سكري بعد التقاعد شغال مشاوير في اوبر وكريم

[روعة ملاكـ]

اقتباس: المشاركة الأصلية كتبت بواسطة سكري حالي     اربطوا الاحزمه : بدايه الرحله توجهت الى مكان الموقع المحد في شقه طريق ابو بكر الدمام وقفت السياره ويطلعون لي عائله من الشام ومعهم ابوهم يوم اركبوا اشوف الموقع الوصول إلى رحيمه راس تنوره قلت ابتأكد اشوق هو نفس الوجهه قلت لهم خلاص امشي علي رحيمه قال ايووه ... ومسكت طريق الجبيل واقعد اسولف مع الرجال قلت بتروحون زياره لراس تنوره (رحيمه ) قال لا بنروح للكورنيش حقها بمدحونه ومكان للسباحه ومادري ايش عقبها هديت من السرعه قلت الحين من جدك تبي تروح هناك قلت تعرف الكورنيش قد رحت من قبل قال لا زميل لنا قد راح ومدحه لنا قلت انت من وين جاي قال انا عندي مطعم هنا في الدمام وعائلتي جايه من الرياض وابغى امشيهم قلت تبغون تنبسطون لاتروح لكورنيش رحيمه روح لهاف مون احس وهناك فيه مكان للسباحه وجو حلو مرره وكل العالم يروحون هناك صحيح مافيه شي جمالي مافيه الا رمل بس احلى واحسن مكان الواحد يريح فيه وبعدها اقتنع الرجال وتم تحويل الرحله الى شاطي نصف القمر عاد انا في الطريق قلت ليش تلقفت يمكن الشاطي مايعجبهم واكون انا السبب فيها ... قلت لهم ترا الشاطي احلى مافيه انكم تطبخون هناك نرجع للشقه نجيبون القدر واغراض الطبخ قالوا ليش قدر قلت عشان تكبسون الكبسه علىالشاطي ويقعدون يضحكون ..... قالوا لا بناخذ اغراض المشاوي ... كبسوك ياسكري هادول كيبه وزعتر ومشاوي يابو الشباب قال ابوهم لا روح للمطعم الي يشتغل فيه ابجيب الاغراض منه قلت كويس تمام ... غيرت الوجهه مره ثانيه للمطعم وخذا جواله وكلم واحد في المطعم حقه وقال جهز لنا اغراض المشوي والحركات حق عدد 7انفار عاد انا جلست اعدهم اشوف هو حسبني معهم ولا لا طمعان الاخ سال لعابه من المشاوي يالليل مطولك ياسكري ويوم وصلنا لهو جاهز اغراض المشوي والحركات خذيناه ومشينا قصدي خذوه ومشينا باقي الاخ طمعان في المشوي حقيقه طيبين الشوام وانا وابوهم قاعدين نسولف قلت كم لك في الدمام قال تقريبا عشره شهور يقول كنت في الرياض عندي مطعم وعقب ماقفلوا الكباري قفلوا علينا كل شي ومعاد فيه زباين ولا شي وبعدها نقلت للدمام وفتحت مطعم هنا والحمدلله وصلنا لهاف مون عاد كان العصريه واول ماشافو البحر كلهم جلسوا يتكلمون الله ويش حلاوه البحر من بعيد وتحمسوا كثير وكان الجو رائع المهم وصلنا الى مكان حلو وكابينه فاضيه قال الرجال يالله تفضل معنا قلت الله يعطيك العافيه والله انو قعد يلزم علي خلاص على وشك اوافق وعشان هو بعد كان يتعشم اني ارجعهم لانو مافيه مواصلات صعبه جدا لانو مكان بعيد واقصي مكان في الشاطي قال عشان نرجع معك قلت اسمع ابيكم تاخذون راحتكم لانو احتمال يعجبكم الجو وتجلسون اكثر من خمس ساعات ومابغى افسد عليكم البصطه اكيد انتم بتاخذون راحتكم وتسبحون وكل شي بس اذا خلصتم دقوا على واجيكم عطيتهم رقمي وخذيت رقمهم عشان نتواصل ابي اخدمهم بس كل بحقه قال كم تاخذ قلت اسمع ترا مافيه والله فايده انا بجي من الدمام من هناك والطريق طويل والمكسب قليل قلتعطوني100 ريال في الرجعه وخلاص قال ابشر افكرك بتاخذ اكثر من كذا لان حساب العداد يوم جبتهم طلع 90 ربال المهم روحت ويوم جات الساعه 1 بالليل لهو يدق يقول تعال خلصنا مشيت لهم مشاااااوي ياقلب العنا مشاااااااااوي وركبتهم وانا الحين اقول يارب انهم انبسطوا وانا ماشي قلت كيف الطلعه قال احلى طلعه في حياتي الجو كان روعه ومنظر البحر المنعش وسبحنا وفليناها وطبخنا قصدي شوينا ومرره الاهل ياشيخ فرحوا لانهم جايين من الرياض طفشانين يقول فلوها ويقول ترا لو ماطفى الكهرب علينا في الشاطي بنجلس لحد الصباح وانت صراحه الي اقترح علينا كل شي في الرحله الله يعطيك العافيه قلت الحمدلله ان الطلعه اعجبتكم وصلنا الى موقع الوصول في الشققه نزلتهم وبعدهاصار بيني وبين الرجال رسايل في الواتس وكذا وكل يوم يصبح على بالخير فكوا المشاوي قصدي فكوا الاحزمه انتهت رحلتنا ونلتقي معكم في رحله من رحلات اوبر وكريم قصيمي نت [/color][/size] إلى اللقاء

