قَلْبْ طْفلَة

[ماتمل]

انصحك ياقلبي تكون بين الاضلاع
لا تروح عن دربي مسافـه بعيـده

ما حولك الا للاسف بعض الاوجاع
وجروح في كل الاماكـن وليـده

لاتلتفت وادرس معي كل الاوضاع
واسلك معي كل الدروب المفيـده

ادري ياقلبي حولك اليوم اطمـاع
والآه من قول الخواطـر شديـده

سرك معي اخفيه لوتجهـره شـاع
والدمع يكتب فوق خدك قصيـده

ادري بانك بين الاضـلاع ملتـاع
وادري معاك النفس وايد عنيـده

تدري وادري حولنا نـاس انـواع
لكن معي فكـر بخطـوة جديـده

نخرج انا وانته برغبه مـن القـاع
ونعيش نحلـم بالامانـي السعيـده

مشاركة هذا الرد في Google Facebook Twitter Digg

أنت معجب بهذا.

[أم هنادي]

ياشينها لاصرت معجب وخجلان
خوف المصارح لا يجيب المذمه

اخاف اصارح بالغلا ذاك الانسان
وينقلب جو المصارح مذمه

اهـ(ن) ياوقت نوى لي بعصيان
اثر الزمن ياناس مافيه ذمه

ويازينها لاصرت معجب وسكران
تنثر علومك لو تجيب المطمه

مشاركة هذا الرد في Google Facebook Twitter Digg

أنت معجب بهذا.

[أم هنادي]

محظوظ من يهوى له أنسان يهواه..
ومحظوظ من خله يراعي شعوره..
يرتاح في دنياه وتهون بلواه..
ومن روضة الافراح يقطف زهوره..
ماله شريك بدنيا السعد وياه..
كن الفرح مخلوق لا أمره وشوره..

مشاركة هذا الرد في Google Facebook Twitter Digg

أنت معجب بهذا.

[ماتمل]

تغيب الشمس في بحرالجفا والشوق مايخفاك‘‘
ولو ما الياس يغلبه الامل ماعاش الانسانـي

سفينة حبي ارست والمراسي حدّهـا مينـاك‘‘
عبرت بها بحـوراً ماعبرهـا واحـداّ ثانـي

سبقت الليل ودروب الظلام وجيت لاجل القاك‘‘
تسابق خطوتي بوح الجروح ودمع الاعيانـي

على ذكرى الرحيل ولهفة الخاطر على لاماك‘‘
اسوق اخطاي يالامـاي وظروفـي تحدانـي

مصيبه لاقسى وقتك ..واعز الناس لك خلاك!!
مقادير الزمن لابـد تمضـي والعمـر فانـي ..

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

طالت و ويـاك ماودي تطول خلنا نرسم بدايات الخلاص افتكرتك صاحبي واثرك عذول ليا هديتك ورد تهديني رصاص وش بقى عندك كلام تب تقول ؟ ما ظلمتك انت حكّمت القصاص كل يوم أشوف حالك في نزول لين ما ضيّعت نفسك لامناص بيني و بينك خلاف ما يزول مثل فجر ٍ يقنص الليل اقتناص ماني اللي تعرف من أول خجول صرت للنظره خبير واختصاص دامك لفرقاي دقـّيت الطبول ما أبي منك أنتقص أي انتقاص طالت ولا شوف بيدينا حلول ابتعد عني وانا ببعد خلاص عبدالله المرزوق

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

ما الوم عيني لو بكت هجرك اليوم وما الوم قلبي لو شكى من غيابك ياللي غلاك بداخل الروح مرسوم بالله قلي من خذاك وغدابك تركتني ضايق وحاير ومهموم واخلفت هقوة قلبي اللي هقابك لوشفتني عقبك وانا منك محروم في ذمتي لتصيح من حر مابك عقبك جريح الحال والحال مسموم اسقيتني سم الهجر من شرابك ليلي غدا تفكير ومسامر نجوم بس انتظر رجعتك وانطر جوابك النوم وين النوم ؟ لاقالوا النوم ؟ ان جيت ابرقد كل حلم ابتدابك وافز وارجع وآخذ شوي وأقوم من كثر شوقي ودي أحضن سرابك غلاك وصفه ياهوى البال معدوم ومحدٍ ملكني غير حضرة جنابك لازلت عندي بكوم والعالم بكوم مهما فعلت اغليك واعشق ترابك حبك مثل رزقٍ على العبد مقسوم والله رزقني محبتك يوم جابك واليوم وضعي معك ماهو بمفهوم وظروفنا قامت علينا تشابك رغم العذاب ورغم الاحزان واللوم رضيت بك لو زاد فيني عذابك بسك غياب وحس بالحال لويوم وارحم عليلٍ منك ينقل صوابك وكانك على الغيبات مجبر وملزوم ادخل على الله لايطول غيابك ناصر عبيد الرشيدي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

