26-08-23, 12:53 PM
|
|
|
رد: .. يببي لي ألف عمر وعمر لجل أنساك .. ( إهــــداءاتكــــم القلــبــيـه ) ..
..
لو إن نفسي ماتحب الاتّعاض
ماضاع من وقفاتها جعله فدا
احس في كتمة ونغزه وانقباض
واحس مايوجد على الدنيا ، عدا:
الضيقة اللي دروبها طوال وعراض
ياليت ماللصبر حد ولا مدا
ماعشتها على سبيل الافتراض
الزمتها يما عشا والا غدا
فـ الصدر تنهيدة وفـ القلب امتعاض
ولا ارتاح لي خاطر ، ولاراسي هدا
ودي على سجه لحالي بالفياض
اللي غصون اشجارها كله ندا
عن كل طاري اللهم لا اعتراض
لاطال صمت الليل والهاجس بدا
..
|