مستمتعه بالقصص

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     [size="5"][[size="5"]/size] احد طالب من الاعضاء اوبر ولا كريم ... ا[/size مافيه احد طلبني ضارب مشوار من بعيد ومافيه احد مايصير وين راح تعبي تراها تصير احيانا يجيك طلب وتروح للزبون مكان بعيد وتدق عليه وبعدين يقول غيرت رايي معاد نيب رايح؟ وبعض الطلبات لما تروح تاخذهم ويكونون عائله كبيره اقول وين رايحيين واحد يقول السوق واحد يقول نبي نروح مجمع وتلقاهم مايدرون وين يروحوون .... ويتهاوشون كل واحد يبغى ينفذ رايه وانت كل شي تغير رايك واحد يقول لك روح للمجمع الفلاني والثاني يقول ارجع .لدرجه اني اوقف السياره واقول ارسوا على بر وتفاهموا وانا موجود مره من المرات رحت لمكان الطلب واركبوا معي عائله وكان الجو فيها حلو وغيم المهم يوم اركبوا قلت لهم على وين رايحيين سكتوا شكلهم طفشانين ويبغون يطلعون بس مايدروون وين يروحون .. قالت امهم ياولدي ودنا برا المدينه للبر الي يطلعون فيه الناس في هالجو الزين ونبغى بس تقعد ساعتين ونرجعنا قلت طيب وديتهم عند حي الفرسان فيه بر والناس كلهم طالعين عشان الجو .. المهم يوم رحت وجلستهم في مكان زين ... عاد انا راحت امشي واطلق رجولي في هالجو الزين وجلست .... واقعد افكر شوي واشتهيت قهوه وحلى في ذاك الوقت ,, وتذكرت موقف قبل شهرين قلت ايه وانا اقولها بعبره ياليتهم يجيبون لي القهوه ويردون الجميل الي سويته فيهم يوم عطيتهم ترامس الشاهي والقهوه والحلا عرفتم السالفه الحين .... بنطلع من جو اوبر وكريم شوي وندخل في جو ثاني بقول الموقف لكم طلعت مع الاهل والاولاد للبر يوم كان الجو زين وعقب ماوصلنا فرشنا زوليتنا وجبنا ترامس الشاهي والقهوه والحلا المهم العيال الصغار راحو يلعبون ونزلوا في مكان عميق حنا فوق الرمل وتحتنا حفره كبيره وماقدروا العيال يطلعون لنا يحاولون بس مافيه فايده قلت لزوجتي خلنا نروح لهم بالسياره ونجيبهم قالت لا انا بجلس هنا وانت روح جيبهم قلت لها لا المكان الحين بيظلم ويمكن اضيع المكان ولا شي قلت لا تعالي معي المهم رحنا لهم المكان صعب يالله وصلنا لهم الطريق صعب زين حنا وصلنا لهم ولا كان صارت كارثه في هاالليل والظلمه وبيخافون اكيد .... خذيناهم والحين نبغى نرجع لمكان فرشتنا وقهوتنا عاد المهم الطريق صعب وجاء الليل ندور المكان نروح نجي ضيعنا ترامسنا واغراضنا .. ونلف بالسياره وكل شفنا شي بعيد قلنا هاذيك اغراضنا واذا جينا حصلناها اكياس .... المهم تعبنا قامت عاد الحرمه تغني دلالي ترامسي جديده توني شاريتهم .. يالليل مطولك الحين بتقعد تحن علي لو ماحصلت ترامسها ... قلت اسمعي ياحرمه الربع مشتهين القهوه وخذوها وضيعونا قالت هاه قلت اهل الارض الي هنيا مساكين اشتهوا القهوه والشاهي والحلا .. قالت بسم الله بسم الله .. قلت ماني رايح الا محصلها قالت والله مانروح ندورها حتى لو حصلتها والله ماخذها نجحت الخطه ياسكري هاذا الي ابغى عشان ماتذلني وتحن علي كل شوي في هالترامس والله عقبها قالت يمكن خيره لنا الحمدلله احنا ضيعناها ولا كان صار لنا شي ثاني ... ياسلام هاذا الكلام الي نبغى ... عاد تصدقون اني صدقت السالفه وقلت يمكن بعد اهل الارض كانوا مشتهين هالقهووه عاد انا خذيت منها بس ربع فنجال والله ياطعمها انه شي وماكملت القهوه عشان العيال قاموا يصارخون ماعرفوا يطلعون .... وحنا راجعين احس كلنا مرتاحين عشان ماخذينا ترامس الشاهي والقهوه والاغراض الباقيه بالعافيه عليهم,,, وقبل مانوصل لبيتنا قلت للعيال تخيلوا نحصل ترامس الشاهي والقهوه عند البيت ويش كان موقفنا ..... انتهت الرحله ’’’’’ وهاذول العائله الي جايبهم لا معهم لا شاهي ولا قهوووه .. قلت احسن واحسنين قلت للعائله يالله مشينا بس لا يصير شي ولا شي فكوا الاحزمه انتهت رحلتنا لا شربنا لا شاهي ولا قهوووه ..... ونلتقي معكم في رحله من مذكرات اوبر وكريم الى اللقاء

