العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
عـــــذرآ زوجي الحبيب فأنا أكره حتى رائحتــكـ !
السلام عليكم يالغوالي
كيفكم ان شاء الله تكونون بأتم صحه وعافيه وكيف الأجواء معكم مع تسكير المكيفات وشم الهواء النقي .. ماعلينا ندخل بالموضوع اللي جاء على بالي هالصبحيه مدري ليه يمكن إلهام فكري طبعا الموضوع واضح من عنوانه وهو مهم جدآ خاصه للمتزوجات اللي مروا بهالمعانات كان الله في عوننا معشر النساء الموضوع ومافيه يالغالين << اخلصي عاد إن الوحده ماشيه حياتها وش حلاتها مع حبيب القلب مازولا وفجآه حتى ريحته ماتطيقها ولاهي قادره تعيش ببيتها والسبب هاللي شرف في بطنها طبعا الحمل .. أغلب النساء تشتكي من الوحاااام الشديد وياكثر اللي صاروا يتوحمون بأزواجهم ولاهم طايقينهم وأنا وحده من اللي عانوا والله ياهي معاناه لكن وش المشكله اللي أبي أوضحها ليه مافي أي تفهم من طرف الرجال إلا القليل منهم !! تلقى الوحده تتعذب قدامه وهو يقول دلع بنات ! هذا إذا صبر عليها والطامه الكبرى إذا هم بأول زواجهم وقال المره ماتبيني وذبها ببيت أهلها وهي الله أعلم بنفسيتها !! ليه مافي ثقافه للرجاجيل قبل الزواج المفروض كل واحد يكون عنده فكره عن الحرمه وعن نفسيتها والظروف اللي ممكن تمر فيها والله إن أزمة الوحام عندي أردى من الشهريه .. ليه مافيه تفتح من قبل الأهل لعيالهم المفروض يعلمونهم إن الزوجه تمر عليها مثل هالأحداث ولازم تراعيها .. والله وحده من قريباتي من حملت وهو راميها عند أهلها المشكله مالها غير كم شهر متزوجه حتى ولدت يقول ماتبيني ونفسيتها معي مهيب زينه وأنا أدري انها متوحمه فيه حتى ولدت همن قالوا راحت العين ابشركم ورجع لها خخخخخخ أي عين ياناااس ماتدرون إن نفسية الحامل تأثر حتى على جنينها !!! طول حملها محتاااجه من يراعيها وياخذ بخاطرها وأبو الشباب مبشك يقول ماتبيني وين أهله عنه ليش مانبهوه لهاالنقطه كلها كم شهر وبالأغلب 3 شهور الأولى وترجع لطبيعتها .. ؛؛ هنا ودي أنبه لنقطه للمقبلين على الزواج أقول لاااحقين على الحمل وغثاه تمتع أنت وحبيبتك ع الأقل سنه وبعدها بكيفها لو تحمل والسبب إنك تخف شوي من اللهفه عليها إذا تنست فيك غير كذا تكون عارف إنه لاعين ولاهم يحزنون هذا شي خارج إرادة الزوجه للتغيرات اللي تحدث في جسمها غير الغثياان والحاله .. حتى مزاج الوحده يقلب فوق تحت سبحان الله تلقاها حتى تبكي وتحزن بدون سبب واسألوا مجررب هذا من جهه و(((( البروووووووود)))) اللي يصيب الزوجه من جهه أخـــــــــرى والرجال قليل اللي يعرف هالنقطه فتلقاه يلومها ليش انتي بارده فيك ومافيك وهو غصب عنها لأن بهالفتره تتغير الهرمونات من امرأه عاديه إلى هرمونات الحمل .. وهذا أمر يجهله الكثيـــــر من الرجال وحده من زميلاتي تشكي تقول تعبت معه خلاااص يقول ياتفاعلي معي ياماأبي ويروح ينام لحاله قلت قولي له إن كل الحريم كذا وفهميه النقطه يامالل منيب قايله مايكفي إنها حامله لك النونو ببطنها وتعبانه من شانك روح نام لحالك نامت عليك طوفه وش هالرجال << طبعا قلتها بنفسي طولت عليكم يالغاليين لكن خلاصة القول أنو لازم يكون هناك توعيه للشباب الوحده بهالفتره مثل مايقولون كافيها مافيها إذا زوجتك تنست فيك أو في البيت قدر هالشي وكلها فتره وتعدي بإذن الله وفكر باللي جاي اهي محتاجه لك ولمساعدتك نفسيتها ترى ماتتحمل خفف عنها ابسطها عطها دافع إنها تحمل لك مرات ومرات أسأل الله أن يسعد كل من قرأ كلماتي ويوفق المتزوجين ويرزق العزاب ويخفف عن المتنسياات ويخلف لي خيرآ في حملي السابق ادعوا لي ياأخوان كتبته الدرعاويه على عجــــــل من أمرها استودعكم الله ,,