اضحك.. وخل البشر من فرحتك تدري مبروك جرحي.. عساك لطعنتك سالم؟! لعبتها صح وجبت العيد بي بدري مولمن سيفك وطبع الزمن والم.. من قبل اعرفك وحظي عادته فقري!! من خلقتي معذب ولا انته معي ظالم !! دام الغدر غربه ودام الوطن صدري كم خنجرن للوطن مشتاقن وحالم؟؟ لا الليل ليلي و لا ذاك الفجر فجري الكل ضدي وانا المبلي وانا مسالم.. لا ابنتقم منك ولاني معتزي بصبري من جدك اهتم؟! وانا في حالتي عالم؟! لا والله اضحك وخل الناس بك تدري مبروك جرحي عساك لطعنتك سالم!! محمد السهلي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

الله يجازيك يلي شفت منك الحسايف الله يجازيك كانك جبت لي العله اسهر الليل كله والمدامع ذرايف حسبي الله عليك النفس معتله صبرت صبر ٍ عليه وليتني شايف غير الخطآ منه والتعذيب والزله لاهو ذبحني ولاهو بالحشا رايف ماعاد ندري كلام الجد من هزله بشكي لك الحال ياللي داري وعارف ماطعت شور اللي يقولون لي خله عبدالإله المطرف

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

سلامة رماحك اللي جرْحَها غالي طعنتني غاضب لين أنكسر رمحك لو قلت لي كان أَجرّح حالي بحالي لا عاش قلبٍ جزع وارتاع من جرحك لاجلك جروحي غدن اليوم عذالي ذميت ظلمك وأنا من عادتي مدحك ياليت لي ذنب وألقى علقمك حالي وياليت بك عدل..وأرضى ف الهوى ذبحك ياسيدي وإن نويت تزيد غربالي قلي وأنا أبعد ظلامي عن سنا صبحك لو ما يسرك أطول الشمس بجبالي مايكفي إن عشقت جبالك وسفحك كل الهوى بالهوى يزهى ويختالي وأنا الذي في خسارة عزتي ربحك ياعل ماتزهرالأشجار في رمالي لو أعتذر عن شموخي في رجا صفحك البـــدر

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

الحب مثل النوم .. والوصل .. الاحلام والشيين من الاحلام..صـد المحبييـن نوم ٍ طويل ٍ عمره اشهـوور واعـواام وان قمت.. ففهمها فرااق وسهر عيـن وانا رقدت وعمري اربع عشـر عـام وصحيت في شهر اربعه عام الالفيـن نـوم ٍ ثقيـل ٍ كلـه احـلام واوهـاام ونصيبي من احلامـه الجانـب الشيـن صحّى الفرااق اقلوب في عكسه..نيـام وغاب الفرح وانا بعكسه الـى اللحيـن ياحزن كبدي حزن من ضاق ثـم حـام اخذت فروخه مـادرى ليـه ولويـن؟ بعد ما شاف العـش عيـدان وعظـام خاالي..تفكر فووق ويسـاار.. ويميـن خلا عشاها فيه ومـن الوطـى شـاام زبن علـى روحـه وفـل الجناحيـن وياوجد حالي وجد مـن نـام ثـم قـام على صياح امـه وهـو دون رجليـن عويـق وامـه تنعتـه والنعـت سـام وهو خابر انه يقسـم الصـف صفيـن حبا وصاح بصيحـة ٍ تاصـل الشـام منهـا تقطّـع فـي خفوقـه شراييـن على وليـف ٍ قسـم اظنونـي اقسـام واقفى وانا ما اعـرف طـرد المقفيـن راح وترك في صدري ووسووم واعلام وصـى علـي طيفـه وقفـى بقلبيـن ليتـه تعـذّر كـان مـاهـو بـمّـلام بعد ماشـااف الـدرب بيسيـر دربيـن اشوى عليه شوي..مـن عـظ الابهـام واشوى علي شوي..من دمعـة البيـن تمشـي بنـا الاقـدام والمـوت قـدام وميعادنـا يمفـرق اثنـيـن بعـديـن ياعيـن لا تبكـيـن وعيـونـه تـنـام عادش الى ما خـاب ظنـي بترضيـن لـو الدمـوع اتفيـد فـادن الايـتـام لـو الكـلام يفيـد عـادت فلسطيـن ولـو النبـاات يطّلعـه دمعـة هيـام؟ شفتوا علـى وجهـي ورود وبساتيـن الحب سجن..وبعد الاحبـاب الاعـدام وقلوبنـا السجّـان مـدري مساجـيـن الحب نوم ٍ عمـره اشهـوور واعـوام وان قمت ففهمها فرااق وسهـر عيـن محمد بن فطيس

مشاركة هذا الرد في Google Facebook Twitter Digg

أنت معجب بهذا.