22-02-05, 09:47 PM
|
|
سلامو عليكو ..
الحمدلله مطلعوش الجوازات ... نرجع نكمل موزعنا .
****
بعدما قال توفيق لمستغرب انه جايب عشاء عشنا .. اتشكر منه مستغرب وقال طب جيب العشاء علشان ناكل ..
قال توفيق : العشاء اللي انا جيبه طازج وقوموا علشان ننزل للحديقة ونطبخه ..
نزلنا للحديقة وقال لي توفيق روح ياهريدي جيب شوية حطب علشان نولع نار ونطبخ العشا ..
وكان توفيق جايب معاه زكر بط .. ولكن ايه .. انا في عمري ماشفتش زكر بط بالعافية دي .. ياصلاة النبي . سمين ومربرب واخر منجه .
جمعت كم عود حطب وولعت النار وذبحنا زكر البط . اسم الله عليه . يابوووووووووووووووووي اما زكر بط اخر خلاوة .
قلت لتوفيق / معلم توفيق ايه الحلاوة دي .. انت منين جبت زكر البط ده دنا عمري ماشفتش واحد بالعافية دي ..
قال توفيق / دحنا ياجدع في امريكا .. هنا كله مربرب واخر منجه ..
وشوينا زكر البط على النار وجلسنا نستنزره يستوي ع الاخر .
شوية وطل علينا المستر ( بيتر ) الخواجيه .. صاحب البيت .. وكأنه مش عاجبه اللي بنعمله .
قال مستغرب / اتفضل معنا يامستر بيتر ..
قرب مننا المستر بيتر واخذ يبص فينا وفي العشا اللي ع النار .. ولما شاف راس زكر البط اللي مرمي جنبنا ..
اخذ يقلب فيه . ويبص نحيتنا .. وحط ايديه على فمه مندهش وراح يقول / او نو ... نو .. نو .. او ماي قود .. نو نو ..
وقام وهو كأنه شاف واحد من ولاده هو المذبوح .. الله يخرب بيتك ياخواجه .. ايه الحنية دي كلها ..
وراح الخواجه يركض ناحية البيت .
قلت لتوفيق / هو ماله الجحش ده ..
قال توفيق / مايهمكش .. دول الخواجات كدا .. مايحبوش ذبح الحيوانات .. يعيني ع الحنية .. ماهم بذبحو فينا كل يوم .. اش معنى جت ع الحيوانات بس .. روح ربنا يهريك ..
جلسنا نضحك ونكمل حديثنا ونستنزر العشا يخلص ..
وشوية الا وجاي المستر بيتر ومعاه العيلة .. الولية الارشانه مراته .. وبنته اللي اسمها مادلين او حاجه زي كدا ..
وعلى طول راحوا ناحية راس زكر البط .. ولما شافته البت مادلين صرخت ورقعت بالصوت واعدت تقول / او ماي قود .. نو نو .. نو .. هيلب .. بليز .. نو نو .. وهب وطبت مغمى عليها ..
وصارت هيصة وزمبليطة .. وهات مية .. وصب على البنت .. وجرها ابوها للبيت ..
وكملنا القعدة اللي اخر تمام .. بس الصراحة ان لاحظت حاجة مش كويسة ..
الواد توفيق شارب خمرة .. ومديها .. ربنا يصلح حاله .. والناس هناك كله بيدها ع الاخر .. حتى الولايا .. ناس مخ مافيش .
شوية والعشا كان حيخلص ..
الا والعالم تطب ع الحديقة من كل مكان .. عساكر بالهبل وزي الرز ..
وكل واحد بيزعق باعلى صوته .. سلم نفسك .. سلم نفسك .. مافيش مقاومة والا حنضرب بالمليان .. ابايييييي ..
هو جرى ايه يارجاله ... وكلبشونا .. وعلى القسم ...
اتاري الموضوع ومافيه ...
ان الواد اللي ميتسماش توفيق الله يخرب بيته .. كان عاوز يعمل فيها حريص على رضى مستغرب .. وشافه مابيحبش اكل الامريكان ..
وفذاك اليوم كان الراجل سكران طينة ..
فراح وسرق زكر البط اللي بتربيه البنت مادلين ..<< والامريكان هناك بيحبوا الحيوانات ويربوها . ما انا قلتلكم زكر البط دى متربي كويس ومتربرب ع الاخر .. الله يرحمه ..
وعينك ماتشوف الا النور .. يوم بيحقق معنا مأمور الشرطة بنفسه .. ويوم المباحث ..
والدنيا قايمة وقاعدة .. ومنظمات حقوق الحيوان تحتج بشدة ..
وسين سؤال / ما الذي دفعك على جريمة قتل - مايك - زكر البط ..
وانا ارقع بالصوت ...
بررررررررررررررررررررررررري ياناس ...
التوقيع
|
- نشرة اخبار عز القوايل من تلفزيون كفر المعيز - غادرت بحفظ الله ورعايته هذا اليوم طائرة صاحب الفخامة المستر هريدي ابن ام هريدي ولد العمدة , الى عالمه الجديد ... حفظ الله ولد العمدة في حله وترحاله ...
|
|