16-11-11, 02:07 PM
|
|
الدوارة اديال العيد
المقاديـــــــر :
1- الدوارة ديال الغنمي “منقية و مغسولة مزيان” 2- زوج بصلات كبار محكوكين 3- 8 ثومات كبار محكوكين 4- قبطة ديال القزبور “مربوطة” 5- الملح+اسكنجبير+الملون+التحميرة+السودانية+القزبور مدقوق +الكمون 6- زيت الزيتون أو مخلطة “العادية+زيت الزيتون” 7- الخل
الطريــــــقة : من بعد ما نقينا الدوارة ديال الغنمي مزيان بالما سخون و الملح”حتى تولي بيضة”,نغسلوها بالما سخون و الملح و الخل,نخدوا طنجرة الضغط” كوكوط “نديروا فيها الدوارة مقطعة “طراف متوسطين”,نزيدوا عليها البصلة مشلضة أو محكوكة+الثومات محكوكين+الملح+اسكنجبير+الملون+التحميرة+السودانية+ا لقزبور مدقوق+قبطة مربوطة ديال القزبور,نخلط كل شي مزيان و ندير الزيت و ندير الكوكوط فوق العافية و نقليها شوية,نغطي الدوارة بالما و نسد عليها تطيب,منين تطيب نعري عليها لغطا ديال الكوكوط و نديرليها معلقة صغيرة ديال الكمون+ربع كاس صغير ديال الخل,ونخلي الدوارة تتقلا و تتدغمر حتى تتقال و تتعلك..
التوقيع
|
مدونات أم أيمن
oumaymen.blogspot.com
|
|