ياااااالله ضايق صدري من الي ماجابت لك ربع شوايه
جبت لنا ركاب ماعطوك شاهي وقهوه وحلا

ياخزياااه بس جايبكم اوبر ماتقهونه تبلون ريقه
خلاص سكري لاتخلي شي بنفسك ارسلهم قل لهم فنحان قهوه
ياخزيااااه

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     توجهت لمكان الطلب الوقت كن الصباح اسمه سامي من حي طلال وكل شوي داق علي الووو وين وصلت انا بيتي عنده سياره قديمه وباركنق مظله ومقابل بيت بني ومدري ايش ... لاتتأخر علي لاتخليني تكفى بسرعه ..... قلت يابن الحلال لعاد تتصل اتركني على راحتي اعشان امشي على اللوكيشن وانت اذا كلمتني تلخبطني معاد اركز مع الموقع .. وانا بجيك .... المهم وصلت وادق عليه هلا سامي انا عند البيت ... قال بطلع الحين ويوم شفته انسان كبير بس انه شكله شباب بس وزنه ثقيل مررره ... وصوت علي من بعيد تعال ساعدني وامسكني عشان ينزل من عتبه البيت نزلت له ومسكت يده وركبته السياره وكل شي ومعه اغراض اكياس ملابس وكذا سالته وين عيالك قال ماعندي عيال وانا موظف في اراموا ومتقاعد وماعرف اسوق كنا نروح بالباص للعمل .. الرجال طيب بس فيه حرص كبير .. سألته وين تبي تروح قال ودني للمغسله ورحنا للمغسله وبعدها خذا جواله وقعد يكلم قال مايرد علي قلت منهو قال هاذا مستاجر عندي مايبغى يطلع من الشقه عشان رفعت عليه الايجار وكل يوم اكلمه ومافيه فايده ... قال عطني جوالك عشان اكلمه عشان اصيده خذا جوالي وكلمه الووو معك سامي ليش ماترد علي حركاتك هاذي ماتمشي علي بعطيك مهله اسبوع ولا شكيتك في المحكمه .. عاد هو اسمعه يقول ليش ياسامي انا جاركم من زمان وامي تعرف امك وبينا عيش وملح قال خلاص هاذا اخر شي مهله لك ..... وقفل السماعه ... قلت له الرصيد حق جوالي ياسامي راح في ايجار الشقه .... قال معليش معليش . شوي لجواله يرون امه تكلم واسمعها تقول ياولدي هاذا جارنا من زمان وامه كلمتني ومايصير اصبر عليه الرجال حالته الماديه صعبه وكذا قال يامي انا معطيه مهله اكثر من اربعه شهور يأنو يطلع او يعطيني الزياده في اجاز الشقه قالت ياولدي طلبتك .. قال تم يا امي بعطيه مهله ثانيه ....... المهم عاد قلت وين بتروح قال روح عند البقاله وخل الهندي يجي جاء وقال عطني اربعه حليب بوني وبعدها قال ودني للبوفيه قلت بجيب لك الاكل قال لا انا بأنزل وساعته الين حطيته بالبوفيهه ... رجعت للسياره وتاخر وحسيت انا بجوع قلت خلني اروح اخذ سندويش يوم جيته بالبوفيه قال خلك خلك في السياره سمعته عرفت انه مايبغاني اشوفه وهو ياكل خايف انضله ولا شي ... اربعه قواطي حليب يالدووب تراني قلت له ماشاء الله ..... خلص من الاكل ورجعته لبيته ... وخذا رقمي وخذيت رقمه جاء المغرب لهو يتصل علي الو انا سامي تعال بسرعه عندي حاله مستعجله ... جيته بسرعه طلع علي ومعه زوجته يوم اركبوا السياره عاد اقول وين رايحين كافي شوب ولا مطعم ولا ايش ..... قالت الحرمه لا ودنا لحي المباركيه ...اتاري الحرمه بتروح للمستاجر وتلعن خيره وتطلعه من الشقه لان زوجها حكا كل الحكايه لزوجته ... وققعدت تقول لزوجها ويش دخل امك في عمارتنا هاذي لنا مهيب لها وقامت تتكلم عليه بصوت عالي وتقول خل عندك شخصيه كل ماقالوا اهلك شي وافقت وهو ساكت مررره مانطق ولا كلمه ... ...... انتهت رحله الصراخ المزعجه من كابينه الكابتن سكري ... الحريم هاذول عندهم نفوذ ومتسلطين ويبغون يسيطرون على كل شي يعني كل شي يملكه الرجال هو حق من حقوقها ,,, وصلنا لموقع الوصول وفكوا الاحزمه ونزلو بسرعه البرق للمستاجر .... الله يعينه ... بتدفع يعني بتدفع .... إلى اللقاء مع رحله من مذكرات اوبر وكريم قصيمي...

