[كاتم العبره ...]

بسم الله الرحمن الرحيم


السلام عليكم ورحمة الله وبركاته

بادخل بالسالفة على طول وبدون اي مقدمات ...

خالي له صديق بالشغل ويتكلم هالصديق ويقول :

أنا أحب زوجتي وأموت فيها وهي موظفة وأنا أصرف على العيال وعالشغالة وعليها بعد مع أنها موظفة وعمري ما طلبت منها ولا هللة ومرة كريم معها واللي تطلبه أنفذه وبدون أي مقابل

المهم اني كنت أبني بيت جديد لها وعيالها ولما خلصنا كل شيء ما بقى غير التأثيث ووقتها خلص كل شيء معي ومرة مفلس وما أقدر أأثث ,, قلت لازم أتسلف من احد يعطيني , يقول فكرت أتسلف من صديق لي .. يقول بس قلت يعني زوجتي عندي وهي عندها مادة وببقى معها طول العمر وما راح تزعجني وتطلب مني أرده بسرعة لأنها عارفة اني ما أقدر .. وخاصة ان البيت مبني لها اهي ..

المهم يقول ما قدرت أكلمها مستحي مرة منها وشلون أطلب منها وذيك السنين كلها عمري ما مديت يدي على شي من حلالها .. المهم يقول وحاولت أغلب الحياء وكلمتها ..

يقول تدرون ايش ردت ؟؟؟

تخيلوا بنات وش قالت ... قاالت : ايش لو تحب نجوم السما ما تشم مني ولا ريال ..

يقول لما اسمعت هالكلام كأن أحد صافقني على وجهي ..

أبدا ما توقعت هالكلام يطلع منها بعد كل اللي سويته لها ,, يعني نادر اللي مثله وهذا ردها له ... معقووووله!!!!!

يقول أنا من القهر ما أدري شلون أرد لها...

المهم يقول دبرت لي فلوس وأثثت البيت .. ويقول ما أدري شلون أقهرها لو احرمها من الفلوس هي أصلا عندها ,, لو أطلقها بينا عيال وشغله وانا أحبها ما أقدر ..

يقول قلت ما في غير أعرس عليها .. يقول وأعرست عليها وجبتها لبيت الجديد وخليت الاولى ببيتها الاول ..

وش رايكم في البنات اللي زيها .. ينكرون النعمة ويقابلون الحسنة بالسيئة

ما ينعطون وجه .. الحين ربي أنعم عليها برجال نادر اللي زيه يحبها ويصرف عليها وهي موظفة ومع ذلك كذا تقابله ..

شين وقوة عين ..

ويش رايكم بانوعيه هذي من الحريم

أوجه المايك إليكم

سبحانك اللهم وبحمدك ، أشهد أن لا إله إلا أنت أستغفرك وأتوب إليك


منقول

مشاركة هذا الرد في Google Facebook Twitter Digg

أنت معجب بهذا.