ــــــــــــــــــــــــــــــــــــــ
الساعه 3 الفجر
في فله مروان
كان الهدوووء يعم المكان
والكل نيام
وفجأه
عكر جو الهدوء
بكاء طفل جائع
صحيت حسناء
وعيونها يالله يالله تفتحهم
وقامت تتمايل
وفتحت النور
وطلت بوجهها على الطفل اللي
بادلها بإبتسامه
تمحو معاناه السهر
حسناء/يمه منك تعرف كيف تكسبني
وجلست تلاعبه وحطته على سريره
وراحت تمسح وجهها على/شان تصحصح
وهو رجع يبكي
حسناء راحت تسوي له حليب
كل شي مجهزاه بغرفتها
ثلاجه مويه حاره وقوارير مويه ورضاعتين احتياط وعلبه الحليب
بس من سوء
حظها
الحليب مخلص
والمويه الحاره كمان مخلصه
حسناء تتحلطم/ياربي والله كان في بالي بس سالفه رغد نستني
اخذت عبدالله
وطلعت
سحبت دراجته وحطته فيها وعطته كيس بسكويت يلعب فيه
سخنت المويه
وهي تدور على علبه الحليب
ياربي وين حاطته كانتري الزفته هاذي
وتخصرت للولد
/والحين وش اسوي ياحضره السمو؛؛
وعبدالله رايح فيها مالي البيت بضحكه وصراخه
وجلست تدور على نفسها وتطالع لفوق
واخيرن لقته فوق الدولاب
/ايه صح كانتري تخش الحليب عن مي ووسام لان عندهم عاده ياكلو الحليب وهي بودره
التفتت تبي شي تطلع عليه
شافت كرسي بلاستيك
اخذته
وطلعت فوقه وهي تكلم الولد
/شوف لو بيصير فيني شي
وتفركشت ماراح اسامحك
وهي تحاول تصل للحليب
/الله ياخذ هالكانتري رمته رمي
اففف والحين كيف اوصل له
وتمد يدها وترفع اقدامها لفووق
حتى تصل له
ووالكرسي مال
وخلاص بينكسر من الثقل اللي فوقه
وفجأه
(ياكثر المفاجآت في هالجزء خخخخ)
وفجأه انكسر الكرسي
وهي خلاص فقدت توازنها
وطااااااحت
آآآي
بس
لحظه
لحظه
ماطاحت على الارض
طاحت على حضن
واحد
والاآآي
طلعت نتيجه ارتطام
لاارتطام ولا حاجه بس دلع بنات
او امكن من الفجعه توقعت انها لازم تتألم
مروان مبتسم على شكلها وعلى الاآآآي اللي طلعت منها
كانت فاتحه عيونها على الاخير
وش صار
لاماطحت
بس مروان جا على صوت عبدالله
وفي اللحظه الاخيره
لحق علي
وقفها وسألها سؤال اب خايف على بنته
/وش قاعدين تسووون
صدق طالع عليك مررره مشاغبين انتو
حسناء طاح وجهها
ياربي وش متوقع مني اسوي
جالس يضحك علي هو وخشته
بدل مايشكرني
مروان واللي كان،،،،
لحظه هذا مروان مو معقوله
تغير
صار نحيف
وشعره طويل
وبرضو له لحيه
كان شعره واصل لكتوفه
ولابس ثوب
كان شكله جاي من بره
امممم
وانا وش دخلني
مروان بعد مالاعب ولده
ناظر لحسناء
/وش بغيتي من فوق
حسناء تطالعه
طاع هذا واخذ راحته الاخ
/ااا حليب ولدك خلص
وكانتري الخبله رمته فوق
مروان ناظر لفوق وشاف علبه الحليب
ومشى لناحيته
واخذه بكل سهوله
حسناء في نفسها/اففف الطول عز
ويعني مسوي نفسه اطول رجل في العالم يبي يغايضني
اسكتي بس الرجال ماقصر
مروان ناولها علبه الحليب
ومشى
وهو عند الباب التفت عليها
وقال /شوفي لاطلعت الشمس ابيك تكوني جاهزه
وبتردد /انا مسافر مع عمي وليد
وانتو روحو عند اخواني