الله يصبرك

مشاركة هذا الرد في Google Facebook Twitter Digg

أنت معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     صباحكم. فطور/ظهيرتكم. غداء/ مساكم .عشاء وعصريتكم نقانق ... ومغربيتكم زنجبيل وحلاء راح العمر بين نقانق وخفايف الرحله : رقم 2589 الوقت : وقت الظهيره مكان الإقلال حي الريان / الدمام مكان الوصول : غير محدد ذهبت لإحضار ابنتي من جامعه الدمام وعقب ماوقفت عند بوابه الجامعه استني بنتي قلت ياولد ويش رايك تشغل اوبر وكريم وتاخذ طالبه على طريقك الطمع يقولون شين المهم جات بنتي وركبت وانا واقف قالت شفيك واقف يايبه قلت انا مشغل البرنامج قالت وشلون تاخذهم وانا معك والله ماتاخذهم . وقبل ماحسم الجدال جات النغمه لان الوقت خروج الطالبات يعني متوفر الطلب قبلتها على طول ... وانا وبنتي نتجادل وانا انتظرها تقول افرض الحين طالبه اعرفها قلت وخير ان شاء الله مافيها شي والشغل مهو عيب قالت يمكن هي ماتركب بعد قلت تحمد ربها فيه احد معها قلت اسمعي بعطيك نص الاجره وشكلها يعني مش راضيه مررره وطمعت بعد بالفلووس وعشان بعد المره الثانيه توافق عادي اني اخذ طالبه وهي معي ابو الطمع هاذا سكري شوي التلفون يرن وينك قلت انا موجود بالمواقف وبعدهها كلمت قالت انا عند المواقف ماحصلت احد قلت شوفي بظرب لك بوري هرن عشان تسمعين لهي بجنبي يوم شافتني وشافت بنتي وصوت السياره من عندي المهم فتحت الدريشه وقلت تفضلي ... قالت بأستغراب انت كريم قلت ايه اركبي بس وهي متردده ماتعرف ويش الحكايه بالظبط هي تشوف بنتي معي قدام قلت لها معليك هاذي بنتي طالبه في الجامعه .... عاد بنتي تقول يبببببه لاتقول لها اني طالبه المهم اقتنعت البنت واركبت ربطنا الاحزمه وقلت وين يابنتي بتروحين قالت روح حي طيبه بأخذ امي واختي وعيالها وبنروح لمطعم بالخبر . يوم سمعت بنتي الكلام قالت شفت الحين بتأخرنا والمكان بعيد وانا بروح انام مانمت طبعا كل الكلام همسات من غير صوت ,,, بس يمكن بنتي طمعانه تأخذ الاجره كامله رحنا لحي طيبه لهم جاهزين امها وبنتها وعيالها قلت لهم ركبتوا كلكم اذا ماخذاكم المكان احد يجي معنا قدام اشوف بنتي تلتفت لي