|
اقتباس: |
|
|
|
|
المشاركة الأصلية كتبت بواسطة الميسم |
|
|
|
|
|
|
|
تصدق أنا أتذكر المواضيع اللي اعجبتني واتذكر بالضبط تفاصيلها وما أبالغ لو قلت لك هي كانت نبع المعلومة عندي
لأني للحين مستفيدة منها وكثير ما تجي في بالي إذا كنت بكتب معلومة أو حتى تغريدة تغص بالأسلوب الأدبي
أتذكر بداياتي هنا مثل الطفل اللي نقلوه من مدرسته لمدرسة جديدة وهو اصلا خواف وهادي مرره
يقضي يومه في تأمل ملامح الناس حوله وبس
بجد هذا احساسي كان اول ما سجلت هنا لأني جايه من منتدى كله بنات وهادي ولطيف والمشكله اول ماسجلت كنت ادخل قسم الحوادث تخيل
لا تقولي ليه لأني ماادري ليه كنت ادخله واقعد اقرا في هالحوادث واطلع مكتئبه واقول في نفسي وشذا المنتدى !
بعدين اكتشفت قسم الحوار دخلت على الصامت فترة طويلة بس اقرا واكلم نفسي يا انتقد هذا يا استغرب من هذي
كانت كل علامات التعجب قدامي بعدين قررت اطلع للأبد قلت وشذا المنتدى اللي كله هواش وما اخفيك استغربت وانصدمت من الجرأه على المشائخ والحكومة الزبده فيه مواضيع كان جسمي يكش منها وقلبي ينقبض
وفي لحظة كذا قلت أدخل اشوف وش آخر تطوراتهم دخلت وكأن الوضع اعجبني شوي يمكن قريت موضوع وكان مناسب لميولي وشاركت
المهم
أتذكر أول من اقتبس رد لي ومدح مشاركتي يووووووه بغيت اطير من الفرح موب عشان المدح لالا
عشاني حسيت انهم عرفوني هههههه حسيت اني صرت منهم وفيهم لاني اشوفهم يردون على بعض يعرفون بعض وانا غريبه حاسه بغربه اصلا
اللي اقتبست لي نسيت اسمها والله بس رمزيتها اتذكرها كانت عباره عن نخل وتمر يا الله اسمها يجي ويروح كانت اياامها معروفه ولكلامها اثر وهذا اللي فرحني زياده
وكنت ما ادري عن خاصية الاخفاء ومستغربه من العضو سامي 3000 تتذكره ؟.
كان يدخل ويشارك اجي اشوف مشاركته الاقي لمبته طافيه اقول بسم الله مسرع كتب وطلع ثواني اشوف له مشاركه ثانيه ونفس الشي لمبته طافيه
صرت اتخيله يمر مثل البرق احس بلون ازرق خاطف كذا اذا شفت له مشاركه عاد خيالي انا شاطح ههههههه
ولا عاد العضو هيو يوووه كنت اشيل هم لما اشوف له ردود على غيري لانه ينقد بشكل لاذع بس للأمانه هو أذكى عضو مر علي هنا
عشان كذا كنت اخاف يقتبس لي شي ولا حتى يقرب صوبي ولما قررت اكتب موضوع بعد صراع مع نفسي كتبته وقلت في اوله لحد يقولي شي واللي ينتقد يكون بأدب > أحسب الناس على كيفي
والصراحه اني كنت اقصد اكثر شي العضو هيو. المشكله انه اول من رد علي وصار اللي انا خايفه منه
أما اللي أتذكرهم مرره من خلال مواضيعهم وكانوا اعضاء جادين مره ولهم أثر بصراحه كبير
العضو أديب أهله > هالعضو الله يذكره بالخير متميز متفرد لايشبهه أحد بجد
والعضو جليل كانت مواضيعه كبيره تستحق القرآءة أكثر من مرة كنت أحب النقاش معه لأنه ليس سطحي لا يكتب مباشرة وانا احب هالنوعيه من الكتابات
