سكري بعد التقاعد شغال مشاوير في اوبر وكريم

[روعة ملاكـ]

اقتباس: المشاركة الأصلية كتبت بواسطة سكري حالي     قوود ايفننق ومساء الايفنت كنت راجع من الخبر ورايح الدمام .جاني طلب من فندق المنزل بالخبر رحت يمه ركبت بنتين قلت علي وين قالوا الدمام ضاحيه الملك فهد ومن يوم اركبوا وهم يتكلمون عن الايفنت الي مسوينه في الفندق والسلبيات والايجابيات الي فيه طبعا عرفت انهم من الاعضاء المنضمين في الايفنت الي مسوينه قالوا معليش ازعجناك ياخوي بالكلام حنا عندنا ايفنت عائلي في الفندق . وياريت تشرفنا انت والعائله بكره وترا فيها جوائز وهدايا للاطفال قلت ابشروا بنجيكم قلت الدخول برسوم قالوا الدخول مجانا. وشوي لوحده من البنات قالت الله يعافيك وقفنا عند اي مطعم بالطريق جوعانين علي لحم بطونا ماكلينا شي قلت الحين انتم تعبانين من تنظيم الايفنت ولا اكلوكم شي والوقت متأخر مايمديكم ويش هاذا منه المسؤول الفاشل عن الايفنت سكتو ماردو قلت لو أنا اشتغل في الايفنت ماطلعت الا لين يجيبون لي عشاء هم ساكتين ماردوا وانا ابي أشعللها قلت بكره اشرطوا عليهم يجيبون لكم اكل. قالت وحده معصبه أنا المسؤوله عن الايفنت تفاجئت من كلامها وخويتها قامت تضحك وتقول ترا بكرا ماني جايه الا عقب ماتوفرون لي عشاء قالت بطقاق الي يطقك حيلهم بينهم تورطت مادريت ان هاذي مديره الايفنت قمت اغير الموضوع قلت ويش تبون عشاء انحرجت منهم حتي اني كنت بقول لهم ترا عشاكم علي حسابي وقفت عن مطعم وجبت لهم سندويتشات شاورما علي طول فكوا السنويشات بالسياره العالم جياعه ومعصبه فكوا الاحزمه نهايه مشوارنا من يوميات ركن المشاوير . الي القاء

اشين شي تنسي تاكل وتذكر انك ماكلت وقت متاخر
وتاخذ لك وجبه وتاكلها بعجل ماتستمتع فيها
الهدف سد جوع بس الاكل اذا مو استمتاع ماله طعم

