سؤال: ذكرتي الزبيب اليماني وين أحصل عليه ؟ أشرب المنقوع فقط وإلا آكل بعد الزبيب المنقع (أي أشرب الماء وآكل الزبيب بعد النقع)؟ كم مره باليوم ؟ متى أوقف الزبيب وإلا طول العمر ؟
الزبيب اليماني تلقينه عند العطار, اشربيه كله المنقوع والزبيب واذا تبين تاكلينه كانه مكسرات عادي وعدد المرات على قدرتك مرتين او ثلاث او اربع وبالنسبه لتوقيفه لحد مايرتفع نسبة الدم عندك للنسبه المطلوبه.
سؤال: والله انج خوفتيني لأني مره تعبت بالدوره وقالت لي وحده ان فيني فجره اللي قلتي عنها وانا حشاج الدوره ماتنزل معاي عدل ينزل معاي دم اسود اول يومين الله يخليج دبريني والله خاااايفه
وسؤالي الثاني صج لما الهم الرشاد ينظف الرحم؟؟؟؟
اعراض الفقرة جفاف في الدورة ويكون الدم في الايام الاولى زي التراب
وبعدين خفيفه ومؤلمه, ياليت تروحين لمرأة وتكشفين عندها اذا عندكم بالكويت واحدة ثقه
الرشاد ممتاز وينظف ولكن يستخدم في الايام الاخيرة احسن وياليت تشوفين
تدرج وضعي للدواء فانا اضع الرشاد مع التمر من اول الايام ولكن ما اخلطه مع السفوف الا بالايام الاخيرة.
سؤال: أنا ولدت مره واحده وكانت قبل ست سنوات .. وكان أسوء نفاس .. لا أكل ولا اهتمام ولااااااااااااااشي
معلوماتي تحت الصفر في هذي الأشياء ..
المهم حبيبتي ماطوّل عليك .. باقول لك على الأعراض وانتي تدليني أي نظام اختار اللي أثناء الدوره ولا الأربعين يوم .. عندي إفرازات مستمره مع إني سليمه طبياً والدوره كان الله في العون صعبه ومتعسره يبدا بطني ينتفخ قبل موعدها باسبوعين ثلاثه وآلام أسفل الظهر واسفل البطن والرجلين .. وأحياناً تتأخر أسبوع زياده عن موعدها .. تجلس ست ايام .. والثلاث الايام الأخيره تكون قليييييييله..وأحياناً يطلع هوا خلال الــ ...
وبعد عندي كم سؤال بخصوص الأعشاب ..
1- الحبه السمرا ممكن استغني عنها أو أبدلها لأني إلى الآن مالقيتها ..
2- جنبة البر .. كيف شكلها وكم أغلي منها ؟
3- ممكن أستغني عن مغلي الميرميه والقشر والقيصوم و ... ولا ضروري
4- البخور بكبو الهوا يكون وقت الدوره بس ولا أي وقت .. عادي
5- بقي آخر سؤال .. قريت في أحد المنتديات النسائيه .. وصفه شعبيه على شان الوحده تتأكد انها نظفت اليومين الأخيره من الدوره تجيب قدر أو أي إناء ماتحتاجه وتحط فيه مويه مغليه وتوقف عليه وتلف عليها شرشف على شان البخار مايطلع .. ما أدري الطريقه هذي سليمه ولا لا ..
