|
اقتباس: |
|
|
|
|
المشاركة الأصلية كتبت بواسطة الميسم |
|
|
|
|
|
|
|
يؤذيني من يسب الرياض
بتقولي وش دخل ووش العلاقة هذي مدينة وأنت إنسانة
وأقولك
كل ما أنتمي له ويحتل جزءً من روحي وقلبي أيًا كان
يؤذيني ما يتعرض له !
المهم ..
الرياض مو كلن يحبها لأنها مش المدينة الواضحة اللي تسير على وتيرة واحدة
لالا الرياض لها ناسها اللي تفهمها وثق ثقة تاامة إنها إذا حبتها فيه سر في محبتها
يجهله من يجهله ويعلمه من يعلمه
وعلى فكرة
ترى اللي ما يمدح أهل الرياض معناته يسب شعب بأكمله
لان الرياض فيها من كل مناطق المملكة وهم الأغلب أهل الرياض الحقيقين اختفوا بين هالاعداد المهولة من المقيمين فيها
لكن لا تربطهم فيها صلة إلا عمل أو دراسة أو أي سبب سوى أنهم يكونون من أهلها
لو تجي في أي مكان فيها راح تلاقي الجنوبي والشمالي والقصيمي والحجازي مجتمعين مع بعض
،
،
على طاري التنقلات والرحلات
هالسنة وبما أنه مافيه سفر لاحظت اشياء اكيد غيري لاحظها
لاحظت انه قام عز أماكن ما كانت الناس تحبها ولا تجيب خبرها
قام عز الحدايق اللي أول الناس تتكبر عليها ولو قلنا وش رايكم نروح للحديقه يضحكون ويتطنزون ويقولون ويين سوادنه نروح للحديقه
وبرضو قام عز القرى والمحافظات وصاروا يشاركون في الرحلات اللي مخصصه لها تشارك معاهم وتروح تشوف التراث تاخذ لك لفه على كذا قرية
هذا غير الشرقية اللي الناس نفضت عن ذكراها الغبار ههههههههه وصارت المصيف وبعد في الشتا الناس رايحه جايه عليها
حتى الشمال هالسنه قام عزه اخوي توه جاي من الشمال ويمدحها مرررره لدرجة اني اشتقت اشوفها
يعني عندنا ثروات وعندنا اماكن تستاهل من يتعنا لها بس ما كنا نشوفها ولانعترف فيها
جا كورونا وقال دياركم انتم اولى فيها ههههه
احنا هالسنه اخذناها جولة رحنا للقرى اللي حول الرياض
رحنا لسدير وشفنا القرية التراثية فيها جميلة جدًا بعدين ميلنا على شقراء وكملنا فيها شفنا مناطق اثرية بصراحه حلوه
حسيت الزمن فعلًا رجع كل شي اثري وقديم حتى ناسها تحسهم قديمين مدري ليه
أنا لو اقدر اخذتها رحلة لكل مناطق المملكة ابدا بمكة وجدة والمدينة واروح للشمال بعدين انزل للشرقية وودي مره بعد اشوف حايل
هالمدينة حبيتها وانا ماشفتها واهلها بعد ينحبون مايجي طاري حايلي إلا وينمدحون
الزبدة ..
لا خلا ولا عدم من هالبلد 💚
|
|
|
|
|
|
سووادنه ههههه
حنا نقول مصاريه ولا سورن😁
بس جد هم اللي فاهمين الحياة صح لذلك انا انصح باتباع اسلوب عيشهم
بالنسبة لك اشوف محبتك من النوع المتطرف وهذا حلو للمحبوب
انا المدينة اللي ولدت فيها مع انها ...
لكن مع هذا اتمنى لو لي بيت في حايل مثلا ومعي اهلي
المدن المزدحه ماعاد تستهويني ابدا
ممكن انت حالمة بزيادة يلا مو مشكله حبي بالطول والعرض مصيرك تعرفي يخبت مع مرور الزمن
صح الرياض مثل جدة من كل جنس تشوف
اساسا كل مكان فيه الكويس والمش كويس
واللي يطلق احكام جمعية انسان جاهل
هذا من فوائد الحظر الداخلي انك شفتي اماكن ماكنت تهتمي لها
انا نفسي سنين اقول بروح الشرقية وماسنحت لي الفرصه الا هذي السنه .