متابعه للان تعبت من القراءه بس اسلويك بطل 👍

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     جاني طلب بالفيصليه ورحت لمووه .. قوقل يقول وجهتك علي اليمين .كان محل ستار بوكس . وشوي يطلع لي ولد قال استناني بطلب قهووه واحبك😂 قصدي بطلب قهووه واجيك عندي معاناه في لوحه المفاتيح لما ابغي اكتب حرف الجيم يطلع حرف الحاء وشكله بيورطني في يوم من الايام😂 المهم قال لي. ويش تشرب قلت شكرا ماتقصر . رجع لي وسلم علي وهاتك سوالف قال أنا خذيت فرصه اشرب قهوه وارتاح شوي لاني جاي من الرياض مع اهلي ولا طلعت ولا رحت ولا جيت والحين بنروح نجيبهم من بيت خالي جعله الخواء أنا لأقيهامن اهلي أو من خالي الي مقفلين الباب علي مايبغوني اروح ولا اجي حتي موقع بيته مايعرفه قوقل يوديك لشارع الثاني قال بنطلع للمطار أنا واهلي عندنا رحله ويقعد يسولف ماشاء الله عليه يحب السوالف وبعدها قال روح لبيت خالي نجيب امي واخواتي. بعدها قال إذا ركبوا لاتكلم معي لاني مع اهلي رسمي ولا يعرفون اني راعي سوالف استغربت من كلامه المهم وصلنا بيت خاله ركبوا أهله شبت فيه امه وتصارخ عليه لك اكثر من ساعه وانت طالع من البيت والحين ماندري نلحق ولا مانلحق علي الرحله علمني وين رحت وشفيك تاخرت قال ويش اسوي ماجاني الرجال الا متاخر حطها فيني بغيت افشله بس قلت لا إنه رجال وبغا يعزمني علي كافي وكذا قلت مانيلا مغسله يستاهل الشقردي توجهنا للمطار وهم يقولون شكل الطياره بتفوتنا خلاص معاد باقي الي نص ساعه والولد ماتكلم معي او مع أهله بكلمه وحده. وصلنا للمطار نزلوا أهله ومشيت بعد ربع ساعه اتصلوا علي قالوا تعال هنا الرحله فاتتنا . اخوكم سكري اصلا قاعد يستناهم اصلا ماراح 😂😂 لاني مابغيت اقولهم اذا فاتتكم الرحله اتصلوا علي بجيب لهم الاحباط رجعت خذيتهم قلت وين بتروحون قالوا رجعنا لنفس المكان فالبنات يقولون لامهم صعبه نرجع لهم حنا ودعناهم وكذا. وحرمته ماقالت علي الله أنا نروح حتي أنا في نفسي أيدت كلام عيالها وأنهم مايروحون لبيت خالهم لأنهم جالسين عندهم اسبوع كامل وشكلهم حتي كانوا ماخذين غرفه النوم حقت خالهم . والحين حرمته مسكينه توها فاله شعرها تبي ترتاح وتنام يعني تخيل يطقون عليها الجرس ويش بيكون موقفها من حقوق الانسان😂 ياخي زمان الكلام هاذا الي جايين مسافرين ويقعدون عند احد من أقاربهم تغيرت الحين الدنيا وفيه شقق والهوايات تاخذ راحتها بدون مايضيقون علي احد عقبها اتفقوا اني اوديهم شقه مفروشه ويزبطون لهم حجز ويمشون بكره الرياض. فكوا الشعر قصدي فكوا الاحزمه وصلنا نهايه رحلتنا من يوميات ركن المشاوير.

اجل فلت شعرها بتنام
هههههههههههه



ياعليك طرح ✌


كثير الكلمات الي توهق بالكيبورد

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     شوف ياغريب الولد اول ما شفته ماشاء الله عليه شقردي ويحب يسولف بس مادري ليش هو مع أهله رسمي شكله معقدينه وضاغطين عليه في البيت بعدم الخروج وكذا وتعامل أهله معه جفش شوي وفيه خشونه عشان كذا هو متعقد وساكت .

اشوف حتي لو الاهل اسلوبهم مو حلو مع الولد
الولد المفروض مايكون سلبي
يعزز الثقه بنفسه ويفرض علي اهله شخصيته
ماعجبني كذا يكون

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

وش عنده ساهر 🤪

مشاركة هذا الرد في Google Facebook Twitter Digg

أنت معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     عيدكم الثوب الحرير والجديد. .... يوم ثاني العيد سكري ينطلق يدور المشاوير ليعايد علي زباينه فيك الخير ياسكري في هالشموس تبي تعايد علي الزباين . بس هالمره مو لابس كبووس المره هاذي مرسم ترسيمه ومزود النشاء علي الغتره تقول ثعبان بس احس صاير رسمي بزياده جانا مشوار من ابو يزيد وصلنا عنده اول ماركب ويشوفني شافني مرسم وإطالعه علي جنب قلت من العايدين. . قال لا ارجووووك لاتعايد علي أنا باقي ماعيدت اقول في نفسي سلامات هالنفسيه قلت سلامات يابو يزيد قال لا تزيد الجروح سكت مارديت عليه قال وقف عند هاذا الخياط وبجيك جلست استناه تأخر علي نزلت اشوف ويش سالفته هالمقرود يوم دخلت عندهم عند الخياط لاهو مزحووم مروره ويتهاوشون مع الخياط سلمت عليهم وقلت كل عام وانتم بخير ماحد رد علي اصلا ولاعطوني وجه الي يقول وين ثيابي والي يقول والله انتعوضنا بفلووس.. ليله العيد جيناك وتصرفنا تقول تعالوا الصباح ويوم العيد تقول تعالوا الظهر وجيناك اليوم الثاني وتصرفنا. وأبو يزيد يقول عطني دراهمي الحين ولا باشوف معك صرفه لااحنا عيدنا مع الناس ولاانتم فصلتم ثيابنا وكل ساعه وساعتين رايحين راديين جايين عليكم واليماني يقول مثل ماقلت لكم ملابسكم باقي ماجهزت قلت يابو يزيد مشينا للسياره جاء معي وقلت ويش السالفه قال جينا يوم العيد نبي ناخذ ملابس العيد قال الخياط باقي ثيابكم ماخلصت اغلب العمال الخياطين الي عندي هربوا من المحل قبل العيد بيومين وتورطت ولا صرت انام الليل خايف من كلام الزباين والورطه الي تورطت فيها مادري ويش سالفتهم هالعمال قلت بسيطه قلت انا من يوم شفت الخياط وانا رحمته مسكين بوهته طايره مايدري ويش يسوي من الضغط عليه ووجه مبين عليه السهر والتفكير في هالمشكله . ولسان حاله يقول ودي اشري رضاكم ليله ليله الله يكون بعون كل الخياطين نلتقي معكم مع رحله من رحلات ركن المشاوير. الي اللقاء