الحبه السمراء(حبة البركه او الحبه السوداء) لازم
الجنبه والله مادري كيف اوصفها بس تنبت اخر الربيع علي شكل منبسط وردها لونه وردي مايل للموف وشوكيه ولكن الشوك يكون قوي بعد ماتيبس يعني في فصل الصيف اما الميرميه والقيصوم ضروريات ولكن ممكن تستغنين عن قشر القهوه
الكبو افضل شيء وقت الدورة اما الوصفه اللي ذكرتي ما اعرفها
سؤال: اريد علاجا للالتهابات فأنا وقت الاخصاب يسير عندي حكة داخلية ثم حرقة بول ما هو السبب برأيك ؟
بالنسبة للالتهابات والحكه افضل شيء انك تروحين لطبيبة نساء وولادة لان الالتهابات لازم تعالج بمضاد
سؤال: ابي اعرف شو تعني كلمة سفوف صاحبتي متزوجه من ثلاث سنوات وما حملت يقولن لها البويضات صغيرة واحيانا الهرمونات ماادري شوفيها وهي ضعيفةوااايد وحملت مرتيين وتسقط لان البويضة صغيرة كانوا يعطونها منشطات بس الحين وقفت شو رايك
كلمة سفوف تعني أي شيء مخلط ومطحون ويسف (يأخذ ناشف ويبلع) وانا بعباراتي هذي برجعكم للتراث اما صديقتك فأنصحها بالحلب تطحنه وتسفه على الريق وبعد المغرب وعند النوم غير انها تشرب مغلي الحلب كل مابغت ماتصدقين مفعوله على المبايض يقويها اذا كانت ضعيفه وتستمر عليه وفيه وحدة قريبه لي كان عندها ضعف في المبايض واستخدمت علاج الطبيب ومانفع لوحدة وبعدين رجعت استخدمت علاج الطبيب مع الحلب وحملت ولله الحمد والحين عندها طفلين .
سؤال: انا اشتكي من اشياء كثيره .انا ولدت مرتين قيصريه وما تنفست زين للاسف وما كنت ادري ان اللي اشتكي منه له علاقه بالنفاس الا من موضوعك الله يجزاك خير ..... انا دورتي غير منتظمه وعندي الام في اسفل البطن وعلى الجوانب ودائما معي افرازات طوول الوقت واحيانا يصير فيه رائحه كريهه واحس بالام عند الجماع ومرات يطلع هواء مع الجماع بطريقه معينه انا كنت حاطه لولب لاكثر من اربع سنوات وشلته من حوالي ستة شهور وماحصل حمل للحين !!! ياريت تساعديني يا اخت فيافي وتدليني على الحريم اللي قلتي في الرياض
اولا اذا انتي عمليه ليش مركبه لولب لان اللي عمليه ماتركب لولب بعدين فتره طويله اربع سنوات وخاصه انك عمليه بتقولين لان الاطباء نصحوك تطولين عشان الخياطه تتقوي وانا اقولك فيه طبيب بريطاني مسلم ممتاز جدا بعد ولادتي الاخيرة وقالي اني اجلس سنتين بس وهذي كفيله بأنها تقوي الخياطه وبعدين اترك المانع واحاول احمل لانهم يخافون من الاتصاق عشان كذا اقولك اصبري على نفسك ست شهور واذا ماحملتي روحي لمستشفى ممتاز وسوي منظاربس عشان تتطمنين والحين اصبري وحاولي بس بالدورة تمشين على النظام واذا حملتي ان شاء الله بعد الولاده طبقي النظام كامل
سؤال: شرايك باللي تشرب منقوع المحلب والمرة يعني تنقع لها محلب مع مرة في بطل ماء .... وطوال الدورة تشربهم وهل المحلب ينشف ..... وما رايك في جند البوال ( وحده من البنات مدحته على الريق للنفاس )
منقوعه المحلب والمرة ممتازة بس في الايام الاولى قللي من المحلب وبعدين في الايام الخيرة كثري منه اما جندالبوال ما اعرفه .
سؤال: احب اسألك ايش رأيك في المسك مسح مجرى الدم به بعد الدورة لمدة ثلاث ايام ويقولون انه الرسول عليه السلام وصى به
اما المسك اذا كان الرسول صلى الله عليه وسلم ذكرة في حديث عاثشه رضي الله عنها. فأنا ما اقدر اقول أي شيءلان الله سبحانه وتعالى قال (وما ينطق عن الهوى) سورة النجم.
سؤال: بغيت اسالك عن الرشاد مع السفوف في الايام الاخيره من النفاس لازم اطحنه ولا احطه كذا حب
انا احترت انتي تقولين الحلبه الايام الاولى من النفاس بس وناس كثيره تقول لا الايام الاولى ماتصلح لازم نستخدمها بعد عشره ايام من بدايه النفاس
امي حذرتني من المحلب تقول لاتستخدمينه لانه يجيب الشمم ايش رايك عزيزتي فيافي انا محتاره ابي الزين واحترت
السفوف لازم طحن ناعم اومجروش يصلح
الرشاد في السفوف في الايام الاخيرة حطيه بدون طحن.