|
#2
|
||||
|
||||
اسمح لي ابدي اعجابي بقلمك وتميزك واسلوبك الراقي وتالقك
|
#3
|
||||
|
||||
موضوع رائع ويناقش مشكلة يقع فيها الكثير من المتزوجين حديثا لانهم يواجهون اشياء ماتطري على بالهم وخصوصا ان التثقيف حول هالاشياء شبة معدوم لذلك مانقدر نلوم الشاب اذا لقى زوجتة وفي لحظة معينة تنفر من تواجدة امامها ولا تستسيغ حتى الجلوس معة فتصرفة ردة فعل طبيعية لنفور الزوجة ولكنها مرحلة مؤقتة حتى تعود الامور لطبيعتها ومن بعدها بالتأكيد راح يكتسب خبرة كويسة تخلية يتمتع بمناعة طبيعية ضد النفور الغير متعمد دور الزوجة في هذة الحالة يكون بطمأنتة بان الامور وقتية وغالبية الحريم يمرون بنفس الوضع ومن المهم ان يتثقف العرسان حول مثل هالامور حتى تعدي ايام الحمل الاولى على خير وعلى الرجال تقدير ظروف ووضعية زوجاتهم ومحاولة التقليل من ردة الفعل ومحاولة الرضا بالامر الواقع وان الغالبية يمرون بنفس الوضع ودمتي بود
|
#4
|
||||
|
||||
هلابك درعاويه
الله يعوض عليك ويفرحك بنظرته وانتم في صحه وعافيه آآآآآآآه من الوحم فعلآ يجب على كل زوج قبل يتزوج يفهم هذه الحقيقه وعلى فكره فيه زوجات يحملون بردآ وسلاما ماشاء الله عليهم الله لايحرمنا الاجر يعطيك العافيه
|
#5
|
||||
|
||||
حياك الله درعاووويه..عاش من شافك
مبروك الزواج والحمل.. .. صدقتي اغلب الرجال مايتفهمون حالة المراه الحامل..يبي لهم دورات خاصه قبل الزواج. المسكينه تلاقيها من قرف الحمل والا من زوجها الاناني. .. من ناحية البرود وقت الحمل ..مستغربه هالشيء يالغلا المعروف انه الحامل تزيد رغبتها لزوجها ..حتى لو كانت متوحمه عليه . بس ممكن يختلفون الحريم. .. الف شكر لطرحك الحلوو.
|
#6
|
||||
|
||||
آسفه ماانتبهت انك اجهضتي.
الله يعووضك خير .هذاني كذا مره اجهض والحمدلله عندي ولد وبنت. الله يرزقك الذريه الصالحه.
|
#7
|
||||
|
||||
معليش درعاويه ما اقتنعت بالكلام
كل شي يالحريم تحطونه على تغير النفسيه هالكلام ما نشوفه عند حريم اول
|
#8
|
||||
|
||||
مامدى صحة مقولة الوحم وهم؟؟؟
|
#9
|
||||
|
||||
وهالمره ماتشوف له شي ثاني توحم عليه
لازم الزوج المسكين يعاني عموما الف شكر معلوماتك جميله وانا اشوف اذا المره انحاست نفسيتها .ودها لبيت أهلها لين تولد اريح لكم جميع
|
#10
|
||||
|
||||
اوه دراعاويه انور القسم والله يعوضك خير وجعله ربي شفيع لتس في يوم لا ينفع فيه مال ولابنؤون اما عن تفهم الرجال اشوف انهم محتاجين لدوره مكثفه من هالناحيه لان بعضهم حبوب متفاهم وبعضهم ماهمه الا نفسه والله المستعان اذكر مره وحده توحمت في زوجي احس ان له ريحه كريهه بسم الله عليه وكنت صابره ما اتكلم الامره دخل علي و كنت جالسه مع اخوي والنفسيه كانت مش ولابد وحطيت يدي على ثمي قال وش فيك مدري وشلون اعترفت وقتها قلت اشم فيك ريحه شينه قال توني متروش كسر خاطري بعد هالوحم له عجايب وخارج عن ارادة الوحده حتى مره رايحه موعد لي وشفت طفله ما مشطت شعرها امها على طول الحمام الله يكرمك ينادون علي وانا في الحمام اي شي كان يقرفني ويثيرني وقتها يالله اجرنا عظيم الله ان شاءالله عند الله ماهو بالامر الهين التعب هذا كله موضوع قيم وطرح جديد ولاهنتي
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |