29-06-18, 10:33 PM
|
|
رد: يابعدهم انتي
اليوم ابي اقول لكم سالفه فيها الخيال شاطح حبتين
اليوم العصر فاضي ولا عندي شغل وودي اغير جو وبخاطري ازور محافظه عيون الجواء اللي تبعد عن بيتنا حوالي 20 دقيقه بالسياره اتصلت على احد اخوياي وقلت جهز حالك ابي. نطلع سوا لعيون الجواء وتحديداً مقر ومكان عنتره بني شداد ،. وصلنا الصخره المشهوره وجلسنا وبعد ما جلسنا سرح بي الخيال وعشت دور عنتره الفارس والشاعر والعاشق ههههههههه واستسلمت للخيال وتصورت اني عنتره وكأني عايش ذاك العصر ومعي سيفي وراكب الخيل واقاتل الخصوم من اجل عيون عبلا ههههههه واستسلام تام للخيال الشاطح لدرجه اني نسيت خويي الي معي ، الى درجه انه طبخ القهوه والشاهي وانا سارح بخيالي وتاركه المهم رجعت للواقع وضحكت على نفسي هههههه
تذكرت معلقه الفارس والشاعر عنتره وهذا مقطع منها
هل غادر الشعراء من متردم
أم هل عرفت الدار بعد توهم
يادار عبله بالجواء تكلمي
وعمي صباحاً دار عبله واسلمي
الى ان قال
وتحل عبله بالجواء واهلها
بالحزن فالصمان فالمتلثم
|