لا الحلب في الايام الاولي وكوني على ثقه ويعلم الله الذي لا اله الاهو اني اقول ما عرفته منذو عقود وهو يخرب في الايام الاخيرة لانه يرخي الارحام ما يشده والمطلوب شد الارحام بعد الترهل اللي تعرضت له بسبب الولادة او الدورة.
اما السفوف تطحنينه ناعم قدر المستطاع.
سؤال: بعض الادوية اللى يسوونها جماعتنا تكون صفرة . اقصد حاطين كركم عليها. اشرايك هل الكركم له فايدة وكم المقدار المناسب؟؟ انت مدحتى الماش. بس شنو معلوماتك عنه؟؟ شنو فائدته.ينظف؟ ينزل البلاوى ( عزك الله)؟؟وبعدين انا سمعت ان فى حريم يجطون مع الادوية ترمس مطحون او حب بس امى تقول لا هذيلا يغشون لانهم يبون ادويتهم تنباع بالغالى لان الترمس يثقل الادوية.يعنى لما توزن تطلع ثقيلة العلبة فتستفيد او لما تحطها بكيس تترس الكيس.انت تستخدمينه؟؟
الكركم له فوائد يقولون عجزنا انه ينظف الكبد والمرارة بس مااعرف وماعمري استخدمته بعلاجاتي.
اما الماش ممتاز يجبر الكسور ويكثر الدم ويقوي العضلات ويشدها.
اما الترمس مو زين ينفخ الامعاء وكثرته تجيب القولون.
سؤال: ماهو مقدار الملح الفارسي في التحميلة التي ذكرتيها؟
هل من الأفضل إستخدام الأرطأ مطحون أم لا ؟
ماذا عن بخور النفاس عندما أردت أن أوصي أحد الأقارب لشراء هذا الأغراض أعطاه العطار بخور نفاس هل هذا مضر ؟
وماذا عن قشر القهوةهل هو ضروري ؟
وبعدين أنا متخوفة من كبو الهوالأنه يستخدم كبخور وأنا خايفة منه لأنها مناطق حساسة طمنيني الله يعافيك ويبارك لك في عيالك
كذلك أنا لي الآن بعد الولادة خمسة شهورهل ينفع أستخدم النظام الغذائي وماقلتي كله لأنه الدورة ماجائتني إلى الآن كذلك وحدة من قريباتي عندها ورم غلى يسار جدار المهبل هل لديك علاج طبيعي لهذا الشيء وماذا تعتقدين السبب هل من كثرة الولادات لأن هي ماشاء الله عليها عندها سبع عيال وعمرها 33 سنة ولا سوء عناية بنفسها كذلك يوجد عندها إلتهابات حول عنق الرحم عبارة عن كتلة جامدة إفرازات صفراء
والله انا ما اتقيد انا بمقادير اقدر تقدير ولكن ممكن انك تقلقين المرة او تزيدين الملح او العكس (م.ك مرة+م.ك محلب+ فنجان قهوه ملح) وتعجنيها بعسل وتكورينها وتخلينها بمكان فيه تيارات هواء لمدة يومين وبعد ماتنشف تستخدمينها.
عادي ممكن تطحنينه او تخلينه على شكله لانك راح تطبخينه مع الماء.
اما بخور النفاس(الكبو) انا اعطيت المكونات وممكن انتي تكونينها اما اللي جبتيه اخاف يكون معاه اشياء تخرب واهم شيء اذا كان معاه شيء لونه احمر زي الخرز سيليه مو زين.
ممكن تستغنين عن قشر القهوة.
اما ولادتك مايضر انتي سوي النظام اذا حاسه انك محتاجته لمدة اربعين يوم وخلال هذي الفترة عيشي حياتك طبيعي بس انك تمنعين نفسك عن الممنوعات وتاكلين الادويه.
اما قريبتك ما اقدر اقولك شيء الاعلى نوع الورم والافضل تروح للمستشفى اما اذا كان اكياس مويه فعليها بمغلي عشبة (الجنبه).
