تخيل نفسك تتبول واثناء التبول اردت فجأه ان توقف تيار البول( دون ان تستعمل يديك) انك تعصر العضله تقبضها هذه العضله تتحكم بخروج البول . هذه العضلات التى اعطيت لها الامر بالانقباض هى المقصوده بهذا التمرين : هناك عدة طرق لاداء ذلك سنختار اثنان منها الطريقه الاولى: الضغط(كأنك توقف البول) والارتخاء بسرعه من 10-20 مره متتاليه ثم راحه لمدة دقيقتين ثم ادائها مره ثانيه ثم راحه نفس المده السابقه ثم ادائها مره ثالثه ثم اداء كل ذلك 3 مرات فى اليوم لمدة 3 اسابيع على الاقل, الطريقه الثانيه: افضل وذلك بالضغط(كأنك توقف البول) وتستمر فى ذلك وانت تعد حتى 10 ثم الارتخاء نفس المده ثم الضغط نفس المده وتكرار ذلك 3 مرات وتكرار كل ذلك 3 مرات باليوم لمدة 3 اسابيع على الاقل وينتظر ظهور نتائج ايجابيه خلال اسبوعين من بداية التمرينات
سؤال: لقد طبقت الادويه في فترة الدورة والحمد لله والشكر له ثم لكي .. لكن سؤالي .. هل تظهر رائحة الادويه عند الجـ....!!!!
لقد سمعت ان هناك حديث عن عائشة تحث امراة عند الانتهاء من الدورة بان تتتبع اثر الدم بالطيب ... كيف ذلك ..؟
ريحة الادويه ماتطلع اذا كانت المدة طويله بس التحميلات اذا قبل بليله تبين بس انتي وشطارتك عشان تروح وعلى كل حال هي ريحه موقويه يمكن انتي بس تلاحظينها
اما الحديث السابق ياليت نسأل عنه رووما وتشرحه لنا لاني حتى انا مو عارفه شرحه.
سؤال: حبيت أسأل عن تساقط الشعر. أنا حامل بالشهر الثالث وشعري يتساقط بكثثثثره. قلت يمكن عندي فقر دم كالعاده . رحت للطبيبه وقالتلي انه ماعندي والحمدلله لاني اخذ حبوب حديد.وودي الله يعافيك أسال عن الادويه اللي تكلمتي عنها وش اللي يصلح منها للحامل؟وش رايك بالحبه السوداء لان معدتي دايم تغثني.
والله ما اقدر اوصف لك اي دواء شعبي وانتي حامل لان هذه الفترة متعبه واخاف انه بعض الادويه تسبب لك شيء مو زين
سؤال: ابي اسالك عن ولدي الصغير عمره 3شهور ونص واحس انه داخله بردلانه اذا سواها الله يكرمك يكون شبه سائل ولونه اخضر سامحيني بس والله مضيق صدري واذكر امي تقول هذا علامة انه داخله برد ومعه كحه خفيفه واحس ان عنده بلغم واحيانا اذا صاح اسمع له صوت زي الشخير من خشمه ومعه بعد زكام ماادري وش اسوي ليه هل المره تنفع والا الرشاد والا امرخه بزيت دافي والا وش الحل ؟؟؟
بنتك شكلها فعلا متعرضه للبرد ولكن هل مع التخريج زي الصمغ ولزوجات اذا كذا فهذا برد داخلها عن طريق رضعه بارده لانه تخريجها لونه اخضر مو ابيض العلاج اعطيها شوي عنزروت .م.ص. وخففيها في الصباح والمساء ورضعيها كمون مع سكر نبات وخلي الرضعه دافيه وادهني بطنها بزيت زيتون دافي مرتين في اليوم صبح ومساء وكتري عليها الملابس اذا انتم في مكان بارد او تنامون عند مكيف
اما الكحه فخذي كوب علك مر +لتر ماء وحطيهم في الثلاجه واعطيها ملعقة كبيرة مرتين بس بعد ماتدفينه شوي وخليه عندك في الثلاجه لك ولبنتك ولزوجك كلكم اذا تعبتو من غير شر عليكم اشربو منه
سؤال: انا جربت الادوية لكن السفوف على الريق والعصر فضيع طعمه وما ينبلع بسهوله وانا اخذ ملعقة واحدة متوسطه لأني اشعر بعدها بغثيان من طعمه المر وبعد منقوع العنزروت و---- مر فضيع لم استطيع شربه يمكن لأن المره ذابت فيه وطلعت طعم مر
اما التحاميل استخدمتها وانا اصلا كان عندي التهابات من اول فأحسست بحرقة رهيبه لكن ما كان في وقت اجهز التحاميل عشان تنشف رحت وخليتها في الفريزر عشان تجمد واستخدمت وحدة امس واليوم لم استخدم فشو رايش اكمل
والارطا اغتسل منه مره في اليوم والا كل ما ادخل الحمام ( الله يعزكم )
المره جابتلي واحده من السعوديه لونه احمر وفيه شفافيه شوي وقالت ان لما يكون اسود يكون قديم وله ريحه وطعم مر جدا
التمر مع الرشاد عادي لكن اي كميه مو مشكلة اذا شوي
التحاميل افضل شيء تستخدمينها دافيه يعني لاتستخدمينها مباشرة من الفريزر والا كانك ماسويتي شيء اما الارطا مرة في اليوم تكفي لاتكثرين وباقي اليوم مناديل التمر مع الرشاد كلي رغبتك اما الادويه اغصبي نفسك عليها لازم حتى لو طعمها مر تخيلي انا اذا شربتها احس ان كل شعره في جسمي توقف بس مو مهم اهم شي الصحه واسأل مجرب
