[فيصل الشريف]

عنونت هذه القصيدة بـ( حفلة نهايتنا )

لكن الكثير من الأصدقاء يطلقون عليها؛ قصيدة منى


كل ما أتمناه

أن تحوز على رضاكم وتنال إعجابكم


،

،

فـ الليل أقول بتنفرج بكرة وكل شي بـ يزين=ولا جاء النهار أرخت علي سود الهموم ذيولها
حبيبتي جيتك ولا في قلبي ألا كلمتين=لا من بغيت أقولها عندك عجزت أقولها
أخطيتي بحقي خطأ، ولا كأنا مسلمين=وشلون ترضى نفسي أخطاءك وتنسى هولها
ممكن أسامح غلطتك لو كان عذرك لي سمين=لكن وعودك مثل حاجة ما أعرف مدلولها
أنا ومهما صار ما لي غير أقول: (الله يعين)!=بس الأماني يا منى تشكي على مسؤولها
غديت أعيش بحيرة وروحي تجرّحها السنين=لا تسأليني عن علاقتنا ورأيي حولها
شوفي عيوني، حسي بقلبي؛ بعدها تعرفين=من كان سهران الليالي ما يهمّه طولها
أضحك ودمعي ينحدر . . أفرح ولو قلبي حزين=ما أبي أقول الكلمتين اللي بغيت أقولها
ما عاد أظن بتنفرج بكرة ولا شي بـ يزين=ما دامها ترخي علي سود الهموم ذيولها
عيشي حياتك يا منى . . خليني ولو ما تبين=حفلة نهايتنا أحسه حان دق طبولها

.

مشاركة هذا الرد في Google Facebook Twitter Digg

أنت معجب بهذا.