سؤال: من خلال خبرتك بالأعشاب ومعرفتك لهاأنا مشكلتى شعري قليل ويتساقط وخصوصا مكان الغره اللي فوق الجبهه خفيف مرررررره لدرجة إنها تعكس نور اللمبه والشمس
بالنسبه لشعرك:
سوي طريقة الاخت مايا الحلبه والثوم روعه لكن استبدلي زيت عافيه بزيت السدر او اللوز وممكن انك تأخذين جرجير عادي وتحطينه بزيت اللوز لمدة اسبوعين بعدين تفتحين العلبه وتستخدمينه مرتين بالاسبوع ومرتين حناء القصيم الاصلي
سؤال: اريد علاج لبداية الدوالي وانتفاخ تحت العين والالتهابات النسائية ان امكن
بالنسبه للدوالي ما اعرفله شيء وانتفاخ العين سمعت عن الخيار ان زين وانا ما ادري والله اما الالتهابات النسائيه افضل شيء لها العلاج عند طبيبة نساء واخذ مضاد مع مغلي جنبة البر وكمون
سؤال: أنا فروة رأسي دائما تعرق بس لو أمر على مكان مو بارد وأرجع تقولين هاذي توها متسبحه والله إن العرق يصب لدرجة إني أستحي من الناس ياليت ألقى العلاج وإذا ماتعرفين الله يخليك إسألي ..
انا كنت اعاني من نفس المشكله بس الحمدلله تغلبت عليها بالحناء كنت احطه يوميا على شعري والحمدلله راحت القشرة والتعرق والطريقه اني اعجن الحناء بالماء والزبادي واتركه خفيف واحطه على شعري وهو مفكوك لمده ساعتين باليوم في الفترة اللي تناسبني ولا اعطلع فيها بعدين اغسله بمويه بس وبعد ماينشف ازيته واخليه نص ساعه ثم اغسله بالشمبو المناسب وخلاص.
سؤال: قلتي( مفكوك)وش تقصدين فيه؟ أنا فروة رأسي دهني مايضره الزبادي؟ ماتعرفين أشياء نحطه مع الحناء تغذي وتكثر الشعر؟ وش الزيوت اللي تنصحينا نستخدمه للفروه الدهنيه ؟ إذا تعرفين شامبو يناسب الفروه الدهنيه؟
انا اعطيك تجاربي الشخصيه انا عندي اكزيما من شدة انه شعري دهني لدرجة اني كنت ماصبغ ابد شعري الا بالون البني الغامق المهم اني بعد ما استمريت على الحناء والزبادي الحمدلله صار تمام وانا اخلط الحناء بالزبادي عشان يتعادل جفاف الحناء مع ليونة الزبادي وقصدي (مفكوك) يعني تتركين شعرك بدون ربط على شكله مع انك راح تتضايقين من الحناء اذا نزلت على رقبتك بس طنشي.
اما الزيت انا استخدم كل الانواع بس ماأخليها تطول نص ساعه وبالكثير ساعه اما شامبو اللي استخدمه انوع ما اثبت على شيء عشان شعري مايتعود على نوع بس اكثر شيء استخدم سنسلك بالليمون.
سؤال: اختي فيافي صديقتي لها شهرين والده وجتها الدوره في نهاية الاربعين وبعد ماطهرت صار ينزل عليهابعد المعاشره دم خفيف وانتي بكرامه وشوية نجاسه والم ومغص في ارحامها وهي في غربه وضايق صدرها ولا تدري وش تسوي وامها تقول لها انك ماتنفستي زين وتبيها تنزل للسعوديه علشان تنفسها عدل. وانا صراحه ماقد سمعنا بهاالشي ابد ولله الحمد فياليت القى عندك الحل لانها مره تعبانه نفسيا ومبين عليها
اذا الوحدة ما طهرت بعد الاربعين يكون بالغالب انها ما اعتنت بنفسها انصحيها ولا تكون نفسيتها عدم ولا شيء مجرد نظام وتمشي عليه والحمدلله هذي امراض نقدر نعالجها بس تبي منا العزم, واذا كانت والده بعمليه فطبيعي ماتطهر بسرعه.
سؤال: حبيت اسئلك عن شرب الماء اثناء الدوره وهل يمكن ان نلهمه مع اللهوم فى ناس يقولون لازم تلهمون باالكمون او شى اعشاب ولازم مانشرب الماء نهائى باالدوره وانا مااستغنى عنه سؤاء بارد او دافئ
الضرر في شرب الماء هو احتباس السوائل وغير كذا اذا كان بارد لذلك مافيه مشكله من شرب الماء بس لاتكثرين يعني مو كل دقيقه اما اللهوم الافضل تلهمينه بمغلي اعشاب او كمون.
