الحمد الله مصروفي شهري ينزل بحسابي
واذا رحت للرياض لازم ابوي يعطني مبلغ يعني ميه ميتين مرات خمسين مو شرط بس غالبا يعطيني يقولي هذا عشاك
<< عارفتكم الحين تقولون عشان كذا دايم تروح للرياض اخبركم انتم تفكيركم مادي بحت 🤭
ولازم تجي ايام اقول ماعندي فلوس صدق مادري وين تروح الفلوس >> انا اتعجب من نفسي
لو يكون هاك الشهر مستفيده من مصروفي وشاريه فيه شي يسوي مايهمني عادي
بس الي اتعجب منه اذا طارت الفلوس وانا ماستفدت منها
المهم
بقول طريقه دايم اسويها مع ابوي
خاصه اذا وصلت لمرحله مامعي الا طفسه
يبقي معي 300 كذا اخذ اخواني الصغار اوديهم الملاهي
تخبرون الملاهي خساير ولا يشبعون <<< ومعروف اصلا ابوي بيعطيني فلوس طبعا الي بيعطيناها لى والطفسه الي معي بلعبهم فيها 👍
انا مضبطه اخواني علي كيفي ماحد يعصيني او ينشب لي بشي يعني لعبتين ثلاث وخلاص احمدا ربكم
واعشيهم وافرفر بهم بالمول الين يدوخون
واخر شي امر بهم لماك اشتري لهم ايسكريم ابو ريال 🙈<< هذا لاصرت بالرياض
وعندنا بالمجمعه ملاهي كل يوم اثنين وجمعه تكون بريال
اذا اهلى جو للديره معروف مطلعه اخواني مطلعتهم ❤ << الله لايخليني تخبرون التضحيات وحب الاخت
والله العبهم ب 40 ريال يوم كامل بلاااااااش اشبعهم لعب
<<<< وكل شوي اقولهم خلصتوا فلوسي خلاص هذي اخر لعبه 🤭
<< لازم يحسون باهميه الريال انه خلاص ترا الفلوس خلصت 😂😂
وارجع ولا اخلى ولا عذروب ماعذرب به فيهم
ازعجوني خسروني مايكفيهم هذولا شي
مايشبعون كل شي يبونه
<< ابوي عارفهم كل شي يبغونه بس انا اشهد انهم مايذوني بس من له حيله فليحتال
اذا قلت مره ثانيه بروح امشيهم يقول ترا بيوذونك <<. ياصاحب القلب الحنون حبيبي انت ❤ الله لايخليني 🙏🏼
اطق على صدري افاا عليك يابوي اذا مامشيتهم من امشي والله اني صادقه واستانس اذا طلعتهم وشفتهم مبسوطين << يعني نقول حج وقضيه حاجه
:
جامعي تصلح لك هالطريقه مع عيال مهجه فوادك الله لايخليك يارب