وهي مقهووره مرررره ... الركاب بسألون بنتهم منهي الي راكبه قدام قالت هاذي بنته ماخذها من الجامعه وكل شوي بنتي تلتفت علي يعني مهيب راضيه بالوضع ... نرفع يعني نصيبك من الاجره ... وشوي التلفون يرن هاذي امها قصدي زوجتي تدق يالليل مطولك الووو وينك جبت بنتك من الجامعه قلت ايه هاذي معي قالت ليش تأخرتم قلت خذينا ركاب قالت ايييييش قلت بصوت خفيق معنا ناااس بنوديهم لمطعم بالخبر .... في زحمه الناس صعبه حالتي فجاءه اختلف لوني وضاعت خطوتي قالت احد يروح مشوار وبنته معه توها طالعه تعبانه من الجامعه ومادري ايش .. قلت بعدين بتصل عليك والحين الزباين مستغربين اصلا من ركوب بنتي معي وكانو يتسمعون المكالمه يعني اليوم مش يومك يابطل اول كنت تسمع كل شي يقوله الركاب مع بعضهم واليوم الركاب هم الي جالسين يشوفون ويتسمعون الفلم الي قدامهم ويش بيصر نهايه المكالمه وبعد كم دقيقه اتصلت برضه امها قالت اسمع ترا غدانا اليوم مسقعه والعيال ماشتهوها يقولون مهيب حلووه وشكلها انحرقت اذا جيت من ا لخبر بنستاك عشان تودينا لمطعم نتغدى فيه ... عقب مانتهت المكالمه شكل الركاب يبغون يعرفون ويش الي صار في المكالمه .. قالت بنتي ويشهي تقول امي قلت المسقعه احترقت واهلك يبغون يتغدون برااااا في مطعم:d عقبها الركاب قاموا يتنحنحون وصاروا يتكلمون مع بعض يصوت خفيف يعني مثل احنا عارفين الوضع من اول ماركبنا معكم هاذي نهايه الطمع ياسكري وانا عارف ان المسقعه مافيها شي بس هاذي ظريبه الطمع ياسكري وبعد ونص الاجره مدفوعه مقدما للبنت :d وصلنا لمكان المطعم ونزلتهم وبنتي عيونها علي الجوال على سعر الرحله لانها بتأخذ النص قالوا كم الحساب قلت 75 ريال قالت بنتي يس .... راحت فلوسك ياصابر حاسبتهم وخذيت الفلوس وحاسبت بنتي بعد ورجعت خذيت امها والعيال وربطنا الاحزمه على البطون وقلت وين بتغدون قلت اوديكم للخبر نفس مطعم الي وديتهم سكري شكله بعد طمعان ويبغى يعوض نص الغلوس الي طارت وفلوس حق الغداء ويبغى يرجع العائله الي وداهم لنفس المطعم :d كل الدروب الضايعه مني تنادي خطوتي ويارحلة الغربه.. وداعا رحلتي إلى اللقاء مع رحله من رحلات ركن المشاوير