نزل الخبر عليها مثل الصاعقه
ناظرته بعيون دامعه بارده
/وليش بتسافر
ومين لنا بعد مرام
وبعدها نزلت عيونها
/شكلي غلطانه لما حطيت في بالي
انك ماراح تتخلى عنا
مروان بعتب/
وش ذا الكلام
انا رايح مع عمي وكلها اسبوع
وبأبتسامه يطمنها/
واروح لامريكا
ادور خالد
اخوووك
حسناء انفرجت اساريرها
بسرعه انقلبت ملامحها وبكل طفوله
/صدق
طيب خذني معاك
ومتى الرحله
مروان يضحك عليها
/وين اخذك معاي
بصفتك ايش
رحلتنا الساعه 5
وطلع وهو يقول/ لو يسمعك وليدوه راح ياخذك ادري فيكم كلكم مخابيل
حسناء تناظره بإستغراب
/وش دخل وليد
وابتسمت على طاري ذكر اخوها
/ماعلي منكم انتو المخابيل
اهم شي يرجع اخوي عزوتي وسندي
وعبت الثلاجه مويه مغليه واخذت الحليب وتسحب دراجه عبود
وراحت لغرفتها
وهي افكار تعصف بها
على حياتها اللي جايه
ــــــــــــــــــــــــــــــــــــــ
اليوم الثاني
في مركز الشرطه
الساعه 6 الصباح
هادي جالس على مكتبه خلاص وصل لدرجه الجنون
البارح مرررر وهم مكثفين الدوريات والبحث عن ولد اخو ه وبدر مشو المدينه كلها بس بدون جدوى
وينه هذا
وين طس
الله ياخذه
وتنهد ياخوفي مسوي بالولد شي
اجاه الشرطي اللي اقل منه رتبه
الشرطي/سيدي الملازم السجين راشد ليوم بيرجع من العلاج وش تامرون حظرتكم
هادي وبعصبيه/الحين شايفني متفرغ لك
شوف لي الدوريات وش سوت الحين
وعلى صراخه
شويه /يالله لااشوف وجيهكم الا وانتو
مخلصين العمليه
الشرطي/حاضر
وضرب له تحيه
وطلع
هادي متضايق واللي زاده
تهديد اخوه له
هو مايلومه
بس كافي الخوف اللي فيه على ولد اخوه اللي بمثابه ولده
ماقدر يقعد اكثر
واخذ مسدسه
وطلع يشوف الموضوع بنفسه
,,,,,,,,,,,,,,,,,,,,,,,,,,,,,,,,,,,,,,,,,,,,,
ــــــــــــــــــــــــــــــــــــــــــــــــــ ـ
في مكان بعيد عن ابطالنا السابقين
في مقرهم الرئيسي
الخبر ابطال جدد وبانت الصوره
وتحديدا
في فيلا متعب اخو وليد وابو فهد( يوسف)
الجد(ناصر التاج) الجده(فتون)واحب نناديها بالجده
متعب ابو بندر 68
الاخ الاكبر
ومشاعل الاخت الصغرى 25سنه
مدرسه
زوجه متعب متوفيه
بندر ولد متعب البكر 36 زوج ضي
فراس 27مدرس
احمد لسه يدرس بالجامعه22سنه
العنود تدرس بالجامعه20سنه
هدى 18اثنويه عامه علمي
الساعه 2 الظهر
ضي ترتب طاوله الاكل وتنادي على اللي في البيت تخبرهم ان الاكل جاهز /الغداء
والكل التم على الطاوله
ضي /ولا واحد بيجلس قبل جدي وجدتي
احمد/ضيييي كل يوم على هالحاله
ضي تأشر بيدها نووو ويييي استنو
هدى الدبدوبه/مامخربتني الا طباخ ضي
سهى/خلي عندك قناعه الا وتقومي اخر الناس
جا جدهم وجدتهم
وجلسو
وماصدقو الباقي جلسو استلمو الصحون بيمرروها بينهم
وبندر وفراس توهم واصلين
بندر/حشى داخلين ملجأ
الجده بعتب /قول لااله الا الله
فراس اللي طوالي مشى لجهه الطاوله
واخذ له صحن و ملاه رز ودجاج وادام
وراح ياكل بعيد عنهم شوي