وفيه برضو العضوه سورية اسمها قطرة ندى يا الله تعجبني مرره شخصيتها قويه ومتزنه كانت مشرفة وفيها فعلا الشخصيه القياديه
أما أول من عبّر مواضيعي وما انساه أبدًا العضو بندر الإيداء
أتذكر الموضوع اللي انقذه من الضياع كان موضوع مهم بالنسبة لي تعبت وانا اكتبه ومتحمسه مرره ومحد رد عليه وكاد أن يغرق في المجهول حتى انتشلته يد بندر الإيداء رد عليه الله يجزاه خير ومن بعد رده انهالت المشاركات يوووه حسيت بانتصار وقتها
سبحان الله بجد الواحد يتغير بدون ما يحس الحين لو اكتب موضوع ومحد يرد ما اظن بتكون مشاعري نفس الشي
اول كنت احلل واخمس واسدس واللي يسفه لي رد ولا مايعبر موضوعي يضيق صدري مره واقول ليه وماليه وابحث في التفاصيل
الحين أبدًا اللي يسفهني احطه على اقرب رف واللي يتجاوز ردي احط في بالي الف عذر ومبرر له وامشي وانساه
بس يظل للمكان هنا ذكريات جميله على اختلافها مرات اقول لو تم اغلاقه كيف سنطوي ذكراه !
عالق في ذاكرتنا وواقعنا يُنكره تمامًا بصراحه شي عجيب !
|
|
|
|
|
|
ههههه لو ما كتب في هذا الموضوع الا هذا الرد لكفاني
احب العفوية والصدق والبراءة التى كتبت بها هذا الرد الجميل جدا
اصدق وليش ما اصدق انت من الاعضاء القلائل اللي تحس انهم جاين عشان هدف معين ممكن يريح هنا او هنا بس هذه الاستراحة ماتثنيه عن تكمله هدفه
جليل اعرفه وكونت معه صداقة من خلال موضوعه والردود اللي اشارك بها في مواضيعه هو فعلا تحس انه جاي لهدف معين
بالمناسبة الكتاب اللي مثله اختفوا معه فجاة ممكن مابقي الا واحد اللي هو جراح لهم ذائقة محدده غالبا مشاركتهم ماتتخطى مواضيعها
هيو مالحقت ع المعرف هذا اظن جاء معرف بعده
لكن هو فعلا كما ذكرت ذكي جدا وظريف ولاذع
ما اذكر انه دخل معي في تراشق لفظي كان حاط حدود معي ومع كذا عضو ومركز ع اعضاء محددين
كنت بلاحظ هالاشياء بصراحه لكنه وان مزح او شاكس كان محترم في اسلوبه
سامي ٣٠٠ اذكره واعتقد ان له كذا معرف
خاصيه التخفي ههههه زمان كنت اهتم واخذها من باب مفاجئة العدو من حيث لا يحتسب تكتيكات حربيه يالله انك تعفي عنا ههههه
من ثالث معرف نسيت حتى كيف اعملها العضو بالفعل مع الوقت يفقد اهتمامه بكثير من الاشياء اللي يراها ف البداية مهمه
بندر انسان محترم كثير وانا احترمه ممكن مانتوافق في كثير اشياء لكن مستحيل اغلط عليه لانه محترم وعارف حدود نفسه
ومو غريبه منه وانا متاكد انها كانت قدعنه منه ...
اديب اهله مالحقت عليه
كثير اعضاء مالحقت عليهم اذكر ان الاعضاء يطروهنهم اللي منهم مات بعد واحد دايم يذكرونه ويتجدون عليه وانا مثل الطفل اللي يسمع له ناس كبار يمدحون لهم في رجال عاصرهم من الميتين
المنتديات كانت لها طنه ورنه مثل تويتر الحين انا جيت ع اخرها
سنتين وبعدها وراح بريقها اذكر مره داخل من مكتبي عاد شافني واحد داخل قال وش منتديات يالله لك الحمد وش تبي بها كلهم مباحث ولا رجال يسوون انفسهم حريم🤣