المفروض يقدرون ظروفه الي حصل من غير قصد منه

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     البارح جاني طلب من حي الزهور .التقينا والقاء قسمه مقدر.. وصلت للزبون في المكان المحدد وبصحبته مجموعه من الحريم وقفت عندهم وبصوت واحد انت اوبرااااا حسسوني أني قائد اركوسترا قلت علي وين قالو نبي نروح نعزي علي ناسس في حي البديع بس قالوا نبي نقعد ساعه وبنكلمك وارجع علينا شفتهم في متوسط عمرهم ورايحين يعزون قلت مايخالف ناخذ اجرهم عقب ماوديتهم كلموني بعد ساعه اوبرااا قلت نعم أنا قائد الاركوسترا جيتهم ولما اركبوا السياره وبدأ الكلام مع بعض شفتم لطيفه خانت حيلي هدها المرض وكبرت وهي توها صغيره الله يهد حيل زوجها من عقب ما تزوج المغربيه . وحده تقول لهم تصدقون اول ماجاب المغربيه دخلها عليها في بيتها وهي ماتدري وناداها مسكينه قال تعالى سلمي علي زوجتي تقول تفاجئت وجاتها رعشه ومن ذاك اليوم وهي مهيب طيبه وجاتها الأمراض من كل جهه. وقالت استولت المغربيه علي البيت وتقول مره من المرات كانت المغربيه مهيب موجوده والعيال مافيه احد وراحت لطيفه عند زوجها شافته لحاله وقالت اروح اسولف معه اسليه. اسلي خاطري عن حب خلي غريب الدار ... يقولون يوم شافها طردها. وحده منهم قالت هاذا الي يجرون وراء رجاجيلهم هاذي كانت أول قبل مايعرس علي المغربيه كانت لازقه في زوجها من مايروح وهي وراه ماتخليه يتنفس . المفروض الحرمه تخلي زوجها علي راحته يسافر يروح يجي ماتصير خفيفه عليه والرجال مايحب الحرمه الي تراكض وراه يبغي وحده تلعن خيره وتخليه يهجول الين يحتاج لها ويجي يركع عندها عاد أنا مادري ويش اتصرف وانا اسمعهم . كاني لأسمع لاار لاتكلم أنا في نفسي ايد كلامهم أن الزوجات يخلون الرجال علي راحته يسافر يروح. هاذا الي تبغاه ياسكري وكل ماراح مشوار بسيط تلفون يرن وينك متي بتجي هاذي اعتبرها تقييد للحريه قبل مانوصل للمكان دقت وحده علي زوجها وهي تتغنج بكلامها لو سمحت يابو محمد يجلس عند جيراني نتقهوي ونسمر عندهم بس مانيب متاخره عليك وتقعد تكرر كلمه مانيب متاخره عليك قالوا الي معها والله انه يبغا الفكه منك عاد هاذي الحرمه تبين لهم الرومنسيه وماندري ويش وضعها في البيت . وصلنا نهايه مشوارنا في ركن المشاوير. الي اللقاء