وبندر جلس جمب زوجته ضي /بس لو يوم تعطيني حقي في الانتظار مثل مانتي معطيه جدي وجدتي والله ظلم
سهام/لايابابا اسمح لي جدي وجدتي دوم في البيت وانت يالله تتغدى معنا اسبوع
مستحيل تكونو بنفس الحب
ضي تجامله على شان بناتها/فديته كل القلب له
امل لسهام/ لايكثر هرجك
دايمن مقفوطه
سهام/عساك اللجدري
ياملقوفه
دخلت عمتهم مشاعل تأفف/وش هالقرف حرررر ياربي من هالحر
وراحت تنزل عليها المكيف
الجده/يما مشاعل ماتتركي هالعاده لاجاتك الانفلونزا لاتناديني
مشاعل تفسخ عباتها /والله يمه حررر انسلخ جلدي
العنود/تعالي عموه لاايفوتج الجبسه
هدى /ياشين اللي يقلد تراك لوعتي
احم حومتي كبودنا
العنود /اقول اسكتي واكرمينا بسكاتك
بندر/ها وش ذا من متى وانا اقول
/ويرفع صوته ويعيدها/وااانا اقول
لاجا وقت الاكل لاتتهاوشون
الكل ترك الملاعق وصفق لبندر وصفر
على كلامه
اللي خلا بندر يقوم وينحني لهم وهو يقول /شكرا شكرا
ويأشر بيده لا داعي لاداعي
استريحو
الجد يحرك راسه /العقل متبري منهم
وفراس مطنشهم
ومشاعل تضحك عليهم
ــــــــــــــــــــــــــــــــــــــــــــــــــ ــ
اكيد مستغربين ليش ضي ماتتغطى عن
اخوان زوجها
ضي الوحيده اللي تربت عند جدودها
بين عيال عمها متعب واللي متعودين عليها زي اختهم
ماعدا بندر اللي كان حياته كلها بره
ولما شافها اعجب بها وتزوجها ونقل كل شغله للديره
برضو نبذه عن الفيلا
مقسومه لجهتين
يعني زي فلتين مطله على صاله واحده اللي يشوفه من بره كانه بيت واحد بس من جوه مقسومه الجهه اليسرى الفوقانيه لبندر وزوجته والدور الارضي لاخوانه والجهه الثانيه لجدهم واعمامه بس الحين فضى عليهم فأكثر جلسه الجد والجده عند عيال متعب
ــــــــــــــــــــــــــــــــــــــــــــــــــ ــــ
الجد والجده جالسين وحواليهم احفادهم
فراس يناظر اخوه بندر/اجل متى موعد رحله عمي وليد
بندر بلا مبالاه/والله الحين امكن بالفندق يريحو بس باليل اكيد بيجون
احمد/والله لو جو هنا اكان احسن ليش الفندق
جدهم /وانت الصادق ليش فندق وبيت ابوه موجود
فراس/ياجدي معاه رفيقه الاماراتي امكن رافض
جدهم/ضاري ولدنا مهب غريب
بندر/مستحي خجول اي شي مشه له
جدهم /بنيه يستحي لالا هالكلام مايمشي معي
لاجا العصر معي كلام ثاني معهم
جدتهم ماترضى على وليد/لاجا العصر يصير خير عين من الله خييير
خلهم على راحتهم
جدهم/راحتهم في بيتي وشو له الخساير
بندر/ماعليك من عمي مو جديد عليه
فراس يناظر في اخوه ويحرك له راسه لاتعميها ويطيح فيها عمك
بندر مسوي نفسه يغير السالفه/الا مروان ليش جا معاه اعتقد خلا له الجو وبيرد الشقرا
جدتهم/ليش جا معاه
نشمي يبي يسلم على جدته مو مثل بعض ناس في البيت ومانشوف خششهم خير شر
وخل عنك الكلام الماسخ
فراس حط يده على وجهه يعني هالبندر على كبره دلخ
يحب المجاكر والمصايب
احمد/
تصدق هالمروان وراه سالفه وكايده بعد