ياللللله يالللللله ياعمري بنتك
ههههههههه ههههههههه
الله لايضيع تعبك

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

وصلت صفحه 10
لي عوده

مشاركة هذا الرد في Google Facebook Twitter Digg

أنت معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     قمت الصبح وديت العيال لمدارسهم واشتهيت كيده الحاشي من مطعم في حي عبدالله فؤاد عند اسكان الدمام ومكانه بعيد لاكن قلت بتعنى له لاجل عيون الكبده يضبطها صح .. وصلت وانا جالس على الطاوله جاني طلب مشوار يالليل ويش اسوي الحين انا جالس انتظر الكبده .. قلت معليه خلني اقبله وبعد الفطور اروح له ... وكل شوي يكلموني ليش تأخرت احنا متابعينك وموقعك ثابت ماتغير ليش مامشيت قلت معي زبون يبغى ياخذ فطوره بس وبيته قريب من هنا .... وعقب مافطرت توجهت لهم ويوم وصلت للموقع عند حلاق قلت هاذول وينهم كلمتهم قلت انتم وينكم انا عند الحلاق قالوا حنا بسياره جيب واقفين نزلت لهم طلع لي رجال سعودي نفس سيارتي بالظبط وقال تعال خلينا ننزل اغراضهم من سياارتي ونحطها في سيارتك حطينا كل الاغراض وقلت ويش السالفه قال ياشيخ جبتهم من المطار وجيت هنا وتعطلت السياره ,,,,, المهم الرجال يطلب منهم الاجره كامله وهم بيعطونه اقل من الي اتفقوا عليه وانا جالس اصالح بينهم اخذ الرجال على جنب واقول يارجال خذ المبلغ الي بيعطونك وخلاص المهم بعد فتره اقتنعوا وحلينا المشكله .. صاير ياسكري مشرف اجتماعي ... ربطنا الاحزمه ومشينا وهم حرمتين قعدوا يحشون في هالرجال يقولون لي تصدق يقول لنا انتم الي عطيتوا سيارته عين وخربت قلت هاااااااه الله يستر قالوا ابييش قلت انتم من وين جايين غير السالفه ... قالوا جايين من مصر وجابنا الرجال من المطار وحنا بالطريق مادري ويش صار بسيارته ووقفت ,,,,,,, المهم مشينا وشوي وقالت وحده منهم وقف انا ماشوف سوسو ركبت سوسو في السياره قلت اييييش قلت لايكون معهم بنت صغيره ونسيت اركبها قالت لي هاذي القطووه .. قلت اوووه البسه ايه ركبتها بالقفص حقها قلت هاذي القطوه محصلينها بالطريق قالوا هاذي مسافره معنا لمصر واوراقها كامله جوازه ساري المفعول والتامين الطبي والتطعيمات كامله ... وحنا اوراقنا وتأمينا منتهي وهم يدلوني مكان بيتهم ويوم صرنا قريبين من البيت قالوا شفت البيت المفتوح هاذاك الي واقفين عنده هاذول قلت ايه قالت هاذا البيت اتاري اهل البيت طالعين كلهم حتى الشغالات واقفين صف يستقبلونهم وفرحانين ومبتسمين ,,, قلت ماشاء الله هاذول في استقبالكم . سكتوا ماردوا اول مانزلت سوسو بقفصها كل العائله جات عند سوسو وكل واحد يبغى ياخذها المهم خذوها ودخلوا داخل البيت ونسوا وسكررا البيت وعقب مانزلت اغراضهم قلت وين المستقبلين ماشوف احد قالوا هاذول يستقبلون سووسو وحنا نسووونا يامساكين هاذول ماحد استقبلهم كسروا خاطري وقمت ارفع من معنوياتهم وقلت الحمدلله على سلامه الوصول وكلام كذا عشان المعنويه ترتفع شوي .... جات البنت تعطيني الحساب قالت اختها عطيه زياده يستاهل .... انا الي استقبلتهم وتحمدت لهم بالسلامه ... لو ادري ياشيخ كان طلعت ورقه الشعر من مخباي وهاتك يامديح فيهم واطرا وتحميد بالسلامه لهم .................. انا افداش ياسوسو نلتقي بكم مع رحله من رحلات ركن المشاوير ,,,, إلى اللقاء

هههههههههه كله كوم وسوسو كوم
حسبتها بنتهم صغيره نسوها بالسياره الخربانه
ياربيه اثاريها القطيوه
وشهوله يسفرونها خلوها بالبيت عند بزارينهم
ياربيه مت ضحك

