06-01-09, 07:43 AM
|
|
|
عزيزتي هروب..
الحياة مليانه مشاكل ماوقفت المشاكل عندك أنتي لوحدك..البيوت أسرار..وكل زوج له طبيعته بالقسوه..أحد يضرب وأحد يبخل وأحد يسب ويشتم وأحد يقصر بأقل واجب تجاه زوجته وهي العلاقه الحميميه..
حبيبتي لا لا لا تفكرين بيوم أنك تستغنين عن أهلك..بلعكس صارحي أبوك أو أحد أخوانك مو عيب أشكي فضفضي عليهم ولا تخلين في بالك أن هالشي يقلل من قيمته عند أهلك..بكيف القيمه ,ياما أزواج مايساوون شي عند أهل زوجته بس دامه مع بنتهم مضبوط هم يقولون مايلزمنا..
غير كذا زوجك يشرب؟؟يتناول ممنوع؟؟
اذا كان من هالنوع فأسأل الله له ولشباب المسلمين الهدايه وأن الله يفتح على قلبه..
ذكرتي أنك تحبينه بجنون ,,يعني كل ماقال قلتي:لبيـــــــــــه!!هذا غالبآ يموت العاطفه عند الرجل..يفهمها أنك راضيه عنه في كل تصرفاته..فلو تعاملتي بالعقل دون العاطفه في الأمور الجديه لما تجرأ عليك..
نصيحتي لك أن تدخلي أهلك بالموضوع..وقولتك له أنا مليت بعذره لو قال روحي لأهلك..كأنك تتمننين عليه بوجودك جنبه,,معليش لا تزعلين..بس أنا ماحب أقول لزوجي أنا مليت في كل هوشه..
بيننا أمور تطفش..بس نحاول نمرر بسلام..
أصبري لعله بعد قدوم طفله يتغير وتكبرين في نظره ويرفع يده عنك..
لاتقتلين يومك بالعبوس....أضحكي واستانسي وجيبي الي يوسع صدوركم ويلهيكم عن المناقر..ترا الزوجه هي الكل في البيت..
بعدين تخيلي أنه مـــــــــــات....وش تبي تكون حالك وأنتي تحبينه؟؟تبي تنهبلين وتقولين ليته عايش ويضرب بس مايموت وينكسر قلبي..
أحسه نعمة كبيره الحب بين الزوجين..موضروري لأن الموده والرحمه أهم..
يله يالغاليه الدنيا فيها مصايب أكبر..شوفي أبقولك شي مهم تخليه نصب عينيك((مـــــــــاحد مرتاح))لا الي بعز ولا الي بغثاء..وكلن يقول مشكلتي غير....
اللــــه يصلح مابينكم..ويسخر لك زوجك ويهديه وألا يشل يده<<خربته!!
أقول: اذا شفتيه معصب أبعدي لا ترتزين قدامه علشان مايستسهل الضرب..وهو مسكين ماعند سلاح الا يده..يحسبها رجوله..
وأنتي فكري بفضله عليك لا توقفين عند أطرف عيب..
طولت عليك....بس رايقه على هالصبح وبتلت أهذر...دمتي بحفظ الله ورعايته..
|