بندر ركز على احمد
/زي ايش كايده
انه يدور ورى هالجولييت ويجيب ولده
والا يرد لسمومه
صدمممممه
ليش يابندر صدق فراس انك دلخخخ
فراس يتلفت خايف تكون ضي موجوده وسمعته
وتكلم مع اخوه بكل حزم
/يابندر مايصير هالكلام
تراه ولد عمك والشماته مهيب زينه
وانت يااحمد اترك عنك شغل المحقق كونان بتودونا في داهيه
الجده واللي كانت بعد تتلفت خايفه لاتكون ضي قريبه
/بندر وسمخ
لو اسمع هالكلام مره ثانيه لاني جدتك ولاتقرب مني سمعت
وقامت زعلانه
ولحقها الجد يراضيها مايقدر على زعلها خخخ
فراس ومركز نظره على بندر /يعني انت وبعدين معك لاتحترم احد وكلامك محد يتقبله خلك رزين واترك عنك المخفه الزايده تراك كبرت عن المشاكل
اعقل
بندر وماعجبه كلام اخوه
/انا ماقلت شي غلط
كلمه الحق تزعل
فراس/ايه تزعل واكد له
/وتزعل ناس غالين عليك
احفظ لسانك لاتجيب لنا مصيبه
من ورى لسانك
بندر/اصلن اولاد عمي يوسف كلهم فاشلين من فهيد حتى طروق
هالمره الرد جاه
من ضي
اللي بادرته بتصفيق على كلامه
/دام انهم فاشلين
وشو له المجامله
خلك على طبيعتك
بندر اللي تفاجأ بوجودها اصلن مو معطي احد اي اعتبار/زله لسان ماكنت اقصد
ضي /زله لسان اليوم كله وانت طايح فيهم وجاي تقول زله لسان
بندر زي العاده ماعرف يبرر لها
وضي بسرعه راحت لجناحها
ولحقها بندر
فراس مسح على وجهه بيده وهو يكلم احمد /اخوك هذا بيرفع الضغط وبيجيب العيد
احمد/بندر لامبالي اخاف اكون مثله
دوم تشبهوني به
والله اوقات مزحه يعجبني واوقات ملاقته اكره التشبهه به
فراس قام عنه وطنشه
لا اليوم العايله فيها شي
ــــــــــــــــــــــــــــــــــــــــــــــــــ ــــ
فوق عند البنات
مشاعل حبت ترتاح عند بنات اخوها
وكمان كان عندهم بنات بندر
مشاعل بضيق/وليش انشالله امس روحت من عندكم ليش ماعندها بيت لاتنسين البيت مشترك نبي ناخذ راحتنا حتى ابوك مايجوز تتكشف عنده وش ذا
العنود ماعجبها رد عمتها/ليش لازم مناسبه خليها تيجي توسع صدرها
هدى /ايوا مسكينه ماعندها احد فديت خالتي ماتستغني عنا
سهى تلمح لها/عندها خالتك ريم
مال امها داعي جيتها وبالذات اليله
سهام/عادي وش فيه
العنود /انا مااشوف ان فيها شي عاد لاتقلبون وتفسرون كل شي على كيفكم
ولاتنسون انها خالتي
وقامت طلعت بره
هدى/يالله اسئذن بنام ورانا ليله وسهرتنا صباحي
سهى /نوم العوافي
مشاعل انسدحت على الكنبايه وحطت يدها على وجهها
تفكر في نوف اللي حاطه عينها من وليد
وتفكر بحالها امكن هي حالها حال نوف اللي تحبه مايدري عن هوى دارها
ــــــــــــــــــــــــــــــــــــــــــــــــــ
في نفس الديره
في بيت نوف
كانت نوف في غرفتها متشققه
اليله بشوفه
وتنهدت آآآه والله ولك وحشه ولودي
وجلست تنثر الملابس تبي تتنقى اشيكها اليله عندها عيد
وفجأه دق الباب
نوف /ميييين
ريم/انا افتحي لي الباب
نوف بكره/وليش جايه انشالله