ايوه هذا الي قلت لك في موضوع البرود العاطفي
الصديقات يبينن لصديقاتهم انهم في علاقه رومانسيه وهي الله العالم
بس وهم لصديقاتها وتغايرهم
اجل بنسمر بس مابغي اتاخر عليك
كثير صديقات كذا ههههههه

وبالنسبه للرجال الحرمه المفروض تعطيه حريته
عشان يركع لها الرجل يقدر يخلي زوجته تعطيه حريته
اذا اعطاها اهتمام خلاص هي ماتحتاج تلاحق وراه
هو مدللها ويداريها ويخاف عليها من الهواء الطاير
خلاص بيعيش حياته سعيد ورايح وجاي ومسافر ومبسوط
بس لو هو مو مدللها ويسافر ويروح وساحب عليها هنا تكره وتنكد عليه
مادري وجهه نظر


لازلت متابعه 👍

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     كل المشاوير الأيام هاذي اخذها بسرعه بسرعه عشان التذاكر السحب الي مسويته اوبر واكبر عدد مشاوير يكون أكثر فرص في السحب علي تذاكر دوبي مع الاقامه لمده اسبوع مع مرافقين محفولين مكفولين وكل مشوار أبغاه ينتهي بسرعه عشان البونس وعدد المشاوير حتي اهلي وديتهم للسوق وقلت اطلبوني اوبر عشان تجيني فرص الفوز بالتذاكر قالو اي تذاكر . تورط الاخ قلت كوبونات ومدري ايش . قالوا يعني بتاخذنا معك . قلت المسموح بس مرافقين اثنين. قالوا خلاص سجل لهم مرافقين اثنين من العائله والباقي تكفل فيهم علي حسابك الخاص غير السالفه ياسكري وصلنا البوابه انزلوا .

الله يرزقك من واسع فضله يارب
انت الي تستحق التميز
مكافح تشتغل علي نفسك
الله يغنيك بحلاله عن حرامه

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

29
ولي عوده

مشاركة هذا الرد في Google Facebook Twitter Digg

أنت معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     جاني طلب اليوم قبل المغرب من حي النزهه ومشيت علي اللوكيشن وقفت انتظر طلعت وحده لبنانيه . سلمت علي مساء الورد . شلونك خيي حتي اني اول مره ماعرفت ارد السلام . يعني هم كذا قالت اطلع لاشوف اودام . قالت هي زوجي بيستناني عند قصر الخليج توه طالع من الدوام وانا يفرجك يعني بتعلمني الطريق ياخي كلامهم غير . وهي تقولي حاسبب هوون انتبه للطريق .. كاني ياشيخ كنج وصلنا عند زوجها سلم عليا بايدك إن كان بخلت ايدينك. وبعدين قال معليش حبيبتي اتاخرت عليك . قال لي روح لطريق الخبر وكاله سيارات قال تعرف طريق الخبر قلت ايووه أنا رحت من طريق ثاني عشان اتحاشي الزحمه يقالك انك خبير الطرقات . المهم الطريق هاذا مقفلينه الي ابغاه . قال ياخي ليش جاي مع الطريق هاذا قلت هاذا أقرب بس تفاجئت أنه مقفل واضطريت اني ارجع مره ثانيه قال ياخي الوكاله تقفل الساعه 6 وانا شاري سياره لزوجتي من الوكاله ... دخلك يازين دخلك ياراكب الكادلك يارب تقوله بأس لابس فستان اخضر دخلك يازين دخلك قولي ياسيد الناس يالابس الالماس..... وقال مواعدينا الوكاله ناخذ السياره اليوم الساعه 6 . المهم تلخبطت وامشي وانا بدون تركيز عشان تاخرت عليهم وخربت عليهم الجو الحلو وصلنا للوكاله سته وعشر وحصلناهم مقفلين زعل زوجها وزعلت علي.. خربت الفرحه وكانو متواعدين باحتفاليه بالسياره الي أهداها زوجها عليها وكانو بيروحون للخبر ويتعشون وحركات بهاذي المناسبه خربت ام الرومانسيه عليهم ياسكري المهم رجعنا والسكوت يخيم عليهم وانا بالطريق وهم معاي اتصلت علي زوجتي وينك هلا مساء النور قلت انا معي زباين راجعين من وماكملت ماقلت جايين من الوكاله . لانها لو عرفت كان قالت وانا الحين كل يوم اترجاك اقولك علمني السواقه وانت كل يوم تقول بكره وهاذا اللبناني مهدي حرمته سياره .. يالليل الرومنسيات . طالت مشاااوير العذاب طالت امانينا سراااب نلتقي معكم في رحله من رحلات ركن المشاوير الي اللقاء .

