السلام عليكم
من تالي معد ادخل المنتدى لاني هونت منتديات وهونت نت من اصله
بس اليوم دخلت لقيت عبد الرحمن كاتب Alex1 في موضوعين
الجد والله استغربت :
المهم كان طلبك يا عبد الرحمن هي العاب العصور القديمة
وصدقني ما طلبت شيء من عيني اليمين قبل اليسار وراح احط افضل الالعاب الي قد لعبتهن
على حسب طلبك
(( وختمتهن ))
1_ Dynasty Warriors 5
الغلاف :
الافضل عندي وختمته بكل الاعبين الا 14 لاعب مهب لاني ما اقدر بس ما اطيق ذولي الاعبين
المهم الشريط تقدر تلعب باثنين وفيه عندك اكثر من 40 شخصية تقدر تلعب فيها
عدد الاعبين : 2 <<<< يعني فلها مع اخوانك
الرسوم والاصوات : مهب زينه او الممتازة لكنه ترضي الواحد يعني لاهيب فشالة وتحطم ولا
هي الي زينة مثل متل قير او غيره او مثل فاينل فانتزي
بس حلوة
تقدر تطور من اسلحتك والسلاح يتطور الى اربع تطورات ويتطور شكلا وقوة وخفة
فبعض الاسلحة مهب قوية لكنها خفيفة يعني اذا خصمك يالله يتحرك خذ لك اقوى واحد واثقل شيء
عشان تجيه سفه مهيب سهله واذا سريع وقصير خذ السلاح المتوسط او الضعيف بس سريع وخفيف وكذا يعني تقدر تقول لازم تنقي برواقة
وفيه تطور خامس سري وهذا التطور قد حطيته عنه موضوع هنا بقصيمي نت بس ما احد اعطاني وجه
ما يهم اذا كنت تحب التجوال والساحات الواسعة والحرية باللعب فهذا افضل شيء
اولا المراحل فيه كثيرة بس مشكلتها معيودة كثير وخاصة اذا لعبت باكثر من لاعب راح تطفش من المراحل ... لك حريت الذهاب والعودة يعني لو تتمشى تقعد ساعة تفر بساحة القتال والحصون عشان تكتشف كل شيء ويمكن تروح عنك اشياء
بس راح يعيقك طلبات القواد ففيه بعض الاوامر الي تطلب منك حماية احد القادة او قتل احد الاعداء
او الاحاق باحد الرؤساء قبل ما يحط رجله
وغيره من احلى المهمات ..
فيه اسهم وتقدر تستخدمها ومنجنيقات ولكن يطلبون منك بالاغلب تدميرها لمنع الخصم من خول الحصون حقتكم
والعكس صحيح تحميها عشان تكسرون جدران حصونهم وبعدها طحنهم
في خيول وفيله وهي ب 5 اننواع راح تلقاه بنفس الموضع حق السلاح الخامس سو بحث لاسمي
وشف المواضيع وان شاء الله تلقاه ااذا ما لقيته علمني وانا راح ادورها لك ( ولا يهمك اهم شيء رضاك
)
بالبداية راح تكون جندي او اقل
وما راح تكون بالقوة لاي بعدين راح تحصلها
بعد ما توصل وتقوي مقاتلك الي راح تختاره من الاربعين راح تكون قائد وراح يصير فيه من يحميك ويمشي وراك
الين بعدين تصير القائد او الرئيس فتقدر تعطي الاوامر __ هذا فقط بالجزء المطور من اللعبة __
الشريط ابداع اذا تبي تفكر تشري مثل هاذي النوعية من الالعاب اشتر هذي الاولى
الصور :
فيه زود
على هذا الرابط
http://www.gamespot.com/ps2/action/d...tag=images;all
--------------------------------------------------------------
2_ Samurai Warriors
الغلاف :
حليلة بس ابدا ما راح تجي بمثل دينستري ويورز
الشخصيات قليلة والمراحل اقل بس احسن شيء في الرسم والاصوات
يعني اهتمت الشركة بالجرافيك والاصوات وال Game Play اكثر من الشخصيات وادائها بالقصة
وغيره
تقدر تلعب اثنين
بس ما تونس زي دينستري ويرورز
ساموراي لها جزء ثاني زادوا كم لاعب وكثروا المراحل وحسنوا القصة والرسم اكثر
وكان فيها ميزة الشراء يعني تقدر تشري خيلك بفوسك و السلاح نفس الشيء
الخ
بس ماصل وما له داعي ولا شريته الصدق لاني ما طقت الاول عشان اشري الثاني
بس ختمت الاول و عرفت القصة ولعبت بكل الاعبين
اقوى واحد ابو احمر لانه هو الرئيسي
بس انا اختار الدب ابو مدفع في ظهر
الصور ::
كمل هنا
http://www.gamespot.com/ps2/action/s...tag=images;all
-----------------------------------------------------------------------------
3_
Dynasty Tactics 2
الغلاف:
والله اسطورة لا رسم ولا اصواتو ولا غيره
والنسبة 8.2
بس ما شريتها لانها استراتيجية يعني اذا تحب العاب الكمبيوتر الي تجي الصورة من فوق
خذ ذي
والرسم قوي وكل شيء بس المشكلة انا ما اطيق الي تجيك من فوق زي ايج اوف امباير لانها ساعات ماا خلصت مرحلة
يلعب 2 حسب موقع Game Spot
شف الصور واحكم
والباقي عنها
http://www.gamespot.com/ps2/strategy...tag=images;all
الباقي راح اكمله ان شاء الله بس هذي افضل الالعاب لطلبك
و الي نزلت الى الان
وان ننزل شيء جديد ان شاء الله راح احطه
اشوفك على خير