25-04-07, 09:24 AM
|
|
الجزء الحادي والعشرون ,, وإن شاء الله يعيبكم ...
******************************************
و يوم الثلاثاء الساعه 12 فالليل فبيت بو غانم مريم كانت واعيه ترتب اغراضها و هي معصبة و متوتره على الاخر و اتصل سيف ... مريم من شافت رقمه ردت عليه بسرعه لانها طول هالشهرين الي طافن مارمسته و كان خاطرها تهزبه .
مريم بعصبيه : الو
سيف بهدوء : الو السلام عليكم
مريم : و عليكم السلام ..... نعم شو تبى ؟؟؟؟؟
سيف فخاطره بسم الله صدق مضيجه الله يعيني عليها
سيف : مابى شي بس اسلم
مريم : سلمت خلاص سكر
سيف مبتسم : شوفيج ؟؟؟؟؟؟
مريم : مافيني شي
سيف : ليش مب راقده ؟؟؟؟؟
مريم : ارتب اغراضي
سيف : موزة قالتلي انج خلصتي ترتبين
مريم :هيه خلصت بس لازم اتاكد من الترتيب
سيف : ممكن اعرف شو مضايجنج ؟؟؟؟
مريم : محد مضيجبي غيرك
سيف : انا شو سويت ؟؟؟؟؟
مريم بغيظ : سلامتك ماسويت شي
سيف : انا متاكد اني ما سويت شي
مريم انفجرت : اريد اعرف ليش ما خليت العرس فالصيف يعني لازم اوقف كورس ؟؟؟؟
سيف : الحين انتي هذا الي قاهربج ؟؟؟؟؟
مريم : هيه
سيف : انزين شو تبيني اسوي يوم عمج يبى العرس فشهر اربعه
مريم : انزين ليش ماقتله انك مالقيت حجز فالفندق ؟؟؟؟
سيف : كيف تبيني اجذب و عمج كان رايح ويانا ؟؟؟؟
مريم : انزين الحين ماشي فايده خلاص حتى لو احتشرت من اليوم لين باجر محد بيسمعني
سيف يبتسم : الحمدالله يوم عرفتي
مريم : ممكن اعرف ليش متصل الحين ؟؟؟؟
سيف : متصل عشان اقولج و ين بروح بعد العرس
مريم : و ين بنروح ؟؟؟؟
سيف : جهزي شنطج لان من بيخلص العرس بنروح دبي مابنقعد فالعين
مريم : فنص الليل بنروح دبي ؟؟؟؟
سيف : هيه شوفيها ؟؟؟؟
مريم : ما فيها شي كم يوم بنقعد فدبي ؟؟؟؟
سيف : ثلاث ايام بنقعد فدبي و مابنرجع العين بنروح على طول لبنان
مريم بصوت عالي : وين بنروح ؟؟؟؟؟؟؟؟؟؟؟؟
سيف : بسم الله شفيج بنروح لبنان
مريم بعصبيه : مب رايحه وياك
سيف مستغرب : ليش ؟؟؟؟؟؟
مريم : انا ماريد اروح لبنان
سيف : انزين ليش ؟؟؟؟؟
مريم : حد يروح شهر العسل لبنان ؟؟؟؟؟
سيف : شو فيها لبنان كلهم يمدحونها واااايد حلوه
مريم : خلهم يمدحونها المهم انا مابروح لبنان وياك روح بروحك
سيف : كيف اروح بروحي لازم انتي وياي ؟؟؟؟
مريم : تباني اروح وياك مانسير لبنان
سيف : انزين عطيني سبب واحد ليش ما تبين تروحين لبنان ؟؟؟؟؟
مريم : انا اعرفك ليش تبى تروح لبنان
سيف باهتمام : ليش ؟؟؟؟
مريم : عشان تروح اطالع اللبنانيات هناك
سيف بصدمه : انتي مينونه شو اطالع فيهن و انا توني معرس ؟؟؟؟
مريم : مادري عنك عيل ليش تبى تروح لبنان ؟؟؟؟
سيف : لان لبنان وايد حلوه
مريم : انزين انا ماريد اروح لبنان
سيف : عاد انا حجزت
مريم : كنسلهن مب لازم نروح مكان الحمدالله بلادنا وايد حلوه انا ماريد اظهر منها
سيف : هاهاهاهاهاهاهاهاهاهاهاها
مريم : ليش تضحك ؟؟؟؟؟؟
سيف : صدق انتو الحريم لبنان مسوتلكم عقده .... ابوي اجذب عليج مابوديج لبنان
مريم : عيل وين بنروح ؟؟؟؟؟
سيف : مفاجاة ..... المهم انتي جهزي شنطج
مريم : انزين كم يوم بنقعد ؟؟؟؟؟؟؟