سؤال: ((سؤالي الاول ...الاشياء اللي قلتي عليها ما تسبب امساك (اعزك الله)
واذا كانت تسبب ممكن افطر على برتقاله على فكة الريق؟
سؤالي الثاني...اختي فيافي كاتبه في مقادير شاهي الاعشاب نص كيلو ميرميه ..وباقي المقادير كلها على نص كوب نص كوب ...هي فعلا تقصد نص كيلو ميرميه ولا كتبت كيلو بالغلط..يعني انا اخاف قصدها نص كوب ميرميه نفس الشي؟
سؤال آخر خلطه اول ثلاث ايام قلتي سفي مقدار 2 ملعقه من كل نوع مع كوب ماء ولا حليب
يعني شنو سفي ,سامحيني مافهمت الخلطه مطحونه احطها في كوب الحليب واشربها ولا اغليها مع كوب حليب وبعدين اشخله واشربه؟
بالنسبه للامساك عشان كذا قلت منقوعة العنزروت كل يوم نعم كيلو ميرميه لانها تساعد على طرد السوائل المحبوسه اما السفوف هو نفسه اللهوم تخلطين المقادير وتطحنيها وتاخذين ملعقه او ملعقتين وتبلعينهم ناشفات وعشان يروحون تشربين عليهم كوب الحليب ان شاء الله وضحت.
سؤال: استخدمت نظام الاعشاب من أول ايام الدوره ولكن حبيت اسألك عن عشبه وهي ( حبه حلوه) سألت عطار خبرته أكثر من 20 سنه وقال هي نفسها الينسون فأرجو منك ان تصفي لي شكل الحبه الحلوه حتى اعرف شكلها عند العطار؟؟؟
وبالنسبه للغسول هل هو من أول ايام الدوره وحتى في الايام العاديه يستخدم ؟؟؟؟ ويااختي فيافي كبو الهوا يستخدم في آخر ايام الدوره ؟؟
الحبه الحلو تأكدت انها الشمر مو اليانسون والغسول من اول يوم لاخر يوم وكبو الهواء بس في الايام الاخيرة.
سؤال: انا قمت بجمع كل الخلطات بس عندي مشكلة وهي اني حطيت الحبة حلوة قهوة عربية زي ماقلتي في بداية موضوعك وبالاخير قلتي انه شمر و الله توهقت عشان انا خلطتهم و قضيت هل لازم اعيد الخلطة ولا خلاص ايش رايك انقذيني
انا قلت القياس (فنجان قهوه حبة حلوه) مو معناه انك تضيفين قهوة عربيه وانا عرفت من البنات وبعدين تاكدت انه حبة الحلوة هي الشمر ياليت تكونين فهمتيني وياليت تحاولين تقرين الموضوع مع الردود يمكن يوضحلك اكثر.
اذا القهوه مو محموسه (خضراء ) كبي كل الادويه اللي خلطتيها معاها اما اذا كانت محموسه ماراح يضر بس لاتعيدينه مرة ثانية.
سؤال: جاراتي يقولون انهم وقت الاربعين يتنقعون في الدباغ.. هل سمعتي عنه وهل هو كويس اولا
وبعد يقولون انه يستخدمون خلطه يحطونها مع المرقوق والمعكرونه يسمونها الحوايج انا مررررررررررره ذقتها معهم طعمها حلو ولونها اخضر هل اتعرفين مكونات خلطه زي كذا نحطها مع الاكل ولا يكفي السفوف وشاهي الاعشاب؟
الدباغ حلو وهويغني عن الارطاء بس انا ماذكرته لاني افضل الارطاء والدباغ يسمى (العرن)وهونبات ينبت في الجبال.
اما الحوايج اللي تقولين فيه لون اخضر هذا (ماش) النبات اللي سبق وتكلمت عنه وفيه بعض النساء تخلطه مع الاكل وهذي مقاديره(ماش ,حلبه,حبة سمراء حبة حلوة,كمون,لوبياء حمراء صغيرة).