ريم/ابارك لك على
عريس الغفله
نوف فتحت الباب والشرر تطاير من عيونها
/وعمى انشاءالله
اقولك روحي دام النفس عليك طيبه ماني متفرغتلك
يالله
ريم /على هونك لاينطر لك عرق
وطلعت تجر كرسيها المتحرك بعجلات
ورجعت تناظر اختها من فوق لتحت
ونوف طبقت الباب في وجهها
نبذه
عائله نوف
ابوها متوفي
امها عايشه عجوز جبيره مثل بنتها ومايحبون الخير لحد رجل في الدنيا ورجل بالقبر
نوره زوجه متعب متوفيه 40
ثامر وسبق التعرف عليه37
عايش بجده
عبد الرحمن عليه جماااال يخقق 22سنه
بس هو وريم وقع عليهم حادث وهما رادين من المدرسه اخوها عمي وهي انشلت
ريم 20سنه
نوف 24سنه
في الصاله
كانت امهم تكلم بالتلفون جارتها
بتروح تتقهوى قهوه العصر عندها
ريم جت وقربت كرسيها من اخوها عبد الرحمن ومسكت يده تبيه يعرف انها جنبه
عبد الرحمن/هلا بريومه وين طسيتي
ريم/عند المسعده نوف
عبدالرحمن /لاتتعبي نفسك بتمل
وبتتعب
ريم بتنهيده /الله يهديها
امهم قفلت تناظرهم بعيون غضبانه
/وانتو ماتقدرو تمسكو انفسكم الا وتتكلمون سمعتكم ام سعيد وسألتني عنكم
وقامت بتروح,وهي تتحلطم,اليوم وش يفكني منها الا وتسأل عن عيالي
انا وش سويت حتى عيالي يجلسون عندي معاقين
(شرييييره)
ريم تناظر اخوها بأسى
هي عادي تسمع تتحمل بسسس اخوها رجال صعب الواحد يشوف نفسه عاله على احد وهالواحد كل شويه يتذمر منه
ابتسم عبد الرحمن يبي يطمن اخته
ماعلينا امنا لازم نصبر وحتى هي تعبت معانا
ريم /اكيد وبتغير السالفه
الا وش اخبار الشعر معاك
عبد الرحن كشر
/شعر
من زمان عن الشعر
ريم /لا موهبتك هاذي لاتهملها وحاول تساعد نفسك في تطويرها
عبد الرحمن بحزن
/وكيف انشالله اطورها
ريم بفخر
/انت قول وانا اكتب وطبعا اسمع على شان اقيمك
عبد الرحمن/من جدك ادري فيك ماتحبين المزح
خلي عنك المزح ابيك بسالفه
ريم /وشو
عبد الرحمن /بسافر
جده وابيك معاي ثامر اتصل فيني قبل اسبوع وقالي بيتكفل بعلاجنا هوا
خلينا نروح له قبل لايهون تدرين فيه عنده حكمه كلام اليل يمحوه النهار
وماشي عليها
ريم /بس من بيودينا انت ماتشوف
وانا ماامشي
عبد الرحمن /لاتنسي بيروح,معنا فراس وانا بكلمه
ريم/ يصير خير عاد لا تكبرها في مخي والله بتعب
عبد الرحمن/لاتخافي بس خلي كل شي بالسياسه
ريم/اوكي
ــــــــــــــــــــــــــــــــــــــــــــــــــ
في جده
في فله يوسف التاج
طارق سوى اللي براسه وكل شي جاهز هوا كان يدري بسفر اخوه واكيد حسناء بتيجي هنا
وسمع اخته فين بتحطها
وتكتك لكل شي على الصامت
وحط كاميرا في الغرفه
اللي بتجلس فيها حسناء
/
/
شغل الشاشه اللي تلتقط صوره مكبره للغرفه اللي فيها حسناء
بس الغرفه فاضيه
ابتسم ابتسامه خبث
ماعلينا الايام جايه ليش العجله في التأني السلامه
واخذ مفتاحه بيطلع لصديقه
الامتحانات قربت وهو ولاشي عنده
يبي يعرف اسماء الكتب بيشتريها لازم اجتهد في الفصل هذا مايكفي الانذارين اللي اعطوني (امحق دكتووور)