سيف : مثل ما قتلج 3 ايام فدبي و عشر ايام الدوله الي بنروحها
مريم : خيبه 13 يوم ماشوف فيهن اهلي ؟؟؟؟؟؟
سيف : شفتي عاد يمكن اخليهن 20 يوم بعد ؟؟؟؟
مريم : ياويلك برجع بروحي و بخليك
سيف : انتي ما تقدرين تمشين من بيتكم لين بيتنا و ين بتردين بروحج ؟؟؟؟
مريم : انزين بنشوف
سيف : اوكي بشوف
مريم : اقولك ممكن تسكر لاني اريد ارقد و مب متفيجتلك ؟؟؟
سيف : هذا لسانج الطويل بقصه
مريم : بخبر عليك ابوي
سيف : خبري
مريم : اوكي بخبر , بعدين لاتم اتصيح و تترجاني اتوسطلك عند ابوي عشان يسامحك ؟؟؟؟
سيف : لا تخافين ما بترجاااج
مريم : اوكي باي
سيف : تصبحين على خير
مريم : و انت من اهل الخير
سيف : مع السلامه
و يوم العرس الساعه 5 العصر
سلامه : امايه بروح مع مريم الفندق انزين ؟؟؟؟
ام محمد : منو بيوديكم ؟؟؟؟
سلامه : غانم
ام محمد : انتي من الحين بتلبسن فستانج ؟؟؟؟؟
سلامه : لا امايه بلبسه فالفندق
ام محمد : خلاص روحي وياهم
سلامه : روضه بعدها ماردت ؟؟؟؟؟
ام محمد : بعدها ماردت
و سمعو صوت هرن سياره
ام محمد : هذا غانم يلا قومي روحي .
سلامه : ان شاء الله انتو متى بتون ؟؟؟؟؟؟
ام محمد : الساعه سبع ان شاء الله
سلامه : اوكي باي
طلعت سلامه وركبت السياره
سلامه : السلام عليكم
غانم و مريم : وعليكم السلام
سلامه : شحالك غانم ؟؟؟؟؟
غانم : الحمدالله بخير ..... شحالج انتي ؟؟؟؟
سلامه : الحمدالله ..... هااااااه العروس شو اخبارج ؟؟؟؟
مريم بعصبية : سكتي عني
سلامه : بسم الله شفيج غاديه فلفل
غانم مبتسم : هذا حالها من امس كل ما رمسناها يا تقفطنا او تنازع
سلامه : ما تنلام العروس دايما تكون جيه متوتره
غانم : ما عطاها سيف شو طاير من الفرحه
سلامه : لازم بطير من الفرحه مادامه بياخذ مريم شيخة الحريم
غانم : صدقج بياخذونج عنا يا مريم و بتروحين كيف بيكون البيت بدونج بعد ما تروحين انتي منوره علينا البيت
مريم انفجرت اتصيح
سلامه بعصبيه : غانم هذا وقتك اتصيحها الحين
غانم برتباك : والله مب قصدي اصيحها
ووقف السياره يهدي مريم و بعد ما هدت راحو الفندق و فالفندق
سلامه : غانم وين بتروح ؟؟؟؟.
غانم: بروح أيب حرمة عمي وبناتها وسارة و روضة من الصالون.
سلامة: مابتقعد ويانا.
غانم: لا عندي وايد أشغال.
مريم شهقت.
سلامة: شفيج.
مريم: نسيت شنطة الذهب فالبيت.
سلامة: يا حافظ عليج حد ينسى الذهب.
مريم: شسوي عاد نسيت.
غانم: اوكي ما عليه بييبها بعد ما ارد قوم ساره من الصالون يلا باي.
سلامة: باي.
مريم: متى بتي راعية الصالون.
سلامة: الساعة 6.
مريم: خيبة ونحن ليش يايين من وقت.
سلامة: الحين الساعة 5,30 صبري نص ساعة وبتييج راعية الصالون.
مريم: انزين راويني فستانج.
سلامة: بعدين.
مريم: يلا عاد راويني.
سلامة: اوكي.
سلامة راوت مريم فستانها.
مريم: يا سلاااااااااام وااايد حلو حتى لونه عجيب انتي اللون الاحمر يخبل عليج.
سلامة: مشكورة.
مريم: العفو الا أقول كيف مسويه شعرج؟.
سلامة: مب مسوتنه شي طالقتنه.
مريم: ينتي انتي؟.
سلامة: ليش؟؟.
مريم: بياكلون شعرج.
سلامة: عاد خلاص انا قررت اخليه مفتوح.