سؤال: بغيت اخبرج عن اللي صار معاي بعد ما طبقت البرنامج لمدة أربعين يوم وفي نص الأربعين يوم جتني الدورة الشهريةوللعلم تره أول مرة تجيني من عقب ما ولدت (ولدي ألحين عمره سنة ونص ) بس أنا ما أنضبطت على البرنامج عدل عدل
المهم ان الأفرازات خفت بشكل ملحوظ فيه شوي بس مو كثر قبل والهوا بعد خف بشكل كبير المهم أني كنت أنتظر الدورة الشهرية تجيني مرة ثانية علشان أنظبط على البرنامج بس المشكلة أنها تأخرت ألحين أسبوعين
والحين أفكر أني أعيد البرنامج مرة ثانية لمدة أربعين يوم اشرايج
مايضر اذا بتعيدين النظام اهم شيء النتايج وانتي لاحظتي الفرق بس انتظري الدورة وطبيعي تلخبط معك الدورة اذا انتي ترضعين وماتستخدمين مانع واهم سيء تجنبي الجوع وعليك بالتمرة والرشاد
سؤال: فيه وحده من صديقاتي بتسافر لمدينه حائل وبتسكن فيها وتسال اذا كان فيه حرمه او مكان متخصص بالطب العربي تقدر تروح عنده...... او اي محافظه موجوده في حائل مثل /// جبه/// بقعاء/// الخطه/// اذا كنتي تعرفين فلا تبخلي علي
هناك الكثير من النساء المعالجات في حائل ولكن من الصعب اني اعطيك أي اسم لخوفي ان اسبب لهن ضرر وانتي عارفه الانترنت ولكن انا واثقه انها اذا سكنت في حائل فهناك كثير من نساء نفس المنطقه الشاطرت واذا سألت سوف يساعدنها ولكن سوف اعطيك بعض الاسماء التي نحسبها ثقه والله حسيبها (ام فهد) امرأة سمراء بحي السلام )ام بندر) شمريه بحي صديان الغربي (ام عمر) رشيدية بحي صديان الشرقي
سؤال: انا ماعندي عنزروت وانا في الغربه وش ممكن استخدم بداله؟ وزيت الزيتون وش رايك لو احط معه فلفل اسود او زنجبيل ؟؟؟؟؟؟
والسؤال الاخير علك المر هل هو اللبان اللي يباع بالكيلو ويجي كسر صغيره ولونه يميل للاصفر ؟؟؟؟؟؟؟
ادهنيها بزيت زيتون وزنجبيل بس لاتكثرين.. العنزروت مهمه ولا اعرف شيء يغني عنها
العلك المر مثل ماوصفتيه ولكن طعنه مر جدا ماينبلع من مرارته وهواللي يطلع البلغم
سؤال: أعاني من لخبطة الدورة من سنين وذلك لأنني لم أستخدم أي لهومات للدورة أو للنفاس.. هل النظام الغذائي وكذلك الأدوية التي ذكرتيها تصلح لي وأنا قد عملت خمس عمليات قيصرية ، وكذلك أنا أعاني من إفرازات كثيرة والدورة تستمر معي من 13 الى 14 يوم ولكن الأربعة الأيام الأولى يكون فيها دم عادي وبعدين تبدأ تخف يومين ثم تنقطع يومين ثم ينزل دم أسود لمدة يوم ونصف ثم ينقطع يوم ثم ينزل شيء لونه بني فاتح لمدة يوم وشوي ثم شيء اصفر ثم الطهارة وهكذا ثم بعد 15 يوم تأتي مرة أخرى 00
عزيزتي اذا ممكن تساعديني وتقولين لي اذا خلطتك تصلح لي وتخفف من أيام الدورة أي تقصرها وأنا راضية بما كتب لي ربي والحمد لله والشكر على كل حال ولكن قلت يمكن هذا مرض وسأبذل السبب كي أشفى منه باذن الله وأنا أنقهر اذا طولت معي في رمضان لأنها تقطعني عن الصلاة والصيام وأنا محتاجة لكل دقيقة في هذا الشهر الفضيل كي أعبد الله فيها 00
وكذلك أبسألك عن الملح الفارسي شكله مثل ملح الليمون ألا تعتقدين أنه حار على تلك المنطقة وهل جربتيه بنفسك يعني ما فيه مضاعفات وخصوصا زي ما قلت لك بخصوص العملية ما فيه خطورة
النظام الغذائي والادويه يصلح للعمليات القيصريه وانا جبت بقيصري واستخدمته وكل صديقاتي اللواتي انجبن بعمليات يستخدمن تقريبا نفس النظام مع الادويه وتوكلي على الله ولاتخافين ويعلم الله الذي لااله الا هو اني ما وضعت الا النظام اللي مفيد جدا ولا يضر طمع بدعواتكن ولعله من اسباب رضى الله عني
اما تأخر الدورة والتقطع هذا بسبب انك ماتنظفين زين من الدورة غير اكيد عندك لخبطه بالهرمونات ولكن سوي النظام واهم شيء راح اقولك على حاجه سويها قبل كل شيء اولا اول 3 ايام من الدورة اطحني (شبه سوداء+فنجان حلب) واخذي ملعقه صغيره على الريق مع كوب حليب وانا موضحه هذي الوصفه من قبل بأحد الردود مع الكميه وبنفس الوقت خذي الادويه السابقه وكثري المرة مع منقوعة العنزروت وان شاء الله اذا ما نظفتي بعد 9ايام فإنك باذن الله ستنظفين وتتعدل في الدورة القادمه ولا تيأسين استمري وراح تلاحظين ان الافرازات قلت اما الملح الفارسي لا يأختي مو زي ملح الحمض يختلف
وانا جربته ولكن اذا عندك التهابات لاتستخدمينه لحاله لازم معه المرة والمحلب وكوني على ثقه كل اللي حطيتها هي ادويتي انا وخواتي وخالاتي ونحن نستخدمها من قرون يعني طب متوارث.