لايهمك اللبناني وحرمته
والله انت اكشخ رومانسي



بس علمها السواقه خلها تنافسك في اوبر

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     مساء الافراااااح والاجازات والمناسبات السعيده وصل فخامتي الكابتن سكري الي موقع الطلب وكان في استقباله ومعيته في المراسم ثلاثه من الزباين . ركبوا وين ياشباب رايحين قالت وحده منهم لحي هجر انطلقنا . وقامو يتكلمون قالت وحده شفتم يابنات توه جاني اتصال من زميلتي تقول البارح زميلتها مسويه حفل عرس مادري عاد هو زواج او ملكه وصارت فيه أحداث وافلام اكشن قالت تصدقون المعرسه تهاوشت البارح مع اخت المعرس قالوا بذمتك ايووه كملي السالفه قالت جات اخت المعرسه عشان يصورون اختهم مع العريس وعقب ماصورت جات وحده من اخوات المعرس وانقضت على اخت المعرسه قالت ليش تصورين يالي ماتستحين علي وجهك يالي فيك مايخطيك وقاموا يتلاسنون ومتشابكين بيدينهم قامت العروس من مكانها وكانت جنب عريسها وراحت تنتقم لاختها وسددت لكمه خطافيه في وجه اخت المعرس تقول لو شفتووها مثل البنت الي تشوفونها في المصارعه اذا قامت من الكرسي ودخلت الحلبه عشان تساعد حبيبها المضروب ودخلوا بينهم وهاتك ضرب بينهم بين أهل المعرس واهل العروس وانقلب الفرح حزن وتبدل مكان الفرح الي حلبه مصارعه قالت لو تشوفون المعرس تضحكون عليه الغتره والبشت في الارض وقام الاخ يفرع بينهم مرره يروح لأخته بصف معهم والعروس تقول تبي تساعد اخواتك علينا . وبعدها بصف بجنب العروسه واهلها اخواته يقولون هاذي شخصيتك من الحين. مسكين هو يبغي يفرع بينهم......... طيب روووح وخذلك كورس في حلبه الثيرراااان ..... عاد أنا مستمع جيد إذن علي الوكيشن واذن عليهم اسمع لهم .... .... خلاص قربنا من المكان..... وسكري ماهو راضي يخلص المشوار يفكر انه ياخذ دوره عشان يطول المشوار......سوف تكوون وجهتك علي اليمين وصلنا وحنا في معترك الحدث بغيت اسالهم يوم انزلوا ويش صار علي فلم الاكشن ليله الهروب من القفص الذهبي والله قعدت اضحك يوم انزلوا يوم تقولهم الي تقص عليهم أن العروسه فستانها توسخ من الكيك ومنظرها صار يقرف قدام الضيوف قالت وحده منهم والله لو الموقف صار لي في عرسي اني معاد اتزوج مدي الحياه وتصير الحكايه عقده وخوف بحياتي أسدل الستار...... The end عاااد مادري ويش بيصير في العرس اعطوونا تكهناتكم واقتراحاتكم ويش بيصير ياخي دائما الاعراس يصير فيه تتش بين أهل المعرس واهل العروس واحتقان وشد وتجاذب بينهم مادري ليش وخاصه البناات يبغون يثيرون مشكله. وانا في اعتقادي أن هاذا هو الغيره من كل الطرفين الاخوات يغارون علي اخوهم عشان خلاص بيروح منهم ويعتقدون أن حبه لهم راح للزوجه وكذلك اهل العروس ... هاذي عياده نفسيه ولا مشاوير سكريه فكوا العصي والهوشه وفكوا الاحزمه وصلنا نهايه مشوارنا في ركن المشاوير. الي القاااء

لاتعليق

مشاركة هذا الرد في Google Facebook Twitter Digg

أنت معجب بهذا.