مريم: أمج تدري؟.
سلامة: هيه تدري.
مريم: وما قالت شي.
سلامة: لا.
مريم: تبين نصيحتي ,, رفعي شعرج.
سلامة: مشكورة على النصيحة بس ما برفعه.
مريم: والله كيفج شعرج والا شعري خليهم يحسدونه.
سلامة: إن شاء الله محد بيحسده.
ويتهم راعية الصالون والساعة 7 دخلت موزة عندهم.
موزة: السلام عليكم.
الكل: وعليكم السلام.
موزة بفرح: مـــــــبـــــــــروك عليج يا العروس ,, ما شاء الله ما شاء الله عليج يا حرمة أخوي , لا لا لا لا اليوم بتخبلين بسيف.
سلامة: هاهاهاهاهاهاهاهها.
مريم بخجل: بلا سخافة انتي وياها امي وين؟؟؟.
موزة: أمج و أمي وخالوه تحت عند الحريم , الحين بتتصورين؟؟.
سلامة: هيه الحين بتتصور و بعد انا وانتي بنتصور وياها قبل الكل.
موزة: سلامة أشوف لفي ؟؟ فاله شعرج؟؟.
سلامة: هيه.
ولفت تراوي موزة.
مريم: هزبيها قتلها رفعيه ما طاعت.
موزة تمسك شعر سلامة: ما شاء الله على شعرج طول زيادة.
مريم: هيه تقول خيمة مغطي كل جسمها.
سلامة و موزة ضربن مريم.
سلامة: بسم الله على شعري من عيونج.
موزة: قولي ما شاء الله لا تاكلينه.
مريم: مالت عليكن ليش اضربن نسيتن اني عروس.
سلامة+موزة: هاهاهاهاهاهاهاهاهاها.
وقفت مريم شوي تصورين عشان ترتاح.
سلامة ترمس امها: متى انزلها؟.
ام محمد: صبرن نص ساعة لين ما يخلصن الحريم يتعشن.
سلامة: إن شاء الله أمايه.
موزة: شو تقول متى انزلها؟.
سلامة: بعد ما يخلصن الحريم عشى.
مريم: وانا متفيجة اترياهن لين ما يخلصن عشى.
موزة: شفيج تتحرطمين؟؟.
مريم: أنا تعبانه صارلي يومين مب راقدة.
سلامة: عاد هاي مشكلتج محد قالج لا ترقدين.
مريم: شسوي ما ياني ارقاد.
موزة: عيل بعده وراج خط دبي شو بتسوين؟.
مريم: هذا كله من اخوج لازم يتعبني مايقدر يخلينا نروح باجر لازم اليوم.
سلامة+موزة: هاهاهاهاهاهاهاها.
سلامة: والله يا مريوم اللي بيسمعج بيقول عيوز هاي مب عروس من الصبح تتحرطمين.
موزة: والله تقول عيوز مكسره يحالهاظو
مريم: سمعن أنا مب متفيجة لسخافتكن بروحي معصبة سكتن عني لو سمحتن.
سلامة: خلاص بنسكت.
سكتن سلامة و موزة واللي تصور كملت تصوير مع مريم ,, و موزة قاعدة اطالع تلفونها وهي سرحانه و سلامة تتأملها أو تفكر فيها , موزة ما طاعت تتحنى والكل حاول وياها وبس عشان خاطر سيف حنت اصبوعها وما راحت الصالون هي عدلت عمرها وكانت طالعه ملاك شكلها هادي ورقيق وايد , لابسه فستان بسيط لونه ذهبي ,,, ومريم قطعت افكار سلامة.
مريم: ايه انتن ليش صخيتن.
موزة: انتي قلتلينا نسكت عنج.
مريم: كنت اقصد السخافة.
سلامة: الحين نحن كنا نتسخف؟.
مريم: عيل شو كنتي تسوين من الصبح.
سلامة: كنت احاول اغير مزاجج بس شكله ما بيتغير.
وعلى الساعة 8,30 اتصلت ام محمد بسلامة اتقولها ينزلون مريم.
سلامة: اوكي الحين بتصل بغانم باي.
مريم بخوف: شو؟؟ ليش بتتصلين بغانم؟.
سلامة: عشان ينزلج.
مريم ترتجف: ومنو قالج اني بنزل.
سلامة: و منو قالج اني بشاورج الحين بتصل بغانم.
مريم: عادي اتصلي ما بنزل.
موزة: ليش عاد ما بتنزلين؟.
مريم: خلاص غيرت رايي ماريد اعرس ردوني البيت.
التوقيع
|
{وماتوفيقي إلا بالله عليه توكلت وهو رب العرش العظيم}
|
|