كبيره ومليانه حيوانات غريبه قلت خلني اخربها واكمل الطريق بس سمعت اصوات غريبه وانخشرت لما جاني واحد اسود ضخم وبرطمه تقل مطعم بخاري <---- على باله يحشر وقالي الاسود : وشعندك هنا قلت ابد والله بس انا جاي من طرق عصابه سواد الليل جلاب الهموم وفي روايه الخوال الخمسه قال اقول اها بس انت وشلتك تعال اوديك عندهم ورحنا عندهم ويا ليت ما رحنا عندهم عددهم خمسه وكل واحد تقول فيه الزود اقصد الزود من حجمه وعرضه ونفخه صدره قلتلهم يا شباب من جد مالكم داعي ترانا منب راعي مشاكل نقز علي واحد مدري وشيبي ويقول في المدرسه تزعط وهنا تقمط <<<<اقول كل تبن قعدوا يطالعون فيني لمده ثواني الين لما جا واحد من الخوال وقام يرفع فيني وجلد ابو ابو ابوي وطبوا الاربعه الباقي وداسوا على بطنوا وبعدها وربطوني على شجره وجابو الدلخ صويلح وربطوه جنبي الله يصلحهم وتركونا ومشوا عيال ؟؟؟؟؟ قعدنا ساعات انا وصويلح وما بقى على المسابقه الا ساعتين .. بس جت وحده من الزوله وعطفت علينا وفكت الحبل وباستني على خدي ووصلتلنا الى الموقع حق المسابقه ووصلنا بخير ودخلنا الحمدلله وبدت المسابقه وكانت عباره عن سؤال واحد والفايز ياخذ 5 ملايين جنيه سوداني الزول قال السؤال.... والسؤال هو : كم عدد اصابع رجلك اليمنى صويلح الكمخه ما عرف الجواب وانتظر الزول لمده 5 دقايق ولا صمل ومهوب فاضي قاله بعطيك خيار واحد وهو (( 5 اصابع )) قال الدلخ ..اممم يمكني خمسه قال الزول مبروووووووووووووووووووووو وووووك ربحت الخمسه ملايين الصراحه وقتها جانا تصفيق حار من 5 من اللي كانوا يشاهدون البرنامج الماصل ووقتها فرحت وجتني الصيحه من الفرحه والله ما تتوقعون كيف كان موقفي لما فاز هالدلخ يعني مدري وشقولكم بالضبط <<<< اها بس اقول كل تبن المهم رحنا البنك السوادني عساس نصرف الخمس ملايين <<<في شي يضحك ولما طبينا البنك وحاطين قروشنا بالشنطه الدبلوماسيه ودخلت على الزول وقلناله الله لا يهينك اصرفها لنا سعودي قال من قلت ايه المهم اخذ القروش وقعد يحربش بالدرج حقه وجيت فتحت الشنطه عشان ادخل القروش ولا احد يعطينا عين ولا يحسدنا طلع الزول الفلوس وتتوقعون كم عطانا 7 7 7 7 7 7 7 7 7 7 7 7 7 ابن الكسول عطانا 500 ريال ويقول ان المليون جنيه سوداني تسوى 100 ريال سعودي قمت وصرخت عليه وقلت لابوكم لابو اللي يجي عندكم يا عيال ال(...... ) المهم رحنا انا والدلخ صويلح واستأجرنا اربع خوال وطبينا على الاستوديو حق المسابقه ولعنا ابو ابوهم وانحشنا وبالـ 500 ريال ..صرفناه على النقل الجماعي اللي رجعنا الشرقيه وبعد ما وصلنا هناك طبوا علينا الشباب اللي يبون فلوسهم واحنا ما عندنا ولا ريال وراحوا واشتكوا علينا عند الشرطه وجرجرونا الشرطه وقطونا التوقيف  وبعدها جلس يمي صويلح الدلخ وقال اكلنا وشربنا مع بعض سهرنا وضحكنا مع بعض درسنا وتعلمنا مع بعض سافرنا ودشرنا مع بعض وكل شي سويناه مع بعض حتى اننا كنا مع بعض وكان كل واحد مننا مع بعض <<< احد يسكته ذا استرو على ماوحهتم وعفا الله عمى سلف جمعه مباركه 
|
|
#2
25-07-08, 04:55 PM
|
||||
|
||||
|
ههههههههههههههههه
 يسمر ولنا عودة بإزن الله 
|
|
#3
25-07-08, 04:59 PM
|
||||
|
||||
|
تسجيل حضور
لي باك
|
|
#4
25-07-08, 05:07 PM
|
||||||||||||||||||||||||||||||||||||||||||
|
||||||||||||||||||||||||||||||||||||||||||
هههه، تصدق، مع هالوصف كأني اشوف رامبو من جد
بالله تبوسك على ايش؟؟؟؟ يمكن عشان السكسوكة هههههه مشكور نواف ولا عدمنا قصصك ومغامراتك
|
|
#5
25-07-08, 06:00 PM
|
||||
|
||||
|
هههههههه ..
مشكوور نوااف ..  و يسلموو ع المغاامره الحلوه .. 
|
|
#6
25-07-08, 06:02 PM
|
||||
|
||||
 مغامرات خطيرة يسلمووووووووووووووا
|
|
#9
26-07-08, 02:01 AM
|
||||
|
||||
 خطييره هالقصه  بس أنتوا وش نقزكم السودان  < < جات اللي أدلخ من صويلح  يسلموو على القصه الحلوه 
|
|
#10
26-07-08, 04:00 AM
|
||||
|
||||
|
واااو (مغاااااااااااااااامرااااااااااااااااااات نوااااااااااااااااااااااااااااف )<<تجنن تابعوها على قناة منتديات قصيمي نت
<<ترا اسوي لك دعايه  ................. اكلنا وشربنا مع بعض
سهرنا وضحكنا مع بعض درسنا وتعلمنا مع بعض سافرنا ودشرنا مع بعض وكل شي سويناه مع بعض حتى اننا كنا مع بعض وكان كل واحد مننا مع بعض <<<<حتى انا ارد عليك مع بعض خخخخخخخخخخخخ
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
ـب واغليته؟!
....!! 
العرض العادي