سؤال: بالنسبة للسفوف في الايام الأخيرة من الدورة بس على الريق والا العصر مره ثانية (لا تقولين العصر بعد ) ماعليه على الاقل احسن من السفوف الاولاني ومنقوعة العنزروت لم اشربها وبصراحه لم استطيع ابدا مع اني اضفت لها السكر وشاي الاعشاب احطله سكر
ما عليه بعد ابي اسأل انا دورتي في العادة خمس اوست ايام ولكن هذه المرة اول ثلاث ايام نزل الله يعزش دم غزير وبعدين خف بسرعة لو اغتسلت اكمل باقي الايام على الادوية للايام الاخيرةللدورةمع العلم ان اليوم اول يوممن ايام الدورة الاخيرة مع العلم ان اول ما ياتني الدورة كان العصر وما حسبت هذا اليوم لأن كان شي بسيط يعني بديت ثاني يوم على انه اليوم الاول
السفوف لازم مرتين مرة الصبح ومرة العصر لازم عشان كل شيء يكون تمام اما منقوعة العنزروت ضروريه وحاولي تخففيها اذا ما تتحملين طعمها بس السكر معاها يشينها زياده كأنك تحطين مع الرز سكر اما شاي الاعشاب حليه بعسل طبيعي افضل اذا دورتك تغير وقته قل فهذا شيء زين يعني بدت تنظف وتتعدل واصبري لحد ما تتأكدين من مدتها الجديده بعد كذا ابدأي بتقسيمها الي نصفين متساويين واهم شيء احسبيها من اول يوم تنزل يعني على طول اذا نزلت ابدأي بالعلاج خذي شاي اعشاب وسفوف ومنقوعه عشان احسن لك.
سؤال: أنا خفت أستعمل أعشاب لأني ما أعرفهاوعن طريق ألأنترنت >>>>تخوف
الله يجزاك خير(طمنيني )أنا ليش خايفه ...لأن جسمي ضعيف هل ألأعشاب مالها تاثيرعلي ..لأن وزني 45 وقررت أستعملها لأن ألدورة متعبتي حيل ألألأم قبل ماتجي ولما تجي جسمي كله تعبان وظهري ماأحس فيه وبعدها بأسبوع تبدأ ألأفرازات،،وعلى فكرة أختي التوأم تعاني هي ألأخرى من الأفرازت..أعزك الله...
بالنسبه للالام استخدمي(مرة+حبة سمراء مع عسل) اول ماتنزل الدورة وراح تلاحظين ان الالم يخف لانه يمكن عندك سدد ولاتخافين توكلي على الله وكل الادويه الموجوده ان اخذتيها نفعتك وان تركتيها ماضرتك بأذن الله وامشي على النظام وانتي بتلاحظين الفرق وبتدعين لي.
سؤال: بالنسبة للآعشاب الي ذكرتيها انا جمعتها الشهر الي راح ولما جيت استخدمها هذا الشهر
لقيت فيها سوس ودود ابيض ماني عارفة كيف انظفها من الدود ارميها ولا ايش اسوي فيها
وانت فين تحفظيها في الدولاب ولا في الثلاجة
والله انا في منطقه باردة حتي بالصيف عشان كذا متتلف ادويتي ولا عمري حطيتها في الثلاجه الا منقوعة العنزروت اما المناطق الاخرى اللي فيها رطوبه الافضل حفظ الادويه في الثلاجه واذا السوس لعب فيها وانتي ماطحنتيها اذا ماعندك بديل غسليها واستخدميها اما اذا تقدرين تجيبين بديل كبيها.
منقول