والله بتشمتون فيني اخواني
وطلع يصفر ويدندن
تحت في الصاله
زي العاده لما تكون عندهم حسناء
ملتمين على عبدالله اللي صار يتحرك بالدراجه وهما وراه
عيال فهد
وعماتهم
وحسناء تضحك عليهم
ورحمه كمان موجوده
رحمه/ماشالله عليكي ياحسناء صحته مره حلوه طلعتي قدها
حسناء
/ولو ذول عيال الغاليه لمتنا كلنا في بيتها اجت على عبودي لو انحرم من النوم ماسبته يجوع او يبكي
عسسسل على قلبي
رحمه/الله يخليكي لهم
ام فهد/خلاص الحين بتجلس هنا راح تنتهي معناتها
حسناء في نفسها/بلاك ماعرفتي ان جلوسي هنا اكبر معاناه تحصل لي الله يستر
وانا الكاتبه اقولك(بلاااااك ماتعرفين وش نوى لك طارق)
////,,,,,,,,/////,,,,,,,,, ////
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
في بيت رغد
الهم والحزن والبكاء
خيم على البيت
بعد غياب هيثم ولد اخوها
اخوها هادي معد يجي للبيت
وحسن كل شويه يجي له لبيت ومايحصله
وكم مرات يروح له مقر عمله
ويهزء فيه ويحرجه
بس لاتلومونه ولده
وامه فاتن طايحه في المستشفى نايمه على المهدئات وكل ماصحت تصرخ وتنادي على ولدها......
رغد في الصاله توها مقفله التلفون والمتصله كانت حسناء
وخبرتها انه لاجديد والولد له يومين
واكيد انه انتهى
راحت تدور امها
لقتها في الحوش جالسه وعقلها مو معها
رغد واللي خايفه على امها
امها راعيه سكر وضغط واي حاجه تأثر عليها
جلست رغد جمبها ساكته
وتنهدت /يماه مايصير هادي خوي يترك البيت له يومين لانوم ولاراحه
والله حرام
ام حسن/هو مارضى يجي البيت من طارده
تدرين بأخوك ضميره مايرتاح حتى ينجز اللي عليه
رغد/بس يمه هوا شاك في وااحد
وش دراه امكن واحد ثاني
ام حسن /لايمه احمد اخوك اكد له
برقم لوحه السياره
رغد/آآآآه الله يحفضك ياهيثم وين ماكنت
وفجأه دخل حسن معاه العيال
وكانه كبر ثلاثين سنه في هاليومين
عبد اللطيف/فين عمو احمد
رغد /جوا يلعب بلايستيشن
وراحو له
حسن سلم
وجلس
امه/وش اخبار زوجتك
حسن/الحمدلله اليوم روحت ووديتها بيت اهلها
رغد فرحانه /جد والله
وتنهدت الحمد لله
عقبال تفرح بجيه هيثم
حسن /الحمد لله على كل حال
رغد/ وهادي وش سوى
حسن طنشها
وامها تأشررر لها
اسكتي
بس رغد رجعت وسألته/ليش ياخوي
تلوم هادي
وش غلطته ها
هو اللي قاله اخطف ولد اخوي
يعني عاجبك النفسيه اللي احنا فيها
هادي مايرد للبيت
وانت دوم تهاوش
قاطعها حسن بحده/رغد اقطعي الكلام دام النفس عليك طيبه
رغد انفجرت تبكي ودخلت جوه
البيت
امه/اعصابك ياولدي
هونها بتهون
حسن وخلاص وصل حده/كيف اهونها يمه
عاجبك حالي
هيثم ولد ست سنين وش يصبره على اللي هوا فيه
مدري وينه حي والا ميت
واكل والا جوعان
ساكت والا يبكي وخايف
وتهدج صوته
يمه انا تعبان ابي ولدي
حتى لو كان جثه
على الاقل اشوفه والله صعب صعب اللي تطلبونه
امه تتسمع لولدها وتبكي
معاه تبكي حاله وحال ولده المخطوف