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     ويش حالكم اربكم طيبين ..... في الويكند الي راح كان الجو بارد وهواء .... جاني طلب بعد منتصف الليل والناس هجود من البرد ماتسمع الى هشيم الهواء وامشي على اللوكيشن وداني طريق المطار وكلمني قبلها قال منقطع البنزين مني وجيب لي تنكه بنزين قلت مايخالف .. عقب ماعبيت بنزين رحت له على اللوكيشن طريق مظلم وشوي لهو هناك يأشر لي بنور السياره .. عرفت انه هو ... رحت له وسلمت عليه ورد علي وعليكم السلام قام وعبينا سيارته بالجركل واشتغلت ... وقلت الحساب قال اجلس تقهوى ,,, جلست لهو شاب النار وحاط الشاهي على الجمر .... وشوي لهو ماخذ الملقاط ومطلع ذاك القرص الزين من الرماااد ,,, وقطع لي وصب لي ذاك الشاهي المخدر الي مابزين منه قال ويش اسمك قلت سكري قال عاشت الاسامي قلت وانت ويش اسمك قال فلاج استغربت من الاسم ووجهه ماشوفه زين ماشوف الا النار تلمع في وجهه ,,, حسيت بخوف شوي ... عشان تعرف الاكشن ياسكري حنا قلنا نحب الاكشن بس مو فلم رعب .... بس عاد كملت القرص واكلته طعمه حاجه ثانيه وكل شوي يصب لي شاهي هلا والله بالشاهي نسيت نفسي وقعدت اسولف معه قلت ويش جابك هنا لحالك قال انا مارتاح الا لحالي . صرااحه انا ماشوف وجه ولاكن حسيت انه فيه شي عجيب .. والله اني مادري هو انسي ولا جني في مكان مقطوع ولحاله وشبه النار والهوا له صفير وكذا قلت مابدهاش خلاص روح بس قلت نستأذن يالطيب قام وسلم علي وشكرني وودعني قلت بس عطني من شاهيك كاسه سفري ... قال لا اقعد واشرب عندي بس اسف مانيب معطيك كاس سفري استغربت قال لو تقعد عندي وتشرب الشاهي كله عادي ماعندي مانع بس انك تاخذه سفري لا قلت على العموم مشكور الله يعطيك العافيه وسلم علي وشكرني قلت فمان الله يافلاج:d اسمه اكشن كذا وامشي وادق سلف والله اني امشي و افكر فيه سميت بالله وتوكلت على الله ..... وابتدا وابتدا وابتدا المشوار واه ياخوفي اه ياخوفي من اخر المشوار اه ياخوفي انتهت رحلتنا من مذكرات ركن المشاوير ... إلى اللقاء

ماقلت عطاك حسابك او لا

وبعدين ترا خوف عليك تطلع بوقت الليل لمكان كذا لو يكونون عصابه
والله مايسوي عليك الطلعه

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة عساس الحيا     اهلا وعودا حميدا ياسكري رحلة الكبده وسوسو هههههههههههه ياشينه اذا كنت على اكلك ودق عليك احد او طق الباب احد وانت تلذذ في الاكل ههههههه بس حلو طلعت سيارتك زي سيارته وشلت الاغراض بس قطوة سوسو عجيبه اخر شيء طلعت قطوة المدام هههههههههه