سؤال: بغيت اسالك هل العشبة هى نفسها المسيكة؟؟؟ لان عندى بخلطة امى حقة النفاس عشبة ولما سالت العطار قال ما عندى وما اعرفهاواللى اعرفه ان المسيكة تنشرب مع الحليب. شرايك اخلط المسيكة مع الادوية بدل العشبة. ناطرة اجابتك وعندى سؤال بعد وين احصل الارطا بالكويت او بالسعودية خصوصا الرياض والمنطقة الشرقية
والله مدري وش تقصدين بـ(المسيكه) المهم النبته اللي تحطها لكم امكم اذا متعودين عليها لاتغيرونها
اما الارطاء اكيد بتحصلينه بحفر الباطن اذا تقدرون تمرونها لانها هي اقرب شيء للشرقيه والكويت واهلها بدو وبيعرفونه على طول وهو ينبت بالنفود عندهم وانصحك تروحين لسوقهم الشعبي وتسألين عنه عن اكثر من عطار لحد ماتتأكدين من انه نفس النوع المعروض لك يعني مايختلفون اذا عرضوه لك
سؤال: ممكن اذكرلش اشكال الاعشاب اللي عندي عشان اتأكد منهم
شيح :اوراق صغيرة جدالونها باهت وفيها اعواد صغيرة وزنه خفيف
نونخة : حبوب تشبه الينسون على اصغر شوي
ارطا :اعواد ناشفة بدون اوراق لونها يميل للبني المحمر
قيصوم : اوراق صغيرة وحبوب متوسطة واعواد واللون بني فاتح ولما تنطحن تسير مثل لون الرمل
حزاة: اعواد فاتحة اللون (ابيض مخضر قليلا )وفي شوية اوراق صغيرة
حب الرشاد : حبوب صغيرةاكبر من السمسم شوي ولكن حمراء واثقل من السمسم
وابي اعرف كيف شكل الحلتيته هل هي كتله متماسكه لونها بني غامق محمر
والصبره ايضا هل هي قطع صغيرة لونها بين الاصفر والبرتقالي
والحبه الحلوة كيف شكلها هل هي نفسها الينسون
والمره سألت عنه وقال لي العطار ان هناك انواعواسمها مر سوقطري (من اليمن ) ومر عادي ولكن السوقطري اغلى بكثير عن الثاني وهو شكله كقطع الحجارة المتكسرة الصغيرة كاللتي تستخدم في البناء والنوعين متشابهين جدا
اتمنى ان لا تنسي اي واحد يا عزيزتي فقد بقي المره والصبرة لم اشتريهما والدورة بعد يومين تقريبا موعدهاواود التجهيز بسرعة
كل اللي ذكرتي وصفهم صحيح ماعدا القيصوم اما الحلتيته هي الكتلة البني لونها والصبره هي اللي تجي قطع كبيرة وبعضها مسحوق لونها بني وطعمها مر لها ريحة غريبه. اما المرة تكون زي الحجر الضغير ولونها بني فيه لمعه شفافه
سؤال: المسيكة عشبة لونها اخضر اسمع انها تنشرب مع الحليب والحريم يلقطونها من البر بس اللى امى تستخدمها عشبة.اسمها شذى بس متى ما رحت لها اباسالها عنها لانى ابسوى روحى ظفرة وبجيب ادويتى بنفسى هالمرة بس توهقت بالعشبة.مالى غناة عن الوالدة مع انى ما ابى اتعبها واعنيها واخليها تجيب ادويتى وتلقطها ووووو انت عارفة الباقى. بس صج فيافى انت تغسلين الاعشاب بعد ما تنظفينها والا بس تلقطينها؟؟؟
بالنسبه للاعشاب استخدمي اللي تعودتي عليه مع الوالدة الله يخليها لكم وانصحك اذا رحتي تجنين معاها الاعشاب تصورينه وتحتفضين بالصورة للحاجه وان شاء الله انا بسوي كذا هذي السنه اذا جاء موسم الربيع.اما انا اذا جنيت النباتات اغسلهم وايبسهم في الهواء على صحن بس اغطيه بقماش (شيلة العجايز) لانها اقرب شي للشاش وتسمح بدخول الهواء وبعدين عند الاستخدام اغسلهم مرة ثانيه.
منقول