قليل منّا من يحاكي ذاته ويعترف بـ اخطائه ونادرٍ من يواجه ذاته كـ وجود
وحكم النادر كالمعدوم ..
وهذه قصه احتكاكي مع شخص مصاب بالبهاق وتغير افكاره من الاسوء الى الافضل ..
في صيف 2006 تخرجت من جامعه طيبة كلية العلوم الإدارية تخصص إدارة اعمال , وبعد تخرجي بشهر اتصل احد مسؤولين فنادق في مدينه جده وكان صديق الوالد ..
وقالي مكتب العمل يضايقنا بالسعوده ومحتاجين لشباب سعودين وعرض على سوبر فايزر بالفندق , طبعاً وافقت بشروط ومنها تطبيق مادرست بالفندق وان يديني صلاحيات اوسع واني ابقى بالفندق فقط ثلاث اشهر بحكم عملي الخاص بالمدينه وارتباطاتي ..
واتفقنا هالشروط لكن تحت مراقبه منه شخصياً بحكم خبرته الادارية والعمليه بالفنادق .. و وافقت على شرطه الوحيد واستلمت السوبر فايزر وغيرت جميع انظمه الفندق المتهالكه العشوائيه [ نظام دقه قديمه ] .. مو موضوعنا هذا ..
الموضوع انو استغليت تواجدي في جده وراجعت كم عيادة جلديه للبهاق , وفي يوم من مراجعتي تعرفت على شخص مصاب بالبهاق وكان يستحي من البهاق بشكل لا يوصف وكان يخبي البهاق بـ اكمام ثوبه الخ ..
انصدمت انا من هروبه لواقعه وكان هذا الشخص اول شخص اتعرف عليه مصاب بالبهاق .. وسالته وين تشتغل وين سكان من الاسئله الاعتياديه ..
جاوب علي انه محبوس في البيت وما يخرج الا نادراً الخ .. طبعاً اجوبته كانت مثل السهام القاتله لقلبي ..
سالني هو نفس الاسئله ..
رديت عليه شغال بـ فندق سوبر فايزر مؤقت .. طالع فيني بنظره شخص محشش ويفلت علي صواريخ .. لوول
المهم ..
قلتله ايش رايك تمشي معايه للفندق وداوم معايه بالرسبشن شفت واحد ..
قالي اووكي بثقه .. ع باله اني من جنب القده ..
المهم رحنا للفندق وكان تحت يدين ثلاث شباب سعوديين و واحد اردني كلهم كنت ادربهم على ادارة الفندق بحكم دراستي ..
و وزعتهم وضليت انا وهالشخص المصاب بالبهاق برسبشن وكل ما دخل عميل او شخص اخر كان يخجل وينظر بالارض ويدس البهاق بـ اكمام الثوب الخ ..
وكنت انا اتجاوب مع العميل بدون تردد وكان نفس الوقت عيني عليه وهيا بالارض ويرفعه ويطالع فيني بـ استغراب ..!!!
المهم بعد مرور اربع او خمس عملاء شال الخجل وصار يقلدني رغم بهاقه مو واضحه بسيط ..
وكان بهاقي بايين و وضح الشمس ..
وكانت افكاره قبل لا يحتك معاي بشكل مباشر ..
يبغى يسافر للكندا ويتزوج كنديه ويعيش برا السعوديه الى الابد لان في تفكيره المجتمع رافضه ..!!!
وحاولت اصححها بـ اشياء صارت قدام عينه ومنها ان فندقيين عرضو على إدارة فندقهم برواتب مغريه وكنت ارفض بحكم اربتاطي بالمدينه الخ .. والحمدالله بعد ثلاث ايام اعتدل عن افكاره ورجع لمدينته خميش مشيط وضلينا ع اتصال ع الجوال من بعدها ..
والحين يقابل المجتمع بدون تردد وتوظف في شركة اتصالات خدمة عملاء .. ولا كمان اتزوج الصيف اللي فات من وحده سعوديه مافيها بهاق ..
رغم ان افكاره كانت هجره برا السعوديه الخ ..
فكرتي لطرح هالموضوع ..
شيل من راسك افكار الوسوسه وابعد عن كل شي غير واقعي ..
ع سبيل المثال ..
هذا اشبه يطالع فيني .. ممكن راح يقول شي عن البهاق
ممكن لو مارحت السوق اليوم مارح احد يجرحني ..
الخ الخ الخ من هالافكار المدمره لذاتك ولطموحك وجموحك ..
حاول ان تصارح نفسك بـ البهاق .. قول لنفسك البهاق فيني هالايام وسوا تعالجت ولا ما تعالجت رااح اعيش حياتي بدون توقف ..
مجرد تغير في اللون لا اكثر ولا اقل ..
ولا تتحس مع الاخريين
لا تحكم ع نفسك بالشفقه
حاول تتقألم مع نفسك منشان يقدرو يتأقلمون معاك ..
وربي اني بكتب هالموضوع من قلب كله جنووون فيييكم ولااابس تي شيرت كت اسوود واخويا اللي اكبر مني جنبي .. اييزي
وكماان دوبي جااي مع اصحابي من سلطانه بالمدينه ودخلت قزاز والمغربي ودخيل بلاز والبهاق مبين للعامه واييييييزي
وسلطانه هذه مثل التحليه بالرياض ولا بجده ..
وترى العمر واااحد وربناااااااا وااااحد .. كم مره رااح نعيش في هالدنيا ..
خلااااااااااص عيش حيااتك لحظة بـ لحظة ..
وانا فيني البهاق وافتخر ..