الي تعجبت منه المدام تاركه عيالها بالدار ومسفره قطوتها
ههههههه ياربيه ميته ضحك

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

اقتباس: المشاركة الأصلية كتبت بواسطة سكري حالي     مساء الافراح والأتراح وجعل ايامكم كلها فرح وسعاده كان ليله زواج ولد أختي وعقب مانتهي العرس وكانت ليله جميله رقص المعرس وفلها . والكل يقوله تراك تعبت من اللعب خلاص اركد ماعاد فيك حيل . المهم عقب مانتهينا عاد اخوكم سكري حاطينه في مراسم الاستقبال يستقبل الضيوف وتعرفون قومه وجلسه وسلم الين راحت رجولي . طلعت من الصاله يوم ابعدت قلت اليوم ماشتغلنا خلينا نشغل البرنامج. جاني طلب من حي الشعله والوجهه المطار قلت ياكريم جانا العوض حق اليوم رحت الزبون ويوم جيت الشارع قلت الله يستر عسا مهوب بيت اختي الا ويوقفني عند بيتها وارتبك شوي وقلت الغي الرحله وتذكرت أن العريس ولد اختي حاجز علي ماليزيا يعني مجهزين اغراضهم يدوبهم جايين من العرس وبيسافرون . واسمع ذيك النغمه إلغاء الحجز قلت الحمدلله واطلع من الحي بسرعه. وبعد نص ساعه اتصل علي ولد اختي يقول أنا اسف ياخال انا شفت صورتك والغيت الحجز قلت اني داري . قال أنا الغيت الرحله عشان انت منتب ماخذ مني فلوس ولا عادي . قلت معليه انت الخسران قال ليش قلت الحين انت توك طالع من العرس وبتجلس بالمطار أربع ساعات والرحله بتاخذ لها كم ساعه وبتوصل وانت مانمت وانت عريس مقطوع من كل شي . بس لو وديتك انا كان وقفت قبل المطار وفرشت لكم الفرشه وبروح منكم بعيد وجلستو وانتم تطالعون القمر والنجوم في ليله رومنسيه عمركم ماتحلمون فيها واذا عندكم وجبه خفيفه خفايف بس وتسالي براحتكم 🤠 قال ولد اختي تكفي ياخال كلامك صحيح ابلغي الطلب الي طلبته وبروح معك وهو يضحك 🤠 أعجبه الوضع قلت قلت خلاص راحت عليك . استغرب من الي في ليله دخلته يروح يسافر لمكان بعيد . مفروض اول ليله في بيت عش الزوجيه تكون لك ذكري في كل زاويه من زوايا البيت 🤠. الجيل الجديد مالحق غرفه النوم الي بالسطح 🤠 احلي رومنسيات الطيبين . احب الليل ونجوم الليالي... انتهت رحلتنا في مشوار الحياه.👍

الله يرزقك من واسع فضله
احسك متعب نفسك بالعمل
خاصه بوقت انت تكون به تعبان
الله يرزقك

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[روعة ملاكـ]

[QUOTE=سكري حالي;12321086]عندنا مشوار بسيط وزغنطوط بقوله لكم جاء وقت صلاه العشاء وانا كنت موصل زبون بحي الروضه وقفت عند المسجد وانا اصلي معهم جاني طلب مشوار نسيت اقفل المشاوير واضغط بيدي في جيبي عشان الصوت اتاري ضغطت علي كلمه قبول الرحله
وانا مادري عقب ماطلعت من المسجد رن الجوال
تكلمني حرمه الو السلام عليكم اسمع ابرسل لك علي الواتس الموقع عشان تروح تجيب غرض من بيت ثاني واذا انت وصلت كلمني عشان أكلمهم يطلعون الاغراض لك وبعدين تجيبهم لي قلت طيب فتحت الواتس ومشيت علي اللوكيشن وعقب ماوصلت كلمتها وشويه تطلع لي الخدامه . ومعها حافظه اكل وشميت ذيك الريحه الزينه ولا شعوريا حطيت يدي وفتحت الحافظه لهي عريكه بالسمن.
ساعه تلاقينا وجات يده علي يدي المهم خذيتها عشان اوديها للحرمه اتاري بيتها قريب في الشارع الثاني كلمتها قلت انا وصلت قالت شوف ولد لابس رياضه واقف عند البيت واطالع اشوف ولد دوبه ونص بطنه اشوفه طالع من الفنيله وانا اقول في نفسي يالليل العريكه راحت فيها جاني وعطاني عشره ريال قلت الحساب طلع عندي صفر لان المسافه قريبه قال لا امي تقول خذها قلت بيض الله وجهك . مشيت عقب ربع ساعه كلمتني قالت جاتني رساله أن الحساب مو عشره قلت انا قلت لولدك قال لا امي تقول خذها قالت خلاص هجل مسامح قلت انا برجع الحافظه من غير فلوس قلت خلصتم العريكه قالت هاه كأنها ماسمعت قلت برجع لكم الحافظه قالت لا باقي مامدانا نخلص مشكوور . يعني عندك امل يبقي من العريكه شي تحصل الحين فنيله الرياضه طلعت فوق لصدر ابو بطن خلاص عافك الخاطر روح بطريق وانا بطريق
انتهت رحلتنا من مذكرات ركن المشاوير[/


هههههه
يوووووووه سجل ربع شوايه
شاهي وقهوه وحلا
وعريكه
والله ماحصلت من اوبر الا انك